…………
…………
باھاردىكى بىر دەستە گۈل مەن
ئايشەمگۈل زارى
باغرىم مىسال ياپيېشىل كۆكلەم،
ئاق نىيىتى، چىنلىقى بىلەن.
تەبىئەتتىن رەڭلەنگەن كۈلكەم،
باھاردىكى بىر دەستە گۈل مەن.
سەھەرلەرنى سۆيىمەن باشقا،
مەغرۇر بېقىپ نۇرلۇق قۇياشقا.
جان تەسەددۇق دوستقا-قاياشقا.
باھاردىكى بىر دەستە گۈل مەن.
بەرگىم سۆيگۈ، ھىدلىرىم سۆيگۈ،
مېھرىم چاچقۇ ياخشىغا مەڭگۈ.
تىلەكلىرىم شۇ قەدەر ئىزگۈ،
باھاردىكى بىر دەستە گۈل مەن.
سۆيگۈچىمەن، سۆيۈلگۈچىمەن.
يارەنلەرگە بارىمنى بەرگەن.
قەلبىم كۆيەر بىر لاۋا بىلەن،
باھاردىكى بىر دەستە گۈل مەن.
تارىم ژۇرنىلى سالوندىن ئېلىندى
ئاستىدىكى ئىنكاس رايۇنىدا كۆرىشەيلى . سۆز قالدۇرۇشنى ئۇنتۇپ قالماڭ