…………
…………
پەسىللەردىكى سەن
ئەسئەت ئەخەت
سەن باھار بولساڭ
سەھەرنىڭ قىزارغان ئەينىكىدە
يەسمەنگۈلنىڭ ھەر بىر بەرگىدە
سېنى سۆيىمەن.
سەن ياز بولساڭ
تېنىمدىكى قۇياش تەپتىدە
كەچكى شامالنىڭ سەلكىن ئۈنىدە
سېنى سۆيىمەن.
سەن كۈز بولساڭ
كوچىلارنىڭ مىسكىنلىكىدە
غازاڭلارنىڭ سۇلغۇن رەڭگىدە
سېنى سۆيىمەن.
سەن قىش بولساڭ
ئايدىڭدىكى خىلۋەت رەستىدە
قارنىڭ غىچىرلىغان ئاۋازى ئىچىدە
سېنى سۆيىمەن.
تارىم ژۇرنىلى سالوندىن ئېلىندى
ئاستىدىكى ئىنكاس رايۇنىدا كۆرىشەيلى . سۆز قالدۇرۇشنى ئۇنتۇپ قالماڭ