ئاياللار بايرىمىڭلارغا مۇبارەك بولسۇن

 ئايال سەن ئۆزۈڭنى ، ئايا .

 ئايالسەن دۇنيانىڭ پارلاق قۇياشى .

 ئايال سەن پەرزەنتنىڭ سونماس قاناتى 

 يەنە سەن بىر ئەرنىڭ جۈپتى قاياشى  

 پاسىبان ئايال سەن ئۆزۈڭنى ئايا

 يىقىلساڭ پاتىدۇ ئۆيۈڭنىڭ كۈنى .

  خورلۇقتا پەرزەنتىڭ ئۆچىدۇ ئۈنى .

ئۆلمەيدۇ  چىقىدۇ يولدىشىڭ جېنى  .

ئەزىزىم  ئايال سەن ئۆزۈڭنى ئايا  

 ئايالسىز يانمايدۇ ئۆينىڭ چىرىغى 

 ئايالسىز نەدىكەن مىللەت كەلگۈسى 

 ئايالسىز كېلەرمۇ  ئەرنىڭ كۈلكىسى .

 جانىجان ئايال سەن ئۆزۈڭنى ئايا 

قىلىسەن ئۆي ئۈچۈن ئۆزۈڭنى پىدا .

 بالا دەپ بولىسەن جېنىڭدىن جۇدا  .

  ئەزىز دەپ بىلىسەن ئېرىڭنى ئوردا .

  پىداكار ئايال سەن ئۆزۈڭنى ئايان .

  بىباھا گۆھەر سەن ئاتا ئاناڭغا ؟

  تېپىلماس جانان ، سەن قېرىندىشىڭغا ؟

يىگانەبىر گۈلسەن دوست يارەن ئارا .

  قەدىرلىك ئايال ، سەن ئۆزۈڭنى ئايا .

  بار نۇرغۇن ۋەزىپەڭ قىسقا ھاياتتا .

  بولۇشۇڭ كېرەكتۇر سەن ئۇلۇغ ئانا .

  قىلشىڭ كېرەكتۇر ئەھدىڭنى ئادا .

  جاپاكەش ئايال سەن ئۆزۈڭنى ئايا .

 كۈلۈڭلار ئاسماننىڭ ئاي يۇلتۇزلىرى .

چىمەنزار باغلارنىڭ سەرخىل گۈللىرى .

 كۆكلىسۇن  ھاياتنىڭ زوقمەنالىرى .

  گۈزىلىم ئايال سەن ئۆزۈڭنى ئايا .