ئاددى ياشىسىڭىزمۇ ئۆزىڭىز بولۇپ ياشاڭ

رەيھان يازمىلىرى

‏كەڭ قورساقلىقنى، ھۆرمەت بەرگەننى دۆتلۈك، خۇش مۇئامىلىنى ئىگىلگەنلىك دەپ چۈشىنىۋىلىپ ئۆزىچە ئېشىۋالىدىغانلارنى كۆرسەم ھەيران قالمايدىغان بولدۇم.

‏چۈنكى، ھايات ماڭا شۇنى ئۈگەتتىكى:

‏گۈزەل نەرسىلەرنى ھېس قىلىش ئۈچۈن ئوخشاش دەرىجىدىكى گۈزەل قەلب كېرەك! 

ھۆرمەت، قەدىر-قىممەت تۇيغۇسى ئۆز-ئارا بولىدۇ.

ئىززەت-ھۆرمىتىڭىز ئۆزىنى تاپالمىغان ھەر قانداق يەردە ئۆزىڭىزنى قويماڭ.

ئىززەت-ھۆرمىتىڭىزنى كۆرەلمىگەن ھەر قانداق ئادەمدىن ئۆزىڭىزنى تارتىڭ، 

 قىممىتىڭىزنى بىلمىگەنلەرگە بىر دەقىقىمۇ ئىسراپ قىلىش ھاجەتسىز.

‏ئېسىل كىيىمنى دوراپ كىيىۋالغىلى  بولىدۇ ، بىراق ئېسىل ياشاشنى دورىۋالغىلى بولمايدۇ.

گۈزەل سۆزلەرنى كۆچۈرۈپ يېزىۋالغىلى بولىدۇ،

بىراق، گۈزەل ھېسلارنى، گۈزەل قەلىبنى ، چۇڭقۇر تەپەككۇرنى كۆچۈرىۋالغىلى بولمايدۇ.

ئاددى ياشىسىڭىزمۇ ئۆزىڭىز بولۇپ ياشاڭ!

ئۆزلىكى بار ئىنسان بىراۋلارنىڭ  نەزىرىدە ئەمەس ، ئۆزىنىڭ ، ھەقنىڭ نەزىرىدە ياشاشنى چوڭ بىلىدۇ.

ھەۋەستىن ، ھەسەتتىن خالى گۈزەل تۇيغۇلار  ئىچىدە ياشىيالايدۇ، ھەر ۋاقىت تۇرمۇشتىن زوق ئالالايدۇ.

ئىنسان چۈشەنسە ، ئىنساننىڭ ئەڭ زور خۇشاللىقى  ھەم بايلىقى ئۆز روھىيتىدىكى بايقاشلار ۋە زوق ئېلىشتۇر.