ئايبەر ئاۋازى سالۇندىكى بارلىق ئەسەرلەر توپلىمى بۇ يەردە
سالام سالۇندىكى بارچە ئەزىزلەر ! ھوزۇرۇڭلاردا بولىۋاتقىنى قىسقا يازما ھېكايىلەر ، ئوقۇشتىن ئاۋال دوستلار چەمبىرىكىگە ھەمبەھىرلەپ ، ئاستىدىكى ئىلاننى چىكىپ قويىشىڭىزنى ئۈمۈد قىلىمىز . قوللىغىنىڭىزغا رەھمەت
ھېكمەتلىك ھېكايە
تەخەينىڭ ئەقلى
بىر كۈنى تۇيۇقسىز بىر تەخەي كۆلچەكتىن «قۇتقۇزۇڭلار» دېگەن ئاۋازنى ئاڭلاپ قاپتۇ، قارىسا بىر ئاق بۆجەن ئېھتىياتسىزلىقتىن سۇغا چۈشۈپ كېتىپتۇ.تەخەي دەرھال سۇ بويىغا يۈگۈرۈپ بېرىپتۇ، ئۇ يېنىدا قۇرۇپ پورلىشىپ كەتكەن بىر تۈپ دەرەخ بارلىقىنى كۆرۈپ، جىددىي پەيتتە ئەقىل تېپىپ، پۈتۈن كۈچىنى ئىشقا سېلىپ دەرەخنى كۈچەپ تېپىپتۇ ـ دە، دەرەخ ئۆرۈلۈپ چۈشۈپتۇ، بۆجەن دەرەخنىڭ غولىنى تۇتۇپ قىرغاققا يامىشىپ چىقىپتۇ، ئۇ قۇتۇلۇپ قاپتۇ!شۇنىڭدىن باشلاپ، تاغ باغرىدىكى ئېشەكلەرنىڭ ھەممىسى تەخەينىڭ دەرەخنى تېپىپ توشقاننى قۇتقۇزغانلىقى ھەققىدىكى ئەقىل ـ پاراسىتىنى سۆزلەشكە باشلاپتۇ ...... نۇرغۇن يىللاردىن كېيىن، تەخەي ئۆلۈپ كېتىپتۇ، لېكىن ئۇنىڭ دەرەخنى تېپىپ توشقاننى قۇتقۇزغانلىق ھېكايىسى دەرسلىك كىتابلاردا پەيدا بوپتۇ.بىر كۈنى مەكتەپتىكى تەخەيلەر ئادەتتىكىگە ئوخشاش كۆلچەك بويىدىكى مەيداندا ئويناۋېتىپ، سۇغا چۈشۈپ كەتكەن بىر ئاق بۆجەننى ئۇچرىتىپ قاپتۇ.-قاراڭ، سۇدا بىر ئاق بۆجەن تۇرىدۇ! -دەپ ۋارقىراپتۇ بىر تەخەي.-نېمىدېگەن قورقۇنچلۇق، بىز سۇدىن يىراقراق تۇرايلى، ـ دەپتۇ يەنە بىر تەخەي.-ۋاي ـ ۋۇي، بۇ يەر بەك خەتەرلىك ئىكەن، بىز تېز كېتەيلى! -دېيىشىپتۇ تېخىمۇ كۆپ تەخەيلەر.بۇ چاغدا دەرسكە كىرىش قوڭغۇرىقى چېلىنىپ، تەخەيلەر سىنىپقا كىرىپتۇ. ئېشەك كىتابنى ئېلىپ ئاستا سىنىپقا كىرىپتۇ، ئۇ بىر تەرەپتىن كىتاب ۋاراقلاپ يەنە بىر تەرەپتىن: -ئالدىنقى سائەتلىك دەرستە بىز «تەخەينىڭ ئەقىل ـ پاراسىتى» نى ئۆگەندۇق، ھازىر نېمە ئۈچۈن ئۇنى ئەقىللىق تەخەي دەيدىغانلىقىمىزنى، كىم سۆزلەپ باقىدۇ، -دەپتۇ؟-چۈنكى ئۇ دەرەخنى تېپىپ ئاق بۆجەننى قۇتقۇزۇپ قالغان، ئەگەر بۇنداق قىلمىسا، ئۇ ئاق بۆجەن ئۆلۈپ كېتەتتى! -دېيىشپتۇ تەخەيلەر بىردەك. ئېشەك خۇشال ھالدا كۈلۈمسىرەپ بېشىنى لىڭشىتىپتۇ....
..بۇ ھېكايىدىن مۇنداق ئىلھامغا ئېرىشىمىز: قارىماققا، ھەممە تەخەيلەر ئەقىللىق تەخەيدىن ئۆگىنىۋاتقاندەك قىلسىمۇ، لېكىن ھېچكىم ئۇنىڭ ئەقىل ـ پاراسىتىنى ئۆگىنەلمىدى. چۈنكى ياخشى نىيەت ۋە جاسارەت بولمىسا، ئۇنداق ئادەمدە مەڭگۈ ئەقىل ـ پاراسەت پەيدا بولمايدۇ.
…………
ئاستىدىكى ئىنكاس رايۇنىدا كۆرىشەيلى . سۆز قالدۇرۇشنى ئۇنتۇپ قالماڭ