باينىڭ ئىككى ئوغلى ھىكايە

قۇلۇپنى ئېچىشتا ئاچقۇچقىلا تايىنىۋېلىشقا بولمايدۇ

 قۇلۇپنى ئېچىشتا ئاچقۇچقىلا تايىنىۋېلىشقا بولمايدۇ ،چۈنكى مەسىلىنى ھەل قىلىشنىڭ قېلىپلاشقان ئۇسۇلدىن ‏باشقا يەنە ئۆزگىچە چارىسى تېپىلىدۇ .‏

‏ ------  يەھۇدىي ھېكمەتلىرىدىن ‏

ياشىنىپ قالغان بىر يەھۇدىي باينىڭ ئىككى ئوغلى بار ئىكەن . يەھۇدىي باي ئىككى ئوغلىدىن زادى قايسىسىنى ‏مىراسخور قىلىپ تاللاش ھەققىدە جىق ئويلىنىپ بىر قارارغا كېلەلمەپتۇ .‏

‏ قۇرۇق قول ئىگىلىك تىكلىگەن ياشلىق چاغلىرى يادىغا يەتكەن يەھۇدى باي، تۇيۇقسىزلا ئوغۇللىرىنى سىناپ ‏بېقىشنىڭ ناھايىتى ئوبدان بىر ئامالنى تېپىپتۇ . ئۇ ئىشىكنى تاقاپ ، ئىككى ئوغلىنى يۈز چاقىرىم يىراقلىقتىكى بىر ‏شەھەرگە باشلاپ بېرىپتۇ ۋە ئۇلارغا بىر باغلامدىن ئاچقۇچنى بېرىپ ، ئۇلارنىڭ  ھەر قايسىسىنى بىردىن ئارغىماققا ‏مىندۈرۈپتۇ .‏

‏- قېنى قايسىڭلار ئۆيگە بالدۇر بېرىپ ئىشىكنى ئاچالىساڭلار تاپقان تەرگىنىم شۇنىڭ بولىدۇ .‏

‏ ئىككى ئات تۇياقلىرى يەرگە تەگمەي ئۇچقاندەك چېپىپتۇ . شۇڭا ئىككى بالا ئۆيگە تەڭ يېتىپ بېرىپتۇ. بىراق ‏ئۆينىڭ ئىشىكى قۇلۇپلاقلىق بولغاچقا بۇ ئىككى بالىنىڭ بېشى قېتىپ تۇرۇپ قاپتۇ .‏

‏ بالىلارنىڭ چوڭى ھېلىقى بىر باغلام ئاچقۇچنىڭ ئىچىدىن ئۆينىڭ ئاچقۇچىنى زادى تاپالماپتۇ . ئىنىسى يولدا ‏كەلگۈچە ئاتنى چاپتۇرۇش بىلەنلا بولۇپ كېتىپ ، ھەتتا دادىسى بەرگەن ، ھېلىقى بىر باغلام ئاچقۇچنى ‏چۈشۈرۈپ قويۇپتۇ .‏

‏ شۇڭا ئۇ ئاكا-ئۇكا ئىككىسى نېمە قىلارىنى بىلەلمەي قارا تەرگە چۆمۈپتۇ. ئىنىسى تۇيۇقسىزلا بىر ئەقىل تېپىپتۇ . ئۇ ‏بىر پارچە تاشنى ئېلىپ كېلىپ ، قۇلۇپنى بىر قانچىنى ئۇرغان ئىكەن ، قولۇپ چېقىلىپتۇ . شۇنىڭ بىلەن ئۇ ‏بىرىنچى بولۇپ ئۆيگە كىرىپتۇ . شۇنداق قىلىپ ، ئۇ دادىسىنىڭ مىراسخورى بولۇپتۇ.‏

‏ يەھۇدىيلار شۇنداق دەپ ئەسكەرتىدۇ : كىشىلىك ھايات قۇلۇپقا ئوخشايدۇ  قۇلۇپنىڭ كۆپىنچە ئاچقۇچى بولمايدۇ ‏، شۇڭا تەقدىرنىڭ ھالقىلىق پەيتلىرىدە ئۇنى ئادەتلەنگەن ئۇسۇل بويىچە ئاچقۇچ بىلەن ئاچىمەن دەپ يۈرمەي ، ‏بىر پارچە تاش بىلەن بىرنى ئۇرۇپ چېقىۋېتىشكە توغرا كېلىدۇ . قۇلۇپنى ئېچىشتا ئاچقۇچقىلا تايىنىۋېرىشكە ‏بولمايدۇ . ئۆز نۆۋىتىدە ، مەسىلىنى ھەل قىلىشنىڭ قېلىپلاشقان ئۇسۇلدىن باشقا يەنە نۇرغۇن چارىسى تېپىلىدۇ

……..…………… 

ئاستىدىكى ئىنكاس رايۇنىدا كۆرىشەيلى  . سۆز قالدۇرۇشنى ئۇنتۇپ قالماڭ