بىلىمسىز چاغلايدۇ ئۆزىنى كاتتا-پاتەم بەكرى

بىلىمسىز چاغلايدۇ ئۆزىنى كاتتا .

 پاتەم بەكرى .

 بىلىملىك بىلىمدىن ئالىدۇ ھۇزۇر .

 بىلمىگەن بىلگەندىن ئىزدەيدۇ قۇسۇر .

 بىلىمسىز بىر نادان سورۇنغا كەلسە .

 مىڭ ئاقىل باشلىغان سۆھبەتنى بۇزۇر .

 بىلىمسىز چاغلايدۇ ئۆزىنى كاتتا .

 ھالىنى تارتالماس ، ئون ئىككى ئاتتا

 تۇرقىغا قاراپلا بەرمىگىن ، باھا .

 ئىسمىنى ئوڭشاپراق يازالماس ، ھەتتا .

 بىلىملىك ئىنساندا بولمايدۇ كىبىر

  قاقشىماس ھاياتتىن تارتسىمۇ جەبىر .

 كەلسىمۇ بېشىغا نى ئېغىر قىسمەت .

 تاقەتلىك لەۋ چىشلەپ قىلىدۇ ، سەبىر .

 بىلىمسىز ئىنساننىڭ سۆزىگە قارا .

 ماختىنىپ سۆزلەيدۇ ، سورۇنلار ئارا .

 كىملەرگە ياققاندۇ كىملەردۇر بىزار .

 نادان ئۇ  پەرقىنى بىلمەيدۇ تازا

 بىلىمسىز بىلىمنىڭ قەدرىگە يەتمەس .

 بىلىمنىڭ ئىشقىغا ياش پەرقى كەتمەس .

 ئىنساندا بولسا ، گەر ئىلىم ۋە ھۈنەر .

 ھاياتتا ئۇنىڭغا ھېچ خارلىق يەتمەس .

 بىلىمدىن تەرەققىي قىلىدۇ جاھان .

 ئەسقاتار ، بىلىمىڭ بارساڭمۇ قايان .

 ياشلىق نى ئۆگەنمەي ئۆتكۈزگەن نادان .

 پۇشايمان ئىلكىدە ياشايدۇ ، ھامان .

 ياشلىقتا تىرىشقىن ، ھارمىغىن ، ئۆگەن .

 بەڭۋاشلىق شاشلىققا سېلىپ تۇر يۈرگەن .

 بېشىنى تىك تۇتۇپ ياشايدۇ ، مەغرۇر .

 بىلىمنى يار تۇتۇپ ، دىلدىن سۆيگەن .

2025-10-16-كۇنى

ئاقسۇدا يېزىلدى

 ئاپتورى ئاقسۇ ۋىلايەتلىك ئوتتۇرا خەلق سوت مەھكىمىسىنىڭ پېنسىيە نۇرى .