ﺋﯚﺯﯨﯖﯩﺰﻧﻰ ﮪﻪﻡ ﺗﯘﺭﻣﯘﺷﻨﻰ ﺳﯚﻳﯜﺷﻨﻰ ﺋﯘﻧﺘﯘﻣﺎﯓ

ﺑﻪﻳﺪﯗ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﺗﯘﺭﻣﯘﺵ ﺑﯩﺮ ﺋﻮﯕﯘﺷﺴﯩﺰﻟﯩﻖ ﯞﻩ ﺧﯘﺷﺎﻟﻠﯩﻘﻘﺎ ﺗﻮﻟﻐﺎﻥ ﺳﻪﭘﻪﺭ. ﺑﯘ ﺋﻮﯕﻐﯘﻝ-ﺩﻭﯕﻐﯘﻝ ﻳﻮﻟﺪﺍ، ﺑﯩﺰ ﮪﻪﺭ ﺧﯩﻞ ﻗﯩﻴﯩﻨﭽﯩﻠﯩﻖ ﯞﻩ ﺧﯩﺮﯨﺴﻼﺭﻏﺎ ﺩﯗﭺ ﻛﯧﻠﯩﻤﯩﺰ. ﮪﺎﻳﺎﺕ ﻣﯘﺳﺎﭘﯩﯖﯩﺰﺩﻩ ﺋﯚﺯﯨﯖﯩﺰﻧﻰ ﺳﯚﻳﯜﺷﻨﻰ، ﺗﯘﺭﻣﯘﺷﻨﻰ ﺳﯚﻳﯜﺷﻨﻰ ﺋﯘﻧﺘﯘﻣﺎﯓ.

ﺋﯚﺯﯨﻨﻰ ﺳﯚﻳﯜﺵ ﺋﻪﯓ ﻣﯘﮪﯩﻢ. ﻣﻪﻳﻠﻰ ﺳﯩﺰ ﻗﻪﻳﻪﺭﺩﻩ ﺑﻮﻟﯘﯓ، ﻣﻪﻳﻠﻰ ﻗﺎﻧﺪﺍﻕ ﻣﯘﮪﯩﺘﺘﺎ ﻳﺎﺷﺎﯓ، ﺋﯚﺯﯨﯖﯩﺰﻧﻰ ﺳﯚﻳﯜﺵ ﻛﯩﺸﯩﻠﯩﻚ ﮪﺎﻳﺎﺗﯩﯖﯩﺰﻧﯩﯔ ﺋﯘﻝ ﺗﯧﺸﻰ.

ﺋﯚﺯﯨﯖﯩﺰﻧﻰ ﺳﯚﻳﯜﺵ ﺋﯚﺗﻤﯜﺷﯩﯖﯩﺰﻧﻰ ﻗﻮﺑﯘﻝ ﻗﯩﻠﯩﺸﯩﯖﯩﺰ، ﺑﯜﮔﯜﻧﯩﯖﯩﺰﻧﻰ ﻗﻪﺩﯨﺮﻟﯩﺸﯩﯖﯩﺰ، ﻛﻪﻟﮕﯜﺳﯩﯖﯩﺰﮔﻪ ﻗﻪﺗﺌﯩﻲ ﺋﯩﺸﯩﻨﯩﺸﯩﯖﯩﺰﺩﯨﻦ ﺩﯦﺮﻩﻙ ﺑﯧﺮﯨﺪﯗ.

ﺋﯚﺗﻤﯜﺵ ﻣﯘﻛﻪﻣﻤﻪﻝ ﺑﻮﻟﻤﺎﻳﺪﯗ، ﮪﻪﻣﻤﯩﻤﯩﺰﻧﯩﯔ ﻣﻪﻏﻠﯘﺑﯩﻴﻪﺗﻠﯩﺮﻯ ﯞﻩ ﺧﺎﺗﺎ ﻛﻪﭼﯜﺭﻣﯩﺸﻠﯩﺮﻯ ﺑﻮﻟﯩﺪﯗ. ﻟﯧﻜﯩﻦ ﺋﯘﻻﺭ ﺑﯩﺰﻧﯩﯔ ﺑﺎﺭﻟﯩﻘﯩﻤﯩﺰﻏﺎ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯗ، ﺋﯘﻻﺭ ﭘﻪﻗﻪﺕ ﮪﺎﻳﺎﺗﻠﯩﻖ ﺳﻪﭘﯩﺮﯨﻤﯩﺰﻧﯩﯔ ﺑﯩﺮ ﻗﯩﺴﻤﻰ.

ﺋﯚﺗﻤﯜﺷﯩﯖﯩﺰﻧﻰ ﺋﻪﭘﯘ ﻗﯩﻠﯩﺸﻨﻰ ﯞﻩ ﺋﯘﻧﯩﯖﺪﯨﻦ ﺋﯩﺒﺮﻩﺕ ﺋﯧﻠﯩﺸﻨﻰ ﺋﯚﮔﯩﻨﯩﯟﯦﻠﯩﯔ، ﺷﯘﻧﺪﯨﻼ ﻛﻪﻟﮕﯜﺳﯩﺪﯨﻜﻰ ﭘﯘﺭﺳﻪﺗﻨﻰ ﭼﯩﯔ ﺗﯘﺗﺎﻻﻳﺴﯩﺰ.

ﮪﺎﺯﯨﺮﻧﻰ ﻗﻪﺩﯨﺮﻟﻪﯓ، ﺑﯘ ﺳﯩﺰﻧﯩﯔ ﺋﻪﯓ ﻗﯩﻤﻤﻪﺗﻠﯩﻚ ﯞﺍﻗﺘﯩﯖﯩﺰ. ﻣﻪﻳﻠﻰ ﮪﺎﺯﯨﺮﻗﻰ ﺗﯘﺭﻣﯘﺷﯩﯖﯩﺰ ﻗﺎﻧﺪﺍﻕ ﺑﻮﻟﺴﯘﻥ، ﺋﺎﻛﺘﯩﭗ ﻳﯜﺯﻟﯩﻨﯩﺸﻨﻰ ﺗﺎﻟﻠﯩﺴﯩﯖﯩﺰ ﺑﻮﻟﯩﺪﯗ. ﮪﻪﺭ ﻛﯜﻧﻰ، ﮪﻪﺭ ﯞﺍﻗﯩﺖ ﻣﯩﻨﻨﻪﺗﺪﺍﺭﻟﯩﻖ ﻛﻪﻳﭙﯩﻴﺎﺗﯩﻨﻰ ﻳﯧﺘﯩﻠﺪﯛﺭﯛﭖ، ﺑﺎﺭﻟﯩﻘﯩﯖﯩﺰﻧﻰ ﻗﻪﺩﯨﺮﻟﻪﺷﻨﻰ ﺋﯚﮔﯩﻨﯩﯟﯦﻠﯩﯔ.

ﻛﻪﻟﮕﯜﺳﯩﯖﯩﺰﮔﻪ ﻗﻪﺗﺌﯩﻲ ﺋﯩﺸﯩﻨﯩﯔ، ﺋﻪﯓ ﻗﺎﺭﺍﯕﻐﯘ ﻛﯜﻧﻠﻪﺭﮔﻪ ﺩﯗﭺ ﻛﻪﻟﮕﻪﻧﺪﯨﻤﯘ، ﺋﯚﺯﯨﯖﯩﺰﻧﯩﯔ ﺑﯘ ﻗﯩﻴﯩﻨﭽﯩﻠﯩﻘﻼﺭﻧﻰ، ﻣﯜﺷﻜﯜﻻﺭﻻﺭﻧﻰ ﭼﻮﻗﯘﻡ ﻳﯧﯖﻪﻟﻪﻳﺪﯨﻐﺎﻧﻠﯩﻘﯩﯖﯩﺰﻏﺎ ﺋﯩﺸﯩﻨﯩﯔ.

ﺋﺎﺭﺯﯗ-ﺋﺎﺭﻣﺎﻧﻠﯩﺮﯨﻤﯩﺰ ﺑﻮﻟﺴﯩﻼ ﮪﻪﻣﺪﻩ ﺑﯘﻧﯩﯔ ﺋﯜﭼﯜﻥ ﺗﯩﺮﯨﺸﺴﺎﻗﻼ، ﭼﻮﻗﯘﻡ ﺋﺎﻟﻐﺎ ﺋﯩﻠﮕﯩﺮﯨﻠﻪﺵ ﻳﻮﻟﯩﻨﻰ ﺗﺎﭘﺎﻻﻳﻤﯩﺰ. ﺋﯚﺯ ﻗﺎﺑﯩﻠﯩﻴﯩﺘﯩﯖﯩﺰﮔﻪ ﺋﯩﺸﯩﻨﯩﯔ، ﺋﯚﺯﯨﯖﯩﺰﮔﻪ ﺋﯘﻟﯘﻏﯟﺍﺭ ﻧﯩﺸﺎﻥ ﺗﯩﻜﻠﻪﯓ، ﺳﯩﺰﻧﯩﯔ ﺗﯩﺮﯨﺸﭽﺎﻧﻠﯩﻘﯩﯖﯩﺰ ﺑﯩﻠﻪﻥ ﻛﻪﻟﮕﯜﺳﯩﯖﯩﺰ ﭼﻮﻗﯘﻡ ﭘﺎﺭﻻﻕ ﺑﻮﻟﯩﺪﯗ.

ﺗﯘﺭﻣﯘﺷﻨﻰ ﺳﯚﻳﯜﺵ ﺑﯩﺮ ﺧﯩﻞ ﭘﻮﺯﯨﺘﺴﯩﻴﻪ. ﺗﯘﺭﻣﯘﺵ ﺧﯘﺩﺩﻯ ﺑﯩﺮ ﻗﯧﻠﯩﻦ ﻛﯩﺘﺎﺏ، ﻛﯜﻟﻜﻪ ﯞﻩ ﻛﯚﺯ ﻳﯧﺸﻰ ﺑﯩﻠﻪﻥ ﮔﯩﺮﻩﻟﯩﺸﯩﭗ ﻛﻪﺗﻜﻪﻥ ﮪﯧﻜﺎﻳﻪ. ﺗﯘﺭﻣﯘﺷﺘﯩﻜﻰ ﮔﯜﺯﻩﻟﻠﯩﻜﻨﻰ ﻗﻪﺩﯨﺮﻟﻪﺷﻨﻰ، ﺋﯘﻧﯩﯖﺪﯨﻜﻰ ﮪﯧﺴﺴﯩﻴﺎﺕ ﯞﻩ ﭼﻮﯕﻘﯘﺭﻟﯘﻗﻨﻰ ﮪﯧﺲ ﻗﯩﻠﯩﺸﻨﻰ ﺋﯚﮔﯩﻨﯩﯟﯦﻠﯩﺶ ﻛﯧﺮﻩﻙ.

ﻛﯜﻟﻜﻪ ﺗﯘﺭﻣﯘﺷﻨﯩﯔ ﺗﯧﺘﯩﺘﻘﯘﺳﻰ، ﮪﻪﺭﻗﺎﻧﺪﺍﻕ ﯞﺍﻗﯩﺖ، ﮪﻪﺭﻗﺎﻧﺪﺍﻕ ﺟﺎﻳﺪﺍ ﺋﯩﻠﻠﯩﻖ ﻗﻪﻟﺐ ﺑﻮﻟﯘﺷﻰ ﻛﯧﺮﻩﻙ.

ﺋﻪﺗﺮﺍﭘﯩﯖﯩﺰﺩﯨﻜﻰ ﺧﯘﺷﺎﻝ ﻣﯩﻨﯘﺗﻼﺭﻧﻰ ﺋﺎﯕﻠﯩﻖ ﮪﺎﻟﺪﺍ ﺑﺎﻳﻘﺎﺷﻨﻰ ﺋﯚﮔﯩﻨﯩﯟﯦﻠﯩﯔ، ﻣﻪﻳﻠﻰ ﮔﯜﻝ ﺋﯧﭽﯩﻠﻐﺎﻥ ﺑﺎﮪﺎﺭﺩﺍ ﺑﻮﻟﺴﯘﻥ ﻳﺎﻛﻰ ﺩﻭﺳﺘﻼﺭ ﺑﯩﻠﻪﻥ ﺑﯩﻠﻠﻪ ﺑﻮﻟﻐﺎﻥ ﻣﯩﻨﯘﺗﻼﺭﺩﺍ ﺑﻮﻟﺴﯘﻥ، ﭼﻮﻗﯘﻡ ﻛﯜﻟﯜﺷﻨﻰ ﺋﯚﮔﯩﻨﯩﺸﯩﯖﯩﺰ ﻛﯧﺮﻩﻙ، ﭼﯜﻧﻜﻰ ﺋﯘ ﮪﺎﻳﺎﺗﻨﯩﯔ ﭘﺎﺭﻻﻕ ﻧﯘﺭﻯ.

ﻛﯚﺯ ﻳﯧﺸﻰ ﺑﯩﺰﻧﻰ ﻗﻪﻳﺴﻪﺭ ﻗﯩﻠﯩﺪﯗ، ﻗﻪﺩﯨﺮﻟﻪﺷﻨﻰ ﺋﯚﮔﯩﺘﯩﺪﯗ.

ﺑﻪﺯﯨﺪﻩ، ﺑﯩﺰ ﺋﻮﯕﯘﺷﺴﯩﺰﻟﯩﻖ ﯞﻩ ﺋﯜﻣﯩﺪﺳﯩﺰﻟﯩﻜﻜﻪ ﻳﯜﺯﻟﯩﻨﯩﺸﯩﻤﯩﺰ ﻛﯧﺮﻩﻙ، ﻟﯧﻜﯩﻦ ﺋﯘﻻﺭﻧﯩﯔ ﮪﻪﻣﻤﯩﺴﻰ ﺗﯘﺭﻣﯘﺷﻨﯩﯔ ﺑﯩﺮ ﻗﯩﺴﻤﻰ. ﻳﺎﺵ ﺗﯚﻛﯜﺵ ﺋﺎﺟﯩﺰﻟﯩﻘﺘﯩﻦ ﺩﯦﺮﻩﻙ ﺑﻪﺭﻣﻪﻳﺪﯗ، ﺑﻪﻟﻜﻰ ﻗﻪﻟﺒﺘﯩﻜﻰ ﺋﺎﭼﭽﯩﻘﻨﻰ ﭼﯩﻘﯩﺮﯨﭗ ﺗﺎﺷﻼﭖ، ﻗﺎﻳﺘﯩﺪﯨﻦ ﺟﺎﺳﺎﺭﻩﺗﻜﻪ ﺋﯧﺮﯨﺸﯩﺸﺘﯘﺭ.

ﭘﻪﻗﻪﺕ ﺑﯩﺰ ﻣﯜﺷﻜﯜﻻﺗﻼﺭﻏﺎ ﺑﻪﺭﺩﺍﺷﻠﯩﻖ ﺑﯧﺮﯨﭗ، ﻗﯩﻴﯩﻨﭽﯩﻠﯩﻘﻨﻰ ﻳﯧﯖﻪﻟﯩﺴﻪﻛﻼ، ﺑﻪﺧﺖ ﻧﯘﺭﻯ ﺑﯩﺰﻧﻰ ﻗﺎﭘﻼﻳﺪﯗ.

ﮪﺎﻳﺎﺗﻨﯩﯔ ﮔﯜﺯﻩﻟﻠﯩﻜﻰ ﺷﯘﻛﻰ، ﮪﻪﺭ ﺑﯩﺮ ﻛﯜﻥ ﭘﯜﺗﯜﻧﻠﻪﻱ ﻳﯧﯖﻰ ﺑﺎﺷﻠﯩﻨﯩﺶ، ﺋﯚﺯﯨﯖﯩﺰﮔﻪ ﺑﯩﺮ ﭘﯘﺭﺳﻪﺕ ﺑﯧﺮﯨﯔ، ﺋﻪﯓ ﻗﻪﻳﺴﻪﺭ، ﺋﻪﯓ ﺟﺎﺳﺎﺭﻩﺗﻠﯩﻚ ﺋﯚﺯﯨﯖﯩﺰﻧﻰ ﺗﯧﭙﯩﯟﯦﻠﯩﯔ.

ﻣﯩﻨﻨﻪﺗﺪﺍﺭ ﺑﻮﻟﯘﺷﻨﻰ، ﻗﻮﺑﯘﻝ ﻗﯩﻠﯩﺸﻨﻰ ﺋﯚﮔﯩﻨﯩﯟﯦﻠﯩﯔ، ﮪﻪﺭ ﺑﯩﺮ ﻣﯚﺟﯩﺰﻩ ﭘﻪﻳﺘﯩﺪﯨﻦ ﮪﯘﺯﯗﺭﻟﯩﻨﯩﯔ. ﮪﻪﺭ ﺑﯩﺮ ﻗﯧﺘﯩﻢ ﺗﺎﯓ ﺋﯧﺘﯩﺸﺘﯩﻦ ﺑﯘﺭﯗﻥ، ﻗﺎﺭﺍﯕﻐﯘ ﭘﻪﻳﺘﻠﻪﺭ ﺑﻮﻟﯩﺪﯗ، ﻟﯧﻜﯩﻦ ﻗﻮﺭﻗﻤﺎﯓ، ﭼﯜﻧﻜﻰ ﮪﺎﻣﺎﻥ ﺗﺎﯓ ﺋﺎﺗﯩﺪﯗ.

ﻛﯜﭼﻠﯜﻙ ﺭﻭﮪﯩﻲ ﮪﺎﻟﻪﺕ ﺑﯩﻠﻪﻥ ﻛﻪﻟﮕﯜﺳﯩﮕﻪ ﻳﯜﺯﻟﯩﻨﯩﭗ، ﮪﺎﻳﺎﺗﻠﯩﻘﻨﯩﯔ ﺧﯩﺮﯨﺴﯩﻨﻰ ﻗﻮﺑﯘﻝ ﻗﯩﻠﺴﯩﯖﯩﺰ، ﺋﯘ ﺳﯩﺰﮔﻪ ﺋﻮﻳﻼﭖ ﺑﺎﻗﻤﯩﻐﺎﻥ ﮔﯜﺯﻩﻟﻠﯩﻜﻨﻰ ﮪﯧﺲ ﻗﯩﻠﺪﯗﺭﯨﺪﯗ. ﺋﯜﻣﯩﺪﻟﻪﺭﻧﻰ ﻛﯚﯕﻠﯩﯖﯩﺰﮔﻪ ﭘﯜﻛﯜﭖ، ﺑﻪﺧﺖ ﺋﯜﭼﯜﻥ ﺗﯩﺮﯨﺸﯩﯔ. ﺋﯜﻣﯩﺪ ﻗﻪﻟﺒﯩﻤﯩﺰﺩﯨﻜﻰ ﻣﻪﯕﮕﯜ ﺋﯚﭼﻤﻪﻳﺪﯨﻐﺎﻥ ﻳﺎﻟﻘﯘﻥ، ﺋﯘ ﺑﯩﺰﻧﯩﯔ ﺋﺎﻟﻐﺎ ﺋﯩﻠﮕﯩﺮﯨﻠﻪﺵ ﻳﻮﻟﯩﻤﯩﺰﻧﻰ ﻳﻮﺭﯗﺗﺎﻻﻳﺪﯗ.

ﻣﻪﻳﻠﻰ ﻗﺎﻧﭽﯩﻠﯩﻚ ﻗﯩﻴﯩﻨﭽﯩﻠﯩﻘﻘﺎ ﻳﻮﻟﯘﻗﯘﺷﯩﻤﯩﺰﺩﯨﻦ ﻗﻪﺗﺌﯩﻴﻨﻪﺯﻩﺭ، ﺋﯜﻣﯩﺪ ﻗﻪﻟﺒﯩﻤﯩﺰﺩﻩ ﭼﺎﻗﻨﺎﻳﺪﯗ ﯞﻩ ﺑﯩﺰﻧﻰ ﻗﻪﺗﺌﯩﻲ ﺑﻮﺷﺎﺷﺘﯘﺭﯗﭖ ﻗﻮﻳﻤﺎﻳﺪﯗ. ﺋﯜﻣﯩﺪﯞﺍﺭ، ﺋﺎﻟﻐﺎ ﺋﯩﻨﺘﯩﻠﯩﺪﯨﻐﺎﻥ ﺭﻭﮪﯩﻲ ﮪﺎﻟﻪﺗﻨﻰ ﻳﯧﺘﯩﻠﺪﯛﺭﯛﭖ، ﺋﻪﺗﯩﻨﯩﯔ ﺗﯧﺨﯩﻤﯘ ﻳﺎﺧﺸﻰ ﺑﻮﻟﯩﺪﯨﻐﺎﻧﻠﯩﻘﯩﻐﺎ ﺋﯩﺸﯩﻨﯩﯔ.

ﺋﯚﺯﯨﯖﯩﺰﻧﻰ ﺳﯚﻳﯜﺷﻨﻰ، ﺗﯘﺭﻣﯘﺷﻨﻰ ﺳﯚﻳﯜﺷﻨﻰ ﮪﻪﺭﮔﯩﺰ ﺋﯘﻧﺘﯘﭖ ﻗﺎﻟﻤﺎﯓ. ﻏﻪﻡ-ﺋﻪﻧﺪﯨﺸﯩﯖﯩﺰﻧﻰ ﺗﺎﺷﻼﭖ، ﮪﻪﺭ ﺑﯩﺮ ﻛﯜﻧﺪﯨﻜﻰ ﺧﯩﺮﯨﺲ ﯞﻩ ﺧﯘﺷﺎﻟﻠﯩﻘﻨﻰ ﻛﯜﺗﯜﯞﯦﻠﯩﯔ. ﺋﻮﺗﻠﯘﻕ ﻗﻪﻟﺒﯩﯖﯩﺰﻧﻰ ﺳﺎﻗﻼﭖ، ﺋﯚﺯ ﺋﺎﺭﺯﯗﻳﯩﯖﯩﺰ ﺋﯜﭼﯜﻥ ﺋﯜﺯﻟﯜﻛﺴﯩﺰ ﺗﯩﺮﯨﺸﯩﯔ. ﺋﯚﺯﯨﯖﯩﺰﮔﻪ ﺋﯩﺸﯩﻨﯩﯔ، ﺗﯘﺭﻣﯘﺷﻨﯩﯔ ﮪﻪﺭ ﺑﯩﺮ ﺩﻩﻗﯩﻘﯩﻠﯩﺮﯨﺪﯨﻦ ﮪﯘﺯﯗﺭﻟﯩﻨﯩﯔ.

ﮔﻪﺭﭼﻪ ﺗﯘﺭﻣﯘﺵ ﺋﯧﮕﯩﺰ-ﭘﻪﺱ ﺑﻮﻟﺴﯩﻤﯘ، ﻟﯧﻜﯩﻦ ﺳﯩﺰ ﺋﯚﺯﯨﯖﯩﺰﻧﻰ، ﺗﯘﺭﻣﯘﺷﻨﻰ ﺳﯚﻳﺴﯩﯖﯩﺰ، ﭼﻮﻗﯘﻡ ﻗﺎﻧﺎﺗﻠﯩﺮﯨﯖﯩﺰﻧﻰ ﻛﯧﺮﯨﭗ ﭘﻪﺭﯞﺍﺯ ﻗﯩﻠﯩﭗ، ﺋﯚﺯﯨﯖﯩﺰﮔﻪ ﺗﻪﯞﻩ ﺋﯧﺴﯩﻞ ﮪﯧﻜﺎﻳﯩﻠﻪﺭﻧﻰ ﻳﺎﺭﯨﺘﺎﻻﻳﺴﯩﺰ.

……..…………… 

ئاستىدىكى ئىنكاس رايۇنىدا كۆرىشەيلى  . سۆز قالدۇرۇشنى ئۇنتۇپ قالماڭ