ﺳﯩﺰ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻡ ﺳﯩﺰﻧﻰ ﻳﺎﺧﺸﻰ ﻛﯚﺭﻣﯩﺴﻪ ﻗﺎﻧﺪﺍﻕ ﻗﯩﻠﯩﺴﯩﺰ؟

ﺑﻪﻳﺪﯗ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﻣﯘﮪﻪﺑﺒﻪﺗﻨﯩﯔ ﻛﯜﭼﻰ ﺗﻪﯕﺪﺍﺷﺴﯩﺰ، ﺋﯘﻧﯩﯔ ﺋﯚﺯﮔﯩﭽﻪ ﺳﯧﮭﺮﯨﻲ ﻛﯜﭼﻰ ﻗﻪﻟﺐ ﺩﻩﺭﯞﺍﺯﯨﻤﯩﺰﻧﻰ ﺋﯧﭽﯩﭗ، ﺑﯩﺰﮔﻪ ﻣﯩﺴﻠﻰ ﻛﯚﺭﯛﻟﻤﯩﮕﻪﻥ ﺑﻪﺧﺖ ﯞﻩ ﺧﯘﺷﺎﻟﻠﯩﻘﻨﻰ ﮪﯧﺲ ﻗﯩﻠﺪﯗﺭﯨﺪﯗ، ﺋﯘ ﺳﻮﻏﯘﻕ ﺩﯗﻧﻴﺎﻧﻰ ﺋﯩﻠﻠﯩﺘﯩﺪﯗ، ﺋﺎﭼﭽﯩﻖ ﻛﯜﻧﻠﻪﺭﻧﻰ ﺷﯧﺮﯨﻦ ﮪﻪﻡ ﮔﯜﺯﻩﻝ ﻗﯩﻠﯩﺪﯗ.

ﻣﯘﮪﻪﺑﺒﻪﺕ ﺑﯩﺮ ﺧﯩﻞ ﭼﯜﺷﯩﻨﯩﺶ، ﺑﯩﺮ-ﺑﯩﺮﯨﮕﻪ ﺋﯩﺸﯩﻨﯩﺶ ﯞﻩ ﻗﻮﻟﻼﺷﻨﯩﯔ ﺭﯨﺸﺘﯩﺴﻰ، ﺋﯘ ﺑﯩﺰﻧﯩﯔ ﮪﻪﻣﺮﺍﮪﯩﻤﯩﺰ ﺑﯩﻠﻪﻥ ﭼﻮﯕﻘﯘﺭ ﮪﯧﺴﺴﯩﻴﺎﺕ ﺑﺎﻏﻠﯩﺸﯩﻤﯩﺰﻏﺎ ﺗﯜﺭﺗﻜﻪ ﺑﻮﻟﯘﭖ، ﺑﯩﺮ-ﺑﯩﺮﯨﻤﯩﺰﻧﻰ ﮪﺎﻳﺎﺗﯩﻤﯩﺰﻧﯩﯔ ﺋﻪﯓ ﻣﯘﮪﯩﻢ ﻗﯩﺴﻤﯩﻐﺎ ﺋﺎﻳﻼﻧﺪﯗﺭﯨﺪﯗ.

ﺑﯩﺰ ﺑﯩﺮ-ﺑﯩﺮﯨﻤﯩﺰﮔﻪ ﮪﻪﻣﺮﺍﮪ ﺑﻮﻟﯘﭖ ﺗﯘﺭﻣﯘﺷﻨﯩﯔ ﺋﯧﮕﯩﺰ-ﭘﻪﺳﻠﯩﻜﯩﻨﻰ ﺑﯩﺮﻟﯩﻜﺘﻪ ﺑﺎﺷﺘﯩﻦ ﻛﻪﭼﯜﺭﯛﭖ، ﺋﯚﺯﯨﻤﯩﺰﮔﻪ ﺗﻪﯞﻩ ﮔﯜﺯﻩﻝ ﺋﻪﺳﻠﯩﻤﯩﻠﻪﺭﻧﻰ ﺑﯩﺮﻟﯩﻜﺘﻪ ﻳﺎﺭﯨﺘﯩﻤﯩﺰ.

ﻣﯘﮪﻪﺑﺒﻪﺕ ﻳﻪﻧﻪ ﺑﯩﺮ ﺧﯩﻞ ﺋﯚﺯﯨﻨﻰ ﺑﯧﻐﯩﺸﻼﺵ، ﺷﻪﺧﺴﯩﻴﻪﺗﺴﯩﺰ ﺑﻪﺩﻩﻝ ﺗﯚﻟﻪﺷﻨﻰ ﺧﺎﻻﻳﺪﯨﻐﺎﻥ ﺟﺎﺳﺎﺭﻩﺕ، ﺋﯘ ﺑﯩﺰﮔﻪ ﻛﻪﯓ ﻗﻮﺭﺳﺎﻕ ﺑﻮﻟﯘﺷﻨﻰ ﯞﻩ ﻗﻮﺑﯘﻝ ﻗﯩﻠﯩﺸﻨﻰ، ﻗﺎﺭﺷﻰ ﺗﻪﺭﻩﭘﻨﻰ ﺋﻮﻳﻼﺷﻨﻰ ﺋﯚﮔﯩﺘﯩﺪﯗ، ﺑﯩﺰ ﺑﯩﺮ-ﺑﯩﺮﯨﻤﯩﺰﻧﯩﯔ ﻣﯘﺳﺘﻪﮪﻜﻪﻡ ﻳﯚﻟﻪﻧﭽﯜﻛﯩﮕﻪ ﺋﺎﻳﻠﯩﻨﯩﻤﯩﺰ، ﻗﯩﻴﯩﻨﭽﯩﻠﯩﻖ ﭘﻪﻳﺘﻠﯩﺮﯨﺪﻩ ﺑﯩﺮ-ﺑﯩﺮﯨﻤﯩﺰﮔﻪ ﺗﺎﻳﯩﻨﯩﭗ، ﺑﯩﺮ-ﺑﯩﺮﯨﻤﯩﺰﮔﻪ ﻳﺎﺭ-ﻳﯚﻟﻪﻙ ﺑﻮﻟﯘﭖ، ﺋﯚﺯ-ﺋﺎﺭﺍ ﺩﻩﺭﺩ ﺗﯚﻛﯜﺷﯜﭖ، ﺗﯘﺭﻣﯘﺷﺘﯩﻜﻰ ﺧﯩﺮﯨﺴﻼﺭﻏﺎ ﺑﯩﺮﻟﯩﻜﺘﻪ ﻳﯜﺯﻟﯩﻨﯩﻤﯩﺰ.

ﻳﯧﻘﯩﻦ ﻣﯘﻧﺎﺳﯩﯟﻩﺗﻨﯩﯔ ﺋﻮﺭﻧﯩﺘﯩﻠﯩﺸﻰ ﺑﯩﺮ ﺧﯩﻞ ﺗﻪﯕﭙﯘﯓ ﻛﯜﭼﺘﯩﻦ، ﺑﯩﺮ-ﺑﯩﺮﯨﻨﻰ ﭼﯜﺷﯩﻨﯩﺸﺘﯩﻦ ﻛﯧﻠﯩﺪﯗ. ﮪﺎﻟﺒﯘﻛﻰ، ﺭﯦﺌﺎﻝ ﺗﯘﺭﻣﯘﺷﺘﺎ ﺑﯩﺰ ﮪﻪﻣﯩﺸﻪ ﻳﻪﻛﻜﻪ ﻳﯚﻧﯩﻠﯩﺸﻠﯩﻚ ﻣﯘﮪﻪﺑﺒﻪﺗﻜﻪ ﺩﯗﭺ ﻛﯧﻠﯩﻤﯩﺰ، ﺑﻮﻟﯘﭘﻤﯘ ﺑﯩﺰ ﭼﻮﯕﻘﯘﺭ ﺳﯚﻳﯩﺪﯨﻐﺎﻥ ﺋﺎﺩﻩﻣﺪﯨﻦ ﺋﻮﺧﺸﺎﺵ ﺟﺎﯞﺍﺑﻘﺎ ﺋﯧﺮﯨﺸﻪﻟﻤﯩﮕﻪﻧﺪﻩ، ﺑﯘ ﺧﯩﻞ ﻣﯘﮪﻪﺑﺒﻪﺕ ﺑﯩﺰﻧﻰ ﻗﺎﺗﺘﯩﻖ ﺋﺎﺯﺍﺑﻼﻳﺪﯗ.

ﭘﯩﺴﺨﻮﻟﻮﮔﯩﻴﻪ ﺷﯘﻧﻰ ﻛﯚﺭﺳﯩﺘﯩﭗ ﺑﯧﺮﯨﺪﯗﻛﻰ، ﺋﻪﮔﻪﺭ ﺳﯩﺰ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻡ ﺳﯩﺰﻧﻰ ﻳﺎﺧﺸﻰ ﻛﯚﺭﻣﯩﺴﻪ، ﺳﯩﺰ ﭼﻮﻗﯘﻡ ﺑﯘﻧﺪﺍﻕ ﻗﯩﻠﯩﺸﯩﯖﯩﺰ ﻛﯧﺮﻩﻙ، ﭼﯜﻧﻜﻰ ﺑﯘ ﺋﻪﯓ ﺗﻮﻏﺮﺍ ﺗﺎﻟﻼﺵ.

ﺑﯩﺮﯨﻨﭽﻰ، ﺋﯧﻨﯩﻖ ﺗﻮﻧﯘﭖ ﻳﯧﺘﯩﺶ

ﺑﯩﺰ ﺑﯩﺮ ﺋﺎﺩﻩﻣﻨﻰ ﭼﻮﯕﻘﯘﺭ ﺳﯚﻳﮕﻪﻧﺪﻩ، ﺩﺍﺋﯩﻢ ﺑﯩﺮ ﺧﯩﻞ ﺧﺎﺗﺎ ﺗﯘﻳﻐﯘﻏﺎ ﭘﯧﺘﯩﭗ ﻗﺎﻟﯩﻤﯩﺰ، ﺋﯘﻧﻰ ﺑﺎﺭﻟﯩﻘﯩﻤﯩﺰ ﺩﻩﭖ ﻗﺎﺭﺍﭖ، ﺑﺎﺭﻟﯩﻖ ﻳﯜﺭﻩﻙ ﻗﯧﻨﯩﻤﯩﺰ ﯞﻩ ﻣﯘﮪﻪﺑﺒﯩﺘﯩﻤﯩﺰﻧﻰ ﺳﻪﺭﭖ ﻗﯩﻠﯩﭗ، ﺋﻮﺧﺸﺎﺵ ﺟﺎﯞﺍﺑﻘﺎ ﺋﯧﺮﯨﺸﯩﺸﻨﻰ ﺋﺎﺭﺯﯗ ﻗﯩﻠﯩﻤﯩﺰ.

ﺋﻪﻣﻤﺎ ﻗﺎﺭﺷﻰ ﺗﻪﺭﻩﭖ ﺋﯩﻨﻜﺎﺱ ﻗﺎﻳﺘﯘﺭﻣﯩﻐﺎﻧﺪﺍ ﺋﺎﺯﺍﺑﻠﯩﻨﯩﻤﯩﺰ، ﭼﯜﺷﻜﯜﻧﻠﯩﺸﯩﭗ ﻛﯧﺘﯩﻤﯩﺰ، ﺑﯘ ﯞﺍﻗﯩﺘﺘﺎ ﺑﯩﺰ ﭼﻮﻗﯘﻡ ﺋﯧﻨﯩﻖ ﺗﻮﻧﯘﺷﻨﻰ ﺋﯚﮔﯩﻨﯩﯟﯦﻠﯩﺸﯩﻤﯩﺰ ﻛﯧﺮﻩﻙ، ﺋﻪﻟﯟﻩﺗﺘﻪ، ﺑﯘ ﻳﻪﺭﺩﻩ ﺩﯦﻴﯩﻠﯩﯟﺍﺗﻘﺎﻥ ﺋﯧﻨﯩﻖ ﺗﻮﻧﯘﺵ ﻗﺎﺭﺷﻰ ﺗﻪﺭﻩﭘﻨﻰ ﻳﺎﻛﻰ ﺋﯚﺯﯨﻨﻰ ﺋﯧﻨﯩﻖ ﺗﻮﻧﯘﺷﻼ ﺋﻪﻣﻪﺱ، ﺑﻪﻟﻜﻰ ﺑﯘ ﮪﯧﺴﺴﯩﻴﺎﺗﻨﯩﯔ ﮪﻪﻗﯩﻘﯩﻲ ﻣﻪﻧﯩﺴﯩﻨﻰ ﺋﯧﻨﯩﻖ ﺗﻮﻧﯘﭖ، ﺋﯘﻧﯩﯔ ﭼﻪﻛﻠﯩﻤﯩﻠﯩﻜﻰ ﯞﻩ ﺭﯦﺌﺎﻟﻠﯩﻘﯩﻨﻰ ﺋﺎﻳﺪﯨﯖﻼﺷﺘﯘﺭﯗﺵ.

ﺑﯩﺰ ﺭﯦﺌﺎﻟﻠﯩﻘﻘﺎ ﻳﯜﺯﻟﯩﻨﯩﭗ، ﺑﯘ ﮪﯧﺴﺴﯩﻴﺎﺗﻨﯩﯔ ﺋﯩﺴﺘﯩﻘﺒﺎﻟﻰ ﺑﺎﺭ-ﻳﻮﻗﻠﯘﻗﯩﻨﻰ، ﺑﯩﺰﻧﯩﯔ ﺋﯩﻨﺘﯩﻠﯩﺸﯩﻤﯩﺰﮔﻪ ﺋﻪﺭﺯﯨﻴﺪﯨﻐﺎﻥ-ﺋﻪﺭﺯﯨﻤﻪﻳﺪﯨﻐﺎﻧﻠﯩﻘﯩﻨﻰ ﺋﯧﻨﯩﻖ ﺑﯩﻠﯩﺸﯩﻤﯩﺰ، ﺑﯘ ﮪﯧﺴﺴﯩﻴﺎﺗﻨﯩﯔ ﮪﻪﻗﯩﻘﯩﻲ ﺋﻪﮪﯟﺍﻟﯩﻨﻰ ﺋﯧﻨﯩﻖ ﺑﯩﻠﯩﺸﯩﻤﯩﺰ، ﭘﯩﺸﻘﺎﻥ ﻗﺎﺭﺍﺭ ﭼﯩﻘﯩﺮﯨﺸﯩﻤﯩﺰ ﻛﯧﺮﻩﻙ.

ﺋﻪﮔﻪﺭ ﻗﺎﺭﺷﻰ ﺗﻪﺭﻩﭖ ﺑﯩﺰ ﺑﯩﻠﻪﻥ ﺑﯩﻠﻠﻪ ﺑﻮﻟﯘﺷﻨﻰ ﺧﺎﻟﯩﻤﺎﻳﺪﯨﻐﺎﻧﻠﯩﻘﯩﻨﻰ ﺋﯧﻨﯩﻖ ﺑﯩﻠﺪﯛﺭﺳﻪ، ﯞﺍﺯ ﻛﯧﭽﯩﺸﻨﻰ ﺋﯚﮔﯩﻨﯩﯟﯦﻠﯩﺸﯩﻤﯩﺰ، ﮔﻪﺭﭼﻪ ﻗﺎﺗﺘﯩﻖ ﺋﺎﺯﺍﺑﻼﻧﺴﺎﻗﻤﯘ، ﻟﯧﻜﯩﻦ ﻳﻪﻧﯩﻼ ﺑﯘ ﭘﺎﻛﯩﺘﻨﻰ ﻗﻮﺑﯘﻝ ﻗﯩﻠﯩﭗ، ﺋﯚﺯﯨﻤﯩﺰﮔﻪ ﺗﻪﯞﻩ ﺑﻪﺧﺘﻨﻰ ﺗﯧﭙﯩﺸﯩﻤﯩﺰ ﻛﯧﺮﻩﻙ.

ﯞﺍﺯ ﻛﯧﭽﯩﺶ ﺩﯦﮕﻪﻧﻠﯩﻚ ﺋﺎﻟﻐﺎ ﻗﺎﺭﺍﺵ، ﺋﯩﻠﮕﯩﺮﯨﻜﻰ ﺋﺎﺭﺯﯗ ﯞﻩ ﮔﯜﺯﻩﻟﻠﯩﻜﻜﻪ ﺋﯧﺴﯩﻠﯩﯟﺍﻟﻤﺎﺳﻠﯩﻖ، ﺑﻪﻟﻜﻰ ﮪﺎﺯﯨﺮ ﯞﻩ ﻛﻪﻟﮕﯜﺳﯩﮕﻪ ﺑﺎﺗﯘﺭﻟﯘﻕ ﺑﯩﻠﻪﻥ ﻳﯜﺯﻟﯩﻨﯩﺶ ﺩﯦﮕﻪﻧﻠﯩﻜﺘﯘﺭ، ﻳﻪﻧﻪ ﺑﯩﺮ ﺗﻪﺭﻩﭘﺘﯩﻦ، ﺑﯩﺰﻣﯘ ﺋﯚﺯﯨﻤﯩﺰﻧﯩﯔ ﺑﯘ ﮪﯧﺴﺴﯩﻴﺎﺗﻘﺎ ﺯﯨﻴﺎﺩﻩ ﺑﯧﺮﯨﻠﯩﭗ ﻛﻪﺗﻜﻪﻥ-ﻛﻪﺗﻤﯩﮕﻪﻧﻠﯩﻜﯩﻤﯩﺰ، ﻣﯘﺳﺘﻪﻗﯩﻠﻠﯩﻘﯩﻤﯩﺰﻧﻰ ﻳﻮﻗﺎﺗﻘﺎﻥ-ﻳﻮﻗﺎﺗﻤﯩﻐﺎﻧﻠﯩﻘﯩﻤﯩﺰ ﺋﯜﺳﺘﯩﺪﻩ ﺋﻮﻳﻠﯩﻨﯩﺸﯩﻤﯩﺰ ﻛﯧﺮﻩﻙ.

ﺋﯚﺯﯨﻤﯩﺰﻧﯩﯔ ﺗﯘﺭﻣﯘﺷﻰ، ﺋﯚﺯﯨﻤﯩﺰﻧﯩﯔ ﻧﯩﺸﺎﻧﻰ ﯞﻩ ﺋﯚﺯﮔﯩﭽﻪ ﻗﯩﻤﻤﯩﺘﯩﮕﻪ ﺋﯩﮕﻪ ﺑﻮﻟﯘﺷﯩﻤﯩﺰ، ﺑﺎﺭﻟﯩﻖ ﻧﻪﺭﺳﯩﻠﻪﺭﻧﻰ ﺑﯘ ﮪﯧﺴﺴﯩﻴﺎﺗﻘﺎ ﺑﺎﻏﻠﯩﯟﺍﻟﻤﺎﺳﻠﯩﻘﯩﻤﯩﺰ ﻛﯧﺮﻩﻙ، ﭘﻪﻗﻪﺕ ﻣﯘﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﺋﺎﻧﺪﯨﻦ ﮪﻪﻗﯩﻘﯩﻲ ﯞﺍﺯ ﻛﯧﭽﯩﭗ، ﺯﯙﺭﯛﺭ ﺑﻮﻟﻤﯩﻐﺎﻥ ﺋﺎﺯﺍﺏ ﯞﻩ ﺋﻪﻧﺪﯨﺸﻪ ﺑﯩﻠﻪﻥ ﺋﯚﺯﯨﻤﯩﺰﻧﻰ ﭼﺎﺭﭼﯩﺘﯩﭗ ﻗﻮﻳﻤﺎﻳﻤﯩﺰ.

ﺋﯩﻜﻜﯩﻨﭽﻰ، ﻗﻮﺑﯘﻝ ﻗﯩﻠﯩﺶ

ﺑﯩﺰ ﺳﯚﻳﮕﻪﻥ ﺋﺎﺩﻩﻡ ﺑﯩﺰﻧﻰ ﺳﯚﻳﻤﯩﮕﻪﻧﺪﻩ، ﺑﯘ ﮪﻪﻗﯩﻘﻪﺗﻨﻰ ﻗﻮﺑﯘﻝ ﻗﯩﻠﯩﺶ ﯞﻩ ﺋﯚﺯﯨﻨﻰ ﻗﻮﺑﯘﻝ ﻗﯩﻠﯩﺶ ﺋﯩﻨﺘﺎﻳﯩﻦ ﻣﯘﮪﯩﻢ.

ﺑﯘ ﺑﯩﺰﻧﯩﯔ ﻗﯩﻤﻤﯩﺘﯩﻤﯩﺰﻧﯩﯔ ﺗﯚﯞﻩﻧﻠﻪﭖ ﻛﻪﺗﻜﻪﻧﻠﯩﻜﯩﺪﯨﻦ ﻳﺎﻛﻰ ﻛﯩﺸﯩﻠﯩﻚ ﮪﺎﻳﺎﺗﯩﻤﯩﺰﻧﯩﯔ ﺋﯜﺯﯛﻝ-ﻛﯧﺴﯩﻞ ﻣﻪﻏﻠﯘﭖ ﺑﻮﻟﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ، ﺑﻪﻟﻜﻰ ﻣﯘﮪﻪﺑﺒﻪﺗﻨﻰ ﺯﻭﺭﻟﯩﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﻨﻰ، ﮪﻪﺭ ﺑﯩﺮ ﺋﺎﺩﻩﻣﻨﯩﯔ ﺋﯚﺯ ﮪﯧﺴﺴﯩﻴﺎﺗﻰ ﯞﻩ ﺗﺎﻟﻠﯩﺸﻰ ﺑﻮﻟﯩﺪﯨﻐﺎﻧﻠﯩﻘﯩﻨﻰ ﭼﯜﺷﯩﻨﯩﺸﯩﻤﯩﺰ ﻛﯧﺮﻩﻙ.

ﺑﯩﺮﯨﻨﭽﯩﺪﯨﻦ، ﺑﯩﺰ ﺑﯘ ﭘﺎﻛﯩﺘﻨﻰ ﻗﻮﺑﯘﻝ ﻗﯩﻠﯩﺸﯩﻤﯩﺰ، ﻗﺎﺭﺷﻰ ﺗﻪﺭﻩﭘﻨﯩﯔ ﮪﯧﺴﺴﯩﻴﺎﺗﻰ ﯞﻩ ﻗﺎﺭﺍﺭﯨﻨﻰ ﭼﯜﺷﯩﻨﯩﺸﯩﻤﯩﺰ ﻛﯧﺮﻩﻙ، ﻣﯘﮪﻪﺑﺒﻪﺕ ﺑﯩﺮ ﺧﯩﻞ ﺋﻪﺭﻛﯩﻦ ﮪﯧﺴﺴﯩﻴﺎﺕ، ﮪﯧﭽﻜﯩﻤﻨﯩﯔ ﺑﯩﺰﻧﯩﯔ ﮪﯧﺴﺴﯩﻴﺎﺗﯩﻤﯩﺰﻏﺎ ﺟﺎﯞﺍﺏ ﻗﺎﻳﺘﯘﺭﯗﺵ ﻣﻪﺟﺒﯘﺭﯨﻴﯩﺘﻰ ﻳﻮﻕ، ﺑﯩﺰ ﻗﺎﺭﺷﻰ ﺗﻪﺭﻩﭘﻨﯩﯔ ﻳﺎﺧﺸﻰ ﻛﯚﺭﻣﻪﺳﻠﯩﻜﻰ ﺳﻪﯞﻩﺑﯩﺪﯨﻦ ﺋﯚﺯﯨﻤﯩﺰﻧﯩﯔ ﻗﯩﻤﻤﯩﺘﯩﻨﻰ ﺋﯩﻨﻜﺎﺭ ﻗﯩﻠﺴﺎﻕ ﻳﺎﻛﻰ ﻗﺎﺭﺷﻰ ﺗﻪﺭﻩﭘﻨﯩﯔ ﺗﺎﻟﻠﯩﺸﯩﻨﻰ ﺋﻪﻳﯩﺒﻠﯩﺴﻪﻙ ﺑﻮﻟﻤﺎﻳﺪﯗ، ﻧﯧﻤﯩﻼ ﺩﯦﮕﻪﻥ ﺑﯩﻠﻪﻥ ﮪﻪﺭ ﺑﯩﺮ ﺋﺎﺩﻩﻣﻨﯩﯔ ﻣﯘﮪﻪﺑﺒﻪﺗﺘﻪ ﻣﯘﮪﻪﺑﺒﻪﺕ ﺋﻮﺑﻴﯧﻜﺘﯩﻨﻰ ﺋﻪﺭﻛﯩﻦ ﺗﺎﻟﻼﺵ ﮪﻮﻗﯘﻗﻰ ﺑﻮﻟﯩﺪﯗ، ﺑﯩﺰ ﻗﺎﺭﺷﻰ ﺗﻪﺭﻩﭘﻨﯩﯔ ﻗﺎﺭﺍﺭﯨﻐﺎ ﮪﯚﺭﻣﻪﺕ ﻗﯩﻠﯩﺸﯩﻤﯩﺰ ﻛﯧﺮﻩﻙ.

ﺋﯩﻜﻜﯩﻨﭽﯩﺪﯨﻦ، ﺋﯚﺯﯨﻤﯩﺰﻧﻰ ﻗﻮﺑﯘﻝ ﻗﯩﻠﯩﺸﯩﻤﯩﺰ، ﺋﯚﺯﯨﻤﯩﺰﻧﻰ ﮪﻪﺩﺩﯨﺪﯨﻦ ﺯﯨﻴﺎﺩﻩ ﺋﻪﻳﯩﺒﻠﯩﻤﻪﺳﻠﯩﻜﯩﻤﯩﺰ ﻳﺎﻛﻰ ﺳﯧﮭﺮﯨﻲ ﻛﯜﭼﯩﻤﯩﺰﺩﯨﻦ ﮔﯘﻣﺎﻧﻼﻧﻤﺎﺳﻠﯩﻘﯩﻤﯩﺰ ﻛﯧﺮﻩﻙ. ﻣﯘﮪﻪﺑﺒﻪﺕ ﺋﯩﻜﻜﻰ ﺗﻪﺭﻩﭘﻨﯩﯔ ﺋﯚﺯﺋﺎﺭﺍ ﺗﯜﺭﺗﻜﻪ ﺑﻮﻟﯘﺷﻰ ﺋﺎﺳﺎﺳﯩﺪﺍ ﺩﺍﯞﺍﻣﻠﯩﺸﯩﺪﯗ، ﺑﯩﺮ ﺗﻪﺭﻩﭘﻨﯩﯔ ﺗﯩﺮﯨﺸﭽﺎﻧﻠﯩﻘﯩﺪﺍ ﺋﻪﻣﻪﺱ، ﻗﺎﺭﺷﻰ ﺗﻪﺭﻩﭘﻨﯩﯔ ﺑﯩﺰﻧﻰ ﻳﺎﺧﺸﻰ ﻛﯚﺭﻣﻪﺳﻠﯩﻜﯩﻨﻰ ﺋﯚﺯﯨﻤﯩﺰﻧﯩﯔ ﻛﻪﻣﭽﯩﻠﯩﻜﻰ ﻳﺎﻛﻰ ﻳﯧﺘﻪﺭﺳﯩﺰﻟﯩﻜﯩﮕﻪ ﺋﺎﺭﺗﯩﭗ ﻗﻮﻳﺴﺎﻕ ﺑﻮﻟﻤﺎﻳﺪﯗ.

ﮪﻪﺭ ﺑﯩﺮ ﺋﺎﺩﻩﻡ ﺋﯚﺯﮔﯩﭽﻪ ﮪﻪﻡ ﻗﯩﻤﻤﻪﺗﻠﯩﻚ، ﮔﻪﺭﭼﻪ ﺑﯘ ﮪﯧﺴﺴﯩﻴﺎﺕ ﺟﺎﯞﺍﺑﻘﺎ ﺋﯧﺮﯨﺸﻪﻟﻤﯩﮕﻪﻥ ﺑﻮﻟﺴﯩﻤﯘ، ﻟﯧﻜﯩﻦ ﺑﯘ ﺑﯩﺰﻧﯩﯔ ﮔﯜﺯﻩﻟﻠﯩﻜﯩﻤﯩﺰﮔﻪ ﺗﻪﺳﯩﺮ ﻛﯚﺭﺳﻪﺗﻤﻪﻳﺪﯗ.

ﺑﯩﺰ ﮪﺎﻳﺎﺗﻠﯩﻖ ﻛﻮﺋﻮﺭﺩﯦﻨﺎﺕ ﺋﯘﺳﯘﻟﻰ ﺋﺎﺭﻗﯩﻠﯩﻖ ﺋﯚﺯﯨﻤﯩﺰﻧﯩﯔ ﻗﻪﻟﺒﯩﻨﻰ ﺳﺎﻗﺎﻳﺘﯩﺸﻨﻰ ﺗﺎﻟﻠﯩﺴﺎﻕ ﺑﻮﻟﯩﺪﯗ، ﮪﺎﻳﺎﺗﻠﯩﻖ ﻛﻮﺋﻮﺭﺩﯦﻨﺎﺗﯩﺪﺍ ﺑﯩﺰ ﺋﯚﺯﯨﻤﯩﺰ ﺗﯘﺭﯗﯞﺍﺗﻘﺎﻥ ﺭﯦﺌﺎﻟﻠﯩﻘﻨﻰ ﺗﻮﻧﯘﭖ ﻳﯧﺘﯩﺸﯩﻤﯩﺰ ﮪﻪﻣﺪﻩ ﺑﯘ ﺭﯦﺌﺎﻟﻠﯩﻘﻨﯩﯔ ﺋﯚﺯﮔﻪﺭﻣﻪﻳﺪﯨﻐﺎﻥ ﺋﯘﺯﯗﻥ ﮪﺎﻳﺎﺕ ﻳﻮﻟﻰ ﺋﯩﻜﻪﻧﻠﯩﻜﯩﻨﻰ ﻗﻮﺑﯘﻝ ﻗﯩﻠﯩﺸﯩﻤﯩﺰ ﻛﯧﺮﻩﻙ.

ﺑﯘ ﻛﻪﭼﯜﺭﻣﯩﺶ ﭘﻪﻗﻪﺕ ﺋﻪﯓ ﻛﯩﭽﯩﻚ ﺑﯩﺮ ﻧﯘﻗﺘﺎ، ﺑﻪﻟﻜﯩﻢ ﻛﻪﻟﮕﯜﺳﯩﺪﯨﻜﻰ ﻧﻪﭼﭽﻪ ﺋﻮﻥ ﻳﯩﻠﺪﯨﻦ ﻛﯧﻴﯩﻦ، ﺑﯩﺰ ﮪﻪﺗﺘﺎ ﺋﯘﻧﻰ ﺋﯘﻧﺘﯘﭖ ﻗﯧﻠﯩﺸﯩﻤﯩﺰ ﻣﯘﻣﻜﯩﻦ، ﺩﻩﻝ ﺷﯘﻧﺪﺍﻕ ﺑﻮﻟﻐﺎﭼﻘﺎ، ﮪﺎﺯﯨﺮﻧﯩﯔ ﭼﻪﻛﻠﯩﻤﯩﺴﯩﮕﻪ ﺋﯘﭼﺮﺍﺵ ﺑﯩﺰﻧﻰ ﭘﻪﻗﻪﺕ ﺋﺎﺯﺍﺑﻠﯩﻖ ﺗﯘﺭﻣﯘﺷﻘﺎ ﺋﯧﺮﯨﺸﺘﯜﺭﯨﺪﯗ، ﺷﯘﯕﺎ ﻧﻪﺯﻩﺭ ﺩﺍﺋﯩﺮﯨﻤﯩﺰﻧﻰ ﻛﯧﯖﻪﻳﺘﯩﭗ، ﺗﯧﺨﯩﻤﯘ ﻳﯩﺮﺍﻗﻼﺭﻏﺎ ﻧﻪﺯﻩﺭ ﺗﺎﺷﻠﯩﺸﯩﻤﯩﺰ ﻛﯧﺮﻩﻙ.

ﺋﯜﭼﯩﻨﭽﻰ، ﺋﯚﺯﯨﻨﻰ ﺳﯚﻳﯜﺵ

ﺑﯩﺰ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻡ ﺑﯩﺰ ﺑﯩﻠﻪﻥ ﺋﻮﺧﺸﺎﺵ ﮪﯧﺴﺴﯩﻴﺎﺗﺘﺎ ﺑﻮﻟﻤﯩﺴﯩﻤﯘ، ﺑﯩﺰ ﻳﻪﻧﯩﻼ ﺋﯚﺯﯨﻤﯩﺰﻧﻰ ﺳﯚﻳﯜﺷﻨﻰ ﺋﯚﮔﯩﻨﯩﯟﯦﻠﯩﺸﯩﻤﯩﺰ ﻛﯧﺮﻩﻙ، ﺑﯘ ﺑﯩﺮ ﺧﯩﻞ ﻛﯚﯕﯜﻝ ﺑﯚﻟﯜﺵ ﯞﻩ ﮪﯚﺭﻣﻪﺕ ﻗﯩﻠﯩﺶ ﭘﻮﺯﯨﺘﺴﯩﻴﻪﺳﻰ، ﺷﯘﻧﺪﺍﻗﻼ ﺗﯘﺭﻣﯘﺷﯩﻤﯩﺰﻧﻰ ﺗﻮﻟﯘﻗﻠﯩﺸﯩﻤﯩﺰﻧﯩﯔ ﺋﺎﺳﺎﺳﻰ.

ﺋﯚﺯﯨﻨﻰ ﺳﯚﻳﯜﺵ ﺋﯚﺯﯨﻨﯩﯔ ﺑﺎﺭﻟﯩﻘﯩﻨﻰ ﻗﻮﺑﯘﻝ ﻗﯩﻠﯩﺸﺘﯩﻦ ﺩﯦﺮﻩﻙ ﺑﯧﺮﯨﺪﯗ، ﮪﻪﺭ ﺑﯩﺮﯨﻤﯩﺰﻧﯩﯔ ﺋﺎﺭﺗﯘﻗﭽﯩﻠﯩﻘﻰ ﯞﻩ ﻛﻪﻣﭽﯩﻠﯩﻜﻰ ﺑﻮﻟﯩﺪﯗ، ﺋﯚﺯﯨﻨﯩﯔ ﻣﯘﻛﻪﻣﻤﻪﻝ ﺋﻪﻣﻪﺳﻠﯩﻜﯩﻨﻰ ﺋﯧﺘﯩﺮﺍﭖ ﻗﯩﻠﯩﺶ ﯞﻩ ﻗﻮﺑﯘﻝ ﻗﯩﻠﯩﺶ ﺋﯚﺯﯨﻨﻰ ﺳﯚﻳﯜﺷﻨﯩﯔ ﺑﯩﺮ ﻗﯩﺴﻤﻰ، ﺋﯚﺯﯨﻤﯩﺰﻧﯩﯔ ﺳﻪﯞﻩﻧﻠﯩﻜﻰ ﯞﻩ ﻣﻪﻏﻠﯘﺑﯩﻴﯩﺘﯩﮕﻪ ﻛﻪﯓ ﻗﻮﺭﺳﺎﻗﻠﯩﻖ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺸﻨﻰ ﺋﯚﮔﯩﻨﯩﯟﯦﻠﯩﺸﯩﻤﯩﺰ، ﮪﻪﺭﮔﯩﺰﻣﯘ ﺋﯚﺯﯨﻤﯩﺰﻧﻰ ﮪﻪﺩﺩﯨﺪﯨﻦ ﺯﯨﻴﺎﺩﻩ ﺗﻪﻧﻘﯩﺪ ﻗﯩﻠﻤﺎﺳﻠﯩﻘﯩﻤﯩﺰ ﻳﺎﻛﻰ ﺋﯚﺯﯨﻤﯩﺰﻧﻰ ﺋﯩﻨﻜﺎﺭ ﻗﯩﻠﻤﺎﺳﻠﯩﻘﯩﻤﯩﺰ ﻛﯧﺮﻩﻙ.

ﺋﯚﺯﯨﻨﻰ ﺳﯚﻳﯜﺷﺘﻪ ﺋﯚﺯﯨﻨﯩﯔ ﺋﯧﮭﺘﯩﻴﺎﺟﻰ ﯞﻩ ﺑﻪﺧﺘﯩﮕﻪ ﺋﻪﮪﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ، ﺋﯩﭽﻜﻰ ﺋﯧﮭﺘﯩﻴﺎﺟﻨﻰ ﻗﺎﻧﺪﯗﺭﯗﺷﻨﻰ ﺋﯚﮔﯩﻨﯩﯟﯦﻠﯩﺸﯩﻤﯩﺰ، ﺟﯩﺴﻤﺎﻧﯩﻲ ﯞﻩ ﺭﻭﮪﯩﻲ ﺳﺎﻏﻼﻣﻠﯩﻘﯩﻤﯩﺰﻧﻰ ﻗﻮﻏﺪﯨﺸﯩﻤﯩﺰ ﻛﯧﺮﻩﻙ. ﺋﯘ ﻳﻪﻧﻪ ﺳﺎﻏﻼﻡ ﮪﻪﻡ ﻣﯘﯞﺍﭘﯩﻖ ﺑﻮﻟﻐﺎﻥ ﭼﻪﻙ-ﭼﯧﮕﺮﯨﻨﻰ ﺑﻪﻟﮕﯩﻠﻪﺷﻜﻪ ﭼﯧﺘﯩﻠﯩﺪﯗ، ﮪﻪﺭ ﺑﯩﺮ ﺋﺎﺩﻩﻡ ﺋﯚﺯﯨﻨﯩﯔ ﻣﻪﻧﭙﻪﺋﻪﺗﻰ ﯞﻩ ﮪﯧﺴﺴﯩﻴﺎﺗﯩﻨﻰ ﻗﻮﻏﺪﺍﺷﻨﻰ ﺋﯚﮔﯩﻨﯩﯟﯦﻠﯩﺸﻰ ﻛﯧﺮﻩﻙ.

ﺑﯩﺰﮔﻪ ﺯﯨﻴﺎﻧﻠﯩﻖ ﻳﺎﻛﻰ ﻗﯩﻤﻤﻪﺕ ﻗﺎﺭﯨﺸﯩﻤﯩﺰﻏﺎ ﻣﺎﺱ ﻛﻪﻟﻤﻪﻳﺪﯨﻐﺎﻥ ﻧﻪﺭﺳﯩﻠﻪﺭﻧﻰ ﺭﻩﺕ ﻗﯩﻠﯩﺸﻨﻰ ﺋﯚﮔﯩﻨﯩﯟﯦﻠﯩﺸﯩﻤﯩﺰ ﻛﯧﺮﻩﻙ، ﺑﯘ ﺳﺎﻏﻼﻡ ﺑﻮﻟﻤﯩﻐﺎﻥ ﮪﯧﺴﺴﯩﻴﺎﺕ، ﭘﺎﺳﺴﯩﭗ ﻛﯩﺸﯩﻠﯩﻚ ﻣﯘﻧﺎﺳﯩﯟﻩﺕ ﻳﺎﻛﻰ ﺷﻪﺧﺴﯩﻲ ﺋﯚﺳﯜﭖ ﻳﯧﺘﯩﻠﯩﺸﻜﻪ ﭘﺎﻳﺪﯨﺴﯩﺰ ﻣﯘﮪﯩﺖ ﻗﺎﺗﺎﺭﻟﯩﻘﻼﺭﻧﻰ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ.

ﻗﯩﺴﻘﯩﺴﻰ، ﺗﯘﺭﻣﯘﺷﯩﻤﯩﺰﺩﺍ ﻳﻪﻧﻪ ﻧﯘﺭﻏﯘﻥ ﮔﯜﺯﻩﻝ ﺋﯩﺸﻼﺭ ﺑﯩﺰﻧﯩﯔ ﮪﯧﺲ ﻗﯩﻠﯩﺸﯩﻤﯩﺰﻧﻰ ﻛﯜﺗﯜﭖ ﺗﯘﺭﯨﺪﯗ. ﮪﺎﺯﯨﺮﻗﻰ ﺗﺎﻟﻼﺵ ﺧﺎﺗﺎ ﺑﻮﻟﻐﺎﻥ ﺑﻮﻟﺴﯩﻤﯘ، ﭘﯘﺷﺎﻳﻤﺎﻥ ﻗﯩﻠﻐﯘﺩﻩﻙ ﺋﯩﺶ ﻳﻮﻕ، ﺑﯘ ﭘﻪﻗﻪﺕ ﺑﯩﺮ ﺋﺎﺩﻩﺗﺘﯩﻜﻰ ﻛﻪﭼﯜﺭﻣﯩﺶ، ﯞﺍﺯ ﻛﯧﭽﯩﺸﻨﻰ ﺋﯚﮔﻪﻧﺴﯩﯖﯩﺰ، ﻛﯩﺸﯩﻠﯩﻚ ﮪﺎﻳﺎﺗﺘﺎ ﻳﻪﻧﻪ ﺳﺎﻥ-ﺳﺎﻧﺎﻗﺴﯩﺰ ﻣﯘﻣﻜﯩﻨﭽﯩﻠﯩﻜﻠﻪﺭﻧﯩﯔ ﺑﺎﺭﻟﯩﻘﯩﻨﻰ ﺑﺎﻳﻘﺎﻳﺴﯩﺰ.

……..…………… 

ئاستىدىكى ئىنكاس رايۇنىدا كۆرىشەيلى  . سۆز قالدۇرۇشنى ئۇنتۇپ قالماڭ