ﻣﯘﯞﻩﭘﭙﯩﻘﯩﻴﻪﺕ ﻗﺎﺯﺍﻧﻐﺎﻧﺪﺍ ﻛﻪﻣﺘﻪﺭ ﺑﻮﻟﯘﺵ ﺋﯜﻣﯩﺪﺳﯩﺰﻟﻪﻧﮕﻪﻧﺪﻩ

ﺑﻪﻳﺪﯗ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﺩﯗﻧﻴﺎﺩﺍ ﺗﺎﻻﻧﺘﻠﯩﻖ، ﺋﯩﻘﺘﯩﺪﺍﺭﻯ ﺋﯜﺳﺘﯜﻥ ﻛﯩﺸﯩﻠﻪﺭ ﮪﻪﻣﯩﺸﻪ ﺑﺎﺷﻘﯩﻼﺭﻧﻰ ﮪﯚﺭﻣﻪﺗﻠﻪﺷﻨﻰ ﺑﯩﻠﯩﺪﯗ، ﺋﯚﺯﯨﻨﯩﯔ ﭘﻪﺯﯨﻠﯩﺘﯩﻨﻰ ﻳﺎﺭﯨﺘﯩﺸﻘﺎ ﺗﯧﺨﯩﻤﯘ ﺋﻪﮪﻤﯩﻴﻪﺕ ﺑﯧﺮﯨﺪﯗ، ﺋﯚﺯﯨﻨﯩﯔ ﻛﯩﺸﯩﻠﯩﻚ ﻗﻪﺩﯨﺮ-ﻗﯩﻤﻤﯩﺘﯩﻨﻰ ﺗﯧﺨﯩﻤﯘ ﻗﻪﺩﯨﺮﻟﻪﻳﺪﯗ. ﺋﻪﻛﺴﯩﭽﻪ، ﺋﯩﻘﺘﯩﺪﺍﺭﻯ ﺋﺎﺟﯩﺰﺭﺍﻕ ﻛﯩﺸﯩﻠﻪﺭﺩﻩ ﺑﺎﺷﻘﯩﻼﺭﻏﺎ ﺑﻮﻟﻐﺎﻥ ﮪﯚﺭﻣﻪﺕ ﻛﻪﻣﭽﯩﻞ ﺑﻮﻟﯩﺪﯗ. ﻣﻪﻳﻠﻰ ﺑﯩﺰ ﺋﻮﯕﯘﺷﺴﯩﺰﻟﯩﻖ ﻳﺎﻛﻰ ﺋﻮﯕﯘﺷﺴﯩﺰﻟﯩﻖ ﺋﯩﭽﯩﺪﻩ ﺋﯚﺗﯜﺷﯩﻤﯩﺰﺩﯨﻦ ﻗﻪﺗﺌﯩﻴﻨﻪﺯﻩﺭ، ﻛﻪﻣﺘﻪﺭ ﯞﻩ ﺋﯜﻣﯩﺪﯞﺍﺭ ﭘﻮﺯﯨﺘﺴﯩﻴﻪﻧﻰ ﺳﺎﻗﻠﯩﺸﯩﻤﯩﺰ، ﻣﻪﻧﻤﻪﻧﻠﯩﻚ ﻳﺎﻛﻰ ﺋﯚﺯﯨﻨﻰ ﻛﻪﻣﺴﯩﺘﯩﺸﺘﯩﻦ ﺳﺎﻗﻠﯩﻨﯩﺸﯩﻤﯩﺰ، ﺋﯚﺯﯨﻤﯩﺰ ﯞﻩ ﺑﺎﺷﻘﯩﻼﺭﻏﺎ ﺗﻮﻏﺮﺍ ﻣﯘﺋﺎﻣﯩﻠﻪ ﻗﯩﻠﯩﺸﯩﻤﯩﺰ، ﺗﯘﺭﻣﯘﺷﺘﯩﻜﻰ ﮪﻪﺭ ﺧﯩﻞ ﺋﯩﺸﻼﺭﻏﺎ ﺗﻪﻣﻜﯩﻨﻠﯩﻚ ﺑﯩﻠﻪﻥ ﻣﯘﺋﺎﻣﯩﻠﻪ ﻗﯩﻠﯩﺸﯩﻤﯩﺰ ﻛﯧﺮﻩﻙ.

ﺑﻪﺯﯨﻠﻪﺭ ﺋﯩﻠﮕﯩﺮﻯ ﻣﯘﻧﺪﺍﻕ ﺩﯦﮕﻪﻥ: «ﺑﯩﺮ ﺋﺎﺩﻩﻣﻨﯩﯔ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﺎﻥ ﻳﺎﻛﻰ ﻣﻪﻏﺮﯗﺭﻻﻧﻐﺎﻥ ﭼﺎﻏﺪﯨﻜﻰ ﺋﯩﭙﺎﺩﯨﺴﻰ ﺋﯘﻧﯩﯔ ﭘﻪﺯﯨﻠﯩﺘﯩﻨﻰ ﺋﻪﯓ ﻳﺎﺧﺸﻰ ﺋﻪﻛﺲ ﺋﻪﺗﺘﯜﺭﯛﭖ ﺑﯧﺮﻩﻟﻪﻳﺪﯗ». ﮪﻪﻗﯩﻘﯩﻲ ﭼﻮﯓ ﺋﻪﮪﯟﺍﻟﻰ ﺑﺎﺭ ﺋﺎﺩﻩﻡ، ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﻨﯩﯔ ﻳﯘﻗﯩﺮﻯ ﭘﻪﻟﻠﯩﺴﯩﺪﻩ ﺗﯘﺭﺳﯩﻤﯘ، ﻳﻪﻧﯩﻼ ﻛﻪﻣﺘﻪﺭ ﺑﻮﻟﯘﭖ، ﮪﻪﻣﻤﯩﮕﻪ ﺳﻮﻏﯘﻗﻘﺎﻧﻠﯩﻖ ﺑﯩﻠﻪﻥ ﻳﯜﺯﻟﯩﻨﻪﻟﻪﻳﺪﯗ.

ﮪﺎﻳﺎﺕ ﺋﯧﮕﯩﺰ-ﭘﻪﺱ، ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺸﻤﯘ، ﻣﻪﻏﻠﯘﭖ ﺑﻮﻟﯘﺷﻤﯘ ﺑﻮﻟﯩﺪﯗ، ﻣﻪﻣﻨﯘﻧﻠﯘﻕ ﺑﻮﻟﯘﺷﻤﯘ، ﻣﻪﻳﯜﺳﻠﯩﻨﯩﺸﻤﯘ ﺑﻮﻟﯩﺪﯗ. ﺑﯘﻻﺭﻧﯩﯔ ﮪﻪﻣﻤﯩﺴﻰ ﺗﯘﺭﻣﯘﺷﺘﯩﻜﻰ ﻧﻮﺭﻣﺎﻝ ﮪﺎﻟﻪﺕ، ﺋﺎﺭﺗﯘﻗﭽﻪ ﻛﯚﯕﯜﻝ ﺑﯚﻟﯜﺷﻨﯩﯔ، ﺯﯨﻐﯩﺮﻻﭖ ﻛﯧﺘﯩﺸﻨﯩﯔ، ﻛﯚﯕﻠﯩﺪﻩ ﺳﺎﻗﻼﺷﻨﯩﯔ ﮪﺎﺟﯩﺘﻰ ﻳﻮﻕ.

ﺋﻪﮔﻪﺭ ﺑﯩﺮ ﺋﺎﺩﻩﻡ ﻣﻪﻏﺮﯗﺭﻻﻧﻐﺎﻥ ﭼﺎﻏﺪﺍ ﻛﻪﻣﺘﻪﺭﻟﯩﻜﻨﻰ ﻳﻮﻗﺎﺗﻤﯩﺴﺎ، ﺋﯜﻣﯩﺪﺳﯩﺰﻟﻪﻧﮕﻪﻧﺪﻩ ﺋﯚﺯﯨﻨﻰ ﻛﻪﻣﺴﯩﺘﻤﯩﺴﻪ ﺋﻪﯓ ﻳﺎﺧﺸﻰ، ﺋﺎﺩﻩﻡ ﺋﯜﻥ-ﺗﯩﻨﺴﯩﺰ ﺗﯩﺮﯨﺸﯩﺶ ﻛﯧﺮﻩﻙ، ﺑﯘ ﺧﯩﻞ ﭘﻪﺯﯨﻠﻪﺕ ﮪﯚﺭﻣﻪﺗﻠﻪﺷﻜﻪ ﺋﻪﺭﺯﯨﭙﻼ ﻗﺎﻟﻤﺎﻱ ﻳﻪﻧﻪ ﺑﯩﺰﻧﯩﯔ ﺋﯚﮔﯩﻨﯩﺶ ﺋﯜﻟﮕﯩﻤﯩﺰ ﺑﻮﻻﻻﻳﺪﯗ. ﺋﻪﮔﻪﺭ ﻛﯩﭽﯩﻜﻜﯩﻨﻪ ﻧﻪﺗﯩﺠﻪ ﺋﯜﭼﯜﻥ ﺋﯚﺯ-ﺋﯚﺯﯨﺪﯨﻦ ﻗﺎﻧﺎﺋﻪﺗﻠﻪﻧﺴﻪ ﺑﺎﺷﻘﯩﻼﺭﻏﺎ ﺳﻪﻝ ﻗﺎﺭﯨﺴﺎ، ﺑﯘ ﺧﯩﻞ ﺋﯚﺯﯨﮕﻪ ﺋﯩﺸﯩﻨﯩﺶ ﺋﻪﯓ ﺋﺎﺧﯩﺮﯨﺪﺍ ﺋﯧﻐﯩﺮ ﻣﻪﻏﻠﯘﭖ ﺑﻮﻟﯘﺷﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

ﺩﯗﻧﻴﺎﺩﺍ ﮪﻪﻣﻤﻪ ﺋﺎﺩﻩﻣﻨﯩﯔ ﻗﯩﻤﻤﯩﺘﻰ ﺑﺎﺭ. ﯞﺍﻗﺘﯩﻨﭽﻪ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﺎﻟﻤﯩﺴﯩﻤﯘ، ﻣﻪﯕﮕﯜ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﯩﻠﻰ ﺑﻮﻟﻤﺎﻳﺪﯨﻐﺎﻧﻠﯩﻘﯩﺪﯨﻦ ﺩﯦﺮﻩﻙ ﺑﻪﺭﻣﻪﻳﺪﯗ. ﭘﻪﻗﻪﺕ ﺋﺎﺳﺎﻧﻠﯩﻘﭽﻪ ﯞﺍﺯ ﻛﻪﭼﻤﯩﺴﯩﻼ ﮪﺎﺯﯨﺮﻗﻰ ﮪﺎﻟﻪﺗﻨﻰ ﺋﯚﺯﮔﻪﺭﺗﻜﯩﻠﻰ ﺑﻮﻟﯩﺪﯗ. ﺋﻪﮔﻪﺭ ﺑﯩﺮ ﻳﻮﻟﺪﯨﻦ ﺋﯚﺗﻜﯩﻠﻰ ﺑﻮﻟﻤﯩﺴﺎ، ﺋﯘﻧﺪﺍﻗﺘﺎ ﻳﻪﻧﻪ ﺑﯩﺮ ﻳﻮﻟﺪﯨﻦ ﻣﯧﯖﯩﺶ ﻛﯧﺮﻩﻙ. ﺋﻪﮔﻪﺭ ﺑﯩﺮ ﺋﯩﺸﻨﻰ ﻗﯩﻠﻐﯩﻠﻰ ﺑﻮﻟﻤﯩﺴﺎ، ﺋﯘﻧﺪﺍﻗﺘﺎ ﺑﺎﺷﻘﺎ ﺑﯩﺮ ﺋﯩﺸﻨﻰ ﺳﯩﻨﺎﭖ ﺑﯧﻘﯩﺶ ﻻﺯﯨﻢ. ﭘﻪﻗﻪﺕ ﺋﯩﺮﺍﺩﻩ ﺑﻮﻟﺴﯩﻼ ﮪﺎﻣﺎﻥ ﺋﯚﺯﯨﮕﻪ ﻣﺎﺱ ﻛﯧﻠﯩﺪﯨﻐﺎﻥ ﻳﻮﻟﻨﻰ ﺗﺎﭘﻘﯩﻠﻰ ﺑﻮﻟﯩﺪﯗ ﮪﻪﻣﺪﻩ ﺋﻪﯓ ﺋﺎﺧﯩﺮﯨﺪﺍ ﻧﯩﺸﺎﻧﻨﻰ ﺋﻪﻣﻪﻟﮕﻪ ﺋﺎﺷﯘﺭﻏﯩﻠﻰ ﺑﻮﻟﯩﺪﯗ.

ﮪﺎﻳﺎﺕ ﺳﻪﭘﯩﺮﯨﺪﻩ ﺋﯜﻣﯩﺪﺳﯩﺰﻟﯩﻚ ﯞﻩ ﻧﺎﻣﻪﻟﯘﻡ ﻛﻪﻟﮕﯜﺳﻰ ﺋﺎﻟﺪﯨﺪﺍ ﺋﻪﯓ ﻣﯘﮪﯩﻤﻰ ﻣﯘﻗﯩﻢ ﺭﻭﮪﯩﻲ ﮪﺎﻟﻪﺗﻨﻰ ﺳﺎﻗﻼﺵ، ﺋﺎﺳﺎﻧﻠﯩﻘﭽﻪ ﯞﺍﺯ ﻛﻪﭼﻤﻪﺳﻠﯩﻚ ﻛﯧﺮﻩﻙ. ﺋﯚﺯﯨﻨﯩﯔ ﻧﯧﻤﻪ ﺋﯩﺶ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ ﭼﻮﯕﻘﯘﺭ ﺋﻮﻳﻼﭖ، ﺋﺎﻧﺪﯨﻦ ﭘﯘﺧﺘﺎ ﻗﻪﺩﻩﻡ ﺑﯩﻠﻪﻥ ﺳﯩﻨﺎﭖ ﺑﯧﻘﯩﺶ ﻛﯧﺮﻩﻙ. ﺋﺎﺩﻩﻣﻨﯩﯔ ﺋﯚﻣﺮﻯ ﮔﻪﺭﭼﻪ ﺋﯘﺯﯗﻥ ﮪﻪﻡ ﻗﯩﺴﻘﺎ ﺑﻮﻟﻤﯩﺴﯩﻤﯘ ﻟﯧﻜﯩﻦ ﺋﻮﯕﯘﺷﺴﯩﺰﻟﯩﻘﻘﺎ ﺋﯘﭼﺮﺍﺷﺘﯩﻦ ﺧﺎﻟﯩﻲ ﺑﻮﻻﻟﻤﺎﻳﺪﯗ. ﮪﻪﺭﮔﯩﺰﻣﯘ ﮔﺎﯕﮕﯩﺮﺍﺵ ﯞﻩ ﺋﺎﻻﻗﺰﺍﺩﯨﻠﯩﻚ ﺋﯩﭽﯩﺪﻩ ﯞﺍﻗﯩﺘﻨﻰ ﺋﯩﺴﺮﺍﭖ ﻗﯩﻠﻤﺎﯓ، ﺷﯘﻧﺪﺍﻗﻼ ﺋﯩﭻ ﺋﺎﻏﺮﯨﺘﯩﺶ ﺋﯩﭽﯩﺪﻩ ﺋﯚﻣﺮﯨﯖﯩﺰﻧﻰ ﺑﯩﻜﺎﺭ ﺋﯚﺗﻜﯜﺯﻣﻪﯓ. ﺑﺎﺭﻟﯩﻖ ﺋﺎﻣﺎﻟﻼﺭ ﺑﯩﻠﻪﻥ ﻗﯩﻴﯩﻦ ﺋﻪﮪﯟﺍﻟﺪﯨﻦ ﻗﯘﺗﯘﻟﯘﺵ ﻛﯧﺮﻩﻙ. ﺋﻪﯓ ﻗﯩﻴﯩﻦ ﭘﻪﻳﺘﺘﻪ، ﺋﯚﺯﯨﯖﯩﺰﮔﻪ ﺗﯧﺨﯩﻤﯘ ﺋﯩﺸﯩﻨﯩﭗ، ﻏﻪﻳﺮﻩﺗﻜﻪ ﻛﯧﻠﯩﭗ، ﺭﻭﮪﯩﻲ ﮪﺎﻟﯩﺘﯩﯖﯩﺰﻧﻰ ﺗﻪﯕﺸﯩﺸﯩﯖﯩﺰ ﻛﯧﺮﻩﻙ. ﺑﺎﺷﻘﯩﻼﺭﻏﺎ ﺗﺎﻳﺎﻧﻤﺎﻱ ﻳﺎﻟﻐﯘﺯ ﺗﯩﺮﯨﺸﺴﯩﯖﯩﺰﻻ، ﻗﯩﻴﯩﻨﭽﯩﻠﯩﻘﺘﯩﻦ ﻗﯘﺗﯘﻟﯘﭖ ﭼﯩﻘﺎﻻﻳﺴﯩﺰ. ﺋﻮﻣﯘﻣﻪﻥ ﻗﯩﻠﯩﭗ ﺋﯧﻴﺘﻘﺎﻧﺪﺍ، ﻣﻪﻳﻠﻰ ﺋﯧﮕﯩﺰ ﻳﺎﻛﻰ ﺗﯚﯞﻩﻥ ﺋﻮﺭﯗﻧﺪﺍ ﺑﻮﻟﺴﯘﻥ، ﺑﺎﺷﻘﯩﻼﺭﻏﺎ ﺑﺎﺭﺍﯞﻩﺭ ﻣﯘﺋﺎﻣﯩﻠﻪ ﻗﯩﻠﯩﺶ ﻛﯧﺮﻩﻙ. ﮪﺎﻳﺎﺗﻠﯩﻘﺘﯩﻜﻰ ﺋﯘﺗﯘﻕ-ﻣﻪﻏﻠﯘﺑﯩﻴﻪﺗﻨﯩﯔ ﺋﺎﺧﯩﺮﻗﻰ ﮪﯧﺴﺎﺑﺘﺎ ﺋﯚﺗﯜﭖ ﻛﯧﺘﯩﺪﯗ، ﻣﯘﮪﯩﻤﻰ ﻛﯚﯕﯜﻟﻨﻰ ﺳﺎﻗﻼﺵ، ﻣﻪﻏﺮﯗﺭﻻﻧﻐﺎﻧﺪﺍ ﻛﻪﻣﺘﻪﺭ ﺑﻮﻟﯘﺵ، ﺋﯜﻣﯩﺪﺳﯩﺰﻟﻪﻧﮕﻪﻧﺪﻩ ﻗﻪﻳﺴﻪﺭﻟﯩﻜﻨﻰ ﻧﺎﻣﺎﻳﺎﻥ ﻗﯩﻠﯩﺶ، ﻣﯘﺷﯘﻧﺪﺍﻕ ﻗﯩﻠﻐﺎﻧﺪﯨﻼ ﺋﯚﺯﯨﻨﻰ ﯞﻩ ﺑﺎﺷﻘﯩﻼﺭﻧﻰ ﮪﻪﻗﯩﻘﯩﻲ ﺗﻮﻧﯘﻏﯩﻠﻰ ﺑﻮﻟﯩﺪﯗ.