كىشىلىك ھاياتنى داۋاملاشتۇرۇش ھەر قانداق كىشىگە ئاسان ئەمەس

تىرىشايلى، يىقىتىش ئۈچۈن ئەمەس، يۆلەش ئۈچۈن !
تىرىشايلى، كۆز-كۆز قىلىش ئۈچۈن ئەمەس، يوقنى بار قىلىش ئۈچۈن!
تىرىشايلى، باشقىلاردىن ئېشىپ كېتىش ئۈچۈن ئەمەس، تۈنۈگۈنكى ئۆزىمىزدىن ئېشىش ئۈچۈن، بۈگۈن يەنە يېڭى نەتىجە يارىتىش ئۈچۈن!

 تۇرمۇشتا بەزى ئىشلارنى كاللىسىدىن ئۆتكۈزۈش تەس، ۋاز كېچىش ئۇنىڭدىنمۇ تەس. نۇرغۇن ئىشلارنى قويۇپ قويىمەن دەپلا قويۇپ قويغىلى بولمايدۇ، بەزى ئىشلاردىن ۋاز كېچىمەن دەپلا ۋاز كەچكىلى بولمايدۇ. بەزى ئىشلارنى كۆرۈپ تۇرسىمۇ لېكىن يەنىلا قويۇپ قويغىلى بولمايدۇ، بەزى ئىشلارنى چۈشەنسەكمۇ، لېكىن يەنىلا ۋاز كېچىشكە ئامالسىز قالىمىز. بەزى ئادەملەرنى ئېنىق تونۇپ يەتكەن بولساقمۇ، ۋاز كېچىشكە قىيمايمىز. تۇرمۇش سىزنىڭ ئاغرىنىشىڭىز بىلەن ئۆزگىرىپ قالمايدۇ، ھايات سىزنىڭ ھەسرىتىڭىز بىلەن ئۆزگىرىپ قالمايدۇ.
ئاغرىنماڭ ياكى ئاغرىنماڭ، تۇرمۇش يەنىلا ئوخشاش؛ سىز غەم قىلماڭ ياكى غەم قىلماڭ، كىشىلىك ھايات يەنىلا ئۆزگەرمەيدۇ؛

 تاللاش جەريانىدا يوقىتىشمۇ، ئېرىشىشمۇ بولىدۇ. ھاياتتا ئازابتىن قېچىپ قۇتۇلغىلى بولمايدۇ، ئەمما خۇشاللىق ئىزدەشنى بىلىش تېخىمۇ مۇھىم.
ھاياتتىكى ئورنى ئوخشاش كىشىلەرنىڭ پۇلى، ھوقۇقى يېقىن كەلمىسىمۇ، ئەمما قەلبى يېقىن كېلىدۇ؛ ھەقىقىي بەخت بايلىقمۇ، ھەممە ئىشى ئوڭۇشلۇق بولۇشمۇ ئەمەس، بەلكى ۋىجدان بىلەن ياشاش. ھاياتتا ئەڭ قورقۇنچلۇقى پۇشايمان ئىچىدە ياشاش، بىراق، ھېچقانداق ئۆزگەرتمەسلىك.

سىز مېنىڭ ھالىمغا يەتسىڭىز، مەن سىزنىڭ جاپا- مۇشەققىتىڭىزنى چۈشەنسەم، مانا بۇ، باشقىلارنى ھۆرمەت قىلىشنىڭ ئەڭ ياخشى تۈرىدۇر

كىشىلىك ھاياتنى داۋاملاشتۇرۇش ھەر قانداق كىشىگە ئاسان ئەمەس. بۇنىڭدا كىشىلەر ئارا بىر-بىرىگە ھۆرمەت قىلىش قائىدىسى ساقلىنىشى كېرەك.
باشقىلارنى ھۆرمەت قىلىش ئۈچۈن، ئۇنچىلىك چوڭقۇر گەپ- سۆزلەر قىلىش ھاجەتسىز ياكى كىشىنى تەسىرلەندۈرىدىغان ئۇلۇغ ھەرىكەتلەرنىڭمۇ ھاجىتى يوق. بەزىدە پەقەت ئازغىنە بىر ئەجىر، يەنى باشقىلارنىڭ ھالىغا يېتىش، باشقىلارنى كۆپرەك چۈشىنىش. مانا مۇشۇنىڭ ئۆزى كۇپايە.