ﺳﯩﺰ ﺋﻪﯓ ﻳﺎﺧﺸﻰ ﺗﯘﺭﻣﯘﺷﻘﺎ ﺋﯧﺮﯨﺸﻪﻟﯩﺪﯨﯖﯩﺰﻣﯘ؟

ﺋﯜﻧﺪﯨﺪﺍﺭ ﺳﺎﻟﻮﻧﻰ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﺗﯧﺨﯩﻤﯘ ﺑﺎﺗﯘﺭ ﻗﯩﻴﺎﭘﻪﺕ ﺑﯩﻠﻪﻥ ﻛﻪﻟﮕﯜﺳﯩﮕﻪ ﻳﯜﺯﻟﯩﻨﯩﺶ ﭘﯩﺸﺸﯩﭗ ﻳﯧﺘﯩﻠﮕﻪﻧﻠﯩﻜﻨﯩﯔ ﻧﺎﻣﺎﻳﻪﻧﺪﯨﺴﻰ ﮪﯧﺴﺎﺑﻠﯩﻨﯩﺪﯗ. ﺑﯩﺮ ﺋﺎﺩﻩﻣﻨﯩﯔ ﺋﻪﯓ ﻳﺎﺧﺸﻰ ﺗﯘﺭﻣﯘﺵ ﮪﺎﻟﯩﺘﻰ، ﺋﯚﺯﯨﻨﯩﯔ ﻧﯩﺸﺎﻧﻰ ﯞﻩ ﻗﯩﺰﯨﻘﯩﺸﻰ ﺑﻮﻟﯘﺵ، ﺗﯩﺮﯨﺸﯩﭗ ﺋﯚﺯﯨﻨﻰ ﻣﯘﻛﻪﻣﻤﻪﻟﻠﻪﺷﺘﯜﺭﯛﺷﺘﯘﺭ. ﺋﺎﺩﻩﻡ ﮪﯧﭽﻜﯩﻤﻨﻰ ﻳﺎﺧﺸﻰ ﻛﯚﺭﻣﯩﺴﻪ ﺯﯦﮭﻨﯩﻨﻰ ﺋﯚﺯﯨﮕﻪ ﻗﺎﺭﯨﺘﯩﺪﯗ، ﺑﺎﺷﻘﯩﻼﺭﻧﻰ ﻳﺎﺧﺸﻰ ﻛﯚﺭﺳﻪ ﺋﺎﻧﺪﯨﻦ ﺋﯚﺯ-ﺋﺎﺭﺍ ﺑﯩﺮ-ﺑﯩﺮﯨﻨﻰ ﻗﯘﭼﺎﻗﻼﺵ ﺋﯩﻘﺘﯩﺪﺍﺭﻯ ﺑﻮﻟﯩﺪﯗ. ﻳﯧﯖﻰ ﺑﯩﺮ ﻳﯩﻠﺪﺍ، ﺳﯩﺰﻧﯩﯔ ﺋﻪﯓ ﻳﺎﺧﺸﻰ ﺋﯚﺯﯨﯖﯩﺰ ﺑﻮﻟﯘﭖ، ﺗﯧﺨﯩﻤﯘ ﻳﺎﺧﺸﻰ ﺗﯘﺭﻣﯘﺷﻘﺎ ﺋﯧﺮﯨﺸﯩﺸﯩﯖﯩﺰﻧﻰ ﺋﯜﻣﯩﺪ ﻗﯩﻠﯩﻤﻪﻥ.

ﻳﯧﺘﻪﺭﺳﯩﺰﻟﯩﻜﻠﻪﺭﮔﻪ ﺗﻮﻏﺮﺍ ﻗﺎﺭﺍﺵ ﺋﯚﺯ-ﺋﯚﺯﯨﻨﻰ ﻣﯘﯞﻩﭘﭙﻪﻗﯩﻴﻪﺗﻜﻪ ﺋﯧﺮﯨﺸﺘﯜﺭﯛﺷﻨﯩﯔ ﺳﯩﺮﻯ ﮪﯧﺴﺴﺎﺑﻠﯩﻨﯩﺪﯗ. ﺋﻪﻣﻪﻟﯩﻴﻪﺗﺘﻪ ﻧﺎﮪﺎﻳﯩﺘﻰ ﺋﺎﺩﺩﯨﻲ، ﻗﺎﻧﭽﻪ ﻣﯘﻧﻪﯞﯞﻩﺭ ﺋﺎﺩﻩﻡ ﺑﻮﻟﺴﺎ، ﺋﯚﺯﯨﻨﯩﯔ ﻣﻪﺳﯩﻠﯩﺴﯩﻨﻰ ﺑﺎﻳﻘﺎﺷﻘﺎ ﺷﯘﻧﭽﻪ ﻣﺎﮪﯩﺮ ﺑﻮﻟﯩﺪﯗ. ﭘﻪﻗﻪﺕ ﺩﺍﺋﯩﻢ ﺋﯚﺯﻯ ﺋﯜﺳﺘﯩﺪﻩ ﺋﻮﻳﻼﻧﻐﺎﻧﺪﯨﻼ، ﺋﺎﻧﺪﯨﻦ ﺋﯚﮔﯩﻨﯩﺶ ﺋﺎﺭﻗﯩﻠﯩﻖ ﺋﯚﺯﯨﻨﯩﯔ ﻳﯧﺘﻪﺭﺳﯩﺰﻟﯩﻜﻰ ﯞﻩ ﭼﻪﻛﻠﯩﻤﯩﺴﯩﻨﻰ ﺗﻮﻟﯘﻗﻠﯩﻐﯩﻠﻰ، ﺗﯧﺨﯩﻤﯘ ﻳﯩﺮﺍﻗﻨﻰ ﻛﯚﺭﮔﯩﻠﻰ ﺑﻮﻟﯩﺪﯗ. ﺋﯚﺯﯨﻨﯩﯔ ﻛﻪﻣﭽﯩﻠﯩﻜﯩﮕﻪ ﺑﯩﯟﺍﺳﯩﺘﻪ ﻳﯜﺯﻟﯩﻨﯩﺸﻨﻰ ﺑﯩﻠﮕﻪﻥ ﺋﺎﺩﻩﻣﻨﯩﯔ ﺋﯚﺯﯨﮕﻪ ﺑﻮﻟﻐﺎﻥ ﺗﻮﻧﯘﺷﻰ ﻛﯜﻧﺪﯨﻦ-ﻛﯜﻧﮕﻪ ﻛﯜﭼﯩﻴﯩﺪﯗ. ﺋﯘﻻﺭ ﺗﯘﺭﻣﯘﺷﺘﯩﻜﻰ ﺩﻭﻟﻘﯘﻧﻼﺭﻏﺎ ﺗﯧﺨﯩﻤﯘ ﺳﺎﻟﻤﺎﻗﻠﯩﻖ ﺑﯩﻠﻪﻥ ﻳﯜﺯﻟﯩﻨﻪﻟﻪﻳﺪﯗ، ﺷﯘﻧﺪﺍﻗﻼ ﺋﯚﺯﯨﻨﯩﯔ ﻳﯧﺘﻪﺭﺳﯩﺰﻟﯩﻜﯩﻨﻰ ﺗﯧﺨﯩﻤﯘ ﺋﺎﻗﯩﻼﻧﯩﻠﯩﻚ ﺑﯩﻠﻪﻥ ﻗﻮﺑﯘﻝ ﻗﯩﻼﻻﻳﺪﯗ. ﻳﯧﯖﻰ ﺑﯩﺮ ﻳﯩﻠﺪﺍ، ﺭﻭﮪﯩﻲ ﮪﺎﻟﻪﺗﻨﻰ ﺗﻪﯕﺸﻪﺷﻨﻰ ﺋﯚﮔﯩﻨﯩﭗ، ﻗﻪﺭﻩﻟﻠﯩﻚ ﮪﺎﻟﺪﺍ ﺋﯚﺯﯨﻨﻰ ﺗﻪﻛﺸﯜﺭﮔﻪﻧﺪﯨﻼ، ﺋﺎﻧﺪﯨﻦ ﺗﯧﺨﯩﻤﯘ ﺑﺎﺗﯘﺭ ﻗﯩﻴﺎﭘﻪﺕ ﺑﯩﻠﻪﻥ ﻛﻪﻟﮕﯜﺳﯩﮕﻪ ﻳﯜﺯﻟﯩﻨﻪﻟﻪﻳﺪﯗ.

ﺋﯚﺗﻤﯜﺷﻨﻰ ﺋﯘﻧﺘﯘﭖ، ﺗﯘﺭﻣﯘﺷﻨﻰ ﻗﺎﻳﺘﺎ ﺑﺎﺷﻼﯓ، ﺑﯘﺭﯗﻧﻘﻰ ﺋﯩﺸﻼﺭﻧﯩﯔ ﮪﻪﻣﻤﯩﺴﻰ ﻣﯘﻗﻪﺩﺩﯨﻤﻪ. ﺑﯩﺮ ﺋﺎﺩﻩﻡ ﺋﯚﺗﻤﯜﺷﺘﯩﻦ ﻗﯘﺗﯘﻟﯘﺷﻨﻰ ﺑﯩﻠﮕﻪﻧﺪﯨﻼ، ﺋﺎﻧﺪﯨﻦ ﻗﻪﺩﻩﻣﻨﻰ ﻳﯧﻨﯩﻚ ﺑﯧﺴﯩﭗ ﻛﻪﻟﮕﯜﺳﯩﻨﻰ ﻛﯜﺗﯜﯞﺍﻻﻻﻳﺪﯗ. ﻛﯩﺸﯩﻠﯩﻚ ﺗﯘﺭﻣﯘﺵ ﺋﻪﻧﺪﯨﺰﯨﺴﯩﻨﯩﯔ ﻛﯧﯖﯩﻴﯩﺸﻰ، ﺑﻪﺯﯨﺪﻩ ﺩﻩﻝ ﯞﺍﻗﺘﯩﺪﺍ ﻛﯩﺸﯩﻨﻰ ﻣﻪﻟﯘﻡ ﺩﻩﺭﯨﺠﯩﺪﻩ ﺋﻪﻗﯩﻞ-ﭘﺎﺭﺍﺳﻪﺕ ﯞﻩ ﺟﺎﺳﺎﺭﻩﺗﻜﻪ ﺋﯩﮕﻪ ﻗﯩﻠﯩﺪﯗ. ﻛﯩﺸﯩﻠﯩﻚ ﮪﺎﻳﺎﺗﺘﯩﻜﻰ ﺗﻪﺷﻪﺑﺒﯘﺳﻜﺎﺭﻟﯩﻖ ﮪﻮﻗﯘﻗﻰ ﮪﻪﻣﯩﺸﻪ ﻗﺎﻳﺘﯩﺪﯨﻦ ﻳﻮﻟﻐﺎ ﭼﯩﻘﯩﺸﻘﺎ ﺟﯜﺭﺋﻪﺕ ﻗﯩﻠﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﻗﻮﻟﯩﺪﺍ ﺑﻮﻟﯩﺪﯗ. ﻛﯩﺸﯩﻠﯩﻚ ﺗﯘﺭﻣﯘﺷﺘﺎ ﻳﺎﺧﺸﻰ، ﻳﺎﻣﺎﻥ ﺋﯩﺸﻼﻧﺮﯨﯔ ﮪﻪﻣﻤﻤﯩﺴﻰ ﺋﯚﺗﯜﭖ ﻛﯧﺘﯩﺪﯗ.

ﺋﯜﻥ-ﺗﯩﻨﺴﯩﺰ ﻛﯜﭺ ﺗﻮﭘﻼﯓ، ﮪﺎﻳﺎﺗﻠﯩﻖ ﻳﻮﻟﯩﺪﺍ، ﻛﯩﺸﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺗﺎﺭﺗﯩﺪﯨﻐﺎﻥ ﺭﻭﮪ ﺑﻮﻟﯘﭘﻼ ﻗﺎﻟﻤﺎﻱ، ﻳﻪﻧﻪ ﻣﻪﻏﻠﯘﺑﯩﻴﻪﺗﻜﻪ ﺩﯗﭺ ﻛﻪﻟﮕﻪﻧﺪﻩ ﺗﻪﻣﻜﯩﻦ ﯞﻩ ﺳﺎﻟﻤﺎﻕ ﺑﻮﻟﯘﺷﻰ ﻛﯧﺮﻩﻙ. ﺑﻪﺯﯨﻠﻪﺭ ﺑﯩﺮ ﺗﺎﻝ ﮔﯜﻟﻨﯩﯔ ﺧﺎﺯﺍﻥ ﺑﻮﻟﯘﺷﻰ ﭘﯜﺗﯜﻥ ﺑﺎﮪﺎﺭﻧﻰ ﯞﻩﻳﺮﺍﻥ ﻗﯩﻼﻟﻤﺎﻳﺪﯗ، ﺑﯩﺮ ﻗﯧﺘﯩﻤﻠﯩﻖ ﺋﻮﯕﯘﺷﺴﯩﺰﻟﯩﻖ ﭘﯜﺗﯜﻥ ﮪﺎﻳﺎﺗﻨﻰ ﯞﻩﻳﺮﺍﻥ ﻗﯩﻼﻟﻤﺎﻳﺪﯗ ﺩﻩﻳﺪﯗ. ﺋﺎﺩﻩﻡ، ﭘﻪﻗﻪﺕ ﻗﺎﺗﻼﻣﻤﯘ-ﻗﺎﺗﻼﻡ ﻗﯩﻴﯩﻨﭽﯩﻠﯩﻘﻘﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﯩﺴﯩﻼ، ﺋﺎﺧﯩﺮ ﮔﯜﺯﻩﻝ ﺗﯘﺭﻣﯘﺷﻨﻰ ﻛﯜﺗﯜﯞﺍﻟﯩﺪﯗ. ﺷﯘﯕﺎ، ﻗﺎﻧﭽﻪ ﻗﯩﻴﯩﻨﭽﯩﻠﯩﻘﻘﺎ ﻳﻮﻟﯘﻗﻘﺎﻧﺴﯧﺮﻯ ﺋﯜﻥ-ﺗﯩﻨﺴﯩﺰ ﻛﯜﭺ ﺗﻮﭘﻼﺷﻨﻰ ﺷﯘﻧﭽﻪ ﺑﯩﻠﯩﺶ ﻛﯧﺮﻩﻙ. ﯞﺍﻗﯩﺖ ﺋﺎﺧﯩﺮ ﺋﻪﯓ ﺋﻮﺑﻴﯧﻜﺘﯩﭗ ﻧﻪﺯﻩﺭ ﺑﯩﻠﻪﻥ، ﺑﯩﺰﻧﯩﯔ ﻛﯩﺸﯩﻠﯩﻚ ﮪﺎﻳﺎﺕ ﺗﻪﺭﺟﯩﻤﮭﺎﻟﯩﻤﯩﺰﻧﻰ ﺗﻪﻛﺮﺍﺭ ﻳﯧﯖﯩﻼﻳﺪﯗ.

ﻛﯩﺸﯩﻠﯩﻚ ﮪﺎﻳﺎﺗﻨﯩﯔ ﺭﻩﯕﺪﺍﺭﻟﯩﻘﻰ ﺳﺎﻏﻼﻡ ﺑﻪﺩﻩﻧﻨﻰ ﺋﺎﺳﺎﺱ ﻗﯩﻠﯩﺪﯗ. ﺳﺎﻏﻼﻡ ﺑﻪﺩﻩﻥ ﺑﻮﻟﻤﯩﺴﺎ، ﮪﻪﻣﻤﯩﺴﻰ ﻗﯘﺭﯗﻕ ﮔﻪﭖ. ﻛﯧﺴﻪﻝ ﺑﻮﻟﻤﺎﺳﻠﯩﻖ ﺷﻪﻛﯩﻠﺴﯩﺰ ﺑﺎﻳﻠﯩﻖ، ﺷﯘﻧﺪﺍﻗﻼ ﺑﻪﺧﺘﻨﯩﯔ ﺋﺎﺳﺎﺳﻰ. ﻛﯩﺸﯩﻠﯩﻚ ﮪﺎﻳﺎﺗﺘﺎ ﻳﻪﻧﻪ ﺑﯩﺮ ﺧﯩﻞ ﺗﯩﻨﭻ ﭘﻮﺯﯨﺘﺴﯩﻴﻪ ﺑﻮﻟﯘﺷﻰ ﻛﯧﺮﻩﻙ. ﮪﻪﻣﻤﯩﺪﯨﻦ ﺋﺎﻏﺮﯨﻨﯩﭗ ﻳﯜﺭﮔﻪﻧﺪﯨﻦ ﻛﯚﺭﻩ، ﺋﯚﺯﯨﻨﻰ ﭘﯘﺧﺘﺎ ﺗﯘﺗﯘﭖ، ﺗﯘﺭﻣﯘﺷﺘﯩﻜﻰ ﺗﯜﺭﻟﯜﻙ ﻛﯚﯕﯜﻟﺴﯩﺰﻟﯩﻜﻠﻪﺭﻧﻰ ﺳﺎﻟﻤﺎﻗﻠﯩﻖ ﺑﯩﻠﻪﻥ ﻗﻮﺑﯘﻝ ﻗﯩﻠﻐﺎﻥ ﻳﺎﺧﺸﻰ. ﻳﯧﯖﻰ ﺑﯩﺮ ﻳﯩﻠﺪﺍ، ﺳﯩﺰﻧﯩﯔ ﺗﯧﻨﯩﯖﯩﺰﺩﻩ ﻛﯧﺴﻪﻝ ﺑﻮﻟﻤﺎﺳﻠﯩﻘﯩﻨﻰ، ﻛﯚﯕﻠﯩﯖﯩﺰﺩﻩ ﮪﻪﺭ ﺧﯩﻞ ﺧﯩﻴﺎﻟﻼﺭﻧﯩﯔ ﺑﻮﻟﻤﺎﺳﻠﯩﻘﯩﻨﻰ ﺋﯜﻣﯜﺩ ﻗﯩﻠﯩﻤﻪﻥ، ﻣﺎﻧﺎ ﺑﯘ ﺋﻪﯓ ﻳﺎﺧﺸﻰ ﺗﯘﺭﻣﯘﺵ.