ﺑﻮﻏﯘﻣﻼﺭﻏﺎ ﺳﯘﻳﯘﻗﻠﯘﻕ ﻳﯩﻐﯩﻠﯩﭗ ﻗﺎﻟﻐﺎﻧﺪﺍ، ﺳﯘﻧﻰ ﺗﺎﺭﺗﯩﭗ ﭼﯩﻘﯩﺮﯨﺶ ﻛﯧﺮﻩﻛﻤﯘ؟

ﺗﻮﯞﺗﻴﺎﯞ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﻳﺎﺷﻨﯩﯔ ﭼﻮﯕﯩﻴﯩﺸﯩﻐﺎ ﺋﻪﮔﯩﺸﯩﭗ، ﺗﯩﺰ ﺑﻮﻏﯘﻣﻰ ﻛﯧﺴﻪﻟﻠﯩﻜﻠﯩﺮﯨﻨﯩﯔ ﻳﯜﺯ ﺑﯧﺮﯨﺶ ﻧﯩﺴﺒﯩﺘﻰ ﺑﺎﺭﻏﺎﻧﺴﯧﺮﻯ ﻳﯘﻗﯩﺮﯨﻼﻳﺪﯗ، ﻧﯘﺭﻏﯘﻥ ﻳﺎﺷﻼﺭﻣﯘ ﺑﯘ ﺧﯩﻞ ﻛﯧﺴﻪﻟﮕﻪ ﮔﯩﺮﯨﭙﺘﺎﺭ ﺑﻮﻟﯩﺪﯗ، ﺑﻮﻟﯘﭘﻤﯘ «ﺑﻮﻏﯘﻣﻐﺎ ﺳﯘﻳﯘﻗﻠﯘﻕ ﻳﯩﻐﯩﻠﯩﭗ ﻗﯧﻠﯩﺶ» ﺑﯩﺮ ﻗﻪﺩﻩﺭ ﻛﯚﭖ ﺋﯘﭼﺮﺍﻳﺪﯗ.

ﺋﻪﻣﻪﻟﯩﻴﻪﺗﺘﻪ ﺑﻮﻏﯘﻣﻼﺭﻏﺎ ﺳﯘﻳﯘﻗﻠﯘﻕ ﻳﯩﻐﯩﻠﯩﭗ ﻗﺎﻟﻐﺎﻥ، ﺋﯘﻧﻰ ﺋﯧﻠﯩﺶ-ﺋﺎﻟﻤﺎﺳﻠﯩﻖ ﻳﻪﻧﯩﻼ ﺋﻪﮪﯟﺍﻟﻐﺎ ﺑﺎﻏﻠﯩﻖ!

ﺗﯩﺰ ﺑﻮﻏﯘﻣﻰ ﺳﯩﻴﺮﯨﻠﻤﺎ ﺳﯘﻳﯘﻗﻠﯘﻗﯩﻨﻰ ﺳﯩﻴﺮﯨﻠﻤﺎ ﭘﻪﺭﺩﻩ ﮪﯜﺟﻪﻳﺮﯨﺴﻰ ﺋﺎﺟﺮﯨﺘﯩﭗ ﭼﯩﻘﯩﺮﯨﺪﯨﻐﺎﻥ ﺑﻮﻟﯘﭖ، ﺑﻮﻏﯘﻡ ﻛﯚﻣﯜﺭﭼﯩﻜﻰ ﺋﺎﺭﯨﺴﯩﺪﯨﻜﻰ ﺳﯜﺭﻛﯩﻠﯩﺸﻨﻰ ﺋﺎﺯﺍﻳﺘﯩﭗ، ﺑﻮﻏﯘﻡ ﻳﯜﺯﯨﻨﻰ ﻗﻮﻏﺪﺍﺷﺘﺎ ﻓﯩﺰﯨﻜﯩﻠﯩﻖ ﺭﻭﻝ ﺋﻮﻳﻨﺎﻳﺪﯗ، ﻳﻪﻧﻪ ﺧﻮﻧﺪﺭﯨﺌﻮﺳﻮﻣﺎ ﮪﯜﺟﻪﻳﺮﯨﺴﻰ ﯞﻩ ﮪﯩﻼﻝ ﺋﺎﻱ ﺗﻪﺧﺴﯩﺴﯩﻨﻰ ﺋﻮﺯﯗﻗﻠﯘﻕ ﺑﯩﻠﻪﻥ ﺗﻪﻣﯩﻨﻠﻪﻳﺪﯗ ﮪﻪﻣﺪﻩ ﺧﻮﻧﺪﺭﯨﺌﻮﺳﻮﻣﺎ ﮪﯜﺟﻪﻳﺮﯨﺴﯩﻨﯩﯔ ﻣﯧﺘﺎﺑﻮﻟﯩﺰﻡ ﺗﺎﺷﻼﻧﺪﯗﻗﻠﯩﺮﯨﻨﻰ ﺋﯧﻠﯩﭗ ﭼﯩﻘﯩﭗ، ﺑﻮﻏﯘﻡ ﺑﻮﺷﻠﯘﻗﯩﻨﯩﯔ ﺋﯩﭽﻜﻰ ﻣﯘﮪﯩﺘﯩﻨﯩﯔ ﻣﯘﻗﯩﻤﻠﯩﻘﯩﻨﻰ ﺳﺎﻗﻼﺷﻘﺎ ﻳﺎﺭﺩﻩﻡ ﺑﯧﺮﯨﺪﯗ.

ﻧﻮﺭﻣﺎﻝ ﺋﻪﮪﯟﺍﻟﺪﺍ، ﺳﯩﻴﺮﯨﻠﻤﺎ ﺳﯘﻳﯘﻗﻠﯘﻗﻨﯩﯔ ﮪﺎﺳﯩﻞ ﺑﻮﻟﯘﺷﻰ ﯞﻩ ﺳﯜﻣﯜﺭﯛﻟﯜﺷﻰ ﺗﻪﯕﭙﯘﯓ ﺑﻮﻟﯩﺪﯗ، ﺧﯘﺩﺩﻯ ﮪﻪﺭﯨﻜﻪﺗﺘﯩﻜﻰ ﺋﯧﻘﯩﻦ ﺳﯘﻏﺎ ﺋﻮﺧﺸﺎﺵ، ﺑﻮﻏﯘﻡ ﺳﯘﻳﯘﻗﻠﯘﻗﻰ ﺯﻭﺭ ﺩﻩﺭﯨﺠﯩﺪﻩ ﻛﯚﭘﯩﻴﯩﭗ ﻛﻪﺗﻤﻪﻳﺪﯗ ﻳﺎﻛﻰ ﺋﺎﺯﯨﻴﯩﭗ ﻛﻪﺗﻤﻪﻳﺪﯗ، ﺗﻪﺧﻤﯩﻨﻪﻥ 5 ﻣﯩﻠﻠﯩﻠﯩﺘﯩﺮ ﺋﻪﺗﺮﺍﭘﯩﺪﺍ ﺑﻮﻟﯩﺪﯗ. ﻟﯧﻜﯩﻦ ﺑﻮﻏﯘﻣﻼﺭ «ﺋﺎﻏﺮﯨﭗ» ﻗﺎﻟﺴﺎ ﺗﻪﯕﭙﯘﯕﻠﯘﻕ ﺑﯘﺯﯗﻟﯘﭖ ﻛﯧﺘﯩﺪﯗ، ﺋﻪﮔﻪﺭ ﺑﻮﻏﯘﻡ ﺳﯘﻳﯘﻗﻠﯘﻗﯩﻨﯩﯔ ﻗﺎﻳﺘﺎ ﺳﯜﻣﯜﺭﯛﻟﯜﺷﻰ ﺗﻮﺳﺎﻟﻐﯘﻏﺎ ﺋﯘﭼﺮﯨﺴﺎ، ﺳﯩﻴﺮﯨﻠﻤﺎ ﺳﯘﻳﯘﻗﻠﯘﻕ ﺑﺎﺭﻏﺎﻧﺴﯧﺮﻯ ﻛﯚﭘﯩﻴﯩﭗ، «ﺑﻮﻏﯘﻣﻐﺎ ﺳﯘﻳﯘﻗﻠﯘﻕ ﻳﯩﻐﯩﻠﯩﭗ ﻗﯧﻠﯩﺶ» ﮪﺎﺩﯨﺴﯩﺴﻰ ﻛﯚﺭﯛﻟﯩﺪﯗ، ﺑﯘﻧﯩﯖﻐﺎ ﺋﻪﮪﻤﯩﻴﻪﺕ ﺑﯧﺮﯨﺶ ﻛﯧﺮﻩﻙ.

ﺋﯘﻧﺪﺍﻗﺘﺎ، ﻗﺎﻧﺪﺍﻕ ﺋﻪﮪﯟﺍﻟﺪﺍ ﺑﻮﻏﯘﻣﻼﺭﻏﺎ ﻳﯩﻐﯩﻠﯩﭗ ﻗﺎﻟﻐﺎﻥ ﺳﯘﻳﯘﻗﻠﯘﻗﻨﻰ ﺋﯧﻠﯩﯟﯦﺘﯩﺸﻜﻪ ﺑﻮﻟﯩﺪﯗ؟

ﺳﯘﻳﯘﻗﻠﯘﻕ ﻛﯚﭖ ﻳﯩﻐﯩﻠﯩﭗ ﻗﯧﻠﯩﺶ ﻗﺎﺗﺎﺭﻟﯩﻖ ﺑﯩﻨﻮﺭﻣﺎﻝ ﺋﺎﻻﻣﻪﺗﻠﻪﺭ ﻛﯚﺭﯛﻟﺴﻪ، ﻛﯧﺴﻪﻟﻠﯩﻚ ﺋﻪﮪﯟﺍﻟﯩﻐﺎ ﻗﺎﺭﺍﭖ ﺋﯧﻠﯩﺶ ﻛﯧﺮﻩﻙ. ﺗﯚﯞﻩﻧﺪﯨﻜﻰ ﺑﯩﺮ ﻗﺎﻧﭽﻪ ﺧﯩﻞ ﺋﻪﮪﯟﺍﻟﺪﺍ ﻳﯩﻐﯩﻠﯩﭗ ﻗﺎﻟﻐﺎﻥ ﺳﯘﻳﯘﻗﻠﯘﻗﻨﻰ ﺋﯧﻠﯩﭗ ﺑﯩﺮ ﺗﻪﺭﻩﭖ ﻗﯩﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ.

① ﺩﻭﺭﺍ ﺋﺎﺭﻗﯩﻠﯩﻖ ﻛﯧﺴﻪﻟﻠﯩﻚ ﺋﻪﮪﯟﺍﻟﯩﻨﻰ ﻛﻮﻧﺘﺮﻭﻝ ﻗﯩﻠﻐﯩﻠﻰ ﻳﺎﻛﻰ ﭘﻪﺳﻪﻳﺘﻜﯩﻠﻰ ﺑﻮﻟﻤﺎﺳﻠﯩﻖ. ﺑﻮﻏﯘﻡ ﺳﯘﻳﯘﻗﻠﯘﻗﻰ ﺯﯨﻴﺎﺩﻩ ﻛﯚﭖ ﻳﯩﻐﯩﻠﯩﭗ ﻗﯧﻠﯩﭗ، ﺑﻮﻏﯘﻡ ﺑﻮﺷﻠﯘﻗﯩﻨﯩﯔ ﺑﯧﺴﯩﻤﻰ ﺋﯧﺸﯩﭗ، ﺑﻮﻏﯘﻡ ﺋﯩﺸﺸﯩﭗ، ﺗﻮﻣﻠﯩﺸﯩﭗ، ﮪﻪﺭﯨﻜﻪﺕ ﭼﻪﻛﻠﯩﻤﯩﮕﻪ ﺋﯘﭼﺮﺍﺷﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ، ﻳﺎﻛﻰ ﺑﻮﻏﯘﻡ ﺑﻮﺷﻠﯘﻗﯩﺪﯨﻜﻰ ﺳﻪﺯﮔﯜ ﻧﯧﺮﯞﯨﻠﯩﺮﯨﻨﻰ ﺑﯧﺴﯩﯟﯦﻠﯩﭗ ﺋﺎﻏﺮﯨﻖ ﭘﻪﻳﺪﺍ ﻗﯩﻠﯩﺪﯗ، ﺑﯘ ﯞﺍﻗﯩﺘﺘﺎ ﺳﯘﻳﯘﻗﻠﯘﻕ ﺋﺎﺟﺮﯨﺘﯩﭗ ﭼﯩﻘﯩﺮﯨﺶ ﺋﺎﺭﻗﯩﻠﯩﻖ ﺑﯩﺌﺎﺭﺍﻣﻠﯩﻖ ﺋﺎﻻﻣﻪﺗﻠﯩﺮﯨﻨﻰ ﯞﺍﻗﯩﺘﻠﯩﻖ، ﺋﯜﻧﯜﻣﻠﯜﻙ ﭘﻪﺳﻪﻳﺘﻜﯩﻠﻰ ﺑﻮﻟﯩﺪﯗ.

② ﺑﻮﻏﯘﻣﻼﺭﻧﯩﯔ ﻳﯘﻗﯘﻣﻠﯩﻨﯩﺸﻰ ﻳﯩﺮﯨﯖﻠﯩﻖ ﺑﻮﻏﯘﻡ ﻳﺎﻟﻠﯘﻏﻰ، ﺑﻮﻏﯘﻡ ﺗﯘﺑﯧﺮﻛﯘﻟﻴﻮﺯﻯ ﻗﺎﺗﺎﺭﻟﯩﻘﻼﺭﻧﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺑﻮﻟﯘﺷﻰ ﻣﯘﻣﻜﯩﻦ ﺩﻩﭖ ﮔﯘﻣﺎﻥ ﻗﯩﻠﯩﻨﯩﭗ، ﺳﯘﻳﯘﻗﻠﯘﻕ ﭼﯩﻘﯩﺮﯨﭗ ﺧﯩﻤﯩﻴﻪﻟﯩﻚ ﺋﺎﻧﺎﻟﯩﺰ ﻗﯩﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ، ﺑﯘ ﺧﯩﻞ ﺋﻪﮪﯟﺍﻟﺪﺍ ﻳﯩﻐﯩﻠﯩﭗ ﻗﺎﻟﻐﺎﻥ ﺳﯘﻳﯘﻗﻠﯘﻗﻨﻰ ﺑﯩﺮﻻ ﯞﺍﻗﯩﺘﺘﺎ ﭼﯩﻘﯩﺮﯨﯟﯦﺘﯩﺸﻜﻪ ﺑﻮﻟﯩﺪﯗ.

③ ﻳﯧﭙﯩﻖ ﺩﺍﯞﺍﻟﯩﻨﯩﺸﻘﺎ ﺗﻪﻳﻴﺎﺭﻟﯩﻖ ﻗﯩﻠﯩﺸﺘﯩﻦ ﺑﯘﺭﯗﻥ، ﺋﺎﻟﺪﻯ ﺑﯩﻠﻪﻥ ﻳﯩﻐﯩﻠﯩﭗ ﻗﺎﻟﻐﺎﻥ ﺳﯘﻳﯘﻗﻠﯘﻗﻨﻰ ﭼﯩﻘﯩﺮﯨﯟﯦﺘﯩﭗ، ﺋﺎﻧﺪﯨﻦ ﺋﻮﻛﯘﻝ ﺳﯧﻠﯩﺶ ﻛﯧﺮﻩﻙ.

ﻟﯧﻜﯩﻦ ﺋﻪﻣﻪﻟﯩﻴﻪﺗﺘﻪ، ﺑﻪﺯﻯ ﻛﯩﺸﯩﻠﻪﺭ ﺳﯘﻳﯘﻗﻠﯘﻕ ﻳﯩﻐﯩﻠﯩﭗ ﻗﺎﻟﻐﺎﻧﺪﯨﻦ ﻛﯧﻴﯩﻦ، ﺑﯩﺌﺎﺭﺍﻡ ﺑﻮﻟﯘﺵ ﺋﺎﻻﻣﻪﺗﻠﯩﺮﯨﻤﯘ ﺷﯘﻧﯩﯖﻐﺎ ﺋﻪﮔﯩﺸﯩﭗ ﻳﻮﻗﺎﻳﺪﯗ، ﻧﯘﺭﻏﯘﻥ ﻛﯩﺸﯩﻠﻪﺭ ﺑﯘﻧﻰ ﺳﺎﻗﺎﻳﺪﻯ ﺩﻩﭖ ﻗﺎﺭﺍﻳﺪﯗ، ﻟﯧﻜﯩﻦ ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﺑﯩﺮ ﻣﻪﺯﮔﯩﻞ ﺋﯚﺗﻜﻪﻧﺪﯨﻦ ﻛﯧﻴﯩﻦ، ﺑﯘ ﺋﻪﮪﯟﺍﻝ ﻳﻪﻧﻪ ﻗﻮﺯﻏﯩﻠﯩﺪﯗ، ﺑﯘ ﺯﺍﺩﻯ ﻗﺎﻧﺪﺍﻕ ﺋﯩﺶ؟ﺑﻮﻏﯘﻣﻐﺎ ﺳﯘ ﻳﯩﻐﯩﻠﯩﭗ ﻗﯧﻠﯩﺶ ﭘﻪﻗﻪﺕ ﻛﯚﭖ ﺧﯩﻞ ﻛﯧﺴﻪﻟﻠﯩﻜﻠﻪﺭﻧﯩﯔ ﺋﯩﭙﺎﺩﯨﺴﻰ ﺑﻮﻟﯘﭖ، ﻧﯘﺭﻏﯘﻥ ﺗﯩﺰ ﺑﻮﻏﯘﻣﻰ ﻣﻪﺳﯩﻠﯩﻠﯩﺮﻯ ﺳﯘﻳﯘﻗﻠﯘﻕ ﻳﯩﻐﯩﻠﯩﭗ ﻗﯧﻠﯩﺶ ﺋﺎﻻﻣﻪﺗﻠﯩﺮﯨﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ. ﺷﯘﯕﺎ، ﻳﯩﻐﯩﻠﯩﭗ ﻗﺎﻟﻐﺎﻥ ﺳﯘﻳﯘﻗﻠﯘﻗﻨﻰ ﺗﺎﺭﺗﯩﭗ ﭼﯩﻘﯩﺮﯨﺸﻼ ﻛﯚﭖ ﮪﺎﻟﻼﺭﺩﺍ ﻳﯜﺯﻩﻛﻰ ﻣﻪﺳﯩﻠﯩﻨﻰ ﮪﻪﻝ ﻗﯩﻠﯩﺪﯗ، ﻳﯩﻠﺘﯩﺰﯨﺪﯨﻦ ﺳﺎﻗﺎﻳﺘﯩﺶ ﺋﯜﭼﯜﻥ، ﭼﻮﻗﯘﻡ ﻛﯧﺴﻪﻟﻠﯩﻚ ﺳﻪﯞﻩﺑﯩﻨﻰ ﺗﻮﻏﺮﺍ ﺗﯧﭙﯩﺶ ﻛﯧﺮﻩﻙ! ﺋﺎﺩﻩﺗﺘﻪ، ﺑﻮﻏﯘﻣﻼﺭﻏﺎ ﺳﯘ ﻳﯩﻐﯩﻠﯩﭗ ﻗﯧﻠﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻐﺎﻥ ﺩﺍﺋﯩﻢ ﻛﯚﺭﯛﻟﯩﺪﯨﻐﺎﻥ ﻛﯧﺴﻪﻟﻠﯩﻜﻠﻪﺭ ﺋﺎﺳﺎﺳﻠﯩﻘﻰ ﺗﯚﯞﻩﻧﺪﯨﻜﻰ ﺑﯩﺮ ﻗﺎﻧﭽﻪ ﺧﯩﻞ ﺑﻮﻟﯩﺪﯗ.

1. ﻳﺎﻟﻠﯘﻍ ﺧﺎﺭﺍﻛﺘﯧﺮﻟﯩﻚ ﺳﯩﺮﻏﯩﭗ ﭼﯩﻘﯩﺶ

ﻣﻪﺳﯩﻠﻪﻥ، ﺗﯩﺰ ﺑﻮﻏﯘﻣﻰ ﺳﯧﺮﯨﻘﺌﻪﺕ ﻳﺎﻟﻠﯘﻏﻰ، ﺭﯦﻤﺎﺗﯩﺰﻣﻠﯩﻖ ﺑﻮﻏﯘﻡ ﻳﺎﻟﻠﯘﻏﻰ ﻗﺎﺗﺎﺭﻟﯩﻘﻼﺭ، ﻳﺎﻟﻠﯘﻍ ﻓﺎﻛﺘﻮﺭﯨﻨﯩﯔ ﻏﯩﺪﯨﻘﻠﯩﺸﻰ ﺑﯩﻠﻪﻥ ﮪﺎﺳﯩﻞ ﺑﻮﻟﻐﺎﻥ ﺋﯧﻨﺰﯨﻢ ﻛﯚﻣﯜﺭﭼﻪﻙ ﯞﻩ ﺳﯚﯕﻪﻛﻨﻰ ﭼﯩﺮﯨﺘﯩﭗ، ﺑﻮﻏﯘﻣﻼﺭﻧﯩﯔ ﭼﯧﻜﯩﻨﯩﺶ ﺧﺎﺭﺍﻛﺘﯧﺮﻟﯩﻚ ﺋﯚﺯﮔﯩﺮﯨﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ، ﺳﯧﺮﯨﻘﺌﻪﺕ ﭘﻪﺭﺩﯨﺴﻰ ﻏﻪﻳﺮﯨﻲ ﺋﯚﺳﯜﭖ، ﺳﯘﻳﯘﻗﻠﯘﻕ ﻳﯩﻐﯩﻠﯩﭗ ﻗﯧﻠﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

ﺑﯘ ﺧﯩﻞ ﺋﻪﮪﯟﺍﻝ ﻳﺎﺷﺎﻧﻐﺎﻧﻼﺭﺩﺍ ﺋﺎﺳﺎﻥ ﻳﯜﺯ ﺑﯧﺮﯨﺪﯗ، ﻳﺎﺷﻨﯩﯔ ﭼﻮﯕﯩﻴﯩﺸﯩﻐﺎ ﺋﻪﮔﯩﺸﯩﭗ، ﺑﻮﻏﯘﻣﻼﺭﻧﯩﯔ ﭼﯧﻜﯩﻨﯩﺶ ﺧﺎﺭﺍﻛﺘﯧﺮﻟﯩﻚ ﺋﯚﺯﮔﯩﺮﯨﺸﻰ ﻛﯚﭘﯩﻴﯩﺪﯗ، ﺯﻩﺧﯩﻤﻠﯩﻨﯩﺶ ﻛﯚﭘﯩﻴﯩﺪﯗ، ﮪﻪﺭ ﺧﯩﻞ ﻳﺎﻟﻠﯘﻏﻠﯩﻨﯩﺶ ﺧﺎﺭﺍﻛﺘﯧﺮﻟﯩﻚ ﺋﯩﻨﻜﺎﺳﻼﺭﻣﯘ ﺋﺎﺳﺘﺎ-ﺋﺎﺳﺘﺎ ﭘﻪﻳﺪﺍ ﺑﻮﻟﯩﺪﯗ.

ﺗﻪﻛﻠﯩﭗ: ﺑﯘ ﯞﺍﻗﯩﺘﺘﺎ ﺋﺎﻟﺪﻯ ﺑﯩﻠﻪﻥ ﻛﯧﺴﻪﻟﻠﯩﻚ ﺋﻪﮪﯟﺍﻟﯩﻐﺎ ﺋﺎﺳﺎﺳﻪﻥ، ﺩﻭﺧﺘﯘﺭﻧﯩﯔ ﻛﯚﺭﺳﻪﺗﻤﯩﺴﻰ ﺑﻮﻳﯩﭽﻪ ﺑﯩﺮ ﻗﯩﺴﯩﻢ ﻳﺎﻟﻠﯘﻍ ﻗﺎﻳﺘﯘﺭﯗﺵ ﺩﻭﺭﯨﻠﯩﺮﯨﻨﻰ ﺋﯩﺴﺘﯧﻤﺎﻝ ﻗﯩﻠﺴﺎ ﺑﻮﻟﯩﺪﯗ، ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺗﯩﺰ ﺑﻮﻏﯘﻣﻰ ﺋﻪﺗﺮﺍﭘﯩﺪﯨﻜﻰ ﻣﯘﺳﻜﯘﻝ ﺗﻮﭘﯩﻨﻰ ﭼﯧﻨﯩﻘﺘﯘﺭﯗﭖ، ﺑﻮﻏﯘﻡ ﻳﺎﻟﻠﯘﻏﯩﻨﯩﯔ ﺗﻪﺭﻩﻗﻘﯩﻴﺎﺗﯩﻨﻰ ﻛﯧﭽﯩﻜﺘﯜﺭﯛﭖ، ﺳﯩﻴﺮﯨﻠﻤﺎ ﺳﯘﻳﯘﻗﻠﯘﻗﻨﯩﯔ ﺋﺎﻳﻠﯩﻨﯩﺸﯩﻨﻰ ﻳﺎﺧﺸﯩﻼﭖ، ﻳﻪﻧﻪ ﻣﯘﺳﻜﯘﻟﻼﺭﻧﯩﯔ ﻳﯩﮕﯩﻠﻪﭖ ﻛﯧﺘﯩﺸﯩﻨﯩﯔ ﺋﺎﻟﺪﯨﻨﻰ ﺋﺎﻟﯩﺪﯗ.

2. ﺟﺎﺭﺍﮪﻪﺕ

ﻣﻪﺳﯩﻠﻪﻥ، ﺯﯨﻴﺎﺩﻩ ﮪﻪﺭﯨﻜﻪﺕ ﻗﯩﻠﯩﺶ، ﺗﯩﺰ ﺑﻮﻏﯘﻣﻰ ﻗﺎﻳﺮﯨﻠﯩﺶ، ﻳﯧﺮﯨﻢ ﺋﺎﻳﺴﯩﻤﺎﻥ ﺗﻪﺧﺴﻪ ﺯﻩﺧﯩﻤﻠﯩﻨﯩﺶ، ﮔﯩﺮﻩﻟﻪﺷﻤﻪ ﺗﺎﺭﯨﻤﯘﺵ ﻳﺎﻛﻰ ﻳﺎﻥ ﻗﻮﺷﯘﻣﭽﻪ ﺗﺎﺭﯨﻤﯘﺵ ﺯﻩﺧﯩﻤﻠﯩﻨﯩﺶ، ﻟﯩﭙﻪﻙ ﺳﯚﯕﯩﻜﻰ ﭼﯩﻘﯩﭗ ﻛﯧﺘﯩﺶ ﻗﺎﺗﺎﺭﻟﯩﻘﻼﺭ ﺋﻪﺗﺮﺍﭘﺘﯩﻜﻰ ﺳﯩﻴﺮﯨﻠﻤﺎ ﭘﻪﺭﺩﯨﻨﻰ ﻏﯩﺪﯨﻘﻼﭖ، ﺑﻮﻏﯘﻣﻐﺎ ﺳﯘ ﻳﯩﻐﯩﻠﯩﺶ ﻳﺎﻛﻰ ﻗﺎﻥ ﻳﯩﻐﯩﻠﯩﭗ ﻗﯧﻠﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.

ﺑﯘﻧﺪﺍﻕ ﺋﻪﮪﯟﺍﻟﻼﺭ ﻛﯚﭘﯩﻨﭽﻪ ﭼﯧﻨﯩﻘﯩﺶ ﮪﻪﯞﻩﺳﻜﺎﺭﻟﯩﺮﯨﺪﺍ ﻛﯚﺭﯛﻟﯩﺪﯗ، ﭼﯧﻨﯩﻘﯩﺶ ﺋﻪﻧﺪﯨﺰﯨﺴﯩﺪﯨﻜﻰ ﺧﺎﺗﺎﻟﯩﻖ، ﻣﯘﺳﻜﯘﻝ ﻛﯜﭼﯩﻨﯩﯔ ﺗﻪﯕﭙﯘﯕﺴﯩﺰﻟﯩﻘﻰ، ﭼﯧﻨﯩﻘﯩﺶ ﯞﺍﻗﺘﯩﻨﻰ ﻳﺎﺧﺸﻰ ﻛﻮﻧﺘﺮﻭﻝ ﻗﯩﻼﻟﻤﺎﺳﻠﯩﻖ ﻗﺎﺗﺎﺭﻟﯩﻘﻼﺭﻧﯩﯔ ﮪﻪﻣﻤﯩﺴﯩﺪﻩ ﺋﺎﺳﺎﻧﻼ ﺟﺎﺭﺍﮪﻪﺕ ﭘﻪﻳﺪﺍ ﺑﻮﻟﯩﺪﯗ.

ﺗﻪﻛﻠﯩﭗ :

ﺋﯩﻠﻤﯩﻲ ﮪﻪﺭﯨﻜﻪﺕ ﻗﯩﻠﯩﺶ، ﮪﻪﺭﯨﻜﻪﺕ ﻣﯩﻘﺪﺍﺭﯨﻨﻰ ﻣﯘﯞﺍﭘﯩﻖ ﺋﺎﺯﺍﻳﺘﯩﺶ، ﺩﻩﻡ ﺋﯧﻠﯩﺸﻘﺎ ﻛﯚﭘﺮﻩﻙ ﺋﻪﮪﻤﯩﻴﻪﺕ ﺑﯧﺮﯨﺶ. ﺋﯘﺧﻠﯩﻐﺎﻧﺪﺍ ﺟﺎﺭﺍﮪﻪﺗﻠﻪﻧﮕﻪﻥ ﭘﯘﺗﻨﯩﯔ ﺋﺎﺳﺘﯩﻐﺎ ﻳﺎﺳﺘﯘﻕ ﻗﻮﻳﯘﭖ ﻗﻮﻳﺴﺎ ﺑﻮﻟﯩﺪﯗ، ﺑﯘ ﺳﯘﻳﯘﻗﻠﯘﻕ ﻗﺎﻳﺘﯘﺭﯗﭖ ﺋﯩﺸﺸﯩﻘﻨﻰ ﻳﺎﻧﺪﯗﺭﯗﺷﻘﺎ ﭘﺎﻳﺪﯨﻠﯩﻖ. ﺋﻪﮔﻪﺭ ﻗﺎﺗﺘﯩﻖ ﺋﯩﺸﺸﯩﭗ ﻛﻪﺗﺴﻪ، ﺩﻭﺭﺍ ﺋﯩﺸﻠﯩﺘﯩﺸﺘﯩﻦ ﺑﺎﺷﻘﺎ، ﺯﯙﺭﯛﺭ ﺗﯧﭙﯩﻠﻐﺎﻧﺪﺍ ﺑﻮﻏﯘﻡ ﺑﻮﺷﻠﯘﻗﯩﻐﺎ ﺑﯩﺮ ﻗﯧﺘﯩﻢ ﮪﯩﻤﻼﺵ ﺋﻮﻛﯘﻟﻰ ﺋﯘﺭﺳﯩﻤﯘ ﺑﻮﻟﯩﺪﯗ-ﮪﯩﻤﻼﺵ ﺩﯦﮕﯩﻨﯩﻤﯩﺰ، ﻳﻪﺭﻟﯩﻚ ﺋﻮﺭﯗﻧﻐﺎ ﻧﺎﺭﻛﻮﺯ ﺩﻭﺭﯨﻠﯩﺮﻯ (ﻣﻪﺳﯩﻠﻪﻥ، ﭘﺮﻭﻛﺎﺋﯩﻦ، ﻟﯩﺪﻭﻛﺎﺋﯩﻦ ﻗﺎﺗﺎﺭﻟﯩﻘﻼﺭ) ﯞﻩ ﮔﻠﯩﻜﻮﻛﻮﺭﺗﯩﻜﻮﺋﯩﺪ ﺗﯜﺭﯨﺪﯨﻜﻰ ﺩﻭﺭﯨﻼﺭ (ﻣﻪﺳﯩﻠﻪﻥ، ﺩﯨﺴﯧﻤﯩﺰﻭﻥ، ﻛﯜﭼﻠﯜﻙ ﻗﺎﺭﯨﻐﺎﻱ ﺋﻪﺟﺪﯨﮭﺎﺳﻰ ﻗﺎﺗﺎﺭﻟﯩﻘﻼﺭ) ﻧﯩﯔ ﺋﺎﺭﯨﻼﺷﻤﺎ ﺳﯘﻳﯘﻗﻠﯘﻗﯩﻨﻰ ﺋﻮﻛﯘﻝ ﻗﯩﻠﯩﺶ ﺋﺎﺭﻗﯩﻠﯩﻖ ﺋﯩﺸﺸﯩﻘﻨﻰ ﭘﻪﺳﻪﻳﺘﯩﺶ، ﺋﺎﻏﺮﯨﻘﻨﻰ ﭘﻪﺳﻪﻳﺘﯩﺶ ﺭﻭﻟﯩﻨﻰ ﺋﻮﻳﻨﺎﻳﺪﯗ، ﻟﯧﻜﯩﻦ ﺋﺎﻟﺪﯨﻨﻘﻰ ﺷﻪﺭﺗﻰ ﻛﯧﺴﻪﻟﻠﯩﻚ ﺋﻪﮪﯟﺍﻟﯩﻐﺎ ﻗﺎﺭﺍﭖ، ﺩﻭﺧﺘﯘﺭﻧﯩﯔ ﻛﯚﺭﺳﻪﺗﻤﯩﺴﻰ ﺑﻮﻳﯩﭽﻪ ﺋﯩﺶ ﻛﯚﺭﯛﺵ ﻛﯧﺮﻩﻙ.

3. ﻳﯘﻗﯘﻣﻠﯩﻨﯩﺶ

ﺑﺎﻛﺘﯧﺮﯨﻴﻪ، ﺯﻩﻣﺒﯘﺭﯗﻍ ﻳﺎﻛﻰ ﯞﯨﺮﯗﺱ ﺗﺎﺟﺎﯞﯗﺯ ﻗﯩﻠﯩﭗ ﻛﯩﺮﮔﻪﻧﺪﻩ، ﻳﺎﻟﻠﯘﻏﻠﯩﻨﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ، ﺑﻮﻏﯘﻡ ﺳﯘﻳﯘﻗﻠﯘﻗﯩﻨﯩﯔ ﺳﯜﭘﯩﺘﻰ ﺋﯚﺯﮔﯩﺮﯨﭗ ﻳﯩﺮﯨﯖﻠﯩﻖ ﺑﻮﻟﯘﭖ ﻗﺎﻟﯩﺪﯗ. ﻣﻪﺳﯩﻠﻪﻥ، ﺋﺎﻟﺘﯘﻥ ﺭﻩﯕﻠﯩﻚ ﺋﯜﺯﯛﻣﺴﯩﻤﺎﻥ ﺷﺎﺭﭼﻪ ﺑﺎﻛﺘﯧﺮﯨﻴﻪﺳﻰ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﺑﺎﻛﺘﯧﺮﯨﻴﻪﻟﯩﻚ ﻳﺎﻟﻠﯘﻏﻨﯩﯔ ﺑﯘﺯﻏﯘﻧﭽﯩﻠﯩﻖ ﻛﯜﭼﻰ ﻛﯜﭼﻠﯜﻙ ﺑﻮﻟﯘﭘﻼ ﻗﺎﻟﻤﺎﻱ، ﺩﻭﺭﯨﻐﺎ ﭼﯩﺪﺍﻣﭽﺎﻧﻠﯩﻘﯩﻤﯘ ﻧﺎﮪﺎﻳﯩﺘﻰ ﻛﯜﭼﻠﯜﻙ ﺑﻮﻟﯘﭖ، ﺑﯩﺮ ﻧﻪﭼﭽﻪ ﮪﻪﭘﺘﻪ ﺋﯩﭽﯩﺪﻩ ﺑﻮﻏﯘﻣﻼﺭﻏﺎ ﺯﯨﻴﺎﻥ ﻳﻪﺗﻜﯜﺯﯛﭖ، ﺑﻮﻏﯘﻣﻼﺭ ﻗﯩﺰﯨﺮﯨﭗ ﺋﯩﺸﺸﯩﭗ ﺋﺎﻏﺮﯨﺶ، ﮪﻪﺗﺘﺎ ﻗﯩﺰﯨﺶ ﻗﺎﺗﺎﺭﻟﯩﻖ ﺋﺎﻻﻣﻪﺗﻠﻪﺭ ﻛﯚﺭﯛﻟﯩﺪﯗ، ﺷﯘﯕﺎ ﭼﻮﻗﯘﻡ ﯞﺍﻗﺘﯩﺪﺍ ﺩﻭﺧﺘﯘﺭﻏﺎ ﻛﯚﺭﯛﻧﯜﭖ، ﺋﺎﻧﺘﯩﺒﯩﻴﻮﺗﯩﻚ ﺩﻭﺭﯨﻼﺭﻧﻰ ﺋﯩﺸﻠﯩﺘﯩﭗ ﺩﺍﯞﺍﻻﺵ ﻛﯧﺮﻩﻙ.

ﺋﺎﺩﻩﺗﺘﻪ، ﺑﯘ ﺧﯩﻞ ﺋﻪﮪﯟﺍﻝ ﺩﺍﺋﯩﻢ ﻳﯧﻘﯩﻨﻘﻰ ﻣﻪﺯﮔﯩﻠﺪﻩ ﺑﻮﻏﯘﻣﻐﺎ ﺋﻮﻛﯘﻝ ﺳﯧﻠﯩﺶ ﻗﺎﺗﺎﺭﻟﯩﻖ ﺑﻮﻏﯘﻣﻼﺭﻏﺎ ﺗﺎﺟﺎﯞﯗﺯ ﻗﯩﻠﯩﺶ ﻣﻪﺷﻐﯘﻻﺗﻰ ﺋﯧﻠﯩﭗ ﺑﯧﺮﯨﻠﻐﺎﻥ ﻛﯩﺸﯩﻠﻪﺭﺩﻩ ﻛﯚﺭﯛﻟﯩﺪﯗ، ﻣﻪﺳﯩﻠﻪﻥ، ﭼﯩﺶ ﻣﯩﻠﯩﻜﻰ ﻳﺎﻟﻠﯘﻏﻰ، ﭼﯩﺶ ﺋﻪﺗﺮﺍﭘﻰ ﻳﺎﻟﻠﯘﻏﻰ ﻗﺎﺗﺎﺭﻟﯩﻘﻼﺭ.