ﺑﯘ 5 ﮪﯧﻜﺎﻳﻪ ﮔﺎﯕﮕﯩﺮﺍﭖ ﻗﺎﻟﻐﺎﻥ ﯞﺍﻗﺘﯩﯖﯩﺰﺩﺍ ﺳﯩﺰﮔﻪ ﻳﺎﺭﺩﻩﻡ ﺑﯧﺮﻩﻟﻪﻳﺪﯗ

ﺗﻮﯞﺗﻴﺎﯞ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

1. ﺑﯩﺮ ﻣﺎﻳﻤﯘﻥ ﺑﯧﻠﯩﻘﭽﯩﻼﺭﻧﯩﯔ ﺩﻩﺭﻳﺎﺩﺍ ﺗﻮﺭ ﺗﺎﺷﻼﭖ ﻧﯘﺭﻏﯘﻥ ﺑﯧﻠﯩﻖ ﺗﯘﺗﻘﺎﻧﻠﯩﻘﯩﻨﻰ ﻛﯚﺭﯛﭖ، ﺋﯘﻧﯩﯖﻐﺎ ﺑﻪﻛﻤﯘ ﮪﻪﯞﻩﺱ ﻗﯩﭙﺘﯘ، ﺷﯘﻧﯩﯔ ﺑﯩﻠﻪﻥ ﺋﯘ ﺑﯧﻠﯩﻘﭽﯩﻨﯩﯔ ﮪﻪﺭﯨﻜﯩﺘﯩﻨﻰ ﺩﻭﺭﺍﭖ، ﺑﯧﻠﯩﻖ ﺗﻮﺭﯨﻨﻰ ﺋﯧﻠﯩﭗ ﺑﯧﻠﯩﻖ ﺗﯘﺗﯘﺷﻘﺎ ﺗﻪﻳﻴﺎﺭﻟﯩﻖ ﻗﯩﻠﯩﭗ، ﺋﯘ ﺗﻮﺭﻧﻰ ﺋﺎﺳﻤﺎﻧﻐﺎ ﺋﯧﺘﯩﭙﺘﯘ، ﻧﻪﺗﯩﺠﯩﺪﻩ ﺑﯧﻠﯩﻖ ﺗﻮﺭﻯ ﺑﯩﻠﻪﻥ ﻣﺎﻳﻤﯘﻥ ﺑﯩﺮﻟﯩﻜﺘﻪ ﺩﻩﺭﻳﺎﻏﺎ ﭼﯜﺷﯜﭖ ﻛﯧﺘﯩﭙﺘﯘ. ﻣﺎﻳﻤﯘﻥ ﺗﻮﺭ ﺋﯩﭽﯩﺪﻩ ﺟﯧﻨﯩﻨﯩﯔ ﺑﺎﺭﯨﭽﻪ ﺗﯩﺮﻛﯩﺸﯩﭗ، ﺑﺎﺷﺘﯩﻦ-ﺋﺎﺧﯩﺮ ﻗﯘﺗﯘﻟﯘﭖ ﭼﯩﻘﺎﻟﻤﺎﻱ، ﺋﻪﯓ ﺋﺎﺧﯩﺮﯨﺪﺍ ﺩﻩﺭﻳﺎﺩﺍ ﺗﯘﻧﺠﯘﻗﯘﭖ ﺋﯚﻟﯜﭖ ﻗﺎﭘﺘﯘ. ﺗﯘﺭﻣﯘﺷﺘﺎ، ﻧﯘﺭﻏﯘﻥ ﻛﯩﺸﯩﻠﻪﺭ ﻗﺎﺭﯨﻐﯘﻻﺭﭼﻪ ﺑﺎﺷﻘﯩﻼﺭﻏﺎ ﺋﻪﮔﯩﺸﯩﭗ ﺑﺎﺷﻘﯩﻼﺭﻧﻰ ﺩﻭﺭﺍﻳﺪﯗ، ﺋﻪﺯﻩﻟﺪﯨﻦ ﺋﯚﺯﯨﻨﯩﯔ ﺷﺎﺭﺍﺋﯩﺘﯩﻨﯩﯔ ﻣﯘﯞﺍﭘﯩﻖ ﻳﺎﻛﻰ ﻣﯘﯞﺍﭘﯩﻖ ﺋﻪﻣﻪﺳﻠﯩﻜﯩﻨﻰ ﺋﻮﻳﻼﺷﻤﺎﻳﺪﯗ، ﯞﺍﻗﯩﺖ ﺋﯘﺯﺍﺭﻏﺎﻧﺴﯧﺮﻯ، ﺋﯚﺯﯨﻨﯩﯔ ﻧﯩﺸﺎﻧﺪﯨﻦ ﺋﺎﺩﯨﺸﯩﭗ ﻗﺎﻟﯩﺪﯗ. ﺷﯘﻧﯩﯔ ﺋﯜﭼﯜﻥ ﮪﻪﺭﻗﺎﻧﺪﺍﻕ ﯞﺍﻗﯩﺘﺘﺎ، ﺋﺎﺩﻩﻡ ﺋﯚﺯﯨﻨﯩﯔ ﻗﻪﺩﯨﻤﯩﺪﻩ ﭼﯩﯔ ﺗﯘﺭﯗﺷﻨﻰ ﺋﯚﮔﯩﻨﯩﯟﯦﻠﯩﺸﻰ، ﻣﯘﺳﺘﻪﻗﯩﻞ ﭘﯩﻜﯩﺮ ﻗﯩﻠﯩﺶ ﺋﯩﻘﺘﯩﺪﺍﺭﯨﻨﻰ ﺳﺎﻗﻠﯩﺸﻰ، ﺋﯧﻘﯩﻤﻐﺎ ﺋﻪﮔﻪﺷﻤﻪﺳﻠﯩﻜﻰ، ﺋﯚﺯﯨﮕﻪ ﻣﺎﺱ ﻛﯧﻠﯩﺪﯨﻐﺎﻥ ﺋﯘﺳﯘﻝ ﺑﯩﻠﻪﻥ ﺑﯘ ﮪﺎﻳﺎﺗﻨﻰ ﻳﺎﺧﺸﻰ ﺋﯚﺗﻜﯜﺯﯛﺷﻰ ﻛﯧﺮﻩﻙ.

2. ﺑﯩﺮ ﺗﯜﻟﻜﻪ ﺷﯩﺮﻧﻰ ﻛﯚﺭﯛﭖ، ﺋﺎﻟﺪﯨﻐﺎ ﺑﯧﺮﯨﭗ ﺧﯘﺷﺎﻣﻪﺕ ﻗﯩﭙﺘﯘ. ﺋﻪﻣﻤﺎ ﺷﯘ ﺗﺎﭘﺘﺎ ﺷﯩﺮ ﻛﯚﯕﻠﯩﺪﻩ ﺧﯩﻴﺎﻝ ﺳﯜﺭﯛﭖ، ﺗﯜﻟﻜﯩﻨﯩﯔ ﺧﯘﺷﺎﻣﻪﺕ ﻗﯩﻠﻐﺎﻥ ﺋﺎﯞﺍﺯﯨﻨﻰ ﺋﺎﯕﻠﯩﻤﺎﻱ، ﺋﯘﻧﯩﯖﻐﺎ ﭘﻪﺭﯞﺍ ﻗﯩﻠﻤﺎﭘﺘﯘ. ﺑﯘ ﻗﯧﺘﯩﻢ ﺗﯜﻟﻜﻪ ﻏﻪﻣﮕﻪ ﭘﯧﺘﯩﭗ: ﺷﯩﺮ ﻧﯧﻤﯩﺸﻘﺎ ﻣﺎﯕﺎ ﭘﻪﺭﯞﺍ ﻗﯩﻠﻤﺎﻳﺪﯗ؟ ﻣﻪﻥ ﺋﯘﻧﻰ ﺑﯩﺮﻩﺭ ﻳﻪﺭﺩﻩ ﺭﻩﻧﺠﯩﺘﯩﭗ ﻗﻮﻳﺪﯗﻣﻤﯘ؟ ﺩﻩﭖ ﺋﻮﻳﻼﭘﺘﯘ. ﺗﯜﻟﻜﻪ ﺑﯘ ﺋﯩﺸﻨﻰ ﺋﻮﻳﻠﯩﻐﺎﻧﺪﯨﻦ ﻛﯧﻴﯩﻦ، ﺷﯩﺮﻧﻰ ﺯﺍﺩﻯ ﻗﺎﻧﺪﺍﻕ ﺭﻩﻧﺠﯩﺘﯩﭗ ﻗﻮﻳﻐﺎﻧﻠﯩﻘﯩﻨﻰ ﺋﻮﻳﻼﭖ ﻳﯧﺘﻪﻟﻤﻪﭘﺘﯘ. ﺋﯘ ﺑﯘ ﺋﯩﺸﻘﺎ ﺑﻪﻙ ﺑﯧﺮﯨﻠﯩﭗ ﻛﻪﺗﻜﻪﭼﻜﻪ، ﺋﯧﮭﺘﯩﻴﺎﺗﺴﯩﺰﻟﯩﻘﺘﯩﻦ ﻳﻮﻝ ﺑﻮﻳﯩﺪﯨﻜﻰ ﻗﯩﻠﺘﺎﻗﻘﺎ ﭼﯜﺷﯜﭖ ﻛﯧﺘﯩﭙﺘﯘ، ﺗﯜﻟﻜﻪ ﺋﻮﻳﻼﭖ، ﻣﻪﻥ ﭼﻮﻗﯘﻡ ﺷﯩﺮﻧﻰ ﺭﻩﻧﺠﯩﺘﯩﭗ ﻗﻮﻳﺪﯗﻡ، ﺋﯘ ﺑﯘ ﻗﯩﻠﺘﺎﻗﻨﻰ ﭼﻮﻗﯘﻡ ﻣﻪﻥ ﺋﯜﭼﯜﻥ ﺷﯩﺮ ﻻﻳﯩﮭﻪﻟﯩﺪﻯ، ﻣﻪﻥ ﻗﯩﻠﺘﺎﻗﺘﯩﻦ ﻗﯘﺗﯘﻟﻐﺎﻥ ﮪﺎﻟﻪﺗﺘﯩﻤﯘ، ﺋﺎﺧﯩﺮﯨﺪﺍ ﺋﯘ ﻳﻪﻧﯩﻼ ﻣﯩﻨﻰ ﻳﻪﯞﯨﺘﻪﺗﺘﻰ. ﺩﻩﭖ ﺋﻮﻳﻼﭖ، ﺋﯚﺯﯨﻨﻰ ﻗﯘﺗﻘﯘﺯﯗﺷﺘﯩﻦ ﯞﺍﺯ ﻛﯧﭽﯩﭙﺘﯘ. ﺑﻪﺯﯨﺪﻩ، ﺑﯩﺮ ﺋﺎﺩﻩﻣﻨﯩﯔ ﻳﺎﺧﺸﻰ ﻳﺎﺷﯩﻴﺎﻟﻤﺎﺳﻠﯩﻘﻰ ﻣﯘﮪﯩﺖ ﺳﻪﯞﻩﺑﯩﺪﯨﻦ ﺋﻪﻣﻪﺱ، ﺑﻪﻟﻜﻰ ﺑﻪﻙ ﻛﯚﭖ ﺋﻮﻳﻼﭖ، ﺑﻪﻙ ﺋﺎﺯ ﺋﯩﺶ ﻗﯩﻠﻐﺎﻧﻠﯩﻘﺘﯩﻦ ﺑﻮﻟﯩﺪﯗ. ﺧﯘﺩﺩﻯ ﮪﯧﻜﺎﻳﯩﺪﯨﻜﻰ ﺗﯜﻟﻜﯩﮕﻪ ﺋﻮﺧﺸﺎﺵ، ﺋﻪﺳﻠﯩﺪﻩ ﮪﺎﻳﺎﺕ ﻗﯧﻠﯩﺶ ﭘﯘﺭﺳﯩﺘﻰ ﺑﺎﺭ ﺋﯩﺪﻯ، ﻟﯧﻜﯩﻦ ﺑﻪﻙ ﻛﯚﭖ ﺋﻮﻳﻼﭖ ﻛﻪﺗﻜﻪﭼﻜﻪ، ﺋﻪﻛﺴﯩﭽﻪ ﺋﯚﺯﯨﻨﻰ ﻗﯩﻴﯩﻦ ﺋﻪﮪﯟﺍﻟﻐﺎ ﭼﯜﺷﯜﺭﯛﭖ ﻗﻮﻳﺪﻯ. ﺧﯘﺷﺎﻟﻠﯩﻖ ﺋﻪﻣﻪﻟﯩﻴﻪﺗﺘﻪ ﻧﺎﮪﺎﻳﯩﺘﻰ ﺋﺎﺩﺩﯨﻲ، ﺷﯘﻧﯩﯔ ﺋﯜﭼﯜﻥ ﮪﻪﻣﻤﻪ ﺋﯩﺸﻨﻰ ﻛﯚﭖ ﺋﻮﻳﻠﯩﻤﺎﯓ، ﺭﻭﮪﯩﻲ ﮪﺎﻟﯩﺘﯩﯖﯩﺰﻧﻰ ﻳﺎﺧﺸﻰ ﺑﺎﺷﻘﯘﺭﯗﯓ.

3. ﺋﺎﻓﺮﯨﻘﯩﺪﺍ ﺑﯩﺮ ﺧﯩﻞ ﻣﺎﻳﻤﯘﻥ ﺑﺎﺭ، ﺋﯘ ﺋﻮﻏﺮﯨﻠﯩﻘﭽﻪ ﮔﯜﺭﯛﭺ ﻳﯧﻴﯩﺸﻨﻰ ﺑﻪﻙ ﻳﺎﺧﺸﻰ ﻛﯚﺭﯨﺪﯗ. ﺷﯘﻧﯩﯔ ﺑﯩﻠﻪﻥ ﺷﯘ ﺟﺎﻳﺪﯨﻜﻰ ﺩﯦﮭﻘﺎﻧﻼﺭ ﻣﺎﻳﻤﯘﻧﻨﯩﯔ ﺋﺎﻻﮪﯩﺪﯨﻠﯩﻜﯩﮕﻪ ﺋﺎﺳﺎﺳﻪﻥ، ﺑﯩﺮ ﺧﯩﻞ ﺋﻪﭘﭽﯩﻞ ﭼﺎﺭﯨﻨﻰ ﺗﻪﺗﻘﯩﻖ ﻗﯩﻠﯩﭗ ﭼﯩﻘﻘﺎﻥ. ﺋﯘﻻﺭ ﮔﯜﺭﯛﭼﻨﻰ ﻗﺎﭘﺎﻕ ﺷﻪﻛﯩﻠﻠﯩﻚ ﺑﻮﺗﯘﻟﻜﯩﻐﺎ ﺳﯧﻠﯩﭗ، ﺋﺎﻧﺪﯨﻦ ﺩﻩﺭﻩﺧﻜﻪ ﺋﯧﺴﯩﭗ ﻗﻮﻳﯩﺪﯗ، ﻣﺎﻳﻤﯘﻧﻨﯩﯔ ﻗﻮﻟﻰ ﺩﻩﻝ ﺋﯩﭽﯩﮕﻪ ﻛﯩﺮﻩﻟﻪﻳﺪﯗ، ﻟﯧﻜﯩﻦ ﺋﯘﻻﺭ ﺑﯩﺮ ﺳﯩﻘﯩﻢ ﮔﯜﺭﯛﭼﻨﻰ ﺗﯘﺗﻘﯩﻨﯩﺪﺍ ﻗﻮﻟﯩﻨﻰ ﭼﯩﻘﯩﺮﺍﻟﻤﺎﻳﺪﯗ. ﺩﯦﮭﻘﺎﻧﻼﺭ ﻣﺎﻳﻤﯘﻧﻨﻰ ﺗﯘﺗﯘﯞﺍﻟﻐﺎﻧﺪﺍ، ﺋﯘﻻﺭﻧﯩﯔ ﻗﻮﻟﯩﺪﺍ ﺑﯩﺮ ﺑﺎﻏﻼﻡ ﮔﯜﺭﯛﭺ ﺑﺎﺭ ﮪﺎﻟﻪﺗﺘﻪ ﺗﯘﺗﯩﯟﺍﻟﯩﺪﯗ. ﺋﺎﺩﻩﺗﺘﻪ ﺋﺎﺭﺯﯗ ﻗﺎﻧﭽﻪ ﭼﻮﯓ ﺑﻮﻟﺴﺎ، ﺋﺎﺩﻩﻡ ﺷﯘﻧﭽﻪ ﭼﺎﺭﭼﺎﻳﺪﯗ، ﺋﺎﭼﻜﯚﺯﻟﯜﻙ ﻗﺎﻧﭽﻪ ﻛﯚﭖ ﺑﻮﻟﺴﺎ، ﻛﯚﯕﻠﻰ ﺷﯘﻧﭽﻪ ﺑﯩﺌﺎﺭﺍﻡ ﺑﻮﻟﯩﺪﯗ. ﻧﯘﺭﻏﯘﻥ ﯞﺍﻗﯩﺘﻼﺭﺩﺍ، ﺑﯩﺰ ﻧﻪﭘﺴﯩﻤﯩﺰﺩﯨﻦ ﻗﯘﺗﯘﻻﻟﻤﺎﻳﺪﯨﻐﺎﻥ ﻣﺎﻳﻤﯘﻧﻐﺎ ﺋﻮﺧﺸﺎﻳﻤﯩﺰ، ﺋﯧﺮﯨﺸﺴﻪﻙ ﻗﺎﻧﺎﺋﻪﺕ ﻗﯩﻠﻤﺎﻳﻤﯩﺰ. ﻗﺎﻧﭽﻪ ﺋﺎﭼﻜﯚﺯ، ﻗﺎﻧﺎﺋﻪﺕ ﻗﯩﻠﯩﺸﻨﻰ ﺑﯩﻠﻤﻪﻳﺪﯨﻐﺎﻥ ﺋﺎﺩﻩﻡ ﺋﻪﯓ ﺋﺎﺧﯩﺮﯨﺪﺍ ﺷﯘﻧﭽﻪ ﻛﯚﭖ ﻧﻪﺭﺳﯩﻠﻪﺭﺩﯨﻦ ﺋﺎﻳﺮﯨﻠﯩﭗ ﻗﺎﻟﯩﺪﯗ. ﭘﻪﻗﻪﺕ ﻛﯜﭼﻠﯜﻙ ﺑﻮﻟﻐﺎﻥ ﺋﯚﺯﯨﻨﻰ ﭼﻪﻛﻠﻪﺵ ﻛﯜﭼﯩﮕﻪ ﺋﯩﮕﻪ ﺑﻮﻟﻐﺎﻧﺪﯨﻼ، ﺋﺎﻧﺪﯨﻦ ﺋﺎﺭﺯﯗﻧﯩﯔ ﺑﺎﺷﻘﯘﺭﯗﺷﯩﺪﯨﻦ ﺧﺎﻟﯩﻲ ﺑﻮﻟﯘﭖ، ﯞﺍﻗﯩﺖ ﯞﻩ ﺯﯦﮭﻨﯩﻨﻰ ﮪﻪﻗﯩﻘﯩﻲ ﺋﻪﺭﺯﯨﻴﺪﯨﻐﺎﻥ ﺋﯩﺸﻼﺭﻏﺎ ﺳﻪﺭﭖ ﻗﯩﻠﻐﯩﻠﻰ ﺑﻮﻟﯩﺪﯗ. ﺷﯘﻧﯩﯔ ﺋﯜﭼﯜﻥ ﺑﯩﺮ ﺋﯚﻣﯜﺭ ﺋﯚﺯﯨﻨﻰ ﺗﯘﺗﯘﯞﯦﻠﯩﺸﻨﻰ ﺑﯩﻠﯩﺶ، ﻣﯘﺭﻩﻛﻜﻪﭘﻠﯩﻜﻨﻰ ﺗﯜﮔﯩﺘﯩﺶ ﯞﻩ ﺋﺎﺩﺩﯨﻴﻼﺷﺘﯘﺭﯗﺵ ﺋﻪﯓ ﻳﯘﻗﯩﺮﻯ ﺗﯘﺭﻣﯘﺵ ﺋﯘﺳﯘﻟﻰ.

4. ﺑﯩﺮ ﻛﯜﻧﻰ، ﺋﺎﭺ ﻗﺎﻟﻐﺎﻥ ﻳﯩﻼﻥ ﺑﯩﺮ ﻳﺎﻏﺎﭼﭽﯩﻠﯩﻖ ﺩﯗﻛﯩﻨﯩﻐﺎ ﺋﯚﻣﯩﻠﻪﭖ ﻛﯩﺮﯨﭗ ﻳﯧﻤﻪﻛﻠﯩﻚ ﺋﯩﺰﺩﯨﺪﻯ. ﺋﯘ ﻳﻪﺭﺩﯨﻜﻰ ﮪﻪﺭﯨﺪﯨﻦ ﺋﯚﺗﻜﻪﻧﺪﻩ، ﺑﻪﺩﯨﻨﻰ ﺋﺎﺯﺭﺍﻕ ﻳﺎﺭﯨﻼﻧﺪﻯ. ﻳﯩﻼﻥ ﺋﺎﭼﭽﯩﻘﯩﺪﺍ ﻛﻪﻳﻨﯩﮕﻪ ﺑﯘﺭﯗﻟﯘﭖ، ﮪﻪﺭﯨﻨﻰ ﺑﯩﺮﻧﻰ ﭼﯩﺸﻠﯩﺪﻯ. ﻧﻪﺗﯩﺠﯩﺪﻩ ﮪﻪﺭﻩ ﮪﯧﭽﻘﺎﻧﺪﺍﻕ ﺯﯨﻴﺎﻧﻐﺎ ﺋﯘﭼﺮﯨﻤﯩﺪﻯ، ﻟﯧﻜﯩﻦ ﺋﯚﺯﯨﻨﯩﯔ ﺋﯧﻐﯩﺰﯨﻨﻰ ﺋﯧﻐﯩﺮ ﻳﺎﺭﻻﻧﺪﯗﺭﯞﺍﻟﺪﻯ. ﻳﯩﻼﻥ ﺑﺎﺭﻏﺎﻧﺴﯧﺮﻯ ﻏﻪﺯﻩﭘﻠﯩﻨﯩﭗ، ﺋﯧﺘﯩﻠﯩﭗ ﺑﯧﺮﯨﭗ ﮪﻪﺭﯨﻨﻰ ﻛﯜﭼﻪﭖ ﺋﻮﺭﯨﯟﺍﻟﺪﻯ. ﺑﯩﺮﺍﻕ، ﺋﯘ ﭘﯜﺗﯜﻥ ﻛﯜﭼﯩﻨﻰ ﺋﯩﺸﻘﺎ ﺳﯧﻠﯩﭗ ﮪﻪﺭﯨﮕﻪ ﺯﯨﻴﺎﻥ ﻳﻪﺗﻜﯜﺯﻣﻪﻱ، ﺋﻪﻛﺴﯩﭽﻪ ﺋﯚﺯﯨﮕﻪ ﺯﯨﻴﺎﻥ ﻳﻪﺗﻜﯜﺯﺩﻯ. ﺋﺎﺟﯩﺰﻻﺭ ﻳﻮﻟﯟﺍﺳﻘﺎ ﺋﻮﺧﺸﺎﺵ ﺋﺎﺳﺎﻥ ﺋﺎﭼﭽﯩﻘﻠﯩﻨﯩﺪﯗ، ﻛﯜﭼﻠﯜﻛﻠﻪﺭ ﺳﯘﺩﻩﻙ ﺗﯩﻨﭻ ﺑﻮﻟﯩﺪﯗ. ﻳﯩﻼﻥ ﺟﺎﻥ ﺋﯜﺯﯛﺵ ﺋﺎﻟﺪﯨﺪﺍ ﭼﯜﺷﻪﻧﻤﯩﮕﯩﻨﻰ، ﺋﯘﻧﯩﯖﻐﺎ ﺯﯨﻴﺎﻧﻜﻪﺷﻠﯩﻚ ﻗﯩﻠﻐﯩﻨﻰ ﮪﻪﺭﻩ ﺋﻪﻣﻪﺱ، ﺑﻪﻟﻜﻰ ﺋﯚﺯﯨﻨﯩﯔ ﻛﻮﻧﺘﺮﻭﻟﻠﯘﻗﯩﻨﻰ ﻳﻮﻗﺎﺗﻘﺎﻥ ﻛﻪﻳﭙﯩﻴﺎﺗﻰ ﺋﯩﺪﻯ. ﻛﻪﻳﭙﯩﻴﺎﺗﻨﻰ ﻛﻮﻧﺘﺮﻭﻝ ﻗﯩﻠﯩﺸﻨﻰ ﺋﯚﮔﻪﻧﮕﻪﻧﺪﯨﻼ، ﺋﺎﻧﺪﯨﻦ ﺋﯚﺯﯨﻨﯩﯔ ﻛﻪﻟﮕﯜﺳﯩﻨﻰ ﮪﻪﻗﯩﻘﯩﻲ ﺋﯩﮕﯩﻠﯩﮕﯩﻠﻰ ﺑﻮﻟﯩﺪﯗ.

5. ﺑﯩﺮ ﺗﯜﻟﻜﻪ ﮪﻪﺭ ﺧﯩﻞ ﮪﺎﻳﯟﺍﻧﻼﺭﻧﯩﯔ ﮪﻪﺭ ﻛﯜﻧﻰ ﺗﺎﻍ ﺋﯧﺘﯩﻜﯩﺪﯨﻜﻰ ﺋﯚﯕﻜﯜﺭﺩﯨﻦ ﺋﯚﺗﯩﺪﯨﻐﺎﻧﻠﯩﻘﯩﻨﻰ ﺑﺎﻳﻘﺎﭖ، ﺑﯘ ﺋﯚﯕﻜﯜﺭﺩﯨﻦ ﭘﺎﻳﺪﯨﻠﯩﻨﯩﭗ ﺋﻮﯞ ﺋﻮﯞﻻﺷﻨﻰ ﺋﻮﻳﻼﭖ، ﺋﯚﯕﻜﯜﺭﻧﯩﯔ ﻳﻪﻧﻪ ﺑﯩﺮ ﺋﯘﭼﯩﻨﻰ ﺗﻮﺳﯘﯞﺍﻟﺪﻯ. ﺑﯩﺮﯨﻨﭽﻰ ﻛﯜﻧﻰ، ﺑﯩﺮ ﻗﻮﻱ ﻛﻪﻟﺪﻯ، ﺋﻪﻣﻤﺎ ﻗﻮﻱ ﻳﻪﻧﻪ ﺑﯩﺮ ﻛﯩﭽﯩﻚ ﺗﯚﺷﯜﻛﺘﯩﻦ ﻗﯧﭽﯩﭗ ﻛﻪﺗﺘﻰ. ﻗﺎﺗﺘﯩﻖ ﺟﯩﻠﻪ ﺑﻮﻟﻐﺎﻥ ﺗﯜﻟﻜﻪ ﻛﯩﭽﯩﻚ ﺗﯚﺷﯜﻛﻨﻰ ﺋﯧﺘﯩﯟﻩﺗﺘﻰ. ﺋﯩﻜﻜﯩﻨﭽﻰ ﻛﯜﻧﻰ، ﺑﯩﺮ ﺗﻮﺷﻘﺎﻥ ﻛﻪﻟﺪﻯ، ﺑﯘ ﻗﯧﺘﯩﻢ ﺋﯘ ﻳﻪﻧﻪ ﺗﯘﺗﺎﻟﻤﯩﺪﻯ، ﭼﯜﻧﻜﻰ ﺗﻮﺷﻘﺎﻥ ﺗﯧﺨﯩﻤﯘ ﻛﯩﭽﯩﻚ ﺗﯚﺷﯜﻛﺘﯩﻦ ﻗﯧﭽﯩﭗ ﻛﻪﺗﺘﻰ. ﺷﯘﻧﯩﯔ ﺑﯩﻠﻪﻥ ﺗﯜﻟﻜﻪ ﺑﺎﺭﻟﯩﻖ ﺗﯚﺷﯜﻛﻠﻪﺭﻧﻰ ﻣﻪﮪﻜﻪﻡ ﺋﯧﺘﯩﭗ، ﭼﯩﯟﯨﻨﻨﯩﯖﻤﯘ ﺋﯘﭼﯘﭖ ﭼﯩﻘﺎﻟﻤﺎﺱ ﻗﯩﻠﯩﭗ ﻗﻮﻳﺪﻯ. ﺋﯘ ﺋﯚﺯﯨﻨﯩﯔ ﻧﺎﺩﯨﺮ ﺋﻪﺳﯩﺮﯨﺪﯨﻦ ﭘﻪﺧﯩﺮﻟﯩﻨﯩﯟﺍﺗﻘﺎﻧﺪﺍ، ﺗﯘﻳﯘﻗﺴﯩﺰ ﺑﯩﺮ ﺋﺎﭺ ﻗﺎﻟﻐﺎﻥ ﻳﻮﻟﯟﺍﺱ ﻛﻪﻟﺪﻯ. ﺗﯜﻟﻜﻪ ﻛﻪﻳﻨﯩﮕﻪ ﺑﯘﺭﯗﻟﯘﭖ ﻗﺎﭼﻤﺎﻗﭽﻰ ﺑﻮﻟﺪﻯ، ﻟﯧﻜﯩﻦ ﻛﻪﻳﻨﯩﺪﯨﻜﻰ ﺋﯚﯕﻜﯜﺭ ﺋﯧﻐﯩﺰﯨﻨﯩﯔ ﭘﯜﺗﯜﻧﻠﻪﻱ ﺋﯚﺯﻯ ﺗﻮﺳﯘﭖ ﻗﯘﻳﻐﺎﻧﻠﯩﻘﯩﻨﻰ ﺑﺎﻳﻘﯩﺪﻯ، ﺋﻪﯓ ﺋﺎﺧﯩﺮﯨﺪﺍ ﺑﻮﻟﺴﺎ ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﻳﻮﻟﯟﺍﺳﻨﯩﯔ ﺋﯧﺴﯩﻞ ﺗﺎﻣﯩﻘﯩﻐﺎ ﺋﺎﻳﻼﻧﺪﻯ. ﺗﯜﻟﻜﻪ ﺑﺎﺭﻟﯩﻖ ﭼﯩﻘﯩﺶ ﻳﻮﻟﯩﻨﻰ ﺗﻮﺳﯘﯞﺍﻟﺪﻯ، ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ ﺋﯚﺯﯨﻨﯩﯔ ﭼﯧﻜﯩﻨﯩﺶ ﻳﻮﻟﯩﻨﯩﻤﯘ ﻳﻮﻕ ﻗﯩﻠﺪﻯ. ﺋﺎﺩﻩﻡ ﺑﯩﺮﻩﺭ ﺋﯩﺶ ﻗﯩﻠﻐﺎﻧﺪﺍ ﭼﻮﻗﯘﻡ ﭼﯩﻜﯩﻨﯩﺶ ﻳﻮﻟﻰ ﻗﺎﻟﺪﯗﺭﯗﺵ ﻛﯧﺮﻩﻙ، ﺋﺎﻧﺪﯨﻦ ﺋﻪﺭﻛﯩﻦ-ﺋﺎﺯﺍﺩﻩ ﺋﯩﻠﮕﯩﺮﯨﻠﯩﻴﻪﻟﻪﻳﺪﯗ. ﺋﺎﺩﻩﻡ ﺑﻮﻟﯘﺵ، ﺋﯩﺶ ﻗﯩﻠﯩﺸﺘﺎ ﺋﯩﻤﻜﺎﻧﯩﻴﻪﺕ ﻗﺎﻟﺪﯗﺭﯗﺵ ﻛﯩﺸﯩﻠﯩﻚ ﮪﺎﻳﺎﺗﺘﯩﻜﻰ ﭼﻮﯓ ﺋﻪﻗﯩﻞ-ﭘﺎﺭﺍﺳﻪﺗﺘﯘﺭ.