ﺋﺎﺩﻩﻡ ﻳﺎﺷﯩﻨﯩﭗ ﻗﺎﻟﻐﺎﻧﺪﺍ ﺑﺎﻟﯩﻠﯩﺮﻯ ﻧﯧﻤﯩﺸﻘﺎ ﺋﯚﺯﯨﺪﯨﻦ ﺑﯩﺰﺍﺭ ﺑﻮﻟﯩﺪﯗ؟

ﺋﯜﻧﺪﯨﺪﺍﺭ ﺳﺎﻟﻮﻧﻰ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﺋﺎﺩﻩﻡ ﻗﯧﺮﯨﻐﺎﻧﺪﺍ ﺑﯩﻠﯩﭗ-ﺑﯩﻠﻤﻪﻱ ﺑﺎﺷﻘﯩﻼﺭﻧﻰ ﺑﯩﺰﺍﺭ ﻗﯩﻠﯩﺪﯗ، ﺑﯘ ﺋﯩﻨﻜﺎﺭ ﻗﯩﻠﻐﯩﻠﻰ ﺑﻮﻟﻤﺎﻳﺪﯨﻐﺎﻥ ﮪﻪﻗﯩﻘﻪﺕ ﮪﯧﺴﺎﺑﻠﯩﻨﯩﺪﯗ. ﺗﯘﺭﻣﯘﺷﻨﯩﯔ ﮪﺎﻣﺎﻥ ﺭﯦﺌﺎﻝ ﺗﻪﺭﯨﭙﻰ ﺑﻮﻟﯩﺪﯗ، ﺋﯩﻨﺴﺎﻥ ﺗﻪﺑﯩﺌﯩﺘﯩﻨﯩﯔ ﺑﯩﺮ ﻗﯩﺴﻤﻰ ﺳﯩﻨﺎﻗﻘﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﻤﻪﻳﺪﯗ. ﺋﻪﻟﯟﻩﺗﺘﻪ، ﺑﯘ ﺑﯩﺰﻧﯩﯔ ﺋﯧﺴﯩﻤﯩﺰﺩﻩ ﺗﯘﺗﯘﺷﯩﻤﯩﺰﻏﺎ ﺗﯧﮕﯩﺸﻠﯩﻚ ﺑﯩﺮ ﻧﯘﻗﺘﺎ، ﺋﺎﺗﺎﻟﻤﯩﺶ ﺑﻪﺧﺖ ﺋﻪﺯﻩﻟﺪﯨﻦ ﻣﯘﮪﻪﺑﺒﻪﺕ ﯞﻩ ﺋﺎﻕ ﻛﯚﯕﯜﻟﻠﯜﻛﻨﯩﯔ ﺟﯘﻏﻼﻧﻤﯩﺴﯩﺪﯗﺭ. ﺋﻪﻣﻪﻟﯩﻴﻪﺗﺘﻪ ﺑﯩﺰﻧﯩﯔ ﻳﯧﺮﯨﻢ ﺋﯚﻣﺮﯨﻤﯩﺰﻧﯩﯔ ﺋﺎﻟﺪﯨﺮﺍﺵ ﯞﻩ ﺟﺎﭘﺎﻟﯩﻖ ﺑﻮﻟﯘﺷﻰ ﭘﻪﻗﻪﺕ ﺋﯩﺰﺯﻩﺕ-ﺋﺎﺑﺮﯗﻳﻠﯘﻕ، ﺭﺍﮪﻪﺕ-ﭘﺎﺭﺍﻏﻪﺗﻠﯩﻚ ﺗﯘﺭﻣﯘﺵ ﻛﻪﭼﯜﺭﯛﺵ ﺋﯜﭼﯜﻧﺪﯗﺭ. ﻳﺎﺵ ﯞﺍﻗﺘﯩﻤﯩﺰﺩﺍ، ﺑﯩﺰ ﺗﯧﺨﯩﻤﯘ ﻳﺎﺧﺸﻰ ﺋﯚﺯﯨﻤﯩﺰ ﺑﻮﻟﯘﺷﻘﺎ ﺗﯩﺮﯨﺸﯩﺸﯩﻤﯩﺰ، ﻳﺎﺷﺎﻧﻐﺎﻥ ﯞﺍﻗﺘﯩﻤﯩﺰﺩﺍ ﺋﯚﺯﯨﻤﯩﺰﻧﻰ ﻳﺎﺧﺸﻰ ﺑﺎﺷﻘﯘﺭﯗﭖ ﺗﯘﺭﯨﺸﯩﻤﯩﺰ ﻛﯧﺮﻩﻙ.

ﻣﻪﻟﯘﻡ ﻣﻪﻧﯩﺪﯨﻦ ﺋﯧﻴﺘﻘﺎﻧﺪﺍ، ﺑﺎﻟﯩﻼﺭ ﺳﯩﺰﻧﯩﯔ ﻧﯧﻤﯩﮕﻪ ﺑﻪﻙ ﺩﯨﻘﻘﻪﺕ ﻗﯩﻠﯩﺸﯩﯖﯩﺰﻧﻰ، ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺸﻨﻰ ﻳﺎﺧﺸﻰ ﻗﯩﻠﯩﺸﯩﯖﯩﺰﻧﻰ، ﻗﯩﻼﻻﻳﺪﯨﻐﺎﻥ ﺋﯩﺸﻨﻰ ﻳﺎﺧﺸﻰ ﻗﯩﻠﯩﺸﯩﯖﯩﺰﻧﻰ ﺗﻪﻟﻪﭖ ﻗﯩﻠﯩﺪﯗ. ﺋﻪﮔﻪﺭ ﺳﯩﺰ ﺋﯚﺯﯨﯖﯩﺰﻧﯩﯔ ﻧﯧﻤﻪ ﻗﯩﻠﯩﺸﯩﯖﯩﺰ ﻛﯧﺮﻩﻛﻠﯩﻜﯩﻨﻰ ﺑﯩﻠﻤﯩﺴﯩﯖﯩﺰ، ﭼﻮﻗﯘﻡ ﺑﯘ ﮪﻪﻗﺘﻪ ﻳﺎﺧﺸﻰ ﺋﻮﻳﻠﯩﺸﯩﺸﯩﯖﯩﺰ ﻛﯧﺮﻩﻙ. ﺋﯘﻧﺪﺍﻗﺘﺎ ﺋﺎﺩﻩﻡ ﻗﯧﺮﯨﻐﺎﻧﺪﺍ، ﻗﺎﻧﺪﺍﻕ ﻗﯩﻠﻐﺎﻧﺪﺍ ﺑﺎﻟﯩﻠﯩﺮﯨﻨﯩﯔ ﺋﯚﺯﯨﺪﯨﻦ ﺑﯩﺰﺍﺭ ﺑﻮﻟﯘﺷﯩﺪﯨﻦ ﺳﺎﻗﻠﯩﻨﺎﻻﻳﺪﯗ؟ ﻣﻪﻳﻠﻰ ﻗﺎﻳﺴﻰ ﻳﺎﺵ، ﻗﺎﻧﺪﺍﻕ ﺗﯘﺭﻣﯘﺵ، ﻗﺎﻧﺪﺍﻕ ﻣﯘﻧﺎﺳﯩﯟﻩﺕ ﺑﻮﻟﯘﺷﯩﺪﯨﻦ ﻗﻪﺗﺌﯩﻴﻨﻪﺯﻩﺭ، ﺋﯚﺯﯨﯖﯩﺰﻧﻰ ﻳﺎﺧﺸﻰ ﺑﺎﺷﻘﯘﺭﯗﯓ، ﺑﯘ ﺋﯩﻨﺘﺎﻳﯩﻦ ﻣﯘﮪﯩﻢ ﮪﺎﻟﻘﺎ ﮪﯧﺴﺎﺑﻠﯩﻨﯩﺪﯗ.

ﺋﯚﺯﯨﯖﯩﺰﻧﯩﯔ ﺗﺎﺯﯨﻠﯩﻘﯩﻨﻰ ﻳﺎﺧﺸﻰ ﺑﺎﺷﻘﯘﺭﯗﯓ. ﻳﯧﺸﯩﯖﯩﺰ ﺳﻪﯞﻩﺑﻠﯩﻚ ﺷﻪﺧﺴﯩﻲ ﺗﺎﺯﯨﻠﯩﻘﯩﯖﯩﺰﻏﺎ ﮪﯘﺭﯗﻧﻠﯘﻕ، ﮪﺎﺭﻏﯩﻨﻠﯩﻖ ﮪﯧﺲ ﻗﯩﻠﻤﺎﯓ، ﺋﯚﺯﯨﯖﯩﺰﻧﯩﯔ ﻧﻪﺭﺳﯩﻠﯩﺮﯨﻨﻰ ﻳﯩﻐﯩﺸﺘﯘﺭﯗﺷﻘﺎ ﮪﻮﺭﯗﻧﻠﯘﻕ ﻗﯩﻠﻤﺎﯓ، ﺋﯚﻱ ﺗﺎﺯﯨﻼﺷﻘﯩﻤﯘ ﮪﻮﺭﯗﻧﻠﯘﻕ ﻗﯩﻠﻤﺎﯓ، ﺋﯩﺸﻘﯩﻠﯩﭗ ﻣﯘﺷﯘ ﻳﺎﺷﻘﺎ ﻛﯩﺮﯨﭗ ﻗﺎﻟﺪﯨﻢ ﺩﻩﭖ ﺋﻮﻳﻠﯩﻤﺎﻱ ﭼﯩﺮﺍﻳﻠﯩﻖ ﻳﺎﺳﯩﻨﯩﭗ ﻳﯜﺭﯛﯓ. ﺋﺎﺩﻩﻡ ﺑﯩﻠﻪﻥ ﺋﺎﺩﻩﻡ ﺋﻮﺗﺘﯘﺭﯨﺴﯩﺪﯨﻜﻰ ﻣﯘﻧﺎﺳﯩﯟﻩﺗﺘﻪ، ﺗﺎﺷﻘﻰ ﺋﻮﺑﺮﺍﺯ ﺟﻪﮪﻪﺗﺘﯩﻜﻰ ﺋﺎﻣﯩﻠﻼﺭﻏﺎ ﻣﻪﯕﮕﯜ ﺳﻪﻝ ﻗﺎﺭﺍﺷﻘﺎ ﺑﻮﻟﻤﺎﻳﺪﯗ، ﺑﯘﻣﯘ ﺋﻪﯓ ﮪﺎﻟﻘﯩﻠﯩﻖ ﯞﻩ ﻣﯘﮪﯩﻢ ﺑﯩﺮ ﻧﯘﻗﺘﺎ. ﭘﻪﻗﻪﺕ ﺷﻪﺧﺲ ﺑﻮﻟﺴﯩﻼ، ﺋﯘﻧﯩﯔ ﭘﺎﻳﺪﺍ ﻗﻮﻏﻠﯩﺸﯩﺪﯨﻐﺎﻥ، ﺯﯨﻴﺎﻧﺪﯨﻦ ﺋﯚﺯﯨﻨﻰ ﻗﺎﭼﯘﺭﯨﺪﯨﻐﺎﻥ ﺗﯘﻏﻤﺎ ﺋﯩﻘﺘﯩﺪﺍﺭﻯ ﺑﺎﺭ، ﺑﻪﺯﯨﺪﻩ ﺋﺎﻻﮪﯩﺪﻩ ﻗﯧﺮﯨﻨﺪﺍﺷﻠﯩﻖ ﻣﯧﮭﺮﻯ ﺑﻮﻟﻐﺎﭼﻘﺎ، ﺑﺎﻟﯩﻼﺭ ﺳﯩﺰﮔﻪ ﻳﻮﻝ ﻗﻮﻳﯩﺪﯗ. ﺋﺎﺩﻩﻣﻨﯩﯔ ﺋﺎﻣﺮﺍﻗﻠﯩﻘﯩﻨﻰ ﻛﻪﻟﺘﯜﺭﯨﺪﯨﻐﺎﻥ، ﻳﯧﻘﯩﻨﻠﯩﺸﯩﺸﻨﻰ ﺧﺎﻻﻳﺪﯨﻐﺎﻥ ﻳﺎﺷﺎﻧﻐﺎﻧﻼﺭﻧﯩﯔ ﮪﻪﻣﻤﯩﺴﻰ ﻗﺎﺭﯨﻤﺎﻗﻘﺎ ﻧﺎﮪﺎﻳﯩﺘﻰ ﭼﺎﻗﻘﺎﻥ ﻛﯚﺭﯛﻧﯩﺪﯗ. ﺷﯘﯕﺎ ﻳﯧﺸﯩﯖﯩﺰ ﻗﺎﻧﭽﻪ ﭼﻮﯕﯩﻴﯩﺸﯩﻐﺎ، ﺑﻪﺩﻩﻥ ﺋﯩﻘﺘﯩﺪﺍﺭﯨﯖﯩﺰﻧﯩﯔ ﺗﯚﯞﻩﻧﻠﯩﺸﯩﮕﻪ ﺋﻪﮔﯩﺸﯩﭗ، ﺋﯚﺯﯨﯖﯩﺰﻧﯩﯔ ﺷﻪﺧﺴﯩﻲ ﺗﺎﺯﯨﻠﯩﻘﯩﻐﺎ ﺷﯘﻧﭽﻪ ﺩﯨﻘﻘﻪﺕ ﻗﯩﻠﯩﺸﯩﯖﯩﺰ ﻛﯧﺮﻩﻙ.

ﺳﺎﻻﻣﻪﺗﻠﯩﻜﯩﯖﯩﺰﻧﻰ ﻳﺎﺧﺸﻰ ﺑﺎﺷﻘﯘﺭﯗﯓ. ﺋﺎﻣﺎﻝ ﺑﺎﺭ ﺑﺎﻟﯩﻠﯩﺮﯨﯖﯩﺰﻏﺎ ﺋﺎﯞﺍﺭﭼﯩﻠﯩﻖ ﺗﯧﭙﯩﭗ ﺑﻪﺭﻣﻪﯓ، ﺋﯘﻻﺭﻧﯩﯖﻤﯘ ﺋﯚﺯﯨﻨﯩﯔ ﺗﯘﺭﻣﯘﺷﻰ ﺑﺎﺭ، ﺋﻪﮔﻪﺭ ﺳﯩﺰ ﺳﻪﯞﻩﺑﻠﯩﻚ ﺋﯘﻻﺭ ﺋﯚﺯﯨﻨﯩﯔ ﺋﯩﺸﯩﻨﻰ ﻳﺎﺧﺸﻰ ﻗﯩﻼﻟﻤﯩﺴﺎ ﺑﯧﺴﯩﻢ ﮪﯧﺲ ﻗﯩﻠﯩﭗ ﻗﺎﻟﯩﺪﯗ. ﺋﯚﺯﻯ ﺑﯩﺮ ﺗﻪﺭﻩﭖ ﻗﯩﻼﻻﻳﺪﯨﻐﺎﻥ ﺋﯩﺸﻨﻰ ﺋﺎﻣﺎﻝ ﺑﺎﺭ ﺋﯚﺯﻯ ﺑﯩﺮ ﺗﻪﺭﻩﭖ ﻗﯩﻠﯩﺶ ﻛﯧﺮﻩﻙ. ﺷﯘﻧﯩﯔ ﺑﯩﻠﻪﻥ ﺑﯩﺮﮔﻪ ﺋﯚﺯﯨﻨﯩﯔ ﺳﺎﻻﻣﻪﺗﻠﯩﻜﯩﻨﻰ ﻳﺎﺧﺸﻰ ﺑﺎﺷﻘﯘﺭﯗﺵ، ﺋﺎﺩﻩﺗﺘﻪ ﻳﯧﻤﻪﻙ-ﺋﯩﭽﻤﻪﻙ، ﺋﺎﺭﺍﻡ ﺋﯧﻠﯩﺶ، ﻛﻪﻳﭙﯩﻴﺎﺕ ﻗﺎﺗﺎﺭﻟﯩﻖ ﺋﯩﺸﻼﺭﻏﺎ ﺋﺎﻻﮪﯩﺪﻩ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ.

ﺗﯘﺭﻣﯘﺷﯩﯖﯩﺰﻧﻰ ﻳﺎﺧﺸﻰ ﺑﺎﺷﻘﯘﺭﯗﯓ. ﭘﻪﻗﻪﺕ ﻛﯜﻧﻠﯩﺮﯨﯖﯩﺰﻧﻰ ﻳﺎﺧﺸﻰ ﺋﯚﺗﻜﯜﺯﺳﯩﯖﯩﺰﻻ ﺑﻮﻟﺪﻯ، ﭘﻪﺭﺯﻩﻧﺘﻠﯩﺮﯨﯖﯩﺰ ﺋﯚﻱ-ﺋﻮﭼﺎﻗﻠﯩﻖ ﺑﻮﻟﯘﭖ، ﺋﯚﺯﯨﻨﯩﯔ ﺋﻮﻳﻰ ﯞﻩ ﭘﯩﻼﻧﻰ ﺑﻮﻟﺴﺎ، ﺑﻪﺯﻯ ﺋﯩﺸﻼﺭﻧﻰ ﺳﯩﺰ ﺋﺎﻣﺎﻝ ﺑﺎﺭ ﺳﻮﺭﯨﻤﺎﯓ، ﻛﯚﭖ ﺳﻮﺭﯨﺴﯩﯖﯩﺰ ﺋﯘﻻﺭ ﺑﯩﺰﺍﺭ ﺑﻮﻟﯩﺪﯗ، ﺑﯘ ﻳﺎﺷﻘﺎ ﻛﻪﻟﮕﻪﻧﺪﻩ، ﺋﺎﺩﻩﻡ ﺋﯚﺯﯨﻨﯩﯔ ﺗﯘﺭﻣﯘﺷﯩﻐﺎ ﻛﯚﯕﯜﻝ ﺑﯚﻟﺴﯩﻼ ﺑﻮﻟﺪﻯ. ﭘﻪﺭﺯﻩﻧﺘﻠﯩﺮﯨﻨﯩﯔ ﺗﯘﺭﻣﯘﺷﯩﻐﺎ ﮪﯧﭽﻘﺎﻧﺪﺍﻕ ﻳﺎﺭﺩﻩﻡ ﺑﯧﺮﻩﻟﻤﻪﻱ ﺗﯘﺭﯗﭖ، ﺋﯘﻻﺭﻧﯩﯔ ﺗﯘﺭﻣﯘﺷﯩﻐﺎ ﮪﻪﻣﯩﺸﻪ ﺋﺎﺭﯨﻠﯩﺸﯩﯟﯦﻠﯩﺶ ﺋﻪﻟﯟﻩﺗﺘﻪ ﺋﺎﺩﻩﻣﻨﯩﯔ ﺋﺎﻣﺮﺍﻗﻠﯩﻘﯩﻨﻰ ﻛﻪﻟﺘﯜﺭﻣﻪﻳﺪﯗ. ﺋﻪﺭ-ﺧﻮﺗﯘﻥ ﺋﯘﺭﯗﺷﯘﭖ ﻗﺎﻟﻐﺎﻥ ﮪﺎﻟﻪﺗﺘﯩﻤﯘ ﺋﯘﻻﺭ ﺋﯚﺯﻯ ﮪﻪﻝ ﻗﯩﻠﺴﯘﻥ، ﺋﻪﻣﻪﻟﯩﻴﻪﺗﺘﻪ ﺋﯜﭼﯩﻨﭽﻰ ﻛﯩﺸﯩﻨﯩﯔ ﺋﺎﺭﯨﻠﯩﺸﯩﺸﻰ ﺑﻮﻟﻤﯩﺴﺎ، ﺑﻪﺯﻯ ﺋﯩﺸﻼﺭﻧﻰ ﮪﻪﻝ ﻗﯩﻠﯩﺶ ﻧﯩﺴﺒﻪﺗﻪﻥ ﺋﺎﺳﺎﻥ ﺑﻮﻟﯩﺪﯗ، ﻧﯧﻤﯩﻼ ﺩﯦﮕﻪﻥ ﺑﯩﻠﻪﻥ ﺑﻪﺯﻯ ﺋﯩﺸﻼﺭﻧﻰ ﺳﯩﺰ ﭼﯜﺷﻪﻧﻤﻪﻳﺴﯩﺰ ﯞﻩ ﺑﯩﻠﻤﻪﻳﺴﯩﺰ.

ﺋﯧﻐﯩﺰﯨﯖﯩﺰﻧﻰ ﻳﺎﺧﺸﻰ ﺑﺎﺷﻘﯘﺭﯗﯓ. ﺳﯩﺮﺗﺘﺎ ﺟﯧﺪﻩﻝ ﺗﯧﺮﯨﭗ ﻳﯜﺭﻣﻪﻱ، ﺑﯜﮔﯜﻥ ﺋﯘﻧﻰ-ﺑﯘﻧﻰ ﻣﯘﻧﺎﺯﯨﺮﻩ ﻗﯩﻠﯩﭗ، ﺋﻪﺗﻪ ﺋﯘﻧﻰ-ﺑﯘﻧﻰ ﻣﯘﺯﺍﻛﯩﺮﻩ ﻗﯩﻠﯩﭗ، ﺑﺎﺷﻘﯩﻼﺭﻧﯩﯔ ﺳﻪﺗﭽﯩﻠﯩﻜﯩﻨﻰ ﭼﺎﻗﭽﺎﻕ ﺋﻮﺭﻧﯩﺪﺍ ﺳﯚﺯﻟﻪﭖ ﻳﯜﺭﻣﻪﺳﻠﯩﻚ ﻛﯧﺮﻩﻙ. ﺋﯘﻧﯩﯖﺪﯨﻦ ﺑﺎﺷﻘﺎ، ﭘﻪﺭﺯﻩﻧﺘﻠﻪﺭﻧﯩﯔ ﺋﯩﺸﯩﻨﻰ ﺳﯩﺮﺗﺘﺎ ﺳﯚﺯﻟﯩﻤﻪﺳﻠﯩﻚ، ﺑﻮﻟﯘﭘﻤﯘ ﺑﻪﺯﻯ ﺷﻪﺧﺴﯩﻲ ﺋﯩﺸﻼﺭﻏﺎ ﺋﺎﺭﯨﻠﯩﺸﯩﯟﺍﻟﻤﺎﺳﻠﯩﻖ، ﭘﻪﺭﺯﻩﻧﺘﻠﻪﺭﻧﯩﯔ ﺋﯩﺸﻠﯩﺮﯨﻨﻰ ﺳﯩﺮﺗﺘﺎ ﻛﯚﺯ-ﻛﯚﺯ ﻗﯩﻠﻤﺎﺳﻠﯩﻖ ﻛﯧﺮﻩﻙ، ﺑﯘﻻﺭﻧﯩﯔ ﮪﻪﻣﻤﯩﺴﻰ ﺋﯘﻻﺭﻏﺎ ﺋﺎﯞﺍﺭﯨﭽﯩﻠﯩﻖ ﺋﯧﻠﯩﭗ ﻛﯧﻠﯩﺪﯗ. ﻧﯧﻤﻪ ﺋﯩﺸﻨﻰ ﺩﯦﻴﯩﺶ، ﻧﯧﻤﻪ ﺋﯩﺸﻨﻰ ﺩﯦﻤﻪﺳﻠﯩﻚ ﻛﯧﺮﻩﻙ، ﺋﯚﺯﯨﻨﯩﯔ ﻛﯚﯕﻠﯩﺪﻩ ﺑﯩﺮ ﺗﺎﺭﺍﺯﺍ ﺑﺎﺭ، ﺷﯘﯕﺎ ﻗﯧﺮﯨﻐﺎﻧﺪﺍ، ﻳﺎﯞﺍﺵ ﯞﻩ ﺟﯩﻤﻐﯘﺭ ﺋﺎﺩﻩﻡ ﺑﻮﻟﯘﺵ ﻛﯧﺮﻩﻙ.

ﺋﯚﺯﯨﻨﻰ ﻛﻮﻧﺘﺮﻭﻝ ﻗﯩﻠﯩﺶ ﺋﯩﻘﺘﯩﺪﺍﺭﻯ ﺑﺎﺭ ﺋﺎﺩﻩﻡ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﺑﻪﺯﻯ ﺋﯩﺸﻼﺭﻧﻰ ﻗﯩﻠﻤﺎﻕ ﺋﯘﻧﭽﻪ ﺗﻪﺱ ﺋﻪﻣﻪﺱ، ﺑﯩﺮ ﺗﻪﺭﻩﭘﺘﯩﻦ ﺋﯚﺯﯨﻨﯩﯔ ﺩﯗﻧﻴﺎﺳﯩﻐﺎ ﭼﯚﻛﯜﭖ، ﺑﺎﺷﻘﯩﻼﺭﻧﯩﯔ ﮪﯧﺴﺴﯩﻴﺎﺗﯩﻨﻰ ﺋﺎﺯﺭﺍﻗﻤﯘ ﺋﻮﻳﻼﺷﻤﺎﻱ ﺗﯘﺭﯗﭖ، ﺑﺎﺷﻘﯩﻼﺭﻧﯩﯔ ﻳﺎﺧﺸﻰ ﻛﯚﺭﯛﺷﯩﮕﻪ ﺋﯧﺮﯨﺸﯩﺶ ﺋﻪﺳﻼ ﻣﯘﻣﻜﯩﻦ ﺑﻮﻟﻤﺎﻳﺪﯨﻐﺎﻥ ﺋﯩﺶ. ﺋﻪﻣﻪﻟﯩﻴﻪﺗﺘﻪ، ﭘﻪﺭﺯﻩﻧﺘﻠﻪﺭﻣﯘ ﻳﺎﺷﺎﻧﻐﺎﻧﻼﺭﻏﺎ ﻛﯚﭘﺮﻩﻙ ﺳﻪﯞﺭﭼﺎﻥ ﺑﻮﻟﯘﺷﻰ ﯞﻩ ﻛﯚﻳﯜﻧﯜﺷﻰ ﻛﯧﺮﻩﻙ، ﺑﯩﺰ ﺋﯘ ﻳﺎﺷﻘﺎ ﻛﯩﺮﻣﯩﮕﻪﻧﺪﻩ، ﺷﯘ ﻳﺎﺷﺘﯩﻜﻰ ﭘﯩﺴﺨﯩﻜﺎ ﯞﻩ ﺋﻮﻱ-ﭘﯩﻜﯩﺮﻧﻰ ﺑﯩﻠﻤﻪﻳﻤﯩﺰ. ﺋﯘﻧﯩﯔ ﺋﯜﺳﺘﯩﮕﻪ ﺋﺎﺩﻩﻡ ﻗﯧﺮﯨﻐﺎﻧﺪﺍ، ﮪﻪﺭﯨﻜﯩﺘﻰ ﺋﺎﺳﺘﯩﻠﯩﺸﯩﭗ، ﺋﻪﻗﯩﻞ-ﭘﺎﺭﺍﺳﯩﺘﯩﻤﯘ ﻳﺎﺷﻨﯩﯔ ﭼﻮﯕﯩﻴﯩﺸﯩﻐﺎ ﺋﻪﮔﯩﺸﯩﭗ ﺗﯚﯞﻩﻧﻠﻪﭖ ﺑﺎﺭﯨﺪﯗ، ﮪﻪﺭﮔﯩﺰﻣﯘ ﺋﯩﻜﻜﻰ ﺋﯧﻐﯩﺰ ﮔﻪﭖ ﻗﯩﻠﻤﺎﻳﻼ ﺑﯩﺰﺍﺭ ﺑﻮﻟﯘﭖ ﻛﻪﺗﻤﻪﯓ، ﺋﯘﻧﯩﯔ ﺋﯜﺳﺘﯩﮕﻪ ﺳﯩﺰﻧﯩﯔ ﮪﻪﺭﯨﻜﯩﺘﯩﯖﯩﺰ ﭘﻪﺭﺯﻩﻧﺘﻠﯩﺮﯨﯖﯩﺰﮔﯩﻤﯘ ﺗﻪﺳﯩﺮ ﻗﯩﻠﯩﺪﯗ . ﺋﻪﯓ ﯞﺍﭘﺎﺩﺍﺭ ﺋﻮﻏﯘﻝ-ﻗﯩﺰﻻﺭ ﺋﯘﻻﺭﻧﯩﯔ ﻗﻪﻟﺒﯩﻨﻰ ﺋﯩﻠﻠﯩﺘﯩﺪﯗ ﯞﻩ ﺗﯩﻨﭽﻼﻧﺪﯗﺭﯨﺪﯗ. ﻳﺎﺷﺎﻧﻐﺎﻧﻼﺭ ﺋﯜﭼﯜﻥ ﺋﯧﻴﺘﻘﺎﻧﺪﺍ، ﺋﻪﯓ ﻣﯘﮪﯩﻤﻰ ﺋﯚﺯﯨﻨﻰ ﻳﺎﺧﺸﻰ ﺑﺎﺷﻘﯘﺭﯗﺵ ﻛﯧﺮﻩﻙ.