ﺋﯜﻧﺪﯨﺪﺍﺭﯨﯖﯩﺰ ﺳﯩﺰﻧﯩﯔ ﺳﻪﯞﯨﻴﻪﺭﯨﯖﯩﺰﻧﻰ ﺋﺎﺷﻜﺎﺭﯨﻼﯞﺍﺗﯩﺪﯗ

ﺗﻮﯞﺗﻴﺎﯞ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﭼﻪﻛﺴﯩﺰ ﺋﺎﺩﻩﻡ ﺩﯦﯖﯩﺰﯨﺪﺍ، ﺑﯩﺰ ﮪﻪﺭ ﺧﯩﻞ ﻛﯩﺸﯩﻠﻪﺭ ﺑﯩﻠﻪﻥ ﺋﯘﭼﺮﯨﺸﯩﻤﯩﺰ، ﺋﯘﻻﺭ ﺑﯩﻠﻪﻥ ﺋﺎﻻﻗﻪ ﻗﯩﻠﯩﻤﯩﺰ. ﺑﯩﺮ ﺋﺎﺩﻩﻣﻨﯩﯔ ﭘﻪﺯﯨﻠﯩﺘﻰ، ﺳﺎﭘﺎﺳﯩﻨﻰ ﭼﯜﺷﻪﻧﻤﻪﻛﭽﻰ ﺑﻮﻟﺴﺎ، ﺗﯘﺭﻣﯘﺷﻨﯩﯔ ﺋﯩﻨﭽﯩﻜﻪ ﺗﻪﺭﻩﭘﻠﯩﺮﯨﺪﯨﻦ ﻛﯚﺭﯛﯞﺍﻟﻐﯩﻠﻰ ﺑﻮﻟﯩﺪﯗ. ﺋﯜﻧﺪﯨﺪﺍﺭﺩﯨﻦ ﺑﯩﺮ ﺋﺎﺩﻩﻣﻨﯩﯔ ﻗﺎﻧﺪﺍﻕ ﺳﻪﯞﯨﻴﻪﮔﻪ ﺋﯩﮕﻪ ﺋﯩﻜﻪﻧﻠﯩﻜﯩﻨﻰ ﻛﯚﺭﯨﯟﺍﻟﻐﯩﻠﻰ ﺑﻮﻟﯩﺪﯗ. ﺋﯜﻧﺪﯨﺪﺍﺭ ﺋﺎﺩﻩﺗﺘﻪ ﺑﯩﺮ ﺋﺎﺩﻩﻣﻨﯩﯔ ﻗﯩﺰﯨﻘﯩﺸﻰ، ﺑﺎﺷﻘﯩﻼﺭﻏﺎ ﻗﯩﻠﻐﺎﻥ ﻣﯘﺋﺎﻣﯩﻠﯩﺴﻰ، ﭘﻪﺯﯨﻠﯩﺘﻰ ﯞﻩ ﺗﻪﺭﺑﯩﻴﻪﺳﯩﮕﻪ ﺋﺎﺳﺘﺎ-ﺋﺎﺳﺘﺎ ﺋﺎﺷﻜﺎﺭﻻﭖ ﻗﻮﻳﯩﺪﯗ. ﺑﯩﺮ ﺋﺎﺩﻩﻣﻨﻰ ﭼﯜﺷﯩﻨﯩﺶ ﺋﯜﭼﯜﻥ، ﺳﯩﻨﺎﺵ ﮪﺎﺟﻪﺗﺴﯩﺰ، ﺋﯜﻧﺪﯨﺪﺍﺭ ﺋﺎﺭﻗﯩﻠﯩﻖ ﺑﯩﻠﮕﯩﻠﻰ ﺑﻮﻟﯩﺪﯗ. ﺋﯘﻧﺪﺍﻗﺘﺎ ﺑﯩﺰ ﺋﯜﻧﺪﯨﺪﺍﺭﺩﺍ ﻗﺎﻳﺴﻰ ﻧﯘﻗﺘﯩﻼﺭ ﺋﺎﺭﻗﯩﻠﯩﻖ ﺑﺎﺷﻘﯩﻼﺭﻧﻰ ﭼﯜﺷﯩﻨﻪﻟﻪﻳﻤﯩﺰ؟

1. ﭘﺎﺭﺍﯕﻠﯩﺸﯩﺸﺘﯩﻦ، ﺑﯩﺮ ﺋﺎﺩﻩﻣﻨﯩﯔ ﺗﻪﺭﺑﯩﻴﻪﻟﯩﻨﯩﺸﯩﮕﻪ ﻧﻪﺯﻩﺭ ﺳﺎﻟﻐﺎﻧﺪﺍ، ﻛﯩﺸﯩﻠﻪﺭ ﺋﺎﺭﯨﺴﯩﺪﺍ ﺋﺎﻻﻗﻪ ﭘﻪﻳﺪﺍ ﺑﻮﻟﯘﺷﺘﯩﻦ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯗ. ﺑﯩﺮ ﺋﺎﺩﻩﻣﻨﯩﯔ ﺑﺎﺷﻘﯩﻼﺭ ﺑﯩﻠﻪﻥ ﺋﺎﻻﻗﻪ ﻗﯩﻠﯩﺶ ﺋﺎﺩﯨﺘﯩﺪﯨﻦ ﺋﯘﻧﯩﯔ ﺗﻪﺭﺑﯩﻴﻪ ﻛﯚﺭﮔﻪﻥ-ﻛﯚﺭﻣﯩﮕﻪﻧﻠﯩﻜﯩﻨﻰ ﺑﯩﻠﮕﯩﻠﻰ ﺑﻮﻟﯩﺪﯗ.

ﺗﻪﺭﺑﯩﻴﻪ ﻛﯚﺭﮔﻪﻥ ﺋﺎﺩﻩﻡ ﺑﺎﺷﻘﯩﻼﺭ ﺑﯩﻠﻪﻥ ﺋﺎﻻﻗﻪ ﻗﯩﻠﻐﺎﻧﺪﺍ، ﺧﺎﻟﯩﻐﺎﻧﭽﻪ ﻛﯚﺭﯛﻧﻤﻪ ﭼﺎﺳﺘﻮﺗﺎ، ﺧﺎﻟﯩﻐﺎﻧﭽﻪ ﺋﺎﯞﺍﺯ ﭼﯩﻘﺎﺭﻣﺎﻳﺪﯗ، ﺑﺎﺷﻘﯩﻼﺭﻧﯩﯔ ﺗﯘﺭﻣﯘﺷﻰ ﻳﺎﻛﻰ ﺧﯩﺰﻣﯩﺘﯩﮕﻪ ﺩﻩﺧﻠﻰ ﻳﻪﺗﻜﯜﺯﻣﻪﻳﺪﯗ.

ﺗﯘﺭﻣﯘﺷﺘﺎ، ﮪﻪﻣﯩﺸﻪ ﺑﯩﺮ ﻗﺎﻧﭽﻪ ﺋﺎﺩﻩﻡ ﺑﺎﺭ، ﺋﯘﻻﺭ ﭘﺎﺕ-ﭘﺎﺕ ﺑﯩﺮ ﻗﯩﺴﯩﻢ ﺯﯦﺮﯨﻜﯩﺸﻠﯩﻚ ﺋﺎﯞﺍﺯ ﻳﺎﻛﻰ ﯞﯨﺪﯦﺌﻮﻻﺭﻧﻰ ﻳﻮﻟﻼﭖ ﺗﯘﺭﯨﺪﯗ، ﻣﻪﻳﻠﻰ ﺑﺎﺷﻘﯩﻼﺭ ﻗﯩﺰﯨﻘﺴﯘﻥ ﻳﺎﻛﻰ ﻗﯩﺰﯨﻘﻤﯩﺴﯘﻥ، ﺗﻮﺧﺘﯩﻤﺎﻱ ﻳﻮﻟﻼﭖ ﺗﯘﺭﯨﺪﯗ.

ﺑﻪﻟﻜﯩﻢ، ﺋﯘ ﻛﯚﺭﮔﻪﻥ-ﺋﺎﯕﻠﯩﻐﺎﻧﻠﯩﺮﯨﺪﯨﻦ «ﺗﻪﯓ ﺑﻪﮪﺮﯨﻤﻪﻥ» ﺑﻮﻟﯘﯞﺍﺗﻘﺎﻧﺪﻩﻙ ﮪﯧﺲ ﻗﯩﻠﻐﺎﻥ ﺑﻮﻟﯘﺷﻰ ﻣﯘﻣﻜﯩﻦ، ﺋﻪﻣﻪﻟﯩﻴﻪﺗﺘﻪ، ﺑﯘ ﺑﺎﺷﻘﯩﻼﺭﻧﯩﯔ ﺗﯘﺭﻣﯘﺷﯩﻐﺎ ﺩﻩﺧﻠﻰ ﻗﯩﻠﻐﺎﻧﻠﯩﻖ.

ﺑﻪﺯﻯ ﻛﯩﺸﯩﻠﻪﺭ ﺑﺎﺷﻘﯩﻼﺭﻏﺎ ﺋﯘﭼﯘﺭ ﻳﻮﻟﻠﯩﻐﺎﻧﺪﺍ ﺑﯩﯟﺍﺳﯩﺘﻪ ﺋﺎﯞﺍﺯ ﻳﻮﻟﻼﻳﺪﯗ، ﮪﻪﺭﮔﯩﺰﻣﯘ ﻗﺎﺭﺷﻰ ﺗﻪﺭﻩﭘﻨﯩﯔ ﻗﻮﺑﯘﻝ ﻗﯩﻠﯩﺸﻘﺎ ﻗﻮﻻﻳﻠﯩﻖ ﻳﺎﻛﻰ ﺋﻪﻣﻪﺳﻠﯩﻜﯩﻨﻰ ﺋﻮﻳﻼﺷﻤﺎﻳﺪﯗ.

ﺟﻪﻣﺌﯩﻴﻪﺗﺘﻪ ﺑﺎﺷﻘﯩﻼﺭﻧﻰ ﮪﯚﺭﻣﻪﺕ ﻗﯩﻠﻤﯩﻐﺎﻥ ﺋﺎﺩﻩﻣﻨﻰ، ﺑﺎﺷﻘﯩﻼﺭﻣﯘ ﮪﯚﺭﻣﻪﺕ ﻗﯩﻠﻤﺎﻳﺪﯗ. ﺋﺎﺩﻩﻣﺪﻩ ﭼﯧﮕﺮﺍ ﺗﯘﻳﻐﯘﺳﻰ ﺑﻮﻟﻤﯩﺴﺎ، ﺋﺎﺳﺎﻧﻼ ﺑﺎﺷﻘﯩﻼﺭﻧﯩﯔ ﺑﯩﺰﺍﺭﻟﯩﻘﯩﻨﻰ ﻗﻮﺯﻏﺎﻳﺪﯗ. ﻧﯘﺭﻏﯘﻥ ﻛﯩﺸﯩﻠﻪﺭ ﺷﯘ ﺳﻪﯞﻩﺑﺘﯩﻦ ﺋﯘﻧﯩﯔ ﺑﯩﻠﻪﻥ ﺩﻭﺳﺖ ﺑﻮﻟﯘﺷﻨﻰ ﺧﺎﻟﯩﻤﺎﻳﺪﯗ.

2. ﺟﺎﯞﺍﺏ ﺋﯘﭼﯘﺭﯨﺪﯨﻦ ﺑﯩﺮ ﺋﺎﺩﻩﻣﻨﯩﯔ ﺧﺎﺭﺍﻛﺘﯧﺮﻯ ﺑﯩﻠﯟﺍﻟﻐﯩﻠﻰ ﺑﻮﻟﯩﺪﯗ، ﻧﯘﺭﻏﯘﻥ ﻛﯩﺸﯩﻠﻪﺭ ﺋﯜﻧﺪﯨﺪﺍﺭ ﺋﺎﺭﻗﯩﻠﯩﻖ ﺋﺎﻻﻗﯩﻠﯩﺸﯩﭗ، ﺑﯩﺮ-ﺑﯩﺮﯨﻨﯩﯔ ﺧﯩﺰﻣﻪﺕ ﺋﻪﮪﯟﺍﻟﯩﻨﻰ ﺋﯩﮕﯩﻠﻪﭖ، ﺗﯧﺨﯩﻤﯘ ﻳﺎﺧﺸﻰ ﻣﺎﺳﻠﯩﺸﯩﺪﯗ.

ﭘﻪﺯﯨﻠﯩﺘﻰ ﺋﯩﺸﻪﻧﭽﻠﯩﻚ ﺑﻮﻟﻤﯩﻐﺎﻥ ﻛﯩﺸﯩﻠﻪﺭ ﺑﺎﺷﻘﯩﻼﺭﻧﯩﯔ ﺋﯘﭼﯘﺭﯨﻨﻰ ﻛﯚﺭﮔﻪﻧﺪﻩ، ﻗﻪﺳﺘﻪﻥ ﺟﺎﯞﺍﺏ ﻗﺎﻳﺘﯘﺭﻣﺎﺳﻠﯩﻘﻨﻰ ﺗﺎﻟﻼﻳﺪﯗ، ﻳﺎﻛﻰ ﻗﻪﺳﺘﻪﻥ ﺋﻪﭘﻠﻪﭖ-ﺳﻪﭘﻠﻪﭖ ﺋﯩﺶ ﻗﯩﻠﯩﺪﯗ، ﻳﺎﻛﻰ ﺋﺎﺩﻩﺕ ﺧﺎﺭﺍﻛﺘﯧﺮﻟﯩﻚ ﮪﺎﻟﺪﺍ ﻣﻪﺳﺌﯘﻟﯩﻴﻪﺗﺘﯩﻦ ﺋﯚﺯﯨﻨﻰ ﻗﺎﭼﯘﺭﯨﺪﯗ.

ﺋﯩﺸﻪﻧﭽﻠﯩﻚ ﻛﯩﺸﯩﻠﻪﺭ ﺑﯩﺮﯨﻨﭽﻰ ﺑﻮﻟﯘﭖ ﺟﺎﯞﺍﺏ ﻗﺎﻳﺘﯘﺭﯨﺪﯗ ﮪﻪﻣﺪﻩ ﺧﯩﺰﻣﻪﺗﻨﯩﯔ ﻗﺎﻳﺴﻰ ﺑﺎﺳﻘﯘﭼﻘﺎ ﻳﻪﺗﻜﻪﻧﻠﯩﻜﯩﻨﻰ، ﺋﯚﺯﯨﻨﯩﯔ ﻧﯧﻤﻪ ﻗﯩﻼﻻﻳﺪﯨﻐﺎﻧﻠﯩﻘﯩﻨﻰ، ﻗﺎﻳﺴﻰ ﺟﺎﻳﻼﺭﺩﺍ ﻗﺎﺭﺷﻰ ﺗﻪﺭﻩﭘﻨﯩﯔ ﻳﺎﺭﺩﯨﻤﯩﮕﻪ ﻣﻮﮪﺘﺎﺝ ﺋﯩﻜﻪﻧﻠﯩﻜﯩﻨﻰ ﺗﻪﭘﺴﯩﻠﯩﻲ ﭼﯜﺷﻪﻧﺪﯛﺭﯨﺪﯗ.

ﺗﯘﺭﻣﯘﺷﺘﺎ ﺋﯘﺭﯗﻕ-ﺗﯘﻏﻘﺎﻥ، ﺩﻭﺳﺖ-ﺑﯘﺭﺍﺩﻩﺭﻟﻪﺭ، ﺋﺎﺷﯩﻖ-ﻣﻪﺷﯘﻗﻼﺭﻣﯘ ﺋﯜﻧﺪﯨﺪﺍﺭ ﺋﺎﺭﻗﯩﻠﯩﻖ ﮪﯧﺴﺴﯩﻴﺎﺕ ﺋﺎﻟﻤﺎﺷﺘﯘﺭﯨﺪﯗ ﻳﺎﻛﻰ ﺑﯩﺮ-ﺑﯩﺮﻯ ﺑﯩﻠﻪﻥ ﺑﻮﻟﻐﺎﻥ ﮪﯧﺴﺴﯩﻴﺎﺗﻨﻰ ﺳﺎﻗﻼﻳﺪﯗ.

ﭘﻪﺯﯨﻠﯩﺘﻰ ﻧﺎﭼﺎﺭ ﻛﯩﺸﯩﻠﻪﺭ ﺋﯘﭼﯘﺭ ﻗﺎﻳﺘﯘﺭﻏﺎﻧﺪﺍ، ﺋﻪﭘﻠﻪﭖ-ﺳﻪﭘﻠﻪﭖ ﺋﯩﺶ ﻗﯩﻠﯩﺪﯗ ﯞﻩ ﺗﺎﻗﻪﺗﺴﯩﺰﻟﯩﻨﯩﺪﯗ. ﺋﻮﻗﯘﻟﻤﯩﻐﺎﻥ ﺧﻪﯞﻩﺭﻧﻰ ﻛﯚﺭﮔﻪﻧﺪﻩ، ﺋﯚﺯﻯ ﺋﯜﭼﯜﻥ ﺋﺎﻧﭽﻪ ﻣﯘﮪﯩﻢ ﺋﻪﻣﻪﺳﺘﻪﻙ ﮪﯧﺲ ﻗﯩﻠﯩﺪﯗ، ﺑﺎﺷﻘﯩﻼﺭﻧﯩﯔ ﺋﺎﻟﺪﯨﺮﯨﻐﺎﻥ-ﺋﺎﻟﺪﯨﺮﯨﻤﯩﻐﺎﻧﻠﯩﻘﯩﻐﺎ ﻗﺎﺭﯨﻤﺎﻱ، ﻛﯚﺭﻣﯩﮕﻪﻥ ﻗﯩﻴﺎﭘﻪﺗﻜﻪ ﻛﯩﺮﯨﯟﺍﻟﯩﺪﯗ. ﺧﯧﻠﻰ ﺋﯘﺯﯗﻧﻐﯩﭽﻪ ﺋﯩﻨﻜﺎﺱ ﻗﺎﻳﺘﯘﺭﻣﺎﻳﺪﯗ، ﺑﯘﻧﺪﺍﻕ ﻛﯩﺸﯩﻠﻪﺭ ﺋﯩﺶ ﻗﯩﻠﻐﺎﻧﺪﺍ ﺑﺎﺵ-ﺋﺎﻳﯩﻐﻰ ﺑﻮﻟﻤﺎﻳﺪﯗ، ﻣﻪﺳﺌﯘﻟﯩﻴﻪﺗﭽﺎﻧﻠﯩﻘﻰ ﺑﯩﺮ ﻗﻪﺩﻩﺭ ﻧﺎﭼﺎﺭ ﺑﻮﻟﯩﺪﯗ.

ﭘﻪﺯﯨﻠﯩﺘﻰ ﻳﺎﺧﺸﻰ ﺋﺎﺩﻩﻡ ﺋﯘﭼﯘﺭﻧﻰ ﻛﯚﺭﮔﻪﻥ ﮪﺎﻣﺎﻥ ﺩﻩﺭﮪﺎﻝ ﺟﺎﯞﺍﺏ ﻗﺎﻳﺘﯘﺭﯨﺪﯗ، ﻣﻪﺳﯩﻠﯩﻨﻰ ﺗﯘﻧﺠﻰ ﺑﻮﻟﯘﭖ ﮪﻪﻝ ﻗﯩﻠﯩﺪﯗ، ﺑﯘ ﻛﯩﺸﯩﮕﻪ ﺋﯚﺯﯨﻨﯩﯔ ﻧﺎﮪﺎﻳﯩﺘﻰ ﺋﯩﺸﻪﻧﭽﻠﯩﻚ ﺋﺎﺩﻩﻡ ﺋﯩﻜﻪﻧﻠﯩﻜﯩﻨﻰ ﮪﯧﺲ ﻗﯩﻠﺪﯗﺭﯨﺪﯗ.

3. ﻗﯩﺰﯨﻞ ﺑﻮﻻﻕ ﺗﺎﺭﻗﯩﺘﯩﺸﺘﯩﻦ، ﺑﯩﺮ ﺋﺎﺩﻩﻣﻨﯩﯔ ﺋﯩﻘﺘﯩﺪﺍﺭﯨﻨﻰ ﻛﯚﺭﯛﯞﯨﻠﯩﻘﺎ ﺑﻮﻟﯩﺪﯗ، ﺗﯘﺭﻣﯘﺷﺘﺎ ﮪﻪﻣﯩﺸﻪ ﻗﯩﺰﯨﻞ ﺑﻮﻻﻕ ﺗﺎﻟﯩﺸﯩﺸﻘﺎ ﺋﺎﻣﺮﺍﻕ، ﺋﻪﻣﻤﺎ ﻗﯩﺰﯨﻞ ﺑﻮﻻﻕ ﺗﺎﺭﻗﺎﺗﻤﺎﻳﺪﯨﻐﺎﻥ ﻛﯩﺸﯩﻠﻪﺭ ﯞﻩ ﺋﻪﺭﺯﺍﻧﻠﯩﻘﻨﻰ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻡ، ﻛﯚﭖ ﮪﺎﻟﻼﺭﺩﺍ ﻳﯩﭙﯩﺪﯨﻦ ﻳﯩﯖﻨﯩﺴﯩﮕﯩﭽﻪ ﺯﯨﻐﯩﺮﻻﻳﺪﯨﻐﺎﻥ ﺧﺎﺭﺍﻛﺘﯧﺮﮔﻪ ﺋﯩﮕﻪ ﺑﻮﻟﯩﺪﯗ.

ﭘﺎﻳﺪﺍ ﺋﯧﻠﯩﺸﻨﻰ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺋﺎﺩﻩﻡ، ﻣﻪﻳﻠﻰ ﻧﯧﻤﻪ ﺋﯩﺶ ﻗﯩﻠﺴﯘﻥ، ﺋﺎﺯﺭﺍﻗﻤﯘ ﺯﯨﻴﺎﻥ ﺗﺎﺭﺗﻤﺎﻳﺪﯗ، ﻟﯧﻜﯩﻦ ﻛﯚﭖ ﻛﯜﭺ ﺳﻪﺭﭖ ﻗﯩﻠﯩﺪﯗ. ﺷﯘﯕﺎ ﮪﻪﻣﻤﻪ ﺋﯩﺸﺘﺎ ﻣﻪﺳﯩﻠﯩﻠﻪﺭﻧﻰ ﺋﯚﺯﯨﻤﯩﺰﻧﯩﯔ ﻧﯘﻗﺘﯩﺴﯩﺪﺍ ﺗﯘﺭﯗﭖ ﺋﻮﻳﻠﯩﺸﯩﻤﯩﺰ، ﺋﯩﺘﺘﯩﭙﺎﻗﻠﯩﺸﯩﺶ، ﺋﯚﺯﺋﺎﺭﺍ ﻳﺎﺭﺩﻩﻡ ﺑﯧﺮﯨﺶ ﺭﻭﮪﯩﻨﻰ ﻳﯧﺘﯩﻠﺪﯛﺭﯨﺸﯩﻤﯩﺰ ﻛﯧﺮﻩﻙ.

ﻛﯩﺸﯩﻠﻪﺭﻧﯩﯔ ﺳﻪﯞﯨﻴﯩﺴﻰ ﻗﺎﻧﭽﻪ ﺗﯚﯞﻩﻥ ﺑﻮﻟﺴﺎ، ﺋﯘﻻﺭﻧﯩﯔ ﭘﯘﻟﻐﺎ ﺗﯘﺗﻘﺎﻥ ﭘﻮﺯﯨﺘﺴﯩﻴﯩﺴﻰ ﺷﯘﻧﭽﻪ ﭘﯩﺨﺴﯩﻖ ﺑﻮﻟﯩﺪﯗ. ﺗﯘﺭﻣﯘﺷﺘﺎ ﮪﻪﻣﻤﯩﻼ ﻳﻪﺭﺩﻩ ﮪﯧﺴﺎﺑﻠﯩﺸﯩﭗ، ﮪﻪﻣﻤﻪ ﻳﻪﺭﺩﻩ ﭘﺎﻳﺪﺍ ﺋﯧﻠﯩﺸﻨﯩﻼ ﺋﻮﻳﻼﻳﺪﯗ. ﺑﻪﻙ ﭘﯩﺨﺴﯩﻖ ﺋﺎﺩﻩﻣﻠﻪﺭﻧﯩﯔ ﺋﻪﻧﺪﯨﺰﯨﺴﻰ ﺑﻪﻙ ﻛﯩﭽﯩﻚ ﺑﻮﻟﻐﺎﭼﻘﺎ، ﮪﯧﭽﻜﯩﻢ ﺑﯘﻧﺪﺍﻕ ﺋﺎﺩﻩﻣﻠﻪﺭ ﺑﯩﻠﻪﻥ ﺋﺎﻻﻗﻪ ﻗﯩﻠﯩﺸﻨﻰ ﺧﺎﻟﯩﻤﺎﻳﺪﯗ. ﺋﺎﺩﻩﺗﺘﻪ ﺑﯩﺮ ﺋﺎﺩﻩﻡ ﺋﺎﻻﻗﯩﻨﻰ ﻳﺎﺧﺸﻰ ﺑﺎﻏﻠﯩﻴﺎﻟﻤﯩﺴﺎ، ﻳﺎﺧﺸﻰ ﺗﻪﺭﻩﻗﻘﯩﻲ ﻗﯩﻠﯩﺸﯩﻤﯘ ﻧﺎﮪﺎﻳﯩﺘﻰ ﺗﻪﺱ.

4. ﺋﯜﻧﺪﯨﺪﺍﺭ ﭘﺎﺭﺍﯕﻠﯩﺮﯨﺪﯨﻦ ﺑﯩﺮ ﺋﺎﺩﻩﻣﻨﯩﯔ ﺋﻪﺩﻩﭘﻠﯩﻚ ﻳﺎﻛﻰ ﺋﻪﻣﻪﺳﻠﯩﻜﯩﻨﻰ، ﺑﺎﺷﻘﯩﻼﺭﻧﻰ ﮪﯚﺭﻣﻪﺗﻠﻪﺷﻨﻰ ﺑﯩﻠﯩﺪﯨﻐﺎﻥ ﻳﺎﻛﻰ ﭼﯜﺷﻪﻧﻤﻪﻳﺪﯨﻐﺎﻧﻠﯩﻘﯩﻨﻰ ﺑﯩﻠﮕﯩﻠﻰ ﺑﻮﻟﯩﺪﯗ. ﺑﻪﻟﻜﯩﻢ ﺑﻪﺯﻯ ﻛﯩﺸﯩﻠﻪﺭ ﺳﯩﺰ ﺑﯩﻠﻪﻥ ﺋﯜﻧﺪﯨﺪﺍﺭﺩﺍ ﺩﺍﺋﯩﻢ ﺋﺎﻻﻗﯩﻠﯩﺸﯩﭗ ﺗﯘﺭﯗﺷﻰ ﻣﯘﻣﻜﯩﻦ، ﻟﯧﻜﯩﻦ، ﺋﯘﻻﺭ ﺳﯩﺰﮔﻪ ﺳﻪﻣﯩﻤﯩﻲ ﻣﯘﺋﺎﻣﯩﻠﻪ ﻗﯩﻠﯩﺸﻰ ﻧﺎﺗﺎﻳﯩﻦ، ﭘﻪﺯﯨﻠﯩﺘﻰ ﺋﯩﺸﻪﻧﭽﻠﯩﻚ ﺋﺎﺩﻩﻡ ﺑﻮﻟﯘﺷﻰ ﻧﺎﺗﺎﻳﯩﻦ. ﺋﯜﻧﺪﯨﺪﺍﺭﺩﺍ ﭘﺎﺭﺍﯕﻠﯩﺸﯩﺶ ﺟﻪﺭﻳﺎﻧﯩﺪﺍ، ﺗﻪﭘﺴﯩﻠﯩﻲ ﻛﯚﺯﻩﺗﺴﯩﯖﯩﺰ، ﺑﯩﺮ ﺋﺎﺩﻩﻣﻨﯩﯔ ﺯﺍﺩﻯ ﻗﺎﻧﺪﺍﻕ ﻗﺎﺗﻼﻣﺪﺍ ﺋﯩﻜﻪﻧﻠﯩﻜﯩﻨﻰ ﺋﺎﺳﺎﻧﻼ ﺑﯩﻠﻪﻟﻪﻳﺴﯩﺰ.

ﺑﻪﺯﻯ ﺋﯩﻨﭽﯩﻜﻪ ﮪﺎﻟﻘﯩﻼﺭﻏﺎ ﻛﯚﭘﺮﻩﻙ ﺩﯨﻘﻘﻪﺕ ﻗﯩﻠﯩﭗ، ﺋﯘﻧﯩﯔ ﭘﺎﺭﺍﯕﻠﯩﺸﯩﺶ ﺋﺎﺩﯨﺘﯩﮕﻪ ﻗﺎﺭﺍﭖ، ﮪﻪﻣﯩﺸﻪ ﺋﺎﻛﺘﯩﭙﻠﯩﻖ ﺑﯩﻠﻪﻥ ﻗﯩﺰﯨﻞ ﺑﻮﻻﻕ ﺗﺎﻟﯩﺸﯩﺪﯨﻐﺎﻥ ﮪﯧﻠﯩﻘﻰ ﺋﺎﺩﻩﻣﻨﯩﯔ ﺑﺎﺭ-ﻳﻮﻗﻠﯘﻗﯩﻐﺎ، ﯞﺍﻗﺘﯩﺪﺍ ﺋﯘﭼﯘﺭ ﻗﺎﻳﺘﯘﺭﺍﻻﻳﺪﯨﻐﺎﻥ-ﻗﺎﻳﺘﯘﺭﺍﻟﻤﺎﻳﺪﯨﻐﺎﻧﻠﯩﻘﯩﻐﺎ ﻗﺎﺭﺍﭖ، ﺋﻮﻣﯘﻣﻪﻥ ﺑﯘ ﺋﺎﺩﻩﻣﻨﯩﯔ ﭼﻮﯕﻘﯘﺭ ﺩﻭﺳﺘﻠﯩﺸﯩﺸﻘﺎ ﺋﻪﺭﺯﯨﻴﺪﯨﻐﺎﻥ-ﺋﻪﺭﺯﯨﻤﻪﻳﺪﯨﻐﺎﻧﻠﯩﻘﯩﻐﺎ ﮪﯚﻛﯜﻡ ﻗﯩﻠﻐﯩﻠﻰ ﺑﻮﻟﯩﺪﯗ. ﻛﯩﺸﯩﻠﯩﻚ ﮪﺎﻳﺎﺕ ﻳﻮﻟﯩﺪﺍ، ﺋﯚﺯﯨﻨﯩﯔ ﭼﻪﻣﺒﯩﺮﯨﻜﯩﻨﻰ ﺑﺎﺷﻘﯘﺭﯗﺵ ﻛﯧﺮﻩﻙ، ﮪﯧﭽﻘﺎﻧﺪﺍﻕ ﻗﯩﻤﻤﯩﺘﻰ ﻳﻮﻕ ﺋﺎﺩﻩﻣﻠﻪﺭﻧﻰ ﺯﯙﺭﯛﺭ ﺗﯧﭙﯩﻠﻐﺎﻧﺪﺍ، ﯞﺍﻗﺘﯩﺪﺍ ﺗﺎﺯﯨﻼﺷﻘﺎ ﺑﻮﻟﯩﺪﯗ.

ﻗﯩﺴﻘﯩﺴﻰ، ﺗﯘﺭﻣﯘﺷﺘﺎ ﺋﺎﻕ ﻛﯚﯕﯜﻝ، ﭘﻪﺯﯨﻠﻪﺗﻠﯩﻚ، ﺩﯗﺭﯗﺱ، ﺋﯩﺸﻪﻧﭽﻠﯩﻚ ﻛﯩﺸﯩﻠﻪﺭ ﺑﯩﻠﻪﻥ ﻛﯚﭘﺮﻩﻙ ﺩﻭﺳﺖ ﺑﻮﻟﯘﺵ ﻛﯧﺮﻩﻙ، ﺷﯘﻧﺪﺍﻕ ﻗﯩﻠﻐﺎﻧﺪﯨﻼ، ﻛﯩﺸﯩﻠﯩﻚ ﮪﺎﻳﺎﺕ ﻳﻮﻟﻰ ﺗﯧﺨﯩﻤﯘ ﺋﯩﻠﻠﯩﻖ ﺑﻮﻟﯩﺪﯗ.