ﺗﯘﺭﻣﯘﺷﺘﯩﻦ ﺗﻪﺭﻣﯩﻠﻪﺭ: ﺑﯩﺮ ﮪﻪﻗﯩﻘﯩﻲ ﺩﻭﺳﺘﻨﯩﯔ ﺑﻮﻟﯘﺷﻰ ﺋﯚﻣﯜﺭﻟﯜﻙ ﺑﻪﺧﺘﺘﯘﺭ

ﺗﯘﺭﻣﯘﺷﺘﯩﻦ ﺗﻪﺭﻣﯩﻠﻪﺭ: ﺑﯩﺮ ﮪﻪﻗﯩﻘﯩﻲ ﺩﻭﺳﺘﻨﯩﯔ ﺑﻮﻟﯘﺷﻰ ﺋﯚﻣﯜﺭﻟﯜﻙ ﺑﻪﺧﺘﺘﯘﺭ

ﮪﻪﻗﯩﻘﯩﻲ ﺩﻭﺳﺘﻠﯘﻕ ﻣﯩﺠﻪﺯﻯ ﻛﯧﻠﯩﺸﯩﺸﺘﯩﻦ ﺑﺎﺷﻠﯩﻨﯩﺪﯗ

ﻗﯩﻤﻤﻪﺗﻠﯩﻚ ﺩﻭﺳﺘﻠﯘﻕ ﻣﯩﺠﻪﺯﻧﯩﯔ ﻛﯧﻠﯩﺸﯩﺸﯩﺪﯨﻦ ﺑﺎﺷﻠﯩﻨﯩﭗ، ﺋﯚﺯﺋﺎﺭﺍ ﻗﻪﺩﯨﺮﻟﻪﺵ ﺩﺍﯞﺍﻣﯩﺪﺍ ﻣﯘﺳﺘﻪﮪﻜﻪﻣﻠﯩﻨﯩﭗ، ﺗﯩﻨﭻ ﮪﺎﻟﺪﺍ ﺋﯘﺯﺍﻗﻘﯩﭽﻪ ﺩﺍﯞﺍﻣﻠﯩﺸﯩﺪﯗ.

ﺋﯩﻜﻜﻰ ﺋﺎﺩﻩﻣﻨﯩﯔ ﺗﻮﻧﯘﺷﯘﭖ ﻳﺎﺧﺸﻰ ﺩﻭﺳﺘﻼﺭﻏﺎ ﺋﺎﻳﻠﯩﻨﯩﺸﻰ ﮪﻪﺭﮔﯩﺰﻣﯘ ﺗﺎﺳﺎﺩﯨﭙﯩﻴﻠﯩﻖ ﺋﻪﻣﻪﺱ. ﺧﺎﺭﺍﻛﺘﯧﺮﻯ ﺋﻮﺧﺸﯩﺸﯩﭗ ﻛﯧﺘﯩﺪﯨﻐﺎﻥ، ﻗﯩﻤﻤﻪﺕ ﻗﺎﺭﯨﺸﻰ ﻣﺎﺱ ﻛﯧﻠﯩﺪﯨﻐﺎﻥ، ﻣﯩﺠﻪﺯﻯ ﻛﯧﻠﯩﺸﯩﺪﯨﻐﺎﻥ ﺋﺎﺷﯘ ﻛﯩﺸﯩﻠﻪﺭ ﮪﺎﻣﺎﻥ ﭼﻮﯕﻘﯘﺭ ﺩﻭﺳﺘﻠﯘﻕ ﺋﻮﺭﻧﯩﺘﺎﻻﻳﺪﯗ. ﻳﺎﺧﺸﻰ ﺩﻭﺳﺖ ﺑﯩﺰﻧﻰ ﺋﻪﯓ ﭼﯜﺷﯩﻨﯩﺪﯨﻐﺎﻥ ﻛﯩﺸﯩﺪﯗﺭ، ﻳﺎﺧﺸﻰ ﺩﻭﺳﺘﻼﺭ ﮪﻪﺭﻗﺎﭼﺎﻥ ﺑﯩﺮ-ﺑﯩﺮﯨﻨﯩﯔ ﻛﯚﯕﻠﯩﺪﯨﻜﯩﻨﻰ ﮪﯧﺲ ﻗﯩﻠﯩﭗ ﺗﯘﺭﯨﺪﯗ، ﮪﯧﭽﻨﯧﻤﻪ ﺩﯦﻤﻪﻳﻤﯘ ﺑﯩﺮ-ﺑﯩﺮﯨﻨﯩﯔ ﺧﯘﺷﺎﻟﻠﯩﻘﻰ ﯞﻩ ﻗﺎﻳﻐﯘ-ﮪﻪﺳﺮﯨﺘﯩﻨﻰ ﺑﯩﻠﻪﻟﻪﻳﺪﯗ. ﺑﯘﻧﺪﺍﻕ ﺩﻭﺳﺘﻘﺎ ﺋﯘﭼﺮﺍﺷﻘﺎﻧﺪﺍ ﭼﻮﻗﯘﻡ ﺋﻮﺑﺪﺍﻥ ﻗﻪﺩﯨﺮﻟﯩﻤﻪﻙ ﺯﯙﺭﯛﺭ.

ﻣﯩﺠﻪﺯﯨﻤﯩﺰ ﻛﯧﻠﯩﺸﯩﺪﯨﻐﺎﻥ ﺑﯩﺮﻩﺭﺳﯩﻨﻰ ﺋﯘﭼﺮﯨﺘﯩﺶ ﺗﻪﻟﯩﻴﯩﻤﯩﺰﺩﯗﺭ. ﺑﯘ ﻣﯘﻧﺎﺳﯩﯟﻩﺗﻨﻰ ﻳﺎﺧﺸﻰ ﻗﻪﺩﯨﺮﻟﯩﺴﻪﻙ، ﺋﯚﺯﺋﺎﺭﺍ ﻳﺎﺭ-ﻳﯚﻟﻪﻙ ﺑﻮﻟﯩﺪﯨﻐﺎﻥ ﻛﯜﭺ-ﻗﯘﺩﺭﻩﺗﻜﻪ ﺋﺎﻳﻠﯩﻨﯩﺪﯗ، ﮪﺎﻳﺎﺗﯩﻤﯩﺰﺩﺍ ﻧﯘﺭ ﭼﯧﭽﯩﭗ ﺗﯘﺭﻏﺎﻥ ﻣﺎﻳﺎﻙ ﻛﻪﺑﻰ ﺑﯩﺮ-ﺑﯩﺮﯨﻤﯩﺰﻧﯩﯔ ﻳﻮﻟﯩﻨﻰ ﻳﻮﺭﯗﺗﯩﺪﯗ.ﮪﻪﻗﯩﻘﯩﻲ ﺩﻭﺳﺘﻠﯘﻕ ﺋﯚﺯ ﺋﺎﺭﺍ ﻗﻪﺩﯨﺮﻟﻪﺵ ﺩﺍﯞﺍﻣﯩﺪﺍ ﻣﯘﺳﺘﻪﮪﻜﻪﻣﻠﯩﻨﯩﺪﯗ

ﮪﻪﻗﯩﻘﯩﻲ ﺩﻭﺳﺘﻼﺭ ﺑﯩﺮ-ﺑﯩﺮﯨﻨﯩﯔ ﺋﻪﺧﻼﻕ-ﭘﻪﺯﯨﻠﯩﺘﯩﻨﻰ ﭘﯩﺸﺸﯩﻖ ﺑﯩﻠﯩﺪﯗ، ﻗﺎﺭﺷﻰ ﺗﻪﺭﻩﭘﻨﯩﯔ ﺋﯩﺮﺍﺩﯨﺴﯩﮕﻪ ﮪﯚﺭﻣﻪﺕ ﻗﯩﻠﯩﺪﯗ، ﺯﻭﺭﻟﯩﻤﺎﻳﺪﯗ، ﺗﻪﻟﻪﭖ ﻗﯩﻠﻤﺎﻳﺪﯗ، ﺑﯩﺮ-ﺑﯩﺮﯨﻨﻰ ﺋﺎﺳﺮﺍﻳﺪﯗ، ﺑﯩﺮ-ﺑﯩﺮﯨﻨﻰ ﻗﻮﻟﻼﻳﺪﯗ.

ﺑﯩﺮ ﺑﯚﻟﻪﻙ ﻗﯩﻤﻤﻪﺗﻠﯩﻚ ﺩﻭﺳﺘﻠﯘﻕ ﺑﯩﺮ-ﺑﯩﺮﯨﻨﻰ ﭼﯜﺷﯩﻨﯩﺸﯩﺪﯨﻐﺎﻥ ﻛﯩﺸﯩﻠﻪﺭﻧﯩﯔ ﺋﯚﺯﺋﺎﺭﺍ ﮪﻪﻣﺪﻩﻡ ﺑﻮﻟﯘﺷﯩﺪﯨﻦ ﺷﻪﻛﯩﻠﻠﯩﻨﯩﺪﯗ. ﺑﯘ ﻣﯘﻧﺎﺳﯩﯟﻩﺗﺘﻪ ﮪﻪﻣﻤﻪﻳﻠﻪﻥ ﺑﺎﺭﻏﺎﻧﺴﯧﺮﻯ ﺋﺎﻛﺘﯩﭙﻠﯩﺸﯩﺪﯗ، ﺑﺎﺭﻏﺎﻧﺴﯧﺮﻯ ﺋﯚﺯﯨﮕﻪ ﺋﯩﺸﯩﻨﯩﺪﯨﻐﺎﻥ ﺑﻮﻟﯩﺪﯗ، ﺑﺎﺭﻏﺎﻧﺴﯧﺮﻯ ﻛﯜﭺ-ﻗﯘﺩﺭﻩﺗﻜﻪ ﺗﻮﻟﯩﺪﯗ.

ﻳﺎﺧﺸﻰ ﺩﻭﺳﺘﻼﺭ ﺋﯘﺯﺍﻕ ﯞﺍﻗﯩﺖ ﺋﺎﻻﻗﯩﻠﻪﺷﻤﯩﺴﯩﻤﯘ، ﺋﺎﺭﯨﻠﯩﻘﻰ ﻳﯩﺮﺍﻕ ﺑﻮﻟﺴﯩﻤﯘ، ﻟﯧﻜﯩﻦ ﺑﯩﺮ-ﺑﯩﺮﯨﻨﯩﯔ ﻗﻪﻟﺐ ﺗﯚﺭﯨﺪﯨﻦ ﭼﻮﯕﻘﯘﺭ ﺋﻮﺭﯗﻥ ﺋﺎﻟﻐﺎﻥ ﺑﻮﻟﯘﭖ، ﮪﻪﺭﻗﺎﭼﺎﻥ ﺑﯩﺮ-ﺑﯩﺮﯨﻨﻰ ﺋﻪﺳﻠﻪﭖ ﺗﯘﺭﯨﺪﯗ.

ﻛﯩﺸﯩﻠﯩﻚ ﮪﺎﻳﺎﺗﻨﯩﯔ ﺋﺎﭼﻘﯘﭼﻠﯘﻕ ﭘﻪﻳﺘﯩﺪﻩ، ﻳﺎﺧﺸﻰ ﺩﻭﺳﺖ ﺑﯩﺰﮔﻪ ﺋﺎﻟﻐﺎ ﺋﯩﻠﮕﯩﺮﯨﻠﻪﺵ ﺟﺎﺳﺎﺭﯨﺘﻰ ﺑﯧﻐﯩﺸﻼﻳﺪﯗ. ﻗﯩﻤﻤﻪﺗﻠﯩﻚ ﺩﻭﺳﺘﻠﯘﻕ ﺗﻪﺳﺘﻪ ﻗﻮﻟﻐﺎ ﻛﯧﻠﯩﺪﯗ، ﭼﻮﻗﯘﻡ ﻣﯩﻨﻨﻪﺗﺪﺍﺭ ﺑﻮﻟﯘﺷﯩﻤﯩﺰ ﯞﻩ ﻗﻪﺩﯨﺮﻟﯩﺸﯩﻤﯩﺰ ﻛﯧﺮﻩﻙ.

ﮪﻪﻗﯩﻘﯩﻲ ﺩﻭﺳﺘﻠﯘﻕ ﺗﯩﻨﭻ ﮪﺎﻟﺪﺍ ﺋﯘﺯﺍﻗﻘﯩﭽﻪ ﺩﺍﯞﺍﻣﻠﯩﺸﯩﺪﯗ

ﺑﻪﺯﯨﻠﻪﺭ ﺩﻭﺳﺘﻠﯘﻗﻨﻰ ﻣﯘﻧﺪﺍﻕ ﺗﻪﺳﯟﯨﺮﻟﻪﻳﺪﯗ: ﺩﻭﺳﺖ ﺩﯦﮕﻪﻥ ﻧﯧﻤﻪ؟ ﺩﻭﺳﺖ ﺩﯦﮕﻪﻥ 24 ﺳﺎﺋﻪﺗﻨﯩﯔ ﮪﻪﻣﻤﯩﺴﯩﺪﻩ ﺗﯧﻠﯧﻔﻮﻧﯩﻤﯩﺰﻧﻰ ﺋﯧﻠﯩﺸﻨﻰ ﺧﺎﻻﻳﺪﯨﻐﺎﻥ، ﺳﯧﻐﯩﻨﯩﺸﯩﻤﯩﺰﻏﺎ ﮪﻪﺭ ﯞﺍﻗﯩﺖ ﺟﺎﯞﺍﺏ ﻗﺎﻳﺘﯘﺭﯗﻻﻳﺪﯨﻐﺎﻥ ﺋﺎﺩﻩﻣﺪﯗﺭ. ﺋﯘ ﮔﺎﮪﻰ ﺑﯩﺰ ﺑﯩﻠﻪﻥ ﮔﻪﭖ ﺗﺎﻟﯩﺸﯩﺪﯗ، ﮔﺎﮪﻰ ﭼﯩﺸﯩﻤﯩﺰﻏﺎ ﺗﯧﮕﯩﭗ ﻗﻮﻳﯩﺪﯗ، ﮔﺎﮪﻰ ﺑﯩﺰﮔﻪ ﻣﻪﺩﻩﺕ ﺑﯧﺮﯨﺪﯗ، ﮔﺎﮪﻰ ﺑﯩﺰﻧﻰ ﺗﯩﻠﻼﭖ ﺳﻪﮔﯩﺘﯩﺪﯗ. ﻛﯚﯕﻠﯩﻤﯩﺰ ﻳﯧﺮﯨﻢ ﺑﻮﻟﻐﺎﻧﺪﺍ ﻳﯧﻨﯩﻤﯩﺰﺩﺍ ﺑﯩﺮﻩﺭﺳﻰ ﮪﻪﻣﺮﺍﮪ ﺑﻮﻟﺴﺎ ﺑﯩﺰﻧﻰ ﺋﺎﺯﺍﺑﻠﯩﻐﺎﻥ ﺋﯩﺸﻼﺭﻧﻰ ﺋﯘﻧﺘﯘﭖ ﻛﯧﺘﯩﺸﯩﻤﯩﺰ ﺋﺎﺳﺎﻧﻐﺎ ﺗﻮﺧﺘﺎﻳﺪﯗ؛ ﻗﺎﻗﺎﮪﻼﭖ ﻛﯜﻟﮕﻪﻥ ﭼﺎﻏﻠﯩﺮﯨﻤﯩﺰﺩﺍ ﻳﯧﻨﯩﻤﯩﺰﺩﺍ ﺑﯩﺮﻩﺭﺳﻰ ﮪﻪﻣﺮﺍﮪ ﺑﻮﻟﺴﺎ ﺧﯘﺷﺎﻟﻠﯩﻘﻠﯩﺮﯨﻤﯩﺰ ﺗﯧﺨﯩﻤﯘ ﯞﺍﻳﯩﻐﺎ ﻳﯧﺘﯩﺪﯗ.

ﻗﯩﻤﻤﻪﺗﻠﯩﻚ ﺩﻭﺳﺘﻠﯘﻕ ﺩﻩﺑﺪﻩﺑﯩﻠﯩﻚ ﺑﻮﻟﻤﺎﻳﺪﯗ، ﺑﻪﻟﻜﻰ ﺗﯩﻨﭻ ﮪﺎﻟﺪﺍ ﺋﯘﺯﺍﻗﻘﯩﭽﻪ ﺩﺍﯞﺍﻣﻠﯩﺸﯩﺪﯗ. ﺋﯘ ﯞﺍﻗﯩﺘﻨﯩﯔ ﺳﯩﻨﯩﻘﯩﻐﺎ ﺑﻪﺭﺩﺍﺷﻠﯩﻖ ﺑﯧﺮﻩﻟﻪﻳﺪﯗ، ﺷﯘﻧﺪﺍﻗﻼ ﺋﻮﯕﯘﺷﺴﯩﺰﻟﯩﻘﻼﺭﻧﯩﯔ ﺋﯚﺗﻜﯩﻠﯩﺪﯨﻦ ﮪﺎﻟﻘﯩﭗ ﺋﯚﺗﻪﻟﻪﻳﺪﯗ. ﮪﻪﻗﯩﻘﯩﻲ ﻳﺎﺧﺸﻰ ﺩﻭﺳﺖ ﮪﻪﺭﻗﺎﭼﺎﻥ ﺑﯩﺰﻧﯩﯔ ﻳﺎﺭﻗﯩﻦ ﻧﯘﻗﺘﯩﻤﯩﺰﻧﻰ ﻛﯚﺭﻩﻟﻪﻳﺪﯗ، ﺑﯩﺰ ﺋﯜﭼﯜﻥ ﺧﯘﺷﺎﻝ ﺑﻮﻻﻻﻳﺪﯗ، ﺑﯩﺰﮔﻪ ﺟﺎﺳﺎﺭﻩﺕ ﺑﯧﻐﯩﺸﻠﯩﻴﺎﻻﻳﺪﯗ، ﺑﯩﺰﮔﻪ ﮪﻪﻣﺪﻩﻡ ﺑﻮﻟﯘﭖ ﺋﺎﺧﯩﺮﻏﯩﭽﻪ ﺑﯩﻠﻠﻪ ﻣﺎﯕﺎﻻﻳﺪﯗ.ﯞﺍﻗﯩﺖ ﺩﻭﻟﻘﯘﻧﻠﯩﺮﯨﻨﯩﯔ ﻗﺎﻳﻨﯩﻤﯩﺪﺍ ﺗﺎﯞﻻﻧﻐﺎﻥ ﺩﻭﺳﺘﻠﯘﻕ ﻗﻪﻟﺒﯩﻤﯩﺰﺩﻩ ﭼﻮﯕﻘﯘﺭ ﻳﯩﻠﺘﯩﺰ ﺗﺎﺭﺗﯩﭗ، ﺑﯜﻙ-ﺑﺎﺭﺍﻗﺴﺎﻥ ﺑﻮﻟﯘﭖ ﻳﺎﺷﻨﺎﭖ، ﮪﺎﻳﺎﺗﯩﻤﯩﺰﻧﻰ ﺭﻩﯕﺪﺍﺭﻻﺷﺘﯘﺭﯨﺪﯗ. ﺋﻪﮔﻪﺭ ﺑﯘ ﺋﯚﻣﺮﯨﻤﯩﺰﺩﻩ ﻣﯘﺷﯘﻧﺪﺍﻕ ﺩﻭﺳﺘﻠﯘﻗﻘﺎ ﺋﯧﺮﯨﺸﻪﻟﯩﺴﻪﻙ ﭼﻮﻗﯘﻡ ﮪﻪﺳﺴﯩﻠﻪﭖ ﻗﻪﺩﯨﺮﻟﻪﻳﻠﻰ.

……..…………… 

ئاستىدىكى ئىنكاس رايۇنىدا كۆرىشەيلى  . سۆز قالدۇرۇشنى ئۇنتۇپ قالماڭ