ﺗﯘﺭﻣﯘﺷﻘﺎ ﻗﯩﺰﻏﯩﻦ ﭘﻮﺯﯨﺘﺴﯩﻴﻪﺩﻩ ﺑﻮﻟﯘﺵ ﺗﻮﻟﯩﻤﯘ ﮔﯜﺯﻩﻝ ﺑﯩﺮ ﺋﯩﺶ

ﮪﺎﻳﺎﺗﻨﻰ ﻗﯩﺰﻏﯩﻦ ﺳﯚﻳﯜﺵ، ﺗﯘﺭﻣﯘﺷﻘﺎ ﻗﯩﺰﻏﯩﻦ ﭘﻮﺯﯨﺘﺴﯩﻴﻪﺩﻩ ﺑﻮﻟﯘﺵ ﺗﻮﻟﯩﻤﯘ ﮔﯜﺯﻩﻝ ﺑﯩﺮ ﺋﯩﺶ

ﺳﯩﺰﻧﯩﯔ ﺗﯘﺭﻣﯘﺷﻘﺎ ﺑﻮﻟﻐﺎﻥ ﺋﺎﻛﺘﯩﭗ ﮪﻪﻡ ﮔﯜﺯﻩﻝ ﭘﻮﺯﯨﺘﺴﯩﻴﯩﺮﯨﯖﯩﺰ ﻛﯩﺸﯩﻠﯩﻚ ﮪﺎﻳﺎﺗﯩﯖﯩﺰﻧﻰ ﺩﺍﯞﺍﻣﻼﺷﺘﯘﺭﯨﺪﯨﻐﺎﻥ ﺩﺍﻏﺪﺍﻡ ﻳﻮﻝ، ﺑﯘ ﻳﻮﻝ ﺳﯩﺰﻧﻰ ﻗﯩﻴﯩﻨﭽﯩﻠﯩﻘﻼﺭ ﺋﯜﺳﺘﯩﺪﯨﻦ ﻏﺎﻟﯩﺐ ﻛﯧﻠﯩﭗ، ﺗﺎﻍ-ﺩﺍﯞﺍﻧﻼﺭﺩﯨﻦ ﺩﺍﺩﯨﻠﻠﯩﻖ ﺑﯩﻠﻪﻥ ﺋﯧﺸﯩﭗ، ﮪﺎﻳﺎﺗﯩﯖﯩﺰﻧﻰ ﺗﯧﺨﯩﻤﯘ ﺭﻩﯕﺪﺍﺭ ﻗﯩﻠﯩﺸﻘﺎ ﻳﯧﺘﻪﻛﻠﻪﻳﺪﯗ.

ﺋﯚﺯﺑﯩﮕﯩﺴﺘﺎﻧﻨﯩﯔ 48 ﻳﺎﺷﻠﯩﻖ ﺩﺍﯕﻠﯩﻖ ﮔﯧﻤﯩﻨﺎﺳﺘﯩﻜﺎ ﻣﺎﮪﯩﺮﻯ ﺋﻮﻛﺴﺎﻧﺎ. ﺋﺎﻟﻜﯩﺴﺎﻧﺪﯨﺮﻭﯞﺍ.ﭼﻴﯘﺳﻮﯞﻧﺎ 2023-ﻳﯩﻠﻰ 9-ﺋﺎﻳﻨﯩﯔ 25-ﻛﯜﻧﻰ ﺧﺎﯕﺠﯘ ﺋﺎﺳﯩﻴﺎ ﺗﻪﻧﮭﻪﺭﯨﻜﻪﺕ ﻣﯘﺳﺎﺑﯩﻘﯩﺴﻰ ﻣﻪﻳﺪﺍﻧﯩﺪﺍ ﮪﻪﻣﻤﯩﻨﻰ ﮪﻪﻳﺮﺍﻥ ﻗﺎﻟﺪﯗﺭﺩﻯ. ﺳﺎﻟﻤﺎﻗﻠﯩﻖ ﺑﯩﻠﻪﻥ ﻣﻪﻳﺪﺍﻧﻐﺎ ﭼﯩﻘﯩﺶ، ﺋﺎﺟﺎﻳﯩﭗ ﺋﯘﺳﺘﯩﻠﯩﻖ ﺑﯩﻠﻪﻥ ﭘﯩﺮﻗﯩﺮﺍﺵ، ﺑﺎﺭﻟﯩﻖ ﮪﻪﺭﯨﻜﻪﺗﻨﻰ ﺗﺎﻣﺎﻣﻼﭖ ﺗﻪﯕﭙﯘﯓ ﮪﺎﻟﻪﺗﺘﻪ ﺋﻮﺭﻧﯩﻐﺎ ﻗﺎﻳﺘﯩﭗ ﭼﯜﺷﯜﺵ.... ﭘﯜﺗﯜﻥ ﻣﻪﻳﺪﺍﻧﺪﺍ ﮔﯜﻟﺪﯛﺭﺍﺱ ﺋﺎﻟﻘﯩﺶ ﺳﺎﺩﺍﻟﯩﺮﻯ ﻳﺎﯕﺮﯨﺪﻯ. ﻛﯚﭘﭽﯩﻠﯩﻚ ﺋﯘﻧﯩﯔ ﺋﺎﺟﺎﻳﯩﭗ ﻣﺎﮪﺎﺭﯨﺘﯩﮕﻪ ﭼﺎﯞﺍﻙ ﭼﯧﻠﯩﭙﻼ ﻗﺎﻟﻤﺎﺳﺘﯩﻦ، ﺗﯧﺨﯩﻤﯘ ﻣﯘﮪﯩﻤﻰ ﺋﯘﻧﯩﯔ ﺗﻪﻧﺘﻪﺭﺑﯩﻴﻪﮔﻪ ﺑﻮﻟﻐﺎﻥ ﺋﻮﺗﺘﻪﻙ ﻣﯘﮪﻪﺑﺒﯩﺘﯩﮕﻪ،ﮪﻪﻣﺪﻩ ﻳﯧﺸﯩﻨﯩﯔ ﭼﻮﯓ ﺑﻮﻟﯩﺸﯩﻐﺎ ﻗﺎﺭﯨﻤﺎﻱ ﺗﯘﺭﻣﯘﺷﻘﺎ ﺗﯘﺗﻘﺎﻥ ﺋﺎﻛﺘﯩﭗ ﭘﻮﺯﯨﺘﺴﯩﻴﻪﺳﯩﮕﻪ ﺗﻮﺧﺘﯩﻤﺎﻱ ﺋﺎﻟﻘﯩﺶ ﻳﺎﯕﺮﺍﺗﺘﻰ.

ﻛﯩﺸﯩﻠﻪﺭ ﺩﺍﺋﯩﻢ «ﺗﯘﺭﻣﯘﺷﻨﻰ ﻗﯩﺰﻏﯩﻦ ﺳﯚﻳﮕﻪﻥ ﺋﺎﺩﻩﻣﻨﻰ، ﺗﯘﺭﻣﯘﺷﻤﯘ ﻧﺎﺋﯜﻣﯩﺪﺗﻪ ﻗﻮﻳﻤﺎﻳﺪﯗ» ﺩﯦﻴﯩﺸﯩﺪﯗ. ﺩﻭﺳﺘﯘﻡ، ﺋﯩﻠﮕﯩﺮﻯ ﺳﯩﺰ ﺑﺎﺭﻟﯩﻖ ﻗﯩﺰﻏﯩﻨﻠﯩﻘﯩﯖﯩﺰﻧﻰ ﻣﯘﮪﻪﺑﺒﻪﺕ ﺋﯜﭼﯜﻥ ﺑﯧﻐﯩﺸﻠﯩﻐﺎﻧﻤﯩﺪﯨﯖﯩﺰ؟ ﻗﯩﺰﻏﯩﻨﻠﯩﻘﯩﯖﯩﺰ ﺋﯧﺘﯩﺒﺎﺭﻏﺎ ﺋﯧﻠﯩﻨﻤﺎﻱ ﻗﺎﻟﻐﺎﻧﺪﺍ ﺑﻮﺷﯩﺸﯩﭗ ﻗﺎﻟﻐﺎﻥ ﯞﺍﻗﯩﺘﻠﯩﺮﯨﯖﯩﺰﻣﯘ ﺑﻮﻟﻐﺎﻧﻤﯘ؟

ﻗﯩﺰﻏﯩﻨﻠﯩﻖ- ﺑﯩﺮ ﺧﯩﻞ ﺋﯩﻘﺘﯩﺪﺍﺭ:

ﻗﯩﺰﻏﯩﻨﻠﯩﻖ-ﻛﯚﯕﯜﻝ ﻗﻮﻳﯘﭖ ﺗﯘﺭﻣﯘﺵ ﻛﻪﭼﯜﺭﯛﺷﺘﯩﻜﻰ ﺑﯩﺮ ﺧﯩﻞ ﺋﺎﻛﺘﯩﭗ ﭘﻮﺯﯨﺘﺴﯩﻴﻪ. ﻟﯧﻜﯩﻦ ﻗﯩﺰﻏﯩﻨﻠﯩﻖ ﮪﻪﻣﻤﯩﻼ ﺋﺎﺩﻩﻣﺪﻩ ﺑﻮﻟﯩﯟﻩﺭﻣﻪﻳﺪﯗ. ﺷﯘﯕﺎ، ﮪﺎﻳﺎﺗﻨﻰ ﻗﯩﺰﻏﯩﻦ ﺳﯚﻳﯜﺷﻨﻰ، ﺗﯘﺭﻣﯘﺷﻘﺎ ﺋﺎﻛﺘﯩﭗ ﭘﻮﺯﯨﺘﺴﯩﻴﻪﺩﻩ ﺑﻮﻟﯘﺷﻨﻰ ﻣﯘﮪﯩﻢ ﺋﯩﺶ ﻗﺎﺗﺎﺭﯨﺪﺍ ﺋﯚﮔﯩﻨﯩﺶ ﺯﯙﺭﯛﺭ.

ﺳﯩﺰ ﻣﻪﻟﯘﻡ ﺑﯩﺮ ﺷﻪﻳﺌﯩﻨﻰ ﭘﯜﺗﯜﻥ ﯞﯗﺟﯘﺩﯨﯖﯩﺰ، ﭘﯜﺗﯜﻥ ﻗﯩﺰﻏﯩﻨﻠﯩﻘﯩﯖﯩﺰ ﺑﯩﻠﻪﻥ ﺳﯚﻳﮕﻪﻧﺪﻩ، ﺗﯘﺭﻣﯘﺷﯩﯖﯩﺰ ﮔﯜﺯﻩﻟﻠﯩﺸﯩﭙﻼ ﻗﺎﻟﻤﺎﺳﺘﯩﻦ ﺑﻪﻟﻜﻰ ﺋﯚﺯﯨﯖﯩﺰﺩﯨﻜﻰ ﻗﯩﻤﻤﻪﺗﻠﯩﻚ ﺋﯩﻘﺘﯩﺪﺍﺭﻧﻰ ﺑﺎﻳﻘﯩﻴﺎﻻﻳﺴﯩﺰ.

1. ﻗﯩﺰﻏﯩﻦ ﺳﯚﻳﯜﺵ- ﻧﯩﺸﺎﻥ ﺑﻮﻟﻐﺎﻧﺪﯨﻦ ﻛﯧﻴﯩﻦ ﺋﯩﻜﻜﯩﻠﻪﻧﻤﻪﺳﻠﯩﻚ، ﺳﺎﻗﻠﯩﻤﺎﺳﻠﯩﻖ، ﺋﯩﺠﺮﺍ ﻗﯩﻠﯩﺶ ﻛﯜﭼﻰ ﻛﯜﭼﻠﯜﻙ ﺑﻮﻟﯘﺵ، ﺋﯜﻧﯜﻣﻰ ﻳﺎﺧﺸﻰ ﺑﻮﻟﻤﯩﺴﺎ ﻗﺎﻳﺘﺎ-ﻗﺎﻳﺘﺎ ﺩﺍﯞﺍﻣﻼﺷﺘﯘﺭﯗﺵ، ﺋﯜﻧﯜﻣﻰ ﻳﺎﺧﺸﻰ ﺑﻮﻟﺴﺎ ﺋﺎﻟﻐﺎ ﺋﯩﻠﮕﯩﺮﯨﻠﻪﺵ، ﺗﻪﭘﻪﻛﻜﯘﺭﯨﻨﻰ ﺋﯜﺯﻟﯜﻛﺴﯩﺰ ﭼﻮﯕﻘﯘﺭﻻﺷﺘﯘﺭﯗﺵ ﺩﯦﮕﻪﻧﻠﯩﻜﺘﯘﺭ.

ﻧﯩﺸﺎﻧﻐﺎ ﻗﺎﺭﺍﭖ ﺋﯩﻠﮕﯩﺮﯨﻠﻪﺵ ﺟﻪﺭﻳﺎﻧﻰ ﻗﺎﺭﯨﻤﺎﻗﻘﺎ ﻧﺎﮪﺎﻳﯩﺘﻰ ﻣﻪﻧﯩﺴﯩﺰ ﯞﻩ ﺋﯘﺯﯗﻥ ﺑﻮﻟﻐﺎﻥ ﺋﻪﮪﯟﺍﻟﺪﯨﻤﯘ، ﺳﯩﺰ ﺑﺎﺭﻟﯩﻖ ﺟﺎﺳﺎﺭﯨﺘﯩﯖﯩﺰ، ﺳﻪﯞﺭﭼﺎﻧﻠﯩﻘﯩﯖﯩﺰ ﯞﻩ ﺋﯧﻨﯧﺮﮔﯩﻴﻪﺭﯨﯖﯩﺰﻧﻰ ﺋﯩﺸﻘﺎ ﺳﯧﻠﯩﭗ، ﺋﺎﻛﺘﯩﭙﻠﯩﻖ ﺑﯩﻠﻪﻥ ﺗﯩﺮﯨﺸﯩﺸﯩﯖﯩﺰ ﻛﯧﺮﻩﻙ. ﭼﯜﻧﻜﻰ، ﺑﯘ ﺋﯩﺶ ﺳﯩﺰﻧﻰ ﻗﺎﻧﺎﺋﻪﺕ ﺗﯘﻳﻐﯘﺳﯩﻐﺎ ﺋﯩﮕﻪ ﻗﯩﻠﯩﺪﯗ، ﺋﯘ ﺳﯩﺰﻧﯩﯔ ﺋﺎﺭﺗﯘﻗﭽﯩﻠﯩﻘﻠﯩﺮﯨﯖﯩﺰﻏﺎ ﻧﺎﮪﺎﻳﯩﺘﻰ ﻳﯘﻗﯩﺮﻯ ﺑﺎﮪﺎ ﺑﯧﺮﯨﺪﯗ، ﺳﯩﺰ ﺋﯜﭼﯜﻥ «ﮪﻪﻣﻤﻪ ﺋﻪﺭﺯﯨﻴﺪﯗ» ﺩﯦﮕﻪﻥ ﻧﻪﺗﯩﺠﯩﻨﻰ ﻛﯚﺭﺳﯩﺘﯩﭗ ﺑﯧﺮﻩﻟﻪﻳﺪﯗ.

2. ﻗﯩﺰﻏﯩﻦ ﺳﯚﻳﯜﺵ-ﺋﯩﺰﺩﯨﻨﯩﺶ ﺋﯩﺴﺘﯩﻜﻰ ﯞﻩ ﺋﯩﺠﺎﺩﯨﻴﻪﺕ ﻗﯩﺰﻏﯩﻨﻠﯩﻘﯩﻨﻰ ﻗﻮﺯﻏﺎﻳﺪﯗ. ﺋﻪﮔﻪﺭ ﺑﯩﺮ ﺋﺎﺩﻩﻣﺪﻩ ﺋﯩﻨﺘﯩﻠﯩﺪﯨﻐﺎﻥ ﻧﯩﺸﺎﻥ ﺑﻮﻟﻤﺎﻳﺪﯨﻜﻪﻥ، ﺋﯘﻧﺪﺍﻗﺘﺎ ﺑﯘ ﺋﺎﺩﻩﻣﻨﯩﯔ ﮪﺎﻳﺎﺗﯩﺪﯨﻜﻰ ﺭﻩﯕﺪﺍﺭﻟﯩﻘﺘﯩﻦ ﺋﯧﻐﯩﺰ ﺋﯧﭽﯩﺶ ﺋﻪﺳﻼ ﻣﯘﻣﻜﯩﻦ ﺋﻪﻣﻪﺱ. ﻗﻪﻟﺒﯩﻤﯩﺰﺩﻩ ﻧﯩﺸﺎﻥ ﺑﻮﻟﯩﺪﯨﻜﻪﻥ، ﺷﯘ ﻧﯩﺸﺎﻥ ﺋﯜﭼﯜﻥ ﺑﻪﻝ ﻗﻮﻳﯩﯟﻩﺗﻤﻪﻱ ﺗﯩﺮﯨﺸﯩﺪﯨﻜﻪﻧﻤﯩﺰ، ﮪﺎﻣﺎﻥ ﺑﯩﺮ ﻛﯜﻧﻰ ﺋﯚﺗﻤﯜﺷﻨﻰ ﺋﻪﺳﻠﯩﮕﯩﻨﯩﻤﯩﺰﺩﻩ، ﻛﯚﯕﻠﯩﻤﯩﺰ ﺗﻮﻕ ﮪﻪﻡ ﺧﺎﺗﯩﺮﺟﻪﻡ ﺑﻮﻟﯩﺪﯗ.

3. ﻗﯩﺰﻏﯩﻦ ﺳﯚﻳﯜﺵ-ﺗﺎﺷﻘﻰ ﺩﯗﻧﻴﺎ ﺑﯩﻠﻪﻥ ﭘﯩﻜﯩﺮ ﺋﺎﻟﻤﺎﺷﺘﯘﺭﯗﺷﺘﯩﻜﻰ ﺋﻪﻗﯩﻞ-ﭘﺎﺭﺍﺳﻪﺕ ﯞﻩ ﺳﻪﯞﯨﻴﻪﻧﯩﯔ ﻧﺎﻣﺎﻳﻪﻧﺪﯨﺴﯩﺪﯗﺭ. ﻗﻪﻟﺒﯩﻤﯩﺰﺩﻩ ﻣﻪﯞﺝ ﺋﯘﺭﯗﭖ ﺗﯘﺭﯨﯟﺍﺗﻘﺎﻥ ﻗﯩﺰﯨﻘﯩﺸﻨﯩﯔ ﻣﻪﯞﺟﯘﺗﻠﯘﻗﻰ ﺑﯩﺰ ﺑﯩﻠﻪﻥ ﻛﯩﺸﯩﻠﯩﻚ ﺗﯘﺭﻣﯘﺵ ﺋﻮﺗﺘﯘﺭﯨﺴﯩﺪﯨﻜﻰ ﺋﺎﻻﻗﻪ ﻛﯚﯞﺭﯛﻛﻰ.

ﮪﺎﻳﺎﺗﻨﻰ ﻗﯩﺰﻏﯩﻦ ﺳﯚﻳﻤﻪﻳﺪﯨﻐﺎﻥ، ﮪﯧﭽﻨﯩﻤﯩﮕﻪ ﺋﯩﻨﺘﯩﻠﻤﻪﻳﺪﯨﻐﺎﻥ ﺋﺎﺩﻩﻣﻨﯩﯔ ﺑﺎﺷﻘﯩﻼﺭ ﺑﯩﻠﻪﻥ ﭘﯩﻜﯩﺮ ﺋﺎﻟﻤﺎﺷﺘﯘﺭﺍﻟﯩﺸﻰ ﺋﻪﺳﻼ ﻣﯘﻣﻜﯩﻦ ﺋﻪﻣﻪﺱ. ﭘﻪﻗﻪﺕ ﻗﯘﺭﯗﻕ ﮔﻪﭘﻨﻰ ﻛﯚﭖ ﻗﯩﻠﯩﭗ، ﺑﺎﺷﻘﯩﻼﺭ ﺑﯩﻠﻪﻥ ﺋﺎﻻﻗﻪ ﺋﻮﺭﻧﯩﺘﯩﺪﯨﻐﺎﻥ ﺷﯘﻧﺪﺍﻕ ﻳﺎﺧﺸﻰ ﭘﯘﺭﺳﻪﺗﻠﻪﺭﺩﯨﻦ ﻣﻪﮪﺮﯗﻡ ﻗﺎﻟﯩﺪﯗ. ﮪﺎﻟﺒﯘﻛﻰ، ﺳﯩﺰﺩﻩ ﺋﯚﺯﯨﯖﯩﺰ ﻗﯩﺰﯨﻘﯩﺪﯨﻐﺎﻥ، ﺋﯚﺯﯨﯖﯩﺰ ﭘﯩﺸﺸﯩﻖ ﺑﯩﻠﯩﺪﯨﻐﺎﻥ ﺑﯩﺮﻩﺭ ﻧﻪﺭﺳﻪ ﺑﻮﻟﯩﺪﯨﻜﻪﻥ، ﺳﯩﺰ ﮪﺎﻣﺎﻥ ﻳﺎﺧﺸﻰ ﺩﻭﺳﺘﻼﺭﻧﻰ ﺋﯘﭼﺮﯨﺘﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﻪﻟﻪﻳﺴﯩﺰ ﮪﻪﻣﺪﻩ ﺑﯩﺮ-ﺑﯩﺮﯨﯖﻼﺭﻏﺎ ﺋﯚﺯ-ﺋﺎﺭﺍ ﺗﻪﺳﯩﺮ ﻛﯚﺭﺳﯩﺘﯩﺶ ﺟﻪﺭﻳﺎﻧﯩﺪﺍ ﻳﯧﯖﻰ ﺋﯩﻠﮕﯩﺮﯨﻠﻪﺷﻠﻪﺭﻧﻰ ﻗﻮﻟﻐﺎ ﻛﻪﻟﺘﯜﺭﯨﺴﯩﺰ.

4. ﻗﯩﺰﻏﯩﻦ ﺳﯚﻳﯜﺵ-ﺋﯩﺮﺍﺩﯨﯖﯩﺰﻧﻰ ﺗﺎﯞﻻﻳﺪﯗ. ﺗﯘﺭﻣﯘﺵ ﺑﯩﺰﻧﻰ ﺋﺎﺳﺘﺎ-ﺋﺎﺳﺘﺎ ﺗﺎﯞﻻﻳﺪﯗ. ﻗﺎﻧﺪﺍﻕ ﻗﯩﻠﻐﺎﻧﺪﺍ ﺋﯚﺯﯨﻨﻰ ﺗﯚﯞﻩﻥ ﻛﯚﺭﯛﺵ ﮪﺎﻟﯩﺘﯩﺪﯨﻦ ﻗﯘﺗﯘﻟﯘﭖ، ﺋﯚﺯﯨﻨﻰ ﻗﺎﻳﺘﯩﺪﯨﻦ ﻧﯘﺭﻻﻧﺪﯗﺭﻏﯩﻠﻰ ﺑﻮﻟﯩﺪﯗ؟ ﺑﯘﻧﯩﯔ ﺟﺎﯞﺍﺑﻰ ﻳﻪﻧﯩﻼ ﻗﯩﺰﻏﯩﻦ ﺳﯚﻳﯜﺷﺘﯘﺭ. ﮪﻪﺭ ﺑﯩﺮ ﺋﺎﺩﻩﻡ ﺗﯘﺭﻣﯘﺷﻘﺎ ﺗﻪﺷﻪﺑﺒﯘﺳﻜﺎﺭﻟﯩﻖ ﺑﯩﻠﻪﻥ ﺋﺎﺯﺭﺍﻕ ﻗﯩﺰﯨﻘﯩﺸﻨﻰ ﻗﻮﺷﯘﭖ، ﺋﯚﺯﯨﮕﻪ ﺗﻪﯞﻩ ﻣﻪﻧﯩﯟﻯ ﺷﺎﺩﻟﯩﻖ ﺑﺎﻏﭽﯩﺴﻰ ﺑﻪﺭﭘﺎ ﻗﯩﻠﯩﺸﻨﻰ ﺋﯚﮔﯩﻨﯩﯟﯦﻠﯩﺸﻰ ﻛﯧﺮﻩﻙ.

ﻣﻪﻳﻠﻰ ﺋﯘﺳﺴﯘﻝ ﺋﻮﻳﻨﺎﺵ، ﮔﯜﻝ ﺑﯧﻘﯩﺶ، ﺑﯧﻠﯩﻖ ﺗﯘﺗﯘﺵ ﻳﺎﻛﻰ ﮪﻪﺭﯨﻜﻪﺕ ﻗﯩﻠﯩﺶ، ﻛﯩﺘﺎﺏ ﻛﯚﺭﯛﺵ، ﺷﺎﮪﻤﺎﺕ ﺋﻮﻳﻨﺎﺵ ﺑﻮﻟﺴﯘﻥ، ﺳﯩﺰ ﺑﯘ ﺋﯩﺸﻼﺭﻧﻰ ﻗﯩﻠﻐﺎﻥ ﯞﺍﻗﺘﯩﯖﯩﺰﺩﺍ، ﻛﻪﻳﭙﯩﻴﺎﺗﯩﯖﯩﺰ ﺗﻪﯕﺸﯩﻠﯩﭗ ﺋﯚﺯﯨﯖﯩﺰﻧﻰ ﻗﺎﻳﺘﯩﺪﯨﻦ ﺗﻮﻧﯘﺵ ﭘﯘﺭﺳﯩﺘﯩﮕﻪ ﺋﯧﺮﯨﺸﯩﺴﯩﺰ. ﺳﯩﺰ ﺧﯘﺷﺎﻟﻠﯩﻖ ﺑﯩﻠﻪﻥ ﺷﯘﻧﻰ ﺑﺎﻳﻘﺎﻳﺴﯩﺰﻛﻰ، ﻗﯩﺰﻏﯩﻦ ﻣﯘﮪﻪﺑﺒﻪﺕ ﺳﯩﺰﻧﻰ ﭼﯜﺷﻜﯜﻥ ﮪﺎﻟﻪﺗﺘﯩﻦ ﺗﺎﺭﺗﯩﭗ ﭼﯩﻘﯩﺮﯨﭗ، ﻗﺎﻳﺘﯩﺪﯨﻦ ﺋﯩﺸﻪﻧﭽﻜﻪ ﺋﯩﮕﻪ ﻗﯩﻠﯩﺪﯗ.

ﮪﺎﺭﻏﯩﻨﻠﯩﻖ ﯞﻩ ﭼﯜﺷﻜﯜﻧﻠﯜﻙ ﺋﯩﭽﯩﺪﻩ ﻗﺎﻟﻐﺎﻥ ﺑﯩﺮ ﺋﺎﺩﻩﻡ ﺑﯩﺮ ﺋﯩﺸﻘﺎ ﭘﯜﺗﯜﻥ ﯞﯗﺟﯘﺩﻯ ﺑﯩﻠﻪﻥ ﻛﯩﺮﯨﺸﯩﭗ ﻛﻪﺗﻜﻪﻧﺪﻩ، ﺑﺎﺷﻘﺎ ﺋﯩﺸﻼﺭﻧﻰ ﺋﻮﻳﻼﺷﻘﺎ ﺋﻪﺳﻼ ﯞﺍﻗﺘﻰ ﭼﯩﻘﻤﺎﻳﺪﯗ.

5. ﻗﯩﺰﻏﯩﻦ ﺳﯚﻳﯜﺵ-ﻣﻪﯕﮕﯜ ﯞﺍﺯ ﻛﻪﭼﻤﻪﻳﺪﯨﻐﺎﻥ ﺋﯩﺮﺍﺩﻩ ﯞﻩ ﭘﻪﺯﯨﻠﻪﺕ. ﭘﻪﻗﻪﺕ ﺳﯩﺰ ﺋﯚﺯﯨﯖﯩﺰﮔﻪ ﺋﯩﺸﯩﻨﯩﭗ ﺋﯘﺗﺘﯘﺭﻏﯩﻨﯩﯖﯩﺰﻏﺎ ﺗﻪﻥ ﺑﻪﺭﻣﯩﺴﯩﯖﯩﺰ، ﺩﺍﺩﯨﻠﻠﯩﻖ ﺑﯩﻠﻪﻥ ﺋﺎﻟﺪﯨﯖﯩﺰﻏﺎ ﻗﺎﺭﺍﭖ ﻣﺎﯕﺎﻟﯩﺴﯩﯖﯩﺰ ﮪﯧﭽﻘﺎﻧﺪﺍﻕ ﻧﻪﺭﺳﻪ ﺳﯩﺰﻧﻰ ﭘﯜﺗﯜﻧﻠﻪﻱ ﻳﯩﻘﯩﺘﺎﻟﻤﺎﻳﺪﯗ.

ﺗﻪﺟﺮﯨﺒﯩﺴﻰ ﻛﻪﻣﭽﯩﻞ، ﺋﯩﻘﺘﯩﺪﺍﺭﻯ ﻳﯧﺘﻪﺭﻟﯩﻚ ﺑﻮﻟﻤﯩﻐﺎﻥ ﺋﻪﮪﯟﺍﻟﺪﯨﻤﯘ، ﭘﻪﻗﻪﺕ ﻣﻪﺷﯩﻖ ﻗﯩﻠﯩﺸﻨﻰ ﻗﻪﺗﺌﯩﻲ ﺩﺍﯞﺍﻣﻼﺷﺘﯘﺭﻏﺎﻧﺪﯨﻼ، ﺋﺎﻧﺪﯨﻦ ﭼﻮﯓ ﺋﯩﺸﻼﺭﻧﻰ ﯞﯗﺟﯘﺩﻗﺎ ﭼﯩﻘﺎﺭﻏﯩﻠﻰ ﺑﻮﻟﯩﺪﯗ. ﻣﺎﺩﺩﯨﻲ ﺷﺎﺭﺍﺋﯩﺘﯩﯖﯩﺰ ﻳﺎﺧﺸﻰ ﺑﻮﻟﻤﯩﺴﯩﻤﯘ، ﻣﻪﻧﯩﯟﯨﻴﯩﺘﯩﯖﯩﺰ ﺑﺎﻱ ﯞﻩ ﻛﯜﭼﻠﯜﻙ ﺑﻮﻟﺴﺎ ﮪﻪﺭﻗﺎﻧﺪﺍﻕ ﻗﯩﻴﯩﻨﭽﯩﻠﯩﻘﻘﺎ ﺑﻪﺭﺩﺍﺷﻠﯩﻖ ﺑﯧﺮﯨﭗ ﺋﯚﺗﯜﭖ ﻛﯧﺘﻪﻟﻪﻳﺴﯩﺰ، ﮪﺎﻣﺎﻥ ﺑﯩﺮ ﻛﯜﻧﻰ ﮪﺎﻳﺎﺗﯩﯖﯩﺰﺩﺍ ﭼﻮﯓ ﺋﯚﺯﮔﯩﺮﯨﺶ ﺑﻮﻟﯩﺪﯗ.

ﻗﯩﺰﻏﯩﻦ ﺳﯚﻳﯜﺵ-ﺑﯩﺰﻧﻰ ﻗﯩﻴﯩﻨﭽﯩﻠﯩﻘﻨﯩﯔ ﺋﯚﺗﯜﭖ ﻛﯧﺘﯩﺸﯩﻨﻰ ﻛﯜﺗﯜﭖ ﺋﻮﻟﺘﯘﺭﻣﺎﺳﺘﯩﻦ، ﺑﻪﻟﻜﻰ ﻗﯩﻴﯩﻨﭽﯩﻠﯩﻖ ﺋﯜﺳﺘﯩﺪﯨﻦ ﻏﺎﻟﯩﺐ ﻛﯧﻠﯩﺸﻜﻪ ﺋﯜﻧﺪﻩﻳﺪﯗ.