ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﭼﯧﻜﯩﻨﯩﺶ ﯞﻩ ﺋﯘﻧﺘﯘﻏﺎﻗﻠﯩﻖ ﺑﯩﺮ ﻣﻪﺳﯩﻠﯩﻤﯘ؟

ﺋﯜﻧﺪﯨﺪﺍﺭ ﺳﺎﻟﻮﻧﻰ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﺋﻪﺳﺘﻪ ﺳﺎﻗﻼﺵ ﮪﻪﺭﺑﯩﺮ ﺋﺎﺩﻩﻣﻨﯩﯔ ﺋﯚﺯﯨﻨﯩﯔ ﺗﻪﭘﻪﻛﻜﯘﺭ ﺋﯘﭼﯘﺭ ﻣﻪﺯﻣﯘﻧﯩﻨﻰ ﺯﺍﭘﺎﺱ ﺳﺎﻗﻼﺵ ﯞﻩ ﺋﯩﺸﻠﯩﺘﯩﺶ ﺟﻪﺭﻳﺎﻧﯩﻨﻰ ﻛﯚﺭﺳﯩﺘﯩﺪﯗ. ﺋﯘﻧﺪﺍﻗﺘﺎ ﺋﻪﺳﺘﻪ ﺗﯘﺗﯘﺵ ﺋﯩﻘﺘﯩﺪﺍﺭﯨﻨﯩﯔ ﺗﯚﯞﻩﻧﻠﻪﭖ ﻛﯧﺘﯩﺸﻰ ﺑﯩﺮ ﺧﯩﻞ ﻛﯧﺴﻪﻟﻠﯩﻜﻤﯘ؟
ﺋﻪﺳﺘﻪ ﺳﺎﻗﻼﺵ ﺋﯩﻘﺘﯩﺪﺍﺭﯨﻨﯩﯔ ﭼﯧﻜﯩﻨﯩﺸﻰ ﺑﯩﺮ ﺧﯩﻞ ﻛﯧﺴﻪﻟﻠﯩﻚ ﺋﺎﻻﻣﯩﺘﻰ ﺑﻮﻟﯘﭖ، ﻓﯩﺰﯨﻴﻮﻟﻮﮔﯩﻴﻪﻟﯩﻚ ﯞﻩ ﭘﺎﺗﻮﻟﻮﮔﯩﻴﻪﻟﯩﻚ ﮪﺎﻟﻪﺗﻨﯩﯔ ﮪﻪﻣﻤﯩﺴﯩﺪﻩ ﻛﯚﺭﯛﻟﯩﺪﯗ، ﮪﻪﺭ ﺑﯩﺮ ﺋﺎﺩﻩﻣﻨﯩﯔ ﮪﺎﻳﺎﺗﯩﺪﺍ، ﻣﻪﻳﻠﻰ ﻓﯩﺰﯨﻴﻮﻟﻮﮔﯩﻴﻪﻟﯩﻚ ﺟﻪﮪﻪﺗﺘﻪ ﻗﯧﺮﯨﺸﻰ ﺑﻮﻟﺴﯘﻥ ﻳﺎﻛﻰ ﭘﺎﺗﻮﻟﻮﮔﯩﻴﻪﻟﯩﻚ ﺳﻪﯞﻩﺑﻠﻪﺭ ﺑﻮﻟﺴﯘﻥ، ﮪﻪﻣﻤﯩﺴﻰ ﺋﺎﺯﺩﯗﺭ-ﻛﯚﭘﺘﯘﺭ «ﺧﺎﺗﯩﺮﯨﻨﯩﯔ ﭼﯧﻜﯩﻨﯩﺸﻰ»ﻧﻰ ﺑﺎﺷﺘﯩﻦ ﻛﻪﭼﯜﺭﯛﺷﻰ ﻣﯘﻣﻜﯩﻦ. ﺑﻪﺯﻯ ﻛﯧﺴﻪﻟﻠﯩﻜﻠﻪﺭﻧﯩﯔ ﺩﻩﺳﻠﻪﭘﻜﻰ ﺋﺎﻻﻣﻪﺗﻠﯩﺮﻯ ﺋﻪﺳﺘﻪ ﺗﯘﺗﯘﺷﻨﯩﯔ ﭼﯧﻜﯩﻨﯩﭗ ﻛﯧﺘﯩﺸﯩﺪﻩ ﮔﻪﯞﺩﯨﻠﯩﻚ ﺋﯩﭙﺎﺩﯨﻠﯩﻨﯩﺪﯗ، ﻣﻪﺳﯩﻠﻪﻥ ﻳﺎﺷﺎﻧﻐﺎﻧﻼﺭﺩﯨﻜﻰ ﺩﯦﯟﻩﯕﻠﯩﻚ؛ ﻟﯧﻜﯩﻦ ﺋﻪﻛﺴﯩﭽﻪ، ﺧﺎﺗﯩﺮﯨﻨﯩﯔ ﭼﯧﻜﯩﻨﯩﭗ ﻛﯧﺘﯩﺸﻰ ﻳﺎﺷﺎﻧﻐﺎﻧﻼﺭﺩﯨﻜﻰ ﺩﯦﯟﻩﯕﻠﯩﻜﻜﻪ ﮔﯩﺮﯨﭙﺘﺎﺭ ﺑﻮﻟﻐﺎﻧﻠﯩﻘﯩﻐﺎ ﯞﻩﻛﯩﻠﻠﯩﻚ ﻗﯩﻼﻟﻤﺎﻳﺪﯗ، ﺑﻪﻟﻜﻰ ﺑﯩﺮ ﺧﯩﻞ ﻓﯩﺰﯨﻴﻮﻟﻮﮔﯩﻴﻪﻟﯩﻚ ﻗﯩﺴﻘﺎ ﻣﻪﺯﮔﯩﻠﻠﯩﻚ ﺧﺎﺗﯩﺮﻩ ﭼﯧﻜﯩﻨﯩﭗ ﻛﻪﺗﻜﻪﻥ ﺑﻮﻟﯘﺷﻰ ﻣﯘﻣﻜﯩﻦ، ﻣﻪﺳﯩﻠﻪﻥ ﮪﻪﺩﺩﯨﺪﯨﻦ ﺯﯨﻴﺎﺩﻩ ﭼﺎﺭﭼﺎﺵ ﻳﺎﻛﻰ ﻛﻪﻳﭙﯩﻴﺎﺕ ﭼﯜﺷﻜﯜﻧﻠﻪﺷﻜﻪﻧﺪﻩ ﭘﻪﻳﺪﺍ ﺑﻮﻟﻐﺎﻥ ﺋﻪﺗﯩﻜﻰ ﺧﯩﺰﻣﻪﺗﻨﻰ ﺋﯘﻧﺘﯘﭖ ﻗﯧﻠﯩﺶ ﻳﺎﻛﻰ ﺑﺎﺷﻘﯩﻼﺭ ﺑﯩﻠﻪﻥ ﻛﯧﻠﯩﺸﯩﭗ ﻗﻮﻳﻐﺎﻥ ﺋﯩﺸﻼﺭﻧﻰ ﺋﯘﻧﺘﯘﺷﺘﺎ ﺋﯩﭙﺎﺩﯨﻠﯩﻨﯩﺪﯨﻐﺎﻥ ﺑﻮﻟﯘﭖ، ﺋﺎﺩﻩﺗﺘﻪ ﻧﺎﮪﺎﻳﯩﺘﻰ ﺗﯧﺰﻻ ﺋﻪﺳﻠﯩﮕﻪ ﻛﯧﻠﯩﺪﯗ.
ﭼﻮﯓ ﻣﯧﯖﻪ ﺋﯚﮔﯩﻨﯩﺶ ﯞﻩ ﺋﻪﺳﺘﻪ ﺳﺎﻗﻼﺵ ﺋﯩﻘﺘﯩﺪﺍﺭﯨﻐﺎ ﻗﺎﻧﺪﺍﻕ ﻗﻮﻣﺎﻧﺪﺍﻧﻠﯩﻖ ﻗﯩﻠﯩﺪﯗ؟
ﺋﯚﮔﯩﻨﯩﺶ ﯞﻩ ﺋﻪﺳﺘﻪ ﺳﺎﻗﻼﺵ ﺋﯩﻘﺘﯩﺪﺍﺭﻯ ﺋﯩﻨﺴﺎﻧﻼﺭﺩﺍ ﺑﺎﺭ ﺑﻮﻟﻐﺎﻥ ﺋﺎﻳﺮﯨﻠﻤﺎﺱ ﺑﯩﺮ ﮔﯘﺭﯗﭘﭙﺎ ﺋﯩﻘﺘﯩﺪﺍﺭ. ﮪﻪﺭﺑﯩﺮﯨﻤﯩﺰﻧﯩﯔ ﭼﻮﯓ ﻣﯧﯖﯩﺴﻰ ﺑﺎﺭﻟﯩﻖ ﺋﻪﺯﺍﻟﯩﺮﯨﻤﯩﺰﻏﺎ ﻗﻮﻣﺎﻧﺪﺍﻧﻠﯩﻖ ﻗﯩﻠﯩﺪﯨﻐﺎﻥ «ﻗﻮﻣﺎﻧﺪﺍﻧﻠﯩﻖ ﺋﯩﺸﺘﺎﺑﻰ» ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ، ﺑﯩﺰﻧﯩﯔ ﭘﺎﺋﺎﻟﯩﻴﻪﺗﻠﯩﺮﯨﻤﯩﺰﻧﻰ ﻛﻮﻧﺘﺮﻭﻝ ﻗﯩﻠﯩﭗ، ﺋﻪﺗﺮﺍﭘﯩﻤﯩﺰﺩﯨﻜﻰ ﺩﯗﻧﻴﺎﻏﺎ ﺑﻮﻟﻐﺎﻥ ﺗﻮﻧﯘﺷﯩﻤﯩﺰﻧﻰ ﺑﻪﻟﮕﯩﻠﻪﻳﺪﯗ. ﺗﻪﺗﻘﯩﻘﺎﺗﻼﺭﺩﯨﻦ ﺑﺎﻳﻘﯩﻠﯩﺸﯩﭽﻪ، ﭼﻮﯓ ﻣﯧﯖﻪ ﺗﻪﺧﻤﯩﻨﻪﻥ 14 ﻣﯩﻠﻴﺎﺭﺩ ﮪﯜﺟﻪﻳﺮﯨﺪﯨﻦ ﺗﯜﺯﯛﻟﮕﻪﻥ ﺑﻮﻟﯘﭖ، ﺋﺎﺳﺎﺳﻠﯩﻘﻰ ﺳﻮﻝ، ﺋﻮﯓ ﺋﯩﻜﻜﻰ ﻳﯧﺮﯨﻢ ﺷﺎﺭﻏﺎ ﺑﯚﻟﯜﻧﮕﻪﻥ، ﺋﯘ ﻣﻪﺭﻛﯩﺰﯨﻲ ﻧﯧﺮﯞﺍ ﺳﯩﺴﺘﯧﻤﯩﺴﯩﻨﯩﯔ ﺋﻪﯓ ﻳﯘﻗﯩﺮﻯ ﺩﻩﺭﯨﺠﯩﻠﯩﻚ ﻗﯩﺴﻤﻰ، ﺋﯩﻨﺴﺎﻧﻼﺭﻧﯩﯔ ﺋﯘﺯﺍﻕ ﻣﯘﺩﺩﻩﺗﻠﯩﻚ ﺗﻪﺩﺭﯨﺠﯩﻲ ﺗﻪﺭﻩﻗﻘﯩﻴﺎﺕ ﺟﻪﺭﻳﺎﻧﯩﺪﺍ ﺗﻪﺭﻩﻗﻘﯩﻲ ﻗﯩﻠﻐﺎﻥ ﺗﻪﭘﻪﻛﻜﯘﺭ ﯞﻩ ﺋﺎﯓ ﺋﻪﺯﺍﺳﻰ، ﺑﯩﺰﻧﯩﯔ ﺋﯚﮔﯩﻨﯩﺶ ﯞﻩ ﺋﻪﺳﺘﻪ ﺗﯘﺗﯘﺵ ﺋﯩﻘﺘﯩﺪﺍﺭﯨﻤﯩﺰﻏﺎ ﻗﻮﻣﺎﻧﺪﺍﻧﻠﯩﻖ ﻗﯩﻠﯩﺪﯨﻐﺎﻥ ﻣﻪﺭﻛﻪﺯ. ﺑﯩﺰ ﺗﯘﻏﯘﻟﻐﺎﻧﺪﯨﻦ ﺑﺎﺷﻼﭖ ﺳﻪﺯﮔﯜ ﺋﻪﺯﺍﻻﺭ ﺋﺎﺭﻗﯩﻠﯩﻖ ﺗﻮﭘﻠﯩﻐﺎﻥ ﺋﯘﭼﯘﺭﻻﺭﻧﻰ ﺋﯜﺯﻟﯜﻛﺴﯩﺰ ﺑﯩﺮ ﺗﻪﺭﻩﭖ ﻗﯩﻠﯩﻤﯩﺰ، ﺳﺎﻗﻼﻳﻤﯩﺰ ﯞﻩ ﻳﯧﯖﯩﻼﻳﻤﯩﺰ. ﻧﯘﺭﻏﯘﻥ ﻣﯧﯖﻪ ﻗﯘﺭﯗﻟﻤﯩﻠﯩﺮﻯ ﺋﯩﭽﯩﺪﻩ ﭼﻮﯓ ﻣﯧﯖﻪ ﭘﻮﺳﺘﻼﻕ ﻗﻪﯞﯨﺘﻰ ﺑﯩﻠﻪﻥ ﺳﻪﻗﻪﻧﻘﯘﺭﻧﯩﯔ ﺋﯚﮔﯩﻨﯩﺶ ﯞﻩ ﺋﻪﺳﺘﻪ ﺗﯘﺗﯘﺵ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﻰ ﺋﻪﯓ ﺯﯨﭻ، ﺑﯘ ﺋﻮﺭﯗﻧﻼﺭﻏﺎ ﺗﺎﺭﻗﺎﻟﻐﺎﻥ ﻧﯧﺮﯞﺭﻭﻧﻼﺭ ﻣﯘﺭﻩﻛﻜﻪﭖ ﻧﯧﺮﯞﺍ ﺋﯧﻠﯧﻜﺘﯩﺮ ﻓﯩﺰﯨﻴﻮﻟﻮﮔﯩﻴﻪﻟﯩﻚ ﭘﺎﺋﺎﻟﯩﻴﯩﺘﻰ ﺋﺎﺭﻗﯩﻠﯩﻖ ﮪﯜﺟﻪﻳﺮﯨﻠﻪﺭ ﺋﺎﺭﯨﺴﯩﺪﯨﻜﻰ ﺋﺎﻻﮪﯩﺪﻩ ﺋﯚﺳﯜﻛﭽﻪ ﺗﯧﮕﯩﺸﻤﯩﺴﻰ ﻗﯘﺭﯗﻟﻤﯩﺴﯩﺪﯨﻦ ﭘﺎﻳﺪﯨﻠﯩﻨﯩﭗ ﻣﯘﺭﻩﻛﻜﻪﭖ ﻧﯧﺮﯞﺍ ﺋﺎﻳﻼﻧﻤﺎ ﻳﻮﻟﯩﻨﻰ ﺷﻪﻛﯩﻠﻠﻪﻧﺪﯛﺭﯛﭖ، ﺗﺎﺷﻘﻰ ﺩﯗﻧﻴﺎﺩﯨﻜﻰ ﺋﯘﭼﯘﺭﻻﺭﻧﻰ ﺑﯩﺮ ﺧﯩﻞ ﻏﯩﺪﯨﻘﻼﺵ ﺳﯜﭘﯩﺘﯩﺪﻩ ﻣﯧﯖﯩﺪﻩ ﺑﻪﻟﮕﯩﻠﯩﻚ ﯞﺍﻗﯩﺖ (ﻗﯩﺴﻘﺎ ﻣﯘﺩﺩﻩﺗﻠﯩﻚ ﻳﺎﻛﻰ ﺋﯘﺯﺍﻕ ﻣﯘﺩﺩﻩﺗﻠﯩﻚ، ﮪﻪﺗﺘﺎ ﺋﯚﻣﯜﺭﻟﯜﻙ) ﺳﺎﻗﻼﭖ ﻗﯧﻠﯩﭗ، ﺑﯩﺰ ﺋﺎﺩﻩﺗﺘﻪ ﺩﻩﻳﺪﯨﻐﺎﻥ «ﺋﯚﮔﯩﻨﯩﺶ ﯞﻩ ﺋﻪﺳﺘﻪ ﺗﯘﺗﯘﺵ» ﺋﯩﻘﺘﯩﺪﺍﺭﯨﻨﻰ ﺷﻪﻛﯩﻠﻠﻪﻧﺪﯛﺭﮔﻪﻥ، ﺑﯘ ﺧﯩﻞ ﺋﯩﻘﺘﯩﺪﺍﺭ ﺋﯩﺮﺳﯩﻴﻪﺕ ﺋﺎﻣﯩﻠﻰ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ، ﮪﻪﻡ ﻛﯧﻴﯩﻨﻜﻰ ﻛﻪﭼﯜﺭﻣﯩﺶ ﺑﯩﻠﻪﻧﻤﯘ ﻣﯘﻧﺎﺳﯩﯟﻩﺗﻠﯩﻚ.
ﻧﯧﻤﻪ ﺋﯜﭼﯜﻥ ﺋﻮﺗﺘﯘﺭﺍ ﻳﺎﺵ ﯞﻩ ﻳﺎﺷﺎﻧﻐﺎﻧﻼﺭﺩﺍ ﺋﺎﺳﺎﻧﻼ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﺗﯚﯞﻩﻧﻠﻪﺵ ﻛﯚﺭﯛﻟﯩﺪﯗ؟
ﻧﻮﺭﻣﺎﻝ ﺋﺎﺩﻩﻡ ﺗﯧﻨﻰ ﺋﻮﺗﺘﯘﺭﺍ ﻳﺎﺵ ﯞﻩ ﻗﯧﺮﯨﻠﯩﻘﻘﺎ ﻛﯩﺮﮔﻪﻧﺪﯨﻦ ﻛﯧﻴﯩﻦ، ﭼﻮﯓ ﻣﯧﯖﯩﺪﻩ ﺗﻪﺩﺭﯨﺠﯩﻲ ﭼﯧﻜﯩﻨﯩﺶ ﺧﺎﺭﺍﻛﺘﯧﺮﻟﯩﻚ ﺋﯚﺯﮔﯩﺮﯨﺶ ﻳﯜﺯ ﺑﯧﺮﯨﭗ، ﻣﯧﯖﻪ ﺋﺎﺭﺗﯧﺮﯨﻴﻪﺳﻰ ﻗﯧﺘﯩﺸﯩﺪﯗ، ﻣﯧﯖﻪ ﺋﯩﭽﯩﺪﯨﻜﻰ ﻧﯧﯟﺭﻭﻧﻼﺭﻧﯩﯔ ﺋﯚﺳﯜﻛﭽﻪ ﺗﯧﮕﯩﺸﻤﯩﺴﻰ ﺋﯩﻘﺘﯩﺪﺍﺭﻯ ﺗﯚﯞﻩﻧﻠﻪﭖ، ﻣﯧﯖﯩﻨﯩﯔ ﺋﻮﻣﯘﻣﯩﻲ ﺋﯩﻘﺘﯩﺪﺍﺭﻯ ﭼﯧﻜﯩﻨﯩﺪﯗ، ﺷﯘﻧﯩﯔ ﺑﯩﻠﻪﻥ ﺋﻪﺳﺘﻪ ﺗﯘﺗﯘﺵ ﺋﯩﻘﺘﯩﺪﺍﺭﻯ ﺋﺎﺳﺎﻧﻼ ﭼﯧﻜﯩﻨﯩﭗ، ﺋﯘﻧﺘﯘﻏﺎﻕ ﺑﻮﻟﯘﭖ ﻗﺎﻟﯩﺪﯗ، ﻳﯧﻘﯩﻨﻘﻰ ﻣﻪﺯﮔﯩﻠﺪﻩ ﻳﺎﻛﻰ ﺋﻪﻣﺪﯨﻼ ﻳﯜﺯ ﺑﻪﺭﮔﻪﻥ ﺋﯩﺸﻼﺭﻧﻰ ﺋﺎﺳﺎﻧﻼ ﺋﯘﻧﺘﯘﭖ ﻗﺎﻟﯩﺪﯗ، ﻟﯧﻜﯩﻦ ﻧﯘﺭﻏﯘﻥ ﻳﯩﻠﻼﺭ ﺋﯩﻠﮕﯩﺮﻯ ﻳﯜﺯ ﺑﻪﺭﮔﻪﻥ ﺋﯩﺸﻼﺭﻧﻰ ﺩﺍﺋﯩﻢ ﺋﯧﺴﯩﺪﻩ ﺗﯘﺗﯘﯞﺍﻟﯩﺪﯗ.

ﺗﻪﺗﻘﯩﻘﺎﺗﻼﺭﺩﯨﻦ ﺑﺎﻳﻘﯩﻠﯩﺸﯩﭽﻪ، ﺋﺎﺩﻩﻡ ﺑﻪﺩﯨﻨﯩﻨﯩﯔ ﺋﻪﯓ ﻳﺎﺧﺸﻰ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ 20 ﻳﺎﺷﻨﯩﯔ ﺋﺎﻟﺪﻯ ﻛﻪﻳﻨﯩﺪﻩ ﭘﻪﻳﺪﺍ ﺑﻮﻟﯩﺪﯨﻜﻪﻥ، ﺷﯘﻧﯩﯖﺪﯨﻦ ﻛﯧﻴﯩﻦ ﻳﺎﺷﻨﯩﯔ ﭼﻮﯕﯩﻴﯩﺸﯩﻐﺎ ﺋﻪﮔﯩﺸﯩﭗ، ﻣﯧﯖﯩﻨﯩﯔ ﺋﯩﻘﺘﯩﺪﺍﺭﻯ ﺗﻪﺩﺭﯨﺠﯩﻲ ﭼﯧﻜﯩﻨﯩﺪﯨﻜﻪﻥ، ﺋﯘﻧﯩﯖﺪﯨﻦ ﺑﺎﺷﻘﺎ، ﺳﯩﺠﯩﻞ ﺧﯩﺰﻣﻪﺕ، ﺗﯘﺭﻣﯘﺵ ﺑﯧﺴﯩﻤﻰ ﯞﻩ ﺗﯘﻳﯘﻗﺴﯩﺰ ﻳﯜﺯ ﺑﻪﺭﮔﻪﻥ ﺗﯘﺭﻣﯘﺵ ﺳﯧﺰﯨﻤﭽﺎﻧﻠﯩﻘﻰ (ﻣﻪﺳﯩﻠﻪﻥ، ﻏﺎﻳﻪﺕ ﺯﻭﺭ ﺟﺎﺭﺍﮪﻪﺕ ﯞﻩ ﺯﻩﺭﺑﻪ)، ﻧﺎﭼﺎﺭ ﺗﯘﺭﻣﯘﺵ ﺋﺎﺩﯨﺘﻰ (ﺯﯨﻴﺎﺩﻩ ﺗﺎﻣﺎﻛﺎ ﭼﯧﻜﯩﺶ، ﮪﺎﺭﺍﻕ ﺋﯩﭽﯩﺶ)ﻣﯘ ﯞﺍﻗﯩﺘﻠﯩﻖ ﺧﺎﺗﯩﺮﯨﻨﯩﯔ ﭼﯧﻜﯩﻨﯩﺸﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯨﻜﻪﻥ. ﺷﯘﯕﺎ ﺋﻮﺗﺘﯘﺭﺍ ﻳﺎﺵ ﯞﻩ ﻳﺎﺷﺎﻧﻐﺎﻧﻼﺭﺩﺍ ﻓﯩﺰﯨﻴﻮﻟﻮﮔﯩﻴﻪﻟﯩﻚ ﻣﯧﯖﻪ ﺋﯩﻘﺘﯩﺪﺍﺭﻯ ﭼﯧﻜﯩﻨﯩﺶ ﻣﻪﯞﺟﯘﺕ ﺑﻮﻟﯩﺪﯗ، ﻳﯘﻗﯩﺮﻯ ﻗﺎﻥ ﺑﯧﺴﯩﻢ ﻛﻪﻟﺘﯜﺭﯛﭖ ﭼﯩﻘﺎﺭﻏﺎﻥ ﻣﯧﯖﻪ ﺋﺎﺭﺗﯧﺮﯨﻴﻪﺳﻰ ﻗﯧﺘﯩﺸﯩﺶ ﯞﻩ ﻧﺎﭼﺎﺭ ﺗﯘﺭﻣﯘﺵ ﺋﺎﺩﯨﺘﻰ ﺋﺎﺳﺎﻧﻼ ﺋﻪﺳﺘﻪ ﺗﯘﺗﯘﺵ ﻧﺎﭼﺎﺭﻟﯩﺸﯩﺶ ﻛﯧﺴﻪﻟﻠﯩﻚ ﺋﺎﻻﻣﻪﺗﻠﯩﺮﯨﻨﻰ ﭘﻪﻳﺪﺍ ﻗﯩﻠﯩﺪﯗ، ﺋﻪﮔﻪﺭ ﺑﯘﻧﯩﯖﻐﺎ ﺋﻪﮪﻤﯩﻴﻪﺕ ﺑﻪﺭﻣﻪﻱ، ﭘﻪﻳﺪﺍ ﻗﯩﻠﻐﯘﭼﻰ ﺋﺎﻣﯩﻠﻨﻰ ﭼﯩﻘﯩﺮﯨﯟﻩﺗﻜﻪﻧﺪﻩ، ﭘﺎﺗﻮﻟﻮﮔﯩﻴﻪﻟﯩﻚ ﺧﺎﺗﯩﺮﯨﺴﻰ ﭼﯧﻜﯩﻨﯩﺸﻜﻪ ﺋﯚﺯﮔﯩﺮﯨﺸﻰ، ﮪﻪﺗﺘﺎ ﺩﯦﯟﻩﯕﻠﯩﻜﻜﻪ ﮔﯩﺮﯨﭙﺘﺎﺭ ﺑﻮﻟﯘﺷﻰ ﻣﯘﻣﻜﯩﻦ.
ﺋﯘﻧﺘﯘﻏﺎﻗﻠﯩﻖ ﺑﯩﻠﻪﻥ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﺗﯚﯞﻩﻧﻠﻪﺵ ﺑﯩﺮ ﺋﯩﺸﻤﯘ؟
ﻳﺎﺷﻨﯩﯔ ﭼﻮﯕﯩﻴﯩﺸﯩﻐﺎ ﺋﻪﮔﯩﺸﯩﭗ، ﭼﻮﯓ ﻣﯧﯖﻪ ﺋﺎﺩﻩﻡ ﺑﻪﺩﯨﻨﯩﺪﯨﻜﻰ ﺑﺎﺷﻘﺎ ﺋﻪﺯﺍﻻﺭﻏﺎ ﺋﻮﺧﺸﺎﺵ ﺋﺎﺳﺘﺎ-ﺋﺎﺳﺘﺎ ﻗﯧﺮﯨﻴﺪﯗ، ﺑﯘﻧﯩﯔ ﺑﯩﻠﻪﻥ ﺋﻪﺳﺘﻪ ﺗﯘﺗﯘﺵ ﺋﯩﻘﺘﯩﺪﺍﺭﻯ ﭼﯧﻜﯩﻨﯩﺪﯗ، ﺑﯘﻧﯩﯔ ﺋﺎﺳﺎﺳﻠﯩﻖ ﺋﯩﭙﺎﺩﯨﺴﻰ ﻳﯧﻘﯩﻨﻘﻰ ﻣﻪﺯﮔﯩﻠﺪﯨﻜﻰ ﺋﻪﺳﺘﻪ ﺗﯘﺗﯘﺵ ﺋﯩﻘﺘﯩﺪﺍﺭﯨﻨﯩﯔ ﺋﺎﺟﯩﺰﻟﯩﺸﯩﺸﻰ ﺑﻮﻟﯘﭖ، ﺩﺍﺋﯩﻢ ﻣﻪﻟﯘﻡ ﺑﯩﺮ ﺋﯩﺸﻨﻰ ﺋﯘﻧﺘﯘﭖ ﻗﯧﻠﯩﭗ، ﺩﻩﻣﺎﻟﻠﯩﻘﻘﺎ ﺋﯧﺴﯩﮕﻪ ﺋﺎﻻﻟﻤﺎﻳﺪﯗ، ﺩﺍﺋﯩﻢ ﻧﻪﺭﺳﯩﻠﻪﺭﻧﻰ ﻗﻪﻳﻪﺭﮔﻪ ﻗﻮﻳﯘﺷﻨﻰ ﺋﯘﻧﺘﯘﭖ ﻗﺎﻟﯩﺪﯗ، ﺋﻪﻣﻤﺎ ﺋﯘﺯﺍﻕ ﻣﻪﺯﮔﯩﻠﻠﯩﻚ ﺋﻪﺳﺘﻪ ﺳﺎﻗﻼﺵ ﯞﻩ ﺩﻩﺭﮪﺎﻝ ﺋﻪﺳﺘﻪ ﺳﺎﻗﻼﺵ ﻧﻮﺭﻣﺎﻝ ﺑﻮﻟﯩﺪﯗ، ﺋﻪﻗﻠﯩﻲ ﺋﯩﻘﺘﯩﺪﺍﺭ ﺗﻪﺳﯩﺮﮔﻪ ﺋﯘﭼﺮﯨﻤﺎﻳﺪﯗ، ﺋﯩﺠﺘﯩﻤﺎﺋﯩﻲ ﭘﺎﺋﺎﻟﯩﻴﻪﺕ ﺗﻮﺳﺎﻟﻐﯘﺳﻰ ﺑﻮﻟﻤﯩﺴﺎ، ﺗﯘﺭﻣﯘﺵ، ﺧﯩﺰﻣﻪﺗﻜﻪ ﺗﻪﺳﯩﺮ ﻳﻪﺗﻜﯜﺯﻣﻪﻳﺪﯗ. ﺋﯘﻻﺭ ﺋﯚﺯﯨﻨﯩﯔ ﺗﯘﺭﻣﯘﺷﯩﻨﻰ ﺑﯩﺮ ﺗﻪﺭﻩﭖ ﻗﯩﻠﯩﭙﻼ ﻗﺎﻟﻤﺎﻱ، ﺋﺎﺋﯩﻠﯩﺴﯩﺪﯨﻜﯩﻠﻪﺭﻧﯩﯖﻤﯘ ﮪﺎﻟﯩﺪﯨﻦ ﺧﻪﯞﻩﺭ ﺋﺎﻻﻻﻳﺪﯗ، ﮔﻪﺭﭼﻪ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﺗﯚﯞﻩﻧﻠﯩﮕﻪﻥ ﺑﻮﻟﺴﯩﻤﯘ، ﺋﻪﻣﻤﺎ ﺯﻭﺭ ﯞﻩﻗﻪﻟﻪﺭﻧﻰ ﺗﻮﻧﯘﺵ ﯞﻩ ﮪﯚﻛﯜﻡ ﻗﯩﻠﯩﺶ ﺋﯩﻘﺘﯩﺪﺍﺭﻯ ﺋﺎﺳﺎﺳﯩﻲ ﺟﻪﮪﻪﺗﺘﯩﻦ ﺋﺎﺟﯩﺰﻻﺷﻤﺎﻳﺪﯗ، ﻣﯧﺪﯨﺘﺴﯩﻨﺎﺩﺍ ﺑﯘﻧﻰ «ﻳﺎﺵ ﺑﯩﻠﻪﻥ ﻣﯘﻧﺎﺳﯩﯟﻩﺗﻠﯩﻚ ﺧﺎﺗﯩﺮﯨﺴﻰ ﺋﺎﺟﯩﺰﻻﺵ» ﺩﻩﭖ ﺋﺎﺗﺎﻳﺪﯗ، ﻳﻪﻧﻰ ﺑﯩﺰ ﺩﺍﺋﯩﻢ ﺩﻩﻳﺪﯨﻐﺎﻥ ﺋﯘﻧﺘﯘﻏﺎﻗﻠﯩﻖ، ﺑﯘ ﻧﻮﺭﻣﺎﻝ ﻳﺎﺷﺎﻧﻐﺎﻧﻼﺭ ﻣﯧﯖﯩﺴﯩﻨﯩﯔ ﻗﯧﺮﯨﺸﯩﺪﯨﻜﻰ ﻓﯩﺰﯨﻴﻮﻟﻮﮔﯩﻴﻪﻟﯩﻚ ﮪﺎﺩﯨﺴﻪ ﺑﻮﻟﯘﭖ، ﺗﻪﺭﻩﻗﻘﯩﻴﺎﺗﻰ ﺋﺎﺳﺘﺎ ﺑﻮﻟﯩﺪﯗ.