ﮪﺎﯞﺍ ﻳﺎﺧﺸﻰ ﺑﻮﻟﻤﯩﺴﺎ ﻛﻪﻳﭙﯩﻴﺎﺗﯩﯖﯩﺰ ﻳﺎﺧﺸﻰ ﺑﻮﻟﻤﺎﻣﺪﯗ؟

ﺗﯧﯖﺸﯜﻥ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﺳﯩﺰﺩﻩ ﻣﯘﻧﺪﺍﻕ ﺑﯩﺮ ﺗﯘﻳﻐﯘ ﺑﺎﺭﻣﯘ - ﻳﻮﻕ، ﮪﻪﺭ ﻛﯜﻧﻰ ﺋﻪﺗﯩﮕﻪﻧﺪﻩ ﺳﯩﺮﺗﻘﺎ ﭼﯩﻘﯩﭗ ﺋﯩﺸﻘﺎ ﺑﺎﺭﻏﺎﻧﺪﺍ ﻳﺎﻛﻰ ﻣﻪﻛﺘﻪﭘﻜﻪ ﺑﺎﺭﻏﺎﻧﺪﺍ، ﺳﯩﺮﺗﻘﻰ ﮪﺎﯞﺍﻧﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﻳﺴﯩﺰ، ﮪﺎﯞﺍ ﺋﻮﭼﯘﻕ، ﻗﯘﻳﺎﺵ ﻧﯘﺭﻯ ﻛﯜﭼﻠﯜﻙ ﺑﻮﻟﺴﯩﻼ، ﻛﻪﻳﭙﯩﻴﺎﺗﻤﯘ ﺷﯘﻧﯩﯖﻐﺎ ﺋﻪﮔﯩﺸﯩﭗ ﺋﻮﭼﯘﻕ ﺑﻮﻟﯩﺪﯗ؛ ﺋﻪﮔﻪﺭ ﻗﺎﺭﺍ ﺑﯘﻟﯘﺗﻼﺭ ﻗﺎﭘﻼﭖ ﻛﻪﺗﻜﻪﻥ ﮪﺎﯞﺍ ﺗﯘﺗﯘﻕ ﻳﺎﻛﻰ ﻳﺎﻣﻐﯘﺭﻟﯘﻕ ﻛﯜﻧﻠﻪﺭﮔﻪ ﻳﻮﻟﯘﻗﺴﺎ، ﺋﺎﺩﻩﻣﻨﯩﯔ ﻛﻪﻳﭙﯩﻴﺎﺗﯩﻤﯘ ﺷﯘﻧﯩﯖﻐﺎ ﺋﻪﮔﯩﺸﯩﭗ ﺗﯘﺗﯘﻟﯩﺪﯗ، ﮪﻪﺗﺘﺎ ﺳﯩﺮﺗﻘﺎ ﭼﯩﻘﯩﺶ ﮪﻪﺭﯨﻜﻪﺗﻠﻪﻧﺪﯛﺭﮔﯜﭺ ﻛﯜﭼﯩﻤﯘ ﻳﯧﺮﯨﻤﯩﺪﯨﻦ ﻛﯚﭘﺮﻩﻙ ﺗﯚﯞﻩﻧﻠﻪﻳﺪﯗ.

ﺑﯘ ﺑﻪﻟﻜﯩﻢ ﭘﻪﺳﯩﻞ ﺧﺎﺭﺍﻛﺘﯧﺮﻟﯩﻚ ﮪﯧﺴﺴﯩﻴﺎﺕ ﺗﻮﺳﺎﻟﻐﯘﺳﯩﻨﯩﯔ ﺋﺎﻻﻣﯩﺘﻰ ﺑﻮﻟﯘﺷﻰ ﻣﯘﻣﻜﯩﻦ، ﭘﻪﺳﯩﻞ ﺧﺎﺭﺍﻛﺘﯧﺮﻟﯩﻚ ﮪﯧﺴﺴﯩﻴﺎﺕ ﺗﻮﺳﺎﻟﻐﯘﺳﻰ (SAD) ﺑﯩﺮ ﻳﯩﻞ ﺋﯩﭽﯩﺪﯨﻜﻰ ﻣﻪﻟﯘﻡ ﺑﯩﺮ ﭘﻪﺳﯩﻞ ﻳﺎﻛﻰ ﯞﺍﻗﯩﺘﺘﺎ ﻛﯚﺭﯛﻟﯩﺪﯨﻐﺎﻥ ﺑﯩﺮ ﺧﯩﻞ ﺧﺎﻣﯘﺷﻠﯘﻕ ﻛﯧﺴﯩﻠﯩﻨﻰ ﻛﯚﺭﺳﯩﺘﯩﺪﯗ. ﺧﺎﻣﯘﺷﻠﯘﻕ ﻛﯧﺴﯩﻠﻰ ﺋﯘﺯﺍﻕ ﻣﯘﺩﺩﻩﺕ ﺩﺍﯞﺍﻣﻼﺷﻘﺎﻥ ﭼﯜﺷﻜﯜﻥ ﻛﻪﻳﭙﯩﻴﺎﺕ ﺑﻮﻟﯘﭖ، ﻛﯜﻧﺪﯨﻠﯩﻚ ﺗﯘﺭﻣﯘﺷﻘﺎ ﺗﻪﺳﯩﺮ ﻛﯚﺭﺳﯩﺘﯩﺪﯗ. ﻛﻪﻳﭙﯩﻴﺎﺕ ﭘﻪﺳﯩﻞ ﯞﻩ ﮪﺎﯞﺍ ﺭﺍﻳﯩﻨﯩﯔ ﺋﯚﺯﮔﯩﺮﯨﺸﯩﮕﻪ ﺋﯘﭼﺮﯨﻐﺎﻧﺪﺍ، ﻳﺎﻛﻰ ﺑﯩﺮ ﻳﯩﻠﻨﯩﯔ ﻣﻪﻟﯘﻡ ﺑﯩﺮ ﯞﺍﻗﺘﯩﺪﺍ ﺋﯚﺯﯨﻨﻰ ﺧﯘﺷﺎﻝ ﮪﯧﺲ ﻗﯩﻠﯩﺶ ﻳﺎﻛﻰ ﺧﯘﺷﺎﻝ ﺑﻮﻻﻟﻤﺎﺳﻠﯩﻖ ﻛﯚﭖ ﺋﯘﭼﺮﺍﻳﺪﯗ.

ﻣﻪﺳﯩﻠﻪﻥ، ﮪﺎﯞﺍ ﺳﻮﯞﯗﻏﺎﻧﺪﺍ ﻳﺎﻛﻰ ﺋﯩﺴﺴﯩﻐﺎﻧﺪﺍ، ﻛﻪﻳﭙﯩﻴﺎﺗﯩﯖﯩﺰ ﻳﺎﻛﻰ ﺋﯧﻨﯧﺮﮔﯩﻴﻪ ﺳﻪﯞﯨﻴﯩﯖﯩﺰﻧﯩﯔ ﺗﯚﯞﻩﻧﻠﻪﭖ ﻛﻪﺗﻜﻪﻧﻠﯩﻜﯩﻨﻰ ﮪﯧﺲ ﻗﯩﻠﯩﺸﯩﯖﯩﺰ ﻳﺎﻛﻰ ﺋﯘﺧﻼﺵ ﻳﺎﻛﻰ ﺗﺎﻣﺎﻕ ﻳﯧﻴﯩﺶ ﺋﯘﺳﯘﻟﯩﯖﯩﺰﺩﺍ ﺋﯚﺯﮔﯩﺮﯨﺶ ﺑﻮﻟﻐﺎﻧﻠﯩﻘﯩﻨﻰ ﮪﯧﺲ ﻗﯩﻠﯩﺸﯩﯖﯩﺰ ﻣﯘﻣﻜﯩﻦ.

ﺗﻪﺗﻘﯩﻘﺎﺗﻼﺭﺩﯨﻦ ﻣﻪﻟﯘﻡ ﺑﻮﻟﯘﺷﯩﭽﻪ، ﮪﺎﯞﺍ ﺭﺍﻳﯩﻨﯩﯔ ﻳﺎﺧﺸﻰ-ﻳﺎﻣﺎﻥ ﺑﻮﻟﯘﺷﻰ ﮪﻪﻗﯩﻘﻪﺗﻪﻥ ﺋﺎﺩﻩﻣﻨﯩﯔ ﻛﻪﻳﭙﯩﻴﺎﺗﯩﻐﺎ ﺗﻪﺳﯩﺮ ﻛﯚﺭﺳﯩﺘﯩﺪﯨﻜﻪﻥ

ﻧﺎﭼﺎﺭ ﮪﺎﯞﺍ ﺭﺍﻳﯩﻨﯩﯔ ﺋﯩﻨﺴﺎﻧﻼﺭﻧﯩﯔ ﻛﻪﻳﭙﯩﻴﺎﺗﯩﻐﺎ ﻛﯚﺭﺳﯩﺘﯩﺪﯨﻐﺎﻥ ﺗﻪﺳﯩﺮﻯ ﺯﺍﺩﻯ ﻗﺎﻧﭽﯩﻠﯩﻚ؟ ﻧﻪﭼﭽﻪ ﺋﻮﻥ ﻳﯩﻠﺪﯨﻦ ﺑﯘﻳﺎﻥ ﻧﯘﺭﻏﯘﻥ ﻛﻮﻟﻠﯧﻜﺘﯩﭗ ﯞﻩ ﺋﺎﻟﯩﻤﻼﺭ ﺑﯘ ﮪﻪﻗﺘﻪ ﺗﻪﺗﻘﯩﻘﺎﺕ ﺋﯧﻠﯩﭗ ﺑﺎﺭﺩﻯ، ﻧﻪﺗﯩﺠﯩﺪﻩ ﮪﺎﯞﺍ ﺭﺍﻳﯩﻨﯩﯔ ﻳﺎﺧﺸﻰ-ﻳﺎﻣﺎﻧﻠﯩﻘﻰ ﮪﻪﻗﯩﻘﻪﺗﻪﻥ ﻛﯩﺸﯩﻠﻪﺭﻧﯩﯔ ﻛﻪﻳﭙﯩﻴﺎﺗﯩﻐﺎ ﺧﯧﻠﻰ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻧﻠﯩﻘﻰ ﻣﻪﻟﯘﻡ ﺑﻮﻟﺪﻯ.

2005-ﻳﯩﻠﻰ «ﭘﯩﺴﺨﯩﻜﺎ ﺋﯩﻠﻤﻰ ﮊﯗﺭﻧﯩﻠﻰ»ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﺑﯩﺮ ﺗﯜﺭﻟﯜﻙ ﺗﻪﺗﻘﯩﻘﺎﺗﺘﺎ، ﺋﯜﭺ ﺗﯜﺭﻟﯜﻙ ﺗﻪﺗﻘﯩﻘﺎﺗﺘﺎ ﺟﻪﻣﺌﯩﻲ 605 ﻧﻪﭘﻪﺭ ﺳﯩﻨﺎﻕ ﻗﯩﻠﯩﻨﻐﯘﭼﻰ ﺋﯩﺰ ﻗﻮﻏﻼﭖ ﺗﻪﻛﺸﯜﺭﯛﻟﮕﻪﻥ، ﻧﻪﺗﯩﺠﯩﺪﻩ ﺑﺎﻳﻘﯩﻠﯩﺸﯩﭽﻪ، ﺗﯧﻤﭙﯧﺮﺍﺗﯘﺭﺍ ﺑﯩﺮ ﻗﻪﺩﻩﺭ ﻳﯘﻗﯩﺮﻯ، ﮪﺎﯞﺍ ﺋﻮﭼﯘﻕ، ﻳﻮﺭﯗﻕ ﺑﻮﻟﻐﺎﻥ ﺋﺎﺯﺍﺩﻩ ﮪﺎﯞﺍﺩﺍ، ﺋﺎﺩﻩﻣﻨﯩﯔ ﻛﻪﻳﭙﯩﻴﺎﺗﻰ ﺗﯧﺨﯩﻤﯘ ﻳﺎﺧﺸﻰ، ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﺗﯧﺨﯩﻤﯘ ﻳﺎﺧﺸﻰ ﺑﻮﻟﯩﺪﯨﻜﻪﻥ، ﺷﯘﻧﺪﺍﻗﻼ ﺗﯧﺨﯩﻤﯘ ﻛﯚﭖ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﺳﯩﺮﺗﺘﺎ ﺗﯘﺭﯗﺷﻨﻰ ﺧﺎﻻﻳﺪﯨﻜﻪﻥ.

ﯞﺍﮪﺎﻟﻪﻧﻜﻰ، ﯞﺍﻗﯩﺖ ﺋﺎﻟﺪﯨﻐﺎ ﺳﯜﺭﯛﻟﯜﭖ 1974-ﻳﯩﻠﯩﻐﺎ ﻛﻪﻟﮕﻪﻧﺪﻩ ﺷﯟﯦﺘﺴﺎﺭﯨﻴﻪ ﺗﻪﺗﻘﯩﻘﺎﺕ ﺋﯚﻣﯩﻜﻰ ﺋﯧﻠﯩﭗ ﺑﺎﺭﻏﺎﻥ ﺑﯩﺮ ﺗﯜﺭﻟﯜﻙ ﺗﻪﻛﺸﯜﺭﯛﺵ ﮪﻪﺭﯨﻜﯩﺘﻰ ﺷﯟﯦﺘﺴﺎﺭﯨﻴﻪﻧﯩﯔ ﻏﻪﺭﺑﯩﻲ ﺷﯩﻤﺎﻟﯩﺪﯨﻜﻰ ﺑﯩﺮ ﺷﻪﮪﻪﺭﺩﯨﻜﻰ 16 ﻣﯩﯔ ﺋﻮﻗﯘﻏﯘﭼﯩﻨﻰ ﺗﻪﻛﺸﯜﺭﯛﭖ ﺑﯧﻜﯩﺘﻜﻪﻥ، ﻧﻪﺗﯩﺠﯩﺪﻩ ﻛﯚﺭﺳﯩﺘﯩﻠﯩﺸﯩﭽﻪ،%18 ﺋﻮﻏﯘﻝ ﺋﻮﻗﯘﻏﯘﭼﻰ ﯞﻩ %29 ﻗﯩﺰ ﺋﻮﻗﯘﻏﯘﭼﻰ ﻧﺎﭼﺎﺭ ﮪﺎﯞﺍ ﺭﺍﻳﯩﻐﺎ ﻗﺎﺭﯨﺘﺎ ﻧﺎﭼﺎﺭ ﺋﯩﻨﻜﺎﺱ ﻗﺎﻳﺘﯘﺭﻏﺎﻥ، ﺑﯘﻧﯩﯔ ﺋﯩﭽﯩﺪﻩ ﺋﺎﺳﺎﻥ ﺋﺎﭼﭽﯩﻘﻠﯩﻨﯩﺶ، ﭼﺎﺭﭼﺎﺵ ﯞﻩ ﺑﺎﺵ ﺋﺎﻏﺮﯨﺶ ﻗﺎﺗﺎﺭﻟﯩﻖ ﺋﺎﻻﻣﻪﺗﻠﻪﺭ ﻛﯚﺭﯛﻟﮕﻪﻥ.

1984-ﻳﯩﻠﻰ «ﺋﻪﻧﮕﻠﯩﻴﻪ ﭘﯩﺴﺨﻮﻟﻮﮔﯩﻴﻪ ﮊﯗﺭﻧﯩﻠﻰ»ﺩﺍ ﺋﯧﻼﻥ ﻗﯩﻠﯩﻨﻐﺎﻥ ﻳﻪﻧﻪ ﺑﯩﺮ ﺗﯜﺭﻟﯜﻙ ﺗﻪﺗﻘﯩﻘﺎﺕ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، 24 ﻧﻪﭘﻪﺭ ﺋﻪﺭ ﺋﯘﺩﺍ 11 ﻛﯜﻥ ﻛﯚﺯﯨﺘﯩﭗ، ﻧﻪﻣﻠﯩﻚ ﺩﻩﺭﯨﺠﯩﺴﻰ، ﺗﯧﻤﭙﯧﺮﺍﺗﯘﺭﯨﻨﯩﯔ ﻳﯘﻗﯩﺮﻯ-ﺗﯚﯞﻩﻧﻠﯩﻜﻰ ﯞﻩ ﻛﯜﻥ ﻧﯘﺭﯨﻨﯩﯔ ﭼﯜﺷﯜﺵ ﯞﺍﻗﺘﯩﻨﯩﯔ ﺋﯘﺯﯗﻥ-ﻗﯩﺴﻘﯩﻠﯩﻘﻰ ﺋﯘﻻﺭﻧﯩﯔ ﻛﻪﻳﭙﯩﻴﺎﺗﯩﻐﺎ ﻧﺎﮪﺎﻳﯩﺘﻰ ﺯﻭﺭ ﺗﻪﺳﯩﺮ ﻛﯚﺭﺳﯩﺘﯩﺪﯨﻜﻪﻥ، ﺑﯘﻧﯩﯔ ﺋﯩﭽﯩﺪﻩ ﻧﻪﻣﻠﯩﻚ ﺩﻩﺭﯨﺠﯩﺴﻰ ﺟﻪﮪﻪﺗﺘﻪ، ﺗﻪﺗﻘﯩﻘﺎﺕ ﺩﻭﻛﻼﺗﯩﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﻪﻣﻠﯩﻚ ﺩﻩﺭﯨﺠﯩﺴﻰ ﻳﯘﻗﯩﺮﻯ ﺑﻮﻟﺴﺎ، ﺋﺎﺩﻩﻣﻨﯩﯔ ﺯﯦﮭﻨﯩﻲ ﻛﯜﭼﻰ ﺗﯚﯞﻩﻧﻠﻪﭖ ﻛﯧﺘﯩﺪﯨﻜﻪﻥ، ﺷﯘﻧﯩﯔ ﺑﯩﻠﻪﻥ ﺑﯩﺮ ﯞﺍﻗﯩﺘﺘﺎ، ﺋﺎﺩﻩﻣﻨﯩﯔ ﮪﺎﺭﻏﯩﻨﻠﯩﻖ ﺗﯘﻳﻐﯘﺳﻰ ﺋﯧﺸﯩﭗ ﻛﯧﺘﯩﺪﯨﻜﻪﻥ، ﮪﻪﺗﺘﺎ ﺋﯚﺯﯨﮕﻪ ﺑﻮﻟﻐﺎﻥ ﺋﯩﺸﻪﻧﭽﯩﻨﻰ ﺗﯚﯞﻩﻧﻠﯩﺘﯩﺪﯨﻜﻪﻥ، ﺷﯘﻧﺪﺍﻗﻼ ﺋﯚﺯﯨﮕﻪ ﺑﻮﻟﻐﺎﻥ ﺩﯨﻘﻘﻪﺕ-ﺋﯧﺘﯩﺒﺎﺭﯨﻨﻰ ﺗﯚﯞﻩﻧﻠﯩﺘﯩﺪﯨﻜﻪﻥ.

ﮪﺎﯞﺍﻧﯩﯔ ﻳﺎﺧﺸﻰ-ﻳﺎﻣﺎﻥ ﺑﻮﻟﯘﺷﻰ ﺋﺎﺩﻩﻣﻨﯩﯔ ﺋﯩﭽﻜﻰ ﺋﺎﺟﺮﺍﺗﻤﯩﻠﯩﺮﯨﺪﺍ ﺋﻮﺧﺸﯩﻤﯩﻐﺎﻥ ﺋﯩﻨﻜﺎﺳﻼﺭﻧﻰ ﭘﻪﻳﺪﺍ ﻗﯩﻠﯩﺪﯗ

ﻓﯩﺰﯨﻴﻮﻟﻮﮔﯩﻴﻪ ﻧﯘﻗﺘﯩﺴﯩﺪﯨﻦ ﻗﺎﺭﯨﻐﺎﻧﺪﺍ، ﻗﯘﻳﺎﺵ ﻧﯘﺭﻯ ﺋﺎﺩﻩﻡ ﺑﻪﺩﯨﻨﯩﮕﻪ ﭼﯜﺷﻜﻪﻧﺪﻩ ﺗﯧﺮﻩ ﯞﯨﺘﺎﻣﯩﻦ D3 ﮪﺎﺳﯩﻞ ﻗﯩﻠﯩﺪﯗ، ﺑﯘ ﭼﻮﯓ ﻣﯧﯖﯩﻨﯩﯔ ﺩﻭﭘﺎﻣﯩﻦ ﺑﯩﻠﻪﻥ ﺳﯧﺮﻭﺗﻮﻧﯩﻨﻨﻰ ﺗﯧﺨﯩﻤﯘ ﻛﯚﭖ ﮪﺎﺳﯩﻞ ﻗﯩﻠﯩﺸﯩﻨﻰ ﺋﯩﻠﮕﯩﺮﻯ ﺳﯜﺭﯛﭖ، ﺋﺎﺩﻩﻣﺪﻩ ﺧﯘﺷﺎﻟﻠﯩﻖ ﺗﯘﻳﻐﯘﺳﻰ ﭘﻪﻳﺪﺍ ﻗﯩﻠﯩﭗ، ﺗﯧﺨﯩﻤﯘ ﺋﺎﺯﺍﺩﻩ ﻗﯩﻠﯩﺪﯗ.

ﭼﻮﯓ ﻣﯧﯖﯩﺪﯨﻜﻰ ﻗﺎﺭﯨﻐﺎﻱ ﻣﯧﯟﯨﺴﻰ ﺗﻪﻧﭽﯩﺴﻰ ﻣﯧﻼﺗﻮﻧﯩﻦ ﯞﻩ 5-ﮔﯩﺪﺭﻭﻛﺴﻰ ﺗﺮﯨﭙﺘﺎﻣﯩﻦ (5-HT)ﺩﯨﻦ ﺋﯩﺒﺎﺭﻩﺕ ﺑﯘ ﺋﯩﻜﻜﻰ ﺧﯩﻞ ﻣﺎﺩﺩﯨﻨﻰ ﺋﺎﺟﺮﯨﺘﯩﭗ ﭼﯩﻘﯩﺮﯨﺪﯗ، ﺋﺎﺩﻩﺗﺘﻪ ﺑﯘ ﺋﯩﻜﻜﻰ ﺧﯩﻞ ﻣﺎﺩﺩﺍ ﮪﻪﺭﯨﻜﻪﺗﭽﺎﻥ ﺗﻪﯕﭙﯘﯕﻠﯘﻕ ﮪﺎﻟﯩﺘﯩﺪﻩ ﺗﯘﺭﯨﺪﯗ، ﻟﯧﻜﯩﻦ ﺋﻪﮔﻪﺭ ﮪﺎﯞﺍ ﺗﯘﺗﯘﻕ، ﻳﺎﻣﻐﯘﺭ ﻳﺎﻏﻘﺎﻧﺪﺍ ﻣﯧﻼﺗﻮﻧﯩﻨﻨﯩﯔ ﺋﺎﺟﺮﯨﻠﯩﭗ ﭼﯩﻘﯩﺸﻰ ﻛﯚﭘﯩﻴﯩﺪﯗ، ﻛﻪﻳﭙﯩﻴﺎﺗﻨﻰ ﺗﻪﯕﺸﻪﻳﺪﯨﻐﺎﻥ 5-ﮔﯩﺪﺭﻭﻛﺴﻰ ﺗﺮﯨﭙﺘﺎﻣﯩﻦ (5-HT) ﻧﯩﯔ ﺋﺎﺟﺮﯨﻠﯩﭗ ﭼﯩﻘﯩﺸﻰ ﺋﺎﺯﯨﻴﯩﺪﯗ، ﺑﯘ ﺧﯩﻞ ﺋﯩﭽﻜﻰ ﺋﺎﺟﺮﺍﺗﻤﯩﻨﯩﯔ ﺩﺍﯞﺍﻟﻐﯘﺷﻰ ﻛﯩﺸﯩﻠﻪﺭﻧﯩﯔ ﻛﻪﻳﭙﯩﻴﺎﺗﯩﺪﺍ ﺩﺍﯞﺍﻟﻐﯘﺵ ﭘﻪﻳﺪﺍ ﻗﯩﻠﯩﭗ، ﺋﺎﺳﺎﻥ ﺋﺎﭼﭽﯩﻘﻠﯩﻨﯩﺪﯨﻐﺎﻥ ﺑﻮﻟﯘﭖ ﻗﺎﻟﯩﺪﯗ.

ﺗﯩﻠﻐﺎ ﺋﯧﻠﯩﺸﻘﺎ ﺋﻪﺭﺯﯨﻴﺪﯨﻐﯩﻨﻰ ﺷﯘﻛﻰ، ﮪﺎﯞﺍ ﺗﯘﺗﯘﻕ، ﻳﺎﻣﻐﯘﺭﻟﯘﻕ ﻛﯜﻧﻠﻪﺭﺩﻩ ﻗﯘﻳﺎﺵ ﻧﯘﺭﻯ ﻛﻪﻣﭽﯩﻞ ﺑﻮﻟﺴﺎ، ﺋﺎﺩﻩﻣﻨﯩﯔ ﺳﯧﺮﻭﺗﻮﻧﯩﻦ ﻣﯩﻘﺪﺍﺭﻯ ﺗﯚﯞﻩﻧﻠﻪﭖ، ﻛﺎﺭﺑﻮﻥ ﺳﯘ ﺑﯩﺮﯨﻜﻤﯩﻠﯩﺮﯨﮕﻪ ﺑﻮﻟﻐﺎﻥ ﺋﯩﻨﺘﯩﻠﯩﺸﻰ ﺋﯧﺸﯩﭗ ﻛﯧﺘﯩﺪﯗ، ﺑﯘ ﺧﯩﻞ ﻧﺎﭼﺎﺭ ﮪﺎﯞﺍﺭﺍﻳﯩﺪﺍ، ﻛﯩﺸﯩﻠﻪﺭ ﺩﺍﺋﯩﻢ ﺋﯩﺴﺴﯩﻘﻠﯩﻖ ﻣﯩﻘﺪﺍﺭﻯ ﻳﯘﻗﯩﺮﻯ ﻳﯧﻤﻪﻛﻠﯩﻜﻠﻪﺭﻧﻰ ﻳﯧﻴﯩﺸﻨﻰ ﺋﺎﺭﺯﯗ ﻗﯩﻠﯩﭗ، ﺳﻪﻣﺮﯨﭗ ﻛﯧﺘﯩﺶ ﺋﯧﮭﺘﯩﻤﺎﻟﻠﯩﻘﯩﻨﻰ ﺋﺎﺷﯘﺭﯗﯞﯦﺘﯩﺪﯗ، ﺷﯘﻧﯩﯔ ﺑﯩﻠﻪﻥ ﺑﻪﺩﻩﻥ ﺷﻪﻛﻠﻰ ﻧﺎﭼﺎﺭ ﮪﺎﯞﺍﺭﺍﻳﯩﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﭖ، ﻧﺎﭼﺎﺭ ﻛﻪﻳﭙﯩﻴﺎﺗﺘﯩﻜﻰ ﻳﻪﻧﻪ ﺑﯩﺮ ﺯﯨﻴﺎﻧﻜﻪﺷﻠﯩﻜﻜﻪ ﺋﯘﭼﺮﯨﻐﯘﭼﯩﻐﺎ ﺋﺎﻳﻠﯩﻨﯩﺪﯗ.

ﭘﯩﺴﺨﯩﻜﺎ ﻣﯘﺗﻪﺧﻪﺳﺴﯩﺴﻰ ﭘﯩﺮﻭﻓﯧﺴﺴﻮﺭ ﺭﻭﯓ ﺷﯩﻨﭽﻰ ﺋﻪﺳﻜﻪﺭﺗﯩﭗ ﻣﯘﻧﺪﺍﻕ ﺩﯦﺪﻯ: ﺋﻪﮔﻪﺭ ﺳﯩﺰ ﮪﺎﯞﺍﻧﯩﯔ ﻳﺎﺧﺸﻰ-ﻳﺎﻣﺎﻧﻠﯩﻘﻰ ﻛﻪﻳﭙﯩﻴﺎﺗﻘﺎ ﺗﻪﺳﯩﺮ ﻛﯚﺭﺳﯩﺘﯩﺪﯨﻐﺎﻥ ﺋﺎﺩﻩﻡ ﺑﻮﻟﺴﯩﯖﯩﺰ، ﺋﯘﻧﻰ «ﻳﯜﻛﺴﻪﻙ ﺳﻪﺯﮔﯜﺭ ﺗﯩﭙﻠﯩﻖ» ﻛﯩﺸﯩﻠﻪﺭ ﺗﻮﭘﻰ ﺩﻩﭖ ﺋﺎﻳﺮﯨﺸﻘﺎ ﺑﻮﻟﯩﺪﯗ، ﺗﻪﺗﻘﯩﻘﺎﺗﺘﺎ ﺑﺎﻳﻘﯩﻠﯩﺸﯩﭽﻪ، ﺗﻪﺧﻤﯩﻨﻪﻥ %15ﺗﯩﻦ %20ﻛﯩﭽﻪ ﺑﻮﻟﻐﺎﻥ ﻛﯩﺸﯩﻠﻪﺭ ﻳﯘﻗﯩﺮﻯ ﺳﻪﺯﮔﯜﺭ ﺗﯩﭙﻘﺎ ﺗﻪﯞﻩ ﺑﻮﻟﯘﭖ، ﺑﯘ ﺧﯩﻞ ﻛﯩﺸﯩﻠﻪﺭ ﮪﺎﯞﺍ ﺭﺍﻳﯩﻨﯩﯔ ﺋﯚﺯﮔﯩﺮﯨﺸﯩﮕﻪ ﻳﻮﻟﯘﻗﻘﺎﻧﺪﺍ، ﺳﯧﺰﯨﺶ ﺋﯩﻘﺘﯩﺪﺍﺭﻯ ﺑﺎﺷﻘﯩﻼﺭﻏﺎ ﻗﺎﺭﯨﻐﺎﻧﺪﺍ ﺗﯧﺨﯩﻤﯘ ﻛﯜﭼﻠﯜﻙ ﺑﻮﻟﯩﺪﯨﻜﻪﻥ. ﺋﻪﺟﯩﺒﺎ ﺳﯩﺰ ﺑﯘ %15-%20 ﺋﺎﻻﮪﯩﺪﻩ ﻛﯩﺸﯩﻠﻪﺭ ﺗﻮﭘﯩﻐﺎ ﺗﻪﯞﻩﻣﯘ؟