ﺑﯘﺭﯗﻥ ﻳﺎﻟﻠﯘﻏﯩﻨﯩﯔ ﻳﺎﺵ-ﺋﯚﺳﻤﯜﻟﻪﺭﮔﻪ ﺋﯧﻠﯩﭗ ﻛﯧﻠﯩﺪﯨﻐﺎﻥ ﺯﯨﻴﯩﻨﻰ

ﺳﯩﻨﺎ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﺑﺎﻟﯩﻠﯩﺮﯨﻨﯩﯔ ﺳﺎﻏﻼﻡ ﺋﯚﺳﯜﭖ ﻳﯧﺘﯩﻠﯩﺸﻰ ﮪﻪﺭﺑﯩﺮ ﺋﺎﺗﺎ-ﺋﺎﻧﺎ ﺑﻮﻟﻐﯘﭼﯩﻨﯩﯔ ﺋﻮﺭﺗﺎﻕ ﺋﺎﺭﺯﯗﺳﻰ. ﻟﯧﻜﯩﻦ ﻳﺎﺵ-ﺋﯚﺳﻤﯜﺭﻟﻪﺭﻧﯩﯔ ﺋﯩﻤﻤﯘﻧﯩﺘﯧﺖ ﻛﯜﭼﻰ ﭼﻮﯕﻼﺭﻏﺎ ﺳﯧﻠﯩﺸﺘﯘﺭﻏﺎﻧﺪﺍ ﻧﯩﺴﺒﻪﺗﻪﻥ ﺋﺎﺟﯩﺰ ﺑﻮﻟﻐﺎﭼﻘﺎ، ﮪﻪﺭ ﺧﯩﻞ ﻛﯧﺴﻪﻟﻠﯩﻜﻠﻪﺭﮔﻪ ﮔﯩﺮﯨﭙﺘﺎﺭ ﺑﻮﻟﯘﺵ ﻧﯩﺴﺒﯩﺘﯩﻤﯘ ﭼﻮﯕﻼﺭﻧﯩﯖﻜﯩﺪﯨﻦ ﻳﯘﻗﯩﺮﻯ ﺑﻮﻟﯩﺪﯗ. ﺑﯘﺭﯗﻥ ﻳﺎﻟﻠﯘﻏﻰ ﺩﻩﻝ ﻳﺎﺵ-ﺋﯚﺳﻤﯜﺭﻟﻪﺭﺩﻩ ﻛﯚﭖ ﻛﯚﺭﯛﻟﯩﺪﯨﻐﺎﻥ ﻛﯧﺴﻪﻟﻠﯩﻚ ﺑﻮﻟﯘﭖ، ﺑﺎﻟﺪﯗﺭ ﺩﺍﯞﺍﻻﺵ ﺋﯧﻠﯩﭗ ﺑﺎﺭﻣﯩﻐﺎﻧﺪﺍ، ﺑﺎﺷﻘﺎ ﺳﺎﻏﻼﻣﻠﯩﻖ ﺧﻪﯞﭘﻠﯩﺮﯨﻨﻰ ﺷﻪﻛﯩﻠﻠﻪﻧﺪﯛﺭﯨﺪﯗ.

ﻳﺎﺵ-ﺋﯚﺳﻤﯜﻟﻪﺭﮔﻪ ﻧﯩﺴﺒﻪﺗﻪﻥ ﺑﯘﺭﯗﻥ ﻳﺎﻟﻠﯘﻏﻰ ﻗﺎﻧﺪﺍﻕ ﺳﺎﻏﻼﻣﻠﯩﻖ ﻣﻪﺳﯩﻠﯩﻠﯩﺮﯨﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ؟

1. ﻗﺎﻧﺪﯨﻜﻰ ﺋﻮﻛﺴﯩﮕﯧﻨﻨﯩﯔ ﻗﻮﻳﯘﻗﻠﯘﻗﻰ ﺗﯚﯞﻩﻧﻠﻪﺵ

ﻧﻮﺭﻣﺎﻝ ﻧﻪﭘﻪﺳﻠﯩﻨﯩﺶ ﺷﻪﺭﺗﻰ ﺋﺎﺳﺘﯩﺪﯨﻼ، ﺋﺎﺩﻩﻡ ﺑﻪﺩﯨﻨﻰ ﻗﺎﻧﺪﯨﻜﻰ ﺋﻮﻛﺴﯩﮕﯧﻨﻨﯩﯔ ﻳﯧﺘﻪﺭﻟﯩﻚ ﻗﻮﻳﯘﻗﻠﯘﻕ ﺩﻩﺭﯨﺠﯩﺴﯩﻨﻰ ﺳﺎﻗﻠﯩﻴﺎﻻﻳﺪﯗ. ﺋﻪﻣﻤﺎ ﺑﯘﺭﯗﻥ ﻳﺎﻟﻠﯘﻏﯩﻐﺎ ﮔﯩﺮﯨﭙﺘﺎﺭ ﺑﻮﻟﻐﺎﻧﺪﯨﻦ ﻛﯧﻴﯩﻦ، ﺑﯘﺭﯗﻥ ﭘﯜﺗﯜﭖ ﻗﯧﻠﯩﺶ ﻗﺎﺗﺎﺭﻟﯩﻖ ﺋﺎﻻﻣﻪﺗﻠﻪﺭ ﻛﯚﺭﯛﻟﯜﭖ، ﻧﻪﭘﻪﺳﻠﯩﻨﯩﺶ ﺗﻮﺳﻘﯘﻧﻠﯘﻗﻘﺎ ﺋﯘﭼﺮﺍﻳﺪﯗ ﯞﻩ ﺑﯩﺮ ﻗﺎﺗﺎﺭ ﺯﻩﻧﺠﯩﺮﺳﯩﻤﺎﻥ ﺭﯦﺌﺎﻛﺴﯩﻴﯩﻠﻪﺭ ﭘﻪﻳﺪﺍ ﺑﻮﻟﯩﺪﯗ. ﺑﯘﻧﯩﯔ ﺑﯩﻠﻪﻥ ﻗﺎﻧﺪﯨﻜﻰ ﺋﻮﻛﺴﯩﮕﯧﻨﻨﯩﯔ ﻗﻮﻳﯘﻗﻠﯘﻕ ﺩﻩﺭﯨﺠﯩﺴﻰ ﻛﯚﺭﯛﻧﻪﺭﻟﯩﻚ ﺗﯚﯞﻩﻧﻠﻪﻳﺪﯗ.

2. ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﺗﯚﯞﻩﻧﻠﻪﺵ

ﺑﯘﺭﯗﻥ ﻳﺎﻟﻠﯘﻏﻰ ﺳﻪﯞﻩﺑﻠﯩﻚ ﺑﺎﻟﯩﻼﺭﺩﺍ ﺑﯩﺌﺎﺭﺍﻣﻠﯩﻖ ﺷﻪﻛﯩﻠﻠﯩﻨﯩﭗ، ﺩﯨﻘﻘﻪﺗﻨﻰ ﻣﻪﺭﻛﻪﺯﻟﻪﺷﺘﯜﺭﻩﻟﻤﻪﻳﺪﯗ. ﺑﯘﻧﯩﯖﺪﯨﻦ ﺑﺎﺷﻘﺎ، ﻗﺎﻧﺪﯨﻜﻰ ﺋﻮﻛﺴﯩﮕﯧﻨﻨﯩﯔ ﻗﻮﻳﯘﻗﻠﯘﻗﻰ ﺗﯚﯞﻩﻧﻠﻪﺵ ﺳﻪﯞﻩﺑﻠﯩﻚ، ﺑﺎﻟﯩﻼﺭﺩﺍ ﻳﻪﻧﻪ ﻣﺎﻏﺪﯗﺭﺳﯩﺰﻟﯩﻨﯩﺶ، ﺋﯘﻳﻘﯘﺳﯩﺮﺍﺵ ﺋﻪﮪﯟﺍﻟﻠﯩﺮﻯ ﻛﯧﻠﯩﭗ ﭼﯩﻘﯩﺪﯗ. ﯞﺍﻗﯩﺖ ﺋﯘﺯﺍﺭﻏﺎﻧﺴﯧﺮﻯ ﺑﯘ ﺑﺎﻟﯩﻼﺭﻧﯩﯔ ﺋﻪﺳﺘﻪ ﺗﯘﺗﯘﺵ ﻗﺎﺑﯩﻠﯩﻴﯩﺘﻰ ﯞﻩ ﺗﻪﭘﻪﻛﻜﯘﺭ ﻗﯩﻠﯩﺶ ﺋﯩﻘﺘﯩﺪﺍﺭﯨﻐﺎ ﺗﻪﺳﯩﺮ ﻳﻪﺗﻜﯜﺯﯨﺪﯗ.

3. ﺧﻮﺭﻩﻙ ﺗﺎﺭﺗﯩﺶ

ﺋﻪﮔﻪﺭ ﺑﯘﺭﯗﻥ ﻳﺎﻟﻠﯘﻏﻰ ﯞﺍﻗﺘﯩﺪﺍ ﺩﺍﯞﺍﻻﻧﻤﯩﺴﺎ ﯞﻩ ﺋﯘﺯﺍﻗﻘﯩﭽﻪ ﺳﺎﻗﺎﻳﻤﯩﺴﺎ، ﺑﯘﺭﯗﻥ ﺷﯩﻠﻠﯩﻖ ﭘﻪﺭﺩﯨﺴﯩﻨﯩﯔ ﺋﯚﺳﯜﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ، ﺷﯘﻧﯩﯔ ﺑﯩﻠﻪﻥ ﺑﯘﺭﯗﻥ ﭘﯜﺗﯜﭖ ﻗﯧﻠﯩﺶ ﺋﺎﻻﻣﻪﺗﻠﯩﺮﻯ ﺑﺎﺭﻏﺎﻧﺴﯧﺮﻯ ﺋﯧﻐﯩﺮﻟﯩﺸﯩﺪﯗ. ﺑﯘﻧﯩﯔ ﺑﯩﻠﻪﻥ ﻧﻪﭘﻪﺱ ﻳﻮﻟﻰ ﺗﻮﺳﻘﯘﻧﻠﯘﻗﻘﺎ ﺋﯘﭼﺮﺍﭖ، ﺋﯘﺧﻠﯩﻐﺎﻧﺪﺍ ﺧﻮﺭﻩﻙ ﺗﺎﺭﺗﯩﺶ ﺋﻪﮪﯟﺍﻟﻰ ﻛﯚﺭﯛﻟﯩﺪﯗ.

4. ﺑﻪﺩﻩﻧﻨﯩﯔ ﻳﯧﺘﯩﻠﯩﺸﻰ ﺗﻮﺳﻘﯘﻧﻠﯘﻗﻘﺎ ﺋﯘﭼﺮﺍﺵ

ﻳﺎﺵ-ﺋﯚﺳﻤﯜﺭﻟﯜﻙ ﻣﻪﺯﮔﯩﻠﻰ ﺑﺎﻟﯩﻼﺭﻧﯩﯔ ﺋﯚﺳﯜﭖ ﻳﯧﺘﯩﻠﯩﺸﯩﺪﯨﻜﻰ ﺋﻪﯓ ﻣﯘﮪﯩﻢ، ﺷﯘﻧﺪﺍﻗﻼ ﺋﻪﯓ ﻳﺎﺧﺸﻰ ﻣﻪﺯﮔﯩﻞ ﺑﻮﻟﯘﭖ، ﺑﯘ ﻣﻪﺯﮔﯩﻠﺪﻩ ﻛﯚﭖ ﺳﺎﻧﺪﯨﻜﻰ ﺋﯚﺳﺘﯜﺭﮔﯜﭼﻰ ﮪﻮﺭﻣﻮﻧﻼﺭ ﺑﺎﻟﯩﻼﺭ ﭼﻮﯕﻘﯘﺭ ﺋﯘﻳﻘﯘ ﮪﺎﻟﯩﺘﯩﮕﻪ ﻛﯩﺮﮔﻪﻧﺪﯨﻼ ﺋﺎﺟﺮﯨﺘﯩﭗ ﭼﯩﻘﯩﺮﯨﻠﯩﺪﯗ. ﻟﯧﻜﯩﻦ ﺑﯘﺭﯗﻥ ﻳﺎﻟﻠﯘﻏﯩﻐﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ ﺑﺎﻟﯩﻼﺭ ﺋﺎﺳﺎﻧﻠﯩﻘﭽﻪ ﻗﺎﺗﺘﯩﻖ ﺋﯘﻳﻘﯘ ﮪﺎﻟﯩﺘﯩﮕﻪ ﻛﯩﺮﻩﻟﻤﻪﻳﺪﯗ، ﺑﻪﺯﯨﺪﻩ ﮪﻪﺗﺘﺎ ﺋﯘﺧﻼﺷﻤﯘ ﺗﻪﺳﻜﻪ ﭼﯜﺷﯩﺪﯗ. ﯞﺍﻗﯩﺖ ﺋﯘﺯﺍﺭﻏﺎﻧﺴﯧﺮﻯ ﺑﻪﺩﻩﻥ ﻳﯧﺘﻪﺭﻟﯩﻚ ﺋﯚﺳﺘﯜﺭﮔﯜﭼﻰ ﮪﻮﺭﻣﯘﻧﻐﺎ ﺋﯧﺮﯨﺸﻪﻟﻤﻪﻱ، ﺋﯚﺳﯜﭖ ﻳﯧﺘﯩﻠﯩﺶ ﺳﯜﺭﺋﯩﺘﯩﻨﻰ ﺋﺎﺳﺘﯩﻠﯩﺘﯩﺪﯗ.

5. ﻛﯚﺭﯛﺵ ﻗﯘﯞﯞﯨﺘﯩﮕﻪ ﺗﻪﺳﯩﺮﮔﻪ ﺋﯘﭼﺮﺍﺵ

ﺋﻪﮔﻪﺭ ﺑﯘﺭﯗﻥ ﻳﺎﻟﻠﯘﻏﻰ ﯞﺍﻗﺘﯩﺪﺍ ﺩﺍﯞﺍﻻﻧﻤﯩﺴﺎ، ﻳﻪﻧﻪ ﺑﯘﺭﯗﻥ ﻛﺎﯞﯨﻜﻰ ﻳﺎﻟﻠﯘﻏﯩﻐﺎ ﺗﻪﺭﻩﻗﻘﯩﻲ ﻗﯩﻠﯩﭗ، ﻛﯚﺯ ﭼﺎﻧﯩﻘﻰ ﺋﻪﺗﺮﺍﭘﯩﺪﯨﻐﺎ ﺑﯘﺭﯗﻥ ﺳﯘﻳﯘﻗﻠﯘﻗﻰ ﻳﯩﻐﯩﻠﯩﭗ، ﻛﯚﺯﮔﻪ ﺑﻮﻟﻐﺎﻥ ﺑﯧﺴﯩﻤﻨﻰ ﺋﺎﺷﯘﺭﯗﯞﯦﺘﯩﺪﯗ ﯞﻩ ﻳﯘﻗﯘﻣﻠﯩﻨﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ، ﺑﺎﻟﯩﻼﺭﻧﯩﯔ ﻛﯚﺭﯛﺵ ﻧﯧﺮﯞﯨﺴﯩﻨﻰ ﺯﻩﺧﯩﻤﻠﻪﻧﺪﯛﺭﯛﭖ، ﺋﺎﺧﯩﺮﯨﺪﺍ ﻛﯚﺭﯛﺵ ﻗﯘﯞﯞﯨﺘﯩﻨﻰ ﺋﯜﺯﻟﯜﻛﺴﯩﺰ ﺋﺎﺟﯩﺰﻻﺷﺘﯘﺭﯗﯞﯦﺘﯩﺪﯗ.

ﺷﯘﯕﺎ، ﻳﺎﺵ-ﺋﯚﺳﻤﯜﺭﻟﻪﺭﺩﻩ ﺑﯘﺭﯗﻥ ﻳﺎﻟﻠﯘﻏﻰ ﻛﯚﺭﯛﻟﺴﻪ، ﺋﺎﺗﺎ-ﺋﺎﻧﯩﻼﺭ ﯞﺍﻗﺘﯩﺪﺍ ﺩﻭﺧﺘﯘﺭﺧﺎﻧﯩﻐﺎ ﺋﯧﻠﯩﭗ ﺑﯧﺮﯨﭗ ﻣﯘﻧﺎﺳﯩﯟﻩﺗﻠﯩﻚ ﺗﻪﻛﺸﯜﺭﯛﺵ ﯞﻩ ﺩﺍﯞﺍﻻﺷﻨﻰ ﻗﻮﺑﯘﻝ ﻗﯩﻠﯩﭗ، ﻛﯧﺴﻪﻟﻠﯩﻜﻨﯩﯔ ﻳﻪﻧﯩﻤﯘ ﺗﻪﺭﻩﻗﻘﯩﻲ ﻗﯩﻠﯩﺸﻰ ﻳﺎﻛﻰ ﻛﯧﺴﻪﻟﻠﯩﻜﻨﯩﯔ ﺋﯘﺯﺍﻗﻘﯩﭽﻪ ﺳﺎﻗﺎﻳﻤﺎﺳﻠﯩﻘﻰ ﺳﻪﯞﻩﺑﻠﯩﻚ ﺑﺎﺷﻘﺎ ﻛﯧﺴﻪﻟﻠﯩﻜﻠﻪﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺸﯩﺪﯨﻦ ﺳﺎﻗﻠﯩﻨﯩﺶ ﻛﯧﺮﻩﻙ.