ﮪﻪﺭﻛﯜﻧﻰ ﺑﯘ ﻣﯧﯟﯨﻨﻰ ﻳﯧﮕﻪﻧﺪﻩ ﻛﻪﻳﭙﯩﻴﺎﺕ ﮪﺎﻳﺎﺗﯩﻲ ﻛﯜﭼﯩﻤﯩﺰ ﻳﺎﺧﺸﯩﻠﯩﻨﯩﺪﯗ

ﺗﯧﯖﺸﯜﻥ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﻧﯚﯞﻩﺗﺘﻪ، ﭘﯜﺗﯜﻥ ﻳﻪﺭ ﺷﺎﺭﯨﺪﺍ ﭘﯩﺴﺨﯩﻜﺎ ﺳﺎﻏﻼﻣﻠﯩﻘﯩﻨﯩﯔ ﻳﯜﻛﻰ ﻛﯜﻧﺴﯧﺮﻯ ﺋﯧﻐﯩﺮﻟﯩﺸﯩﭗ، ﺧﺎﻣﯘﺷﻠﯘﻕ، ﺗﻪﺷﯟﯨﺸﻠﯩﻨﯩﺶ ﻛﯧﺴﻪﻟﻠﯩﻜﻠﯩﺮﯨﻨﯩﯔ ﻗﻮﺯﻏﯩﻠﯩﺶ ﻧﯩﺴﺒﯩﺘﻰ ﻛﯚﺭﯛﻧﻪﺭﻟﯩﻚ ﺋﺎﺷﻤﺎﻗﺘﺎ. ﻳﯧﻤﻪﻙ-ﺋﯩﭽﻤﻪﻙ ﯞﻩ ﺳﺎﻏﻼﻣﻠﯩﻘﻘﺎ ﻣﯘﻧﺎﺳﯩﯟﻩﺗﻠﯩﻚ ﺗﻪﺗﻘﯩﻘﺎﺗﻼﺭﺩﺍ، ﯞﯨﺘﺎﻣﯩﻦ C ﻛﯩﺸﯩﻠﻪﺭﻧﯩﯔ ﺩﯨﻘﻘﯩﺘﯩﻨﻰ ﺧﯧﻠﻰ ﺗﺎﺭﺗﯩﺪﯨﻐﺎﻥ ﺑﯩﺮ ﺧﯩﻞ ﺋﻮﺯﯗﻗﻠﯘﻕ ﻣﺎﺩﺩﺍ ﺑﻮﻟﯘﭖ، ﺳﺎﻏﻼﻡ ﻗﯘﺭﺍﻣﯩﻐﺎ ﻳﻪﺗﻜﻪﻧﻠﻪﺭﻧﯩﯔ ﭘﯩﺴﺨﯩﻜﺎ ﺳﺎﻏﻼﻣﻠﯩﻖ ﺳﻪﯞﯨﻴﻪﺳﯩﻨﻰ ﻳﺎﺧﺸﯩﻼﻳﺪﯨﻐﺎﻧﻠﯩﻘﻰ ﺋﯩﺴﭙﺎﺗﻼﻧﻐﺎﻥ، ﻟﯧﻜﯩﻦ ﻛﻪﻳﭙﯩﻴﺎﺕ ﺗﻮﺳﺎﻟﻐﯘﺳﻰ ﻗﺎﺗﺎﺭﻟﯩﻖ ﺋﺎﻻﮪﯩﺪﻩ ﻛﯩﺸﯩﻠﻪﺭﮔﻪ ﻗﺎﺭﯨﺘﺎ، ﺗﻮﭘﻨﯩﯔ ﺋﯜﻧﯜﻣﻰ ﺗﯧﺨﻰ ﺋﯧﻨﯩﻖ ﺋﻪﻣﻪﺱ. ﺑﯘﻧﯩﯖﻐﺎ ﻗﺎﺭﯨﺘﺎ ﺷﯟﯦﺘﺴﺎﺭﯨﻴﻪﻧﯩﯔ «ﺋﻮﺯﯗﻗﻠﯘﻕ ﻣﺎﺩﺩﯨﻼﺭ» ﮊﯗﺭﻧﯩﻠﯩﺪﺍ ﺋﯧﻼﻥ ﻗﯩﻠﻐﺎﻥ ﺗﻪﺗﻘﯩﻘﺎﺗﺘﺎ ﻛﯚﺭﺳﯩﺘﯩﻠﯩﺸﯩﭽﻪ، ﺗﻪﺭﻛﯩﺒﯩﺪﻩ ﯞﯨﺘﺎﻣﯩﻦ ﻣﻮﻝ ﺑﻮﻟﻐﺎﻥ ﻣﺎﻳﻤﯘﻥ ﺷﺎﭘﺘﯘﻟﻰ ﻛﻪﻳﭙﯩﻴﺎﺗﻰ ﺗﻮﺳﺎﻟﻐﯘﻏﺎ ﺋﯘﭼﺮﯨﻐﺎﻥ ﻛﯩﺸﯩﻠﻪﺭﻧﯩﯔ ﺑﻪﺧﺖ ﺗﯘﻳﻐﯘﺳﻰ ﯞﻩ ﮪﺎﻳﺎﺗﯩﻲ ﻛﯜﭼﯩﻨﻰ ﻛﯚﺭﯛﻧﻪﺭﻟﯩﻚ ﻳﯘﻗﯩﺮﻯ ﻛﯚﺗﯜﺭﯨﺪﯨﻜﻪﻥ.

ﺑﯘ ﺗﻪﺗﻘﯩﻘﺎﺗﺘﺎ 18 ﻳﺎﺷﺘﯩﻦ 60 ﻳﺎﺷﻘﯩﭽﻪ ﺑﻮﻟﻐﺎﻥ، ﻳﯧﻨﯩﻚ ﺩﻩﺭﯨﺠﯩﻠﯩﻜﺘﯩﻦ ﺋﻮﺗﺘﯘﺭﺍ ﺩﻩﺭﯨﺠﯩﻠﯩﻜﻜﯩﭽﻪ ﺑﻮﻟﻐﺎﻥ ﻛﻪﻳﭙﯩﻴﺎﺕ ﺗﻮﺳﺎﻟﻐﯘﺳﯩﻐﺎ ﮔﯩﺮﯨﭙﺘﺎﺭ ﺑﻮﻟﻐﺎﻥ 26 ﻗﺎﺗﻨﺎﺷﻘﯘﭼﻰ ﺋﯩﻜﻜﻰ ﮔﯘﺭﯗﭘﭙﯩﻐﺎ ﺑﯚﻟﯜﻧﯜﭖ، ﻗﻮﺵ ﺩﻩﯞﺭﯨﻴﻠﯩﻚ ﻳﯧﻤﻪﻙ-ﺋﯩﭽﻤﻪﻙ ﺋﺎﺭﻗﯩﻠﯩﻖ ﺋﺎﺭﯨﻠﯩﺸﯩﺪﯗ، ﮪﻪﺭ ﻗﯧﺘﯩﻢ 2 ﮪﻪﭘﺘﻪ ﺩﺍﯞﺍﻣﻠﯩﺸﯩﺪﯗ، ﺋﺎﺭﯨﻠﯩﻖ ﺋﺎﺭﯨﻠﯩﻘﻰ 2 ﮪﻪﭘﺘﻪ ﺑﻮﻟﯩﺪﯗ. ﺑﯘ ﺋﺎﺭﯨﻠﯩﻘﺘﺎ، ﺋﺎﺭﯨﻠﯩﺸﯩﺶ ﮔﯘﺭﯗﭘﭙﯩﺴﻰ ﮪﻪﺭ ﻛﯜﻧﻰ ﺋﯩﻜﻜﻰ ﺗﺎﻝ ﻣﺎﻳﻤﯘﻥ ﺷﺎﭘﺘﯘﻟﻰ ﻳﻪﻳﺪﯗ، ﺳﯧﻠﯩﺸﺘﯘﺭﯗﺵ ﮔﯘﺭﯗﭘﭙﯩﺴﻰ ﻛﯜﻧﺪﯨﻠﯩﻚ ﻳﯧﻤﻪﻙ-ﺋﯩﭽﻤﯩﻜﯩﻨﻰ ﺳﺎﻗﻼﻳﺪﯗ، ﺋﺎﺳﺎﺳﯩﻲ ﻟﯩﻨﯩﻴﻪ، ﺋﯩﻜﻜﯩﻨﭽﻰ ﮪﻪﭘﺘﻪ، ﺗﯚﺗﯩﻨﭽﻰ ﮪﻪﭘﺘﯩﺪﻩ ﻛﯚﭖ ﺧﯩﻞ ﻣﯩﻘﺪﺍﺭ ﺟﻪﺩﯞﯨﻠﻰ ﺑﺎﮪﺎﻻﭖ، ﺋﯘﻧﯩﯔ ﺋﺎﺷﻘﺎﺯﺍﻥ-ﺋﯜﭼﻪﻱ ﻳﻮﻟﻰ، ﮪﺎﻳﺎﺗﯩﻲ ﻛﯜﭼﻰ، ﺑﻪﺧﺖ ﺗﯘﻳﻐﯘﺳﻰ ﻗﺎﺗﺎﺭﻟﯩﻘﻼﺭﻏﺎ ﮪﯚﻛﯜﻡ ﻗﯩﻠﯩﺪﯗ. ﻛﯧﺴﻪﻟﻠﯩﻚ ﺋﺎﻻﻣﻪﺗﻠﯩﺮﯨﻨﯩﯔ ﺋﯚﺯﮔﯩﺮﯨﺸﻰ ﮪﻪﻣﺪﻩ ﻗﺎﻧﻨﻰ ﻻﺑﻮﺭﺍﺗﻮﺭﯨﻴﯩﻠﯩﻚ ﺗﻪﻛﺸﯜﺭﯛﺵ ﺋﺎﺭﻗﯩﻠﯩﻖ ﺋﯘﻧﯩﯖﺪﯨﻜﻰ ﻗﺎﻥ ﭘﻼﺯﻣﯩﺴﯩﺪﯨﻜﻰ ﯞﯨﺘﺎﻣﯩﻦ Cﻧﯩﯔ ﻗﻮﻳﯘﻗﻠﯘﻗﯩﻨﻰ ﺋﯚﻟﭽﻪﭖ ﭼﯩﻘﻘﯩﻠﻰ ﺑﻮﻟﯩﺪﯗ. ﺋﺎﻧﺎﻟﯩﺰ ﻧﻪﺗﯩﺠﯩﺴﯩﮕﻪ ﻗﺎﺭﯨﻐﺎﻧﺪﺍ، ﺋﺎﺭﯨﻠﯩﺸﯩﺶ ﮔﯘﺭﯗﭘﭙﯩﺴﯩﻨﯩﯔ ﻛﻪﻳﭙﯩﻴﺎﺕ ﺗﻮﺳﺎﻟﻐﯘﺳﻰ ﻛﯚﺭﯛﻧﻪﺭﻟﯩﻚ ﺗﯚﯞﻩﻧﻠﻪﭖ، ﺑﻪﺧﺖ ﺗﯘﻳﻐﯘﺳﻰ، ﮪﺎﻳﺎﺗﯩﻲ ﻛﯜﭼﻰ ﺋﺎﻳﺮﯨﻢ-ﺋﺎﻳﺮﯨﻢ ﮪﺎﻟﺪﺍ%10.5 ﯞﻩ%17.3 ﺋﺎﺷﻘﺎﻥ، ﯞﯨﺘﺎﻣﯩﻦ Cﻧﯩﯔ ﻗﻮﻳﯘﻗﻠﯘﻗﯩﻤﯘ ﻛﯚﺭﯛﻧﻪﺭﻟﯩﻚ ﺋﺎﺷﻘﺎﻥ ﺳﯩﺰﯨﻘﻠﯩﻖ ﯞﺍﻗﯩﺘﺘﯩﻜﻰ 57.9 ﻣﻮﻝ ﻣﯩﻜﺮﻭ / ﻟﯩﺘﯩﺮﻧﯩﯔ ﻣﯩﻘﺪﺍﺭﻯ 73.8 ﻣﯩﻜﺮﻭ / ﻟﯩﺘﯩﺮﻏﺎ ﻳﻪﺗﻜﻪﻥ، ﺋﺎﺷﻘﺎﺯﺍﻥ-ﺋﯜﭼﻪﻱ ﻳﻮﻟﻠﯩﺮﯨﻨﯩﯔ ﻛﯧﺴﻪﻟﻠﯩﻚ ﺋﺎﻻﻣﻪﺗﻠﯩﺮﻯ ﻛﯚﺭﯛﻧﻪﺭﻟﯩﻚ ﻳﯧﻨﯩﻜﻠﯩﮕﻪﻥ، ﻟﯧﻜﯩﻦ ﺳﯧﻠﯩﺸﺘﯘﺭﯗﺵ ﮔﯘﺭﯗﭘﭙﯩﺴﯩﺪﺍ ﺭﻭﺷﻪﻥ ﺋﯚﺯﮔﯩﺮﯨﺶ ﺑﻮﻟﻤﯩﻐﺎﻥ.

ﯞﯨﺘﺎﻣﯩﻦ C ﻧﯧﺮﯞﺍ ﻳﻪﺗﻜﯜﺯﮔﯜﭼﻰ ﻣﺎﺩﺩﯨﺴﻰ، ﻣﻪﺳﯩﻠﻪﻥ ﺳﯧﺮﻭﺗﻮﻧﯩﻦ ( 5 - ﮪﯩﺪﺭﻭﻛﺴﻰ ﺗﺮﯨﭙﺘﺎﻣﯩﻦ )، ﺩﻭﭘﺎﻣﯩﻦ ﻗﺎﺗﺎﺭﻟﯩﻖ «ﺧﯘﺷﺎﻟﻠﯩﻖ ﮪﻮﺭﻣﯘﻧﻰ»ﻧﯩﯔ ﺑﯩﺮﯨﻜﯩﺸﯩﮕﻪ ﻗﺎﺗﻨﯩﺸﯩﭗ، ﺗﻪﺷﯟﯨﺸﻠﯩﻨﯩﺶ ﯞﻩ ﺧﺎﻣﯘﺷﻠﯘﻗﻘﺎ ﻗﺎﺭﺷﻰ ﺗﯘﺭﯨﺪﯗ، ﻳﻪﻧﻪ ﺋﻮﻛﺴﯩﺪﻟﯩﻨﯩﺸﻘﺎ ﻗﺎﺭﺷﻰ ﺳﯧﺰﯨﻤﭽﺎﻧﻠﯩﻘﻘﺎ ﻗﺎﺭﺷﻰ ﺗﯘﺭﯨﺪﯗ، ﻣﻪﺭﻛﯩﺰﯨﻲ ﻧﯧﺮﯞﯨﻨﻰ ﻛﯚﭖ ﺧﯩﻞ ﻗﻮﻏﺪﺍﺵ ﺭﻭﻟﯩﻐﺎ ﺋﯩﮕﻪ. ﺑﯘﻻ ﺋﻪﻣﻪﺱ، ﺗﻪﺗﻘﯩﻘﺎﺗﭽﯩﻼﺭﻧﯩﯔ ﺑﯩﻠﺪﯛﺭﯛﺷﯩﭽﻪ، ﻣﺎﻳﻤﯘﻥ ﺷﺎﭘﺘﯘﻟﻰ ﺗﻪﺭﻛﯩﺒﯩﺪﯨﻜﻰ ﻣﻮﻝ ﻳﯧﻤﻪﻛﻠﯩﻚ ﺗﺎﻻﺳﻰ ﺋﯜﭼﻪﻱ ﻳﻮﻟﯩﺪﯨﻜﻰ ﺑﺎﻛﺘﯧﺮﯨﻴﻪ ﺗﻮﭘﯩﻨﻰ ﺗﻪﯕﺸﻪﭖ، «ﻣﯧﯖﻪ ـ ﺋﯜﭼﻪﻱ ﺋﻮﻗﻰ» ﺋﺎﺭﻗﯩﻠﯩﻖ ﻛﻪﻳﭙﯩﻴﺎﺗﻨﻰ ﯞﺍﺳﯩﺘﯩﻠﯩﻚ ﻳﺎﺧﺸﯩﻼﻳﺪﯨﻜﻪﻥ؛ ﯞﯨﺘﺎﻣﯩﻦ E، ﻛﺎﻟﯩﻲ، ﻓﻮﻟﯩﻚ ﻛﯩﺴﻼﺗﺎﺳﻰ ﻗﺎﺗﺎﺭﻟﯩﻖ ﺗﻪﺭﻛﯩﺒﻠﻪﺭ ﭘﯩﺴﺨﯩﻜﺎ ﺳﺎﻏﻼﻣﻠﯩﻘﯩﻐﯩﻤﯘ ﺋﺎﻛﺘﯩﭗ ﺗﻪﺳﯩﺮ ﻛﯚﺭﺳﯩﺘﯩﺪﯗ.

ﯞﯨﺘﺎﻣﯩﻦ C ﺳﻪﯞﯨﻴﯩﺴﻰ ﻛﻠﯩﻨﯩﻜﯩﻠﯩﻖ ﺋﺎﺩﻩﺗﺘﯩﻜﻰ ﺗﻪﻛﺸﯜﺭﯛﺷﻜﻪ ﺗﻪﯞﻩ ﺋﻪﻣﻪﺱ، ﺋﻪﻣﻤﺎ ﺋﻪﮔﻪﺭ ﺑﯩﻤﺎﺭﻧﯩﯔ ﻣﯧﯟﻩ ـ ﭼﯩﯟﻩ ﯞﻩ ﻛﯚﻛﺘﺎﺕ ﻗﻮﺑﯘﻝ ﻗﯩﻠﯩﺸﻰ ﻳﯧﺘﻪﺭﻟﯩﻚ ﺑﻮﻟﻤﯩﺴﺎ، ﺑﻮﻟﯘﭘﻤﯘ ﺗﺎﻣﺎﻕ ﺗﺎﻟﻼﻳﺪﯨﻐﺎﻥ ﻛﯩﺸﯩﻠﻪﺭ ﺑﻮﻟﺴﺎ، ﺋﺎﻟﺪﻯ ﺑﯩﻠﻪﻥ ﯞﯨﺘﺎﻣﯩﻦ C ﺗﻮﻟﯘﻗﻼﺵ ﺗﻪﻛﻠﯩﭙﯩﻨﻰ ﺑﯧﺮﯨﺪﯗ. ﯞﯨﺘﺎﻣﯩﻦ C ﻧﯩﯔ ﻗﻮﺑﯘﻝ ﻗﯩﻠﯩﻨﯩﺸﻰ ﻳﯧﺘﻪﺭﻟﯩﻚ ﺑﻮﻟﻤﯩﺴﺎ (23 ﻣﯩﻜﺮﻭﻣﻮﻝ/ﻟﯩﺘﯩﺮ) ﻳﺎﻛﻰ ﻛﻪﻣﭽﯩﻞ ﺑﻮﻟﺴﺎ (11 ﻣﯩﻜﺮﻭﻣﻮﻝ/ﻟﯩﺘﯩﺮ) ﺋﻮﺭﮔﺎﻧﯩﺰﻣﺪﺍ ﺋﺎﺳﺎﻧﻼ ﭼﺎﺭﭼﺎﺵ، ﻛﻪﻳﭙﯩﻴﺎﺕ ﺗﯚﯞﻩﻧﻠﻪﺵ ﻛﯚﺭﯛﻟﯩﺪﯗ، ﺋﯘﻧﯩﯔ ﺋﯜﺳﺘﯩﮕﻪ ﺋﺎﺳﺎﻧﻼ ﻛﯧﺴﻪﻝ ﺑﻮﻟﯘﭖ ﻗﺎﻟﯩﺪﯗ. ﻟﯧﻜﯩﻦ ﮪﺎﺯﯨﺮ ﻳﻪﺭ ﺷﺎﺭﯨﺪﯨﻜﻰ ﺗﻪﺧﻤﯩﻨﻪﻥ 35 %ﺋﺎﺩﻩﻣﻨﯩﯔ ﯞﯨﺘﺎﻣﯩﻦ C ﻗﻮﺑﯘﻝ ﻗﯩﻠﯩﺸﻰ ﻳﯧﺘﻪﺭﻟﯩﻚ ﺋﻪﻣﻪﺱ، ﺗﻪﺧﻤﯩﻨﻪﻥ 15 %ﺋﺎﺩﻩﻡ ﻛﻪﻣﭽﯩﻞ ﮪﺎﻟﻪﺗﺘﻪ. ﺗﯜﻥ ﺑﻮﻳﻰ ﻛﯩﺮﭘﯩﻚ ﻗﺎﻗﻤﺎﻳﺪﯨﻐﺎﻥ، ﺑﯧﺴﯩﻤﻰ ﺋﯧﻐﯩﺮ ﻛﯩﺸﯩﻠﻪﺭ ﺗﻮﭘﯩﺪﺍ ﺋﺎﺳﺎﻧﻼ ﻛﻪﻳﭙﯩﻴﺎﺕ ﺗﻮﺳﺎﻟﻐﯘﺳﻰ، ﭼﺎﺭﭼﺎﺵ ﻛﯚﺭﯛﻟﯩﺪﯗ؛ ﺋﯘﺯﯗﻥ ﻣﻪﺯﮔﯩﻞ ﺳﯩﺮﺗﺘﯩﻦ ﺗﺎﻣﺎﻕ ﻳﻪﻳﺪﯨﻐﺎﻥ، ﺗﺎﻣﺎﻕ ﺗﺎﻟﻼﻳﺪﯨﻐﺎﻥ ﻛﯩﺸﯩﻠﻪﺭ ﺗﻮﭘﯩﻨﯩﯔ ﻗﻮﺑﯘﻝ ﻗﯩﻠﯩﺸﻰ ﻳﯧﺘﻪﺭﻟﯩﻚ ﺑﻮﻟﻤﺎﻳﺪﯗ؛ ﺗﺎﻣﺎﻛﺎ ﭼﯧﻜﯩﺪﯨﻐﺎﻥ (ﺋﯩﻜﻜﯩﻠﻪﻣﭽﻰ ﺗﺎﻣﺎﻛﺎ ﭼﯧﻜﯩﺪﯨﻐﺎﻥ) ﻛﯩﺸﯩﻠﻪﺭ ﺗﻮﭘﻰ ﺋﯩﭽﯩﺪﯨﻜﻰ ﺋﻮﻛﺴﯩﺪﻟﯩﻨﯩﺶ ﺳﯧﺰﯨﻤﭽﺎﻧﻠﯩﻘﻰ ﻳﯘﻗﯩﺮﻯ ﺑﻮﻟﯩﺪﯗ؛ ﮪﺎﻣﯩﻠﯩﺪﺍﺭﻟﯩﻖ ﻣﻪﺯﮔﯩﻠﯩﺪﻩ ﺋﺎﻳﺎﻟﻼﺭﻧﯩﯔ ﯞﯨﺘﺎﻣﯩﻦ C ﺗﻪﺷﻪﺑﺒﯘﺳﻜﺎﺭﻟﯩﻖ ﺑﯩﻠﻪﻥ ﮪﺎﻣﯩﻠﯩﮕﻪ ﻳﯚﺗﻜﯩﻠﯩﺪﯗ؛ ﻛﯧﺴﻪﻟﻠﯩﻜﻨﯩﯔ ﺋﻪﺳﻠﯩﮕﻪ ﻛﯧﻠﯩﺶ ﻣﻪﺯﮔﯩﻠﯩﺪﻩ ﻛﯩﺸﯩﻠﻪﺭﻧﯩﯔ ﯞﯨﺘﺎﻣﯩﻨﻨﯩﯔ ﺧﻮﺭﺍﺵ ﻣﯩﻘﺪﺍﺭﻯ ﻛﯚﭖ ﺑﻮﻟﯩﺪﯗ، ﺷﯘﯕﺎ ﯞﯨﺘﺎﻣﯩﻦ ﺗﻮﻟﯘﻗﻼﺷﻘﺎ ﺗﯧﺨﯩﻤﯘ ﺩﯨﻘﻘﻪﺕ ﻗﯩﻠﯩﺶ ﻛﯧﺮﻩﻙ.

ﺋﺎﺩﻩﻡ ﺑﻪﺩﯨﻨﻰ ﯞﯨﺘﺎﻣﯩﻦ Cﻧﻰ ﺋﯚﺯﻟﯜﻛﯩﺪﯨﻦ ﺑﯩﺮﯨﻜﺘﯜﺭﻩﻟﻤﯩﮕﻪﭼﻜﻪ، ﺗﺎﺷﻘﻰ ﻣﻪﻧﺒﻪﻟﯩﻚ ﻳﯧﻤﻪﻙ-ﺋﯩﭽﻤﻪﻙ ﻳﺎﻛﻰ ﻗﯘﯞﯞﻩﺕ ﺩﻭﺭﯨﻠﯩﺮﯨﺪﯨﻦ ﺋﯧﻠﯩﺸﻘﺎ ﺗﻮﻏﺮﺍ ﻛﯧﻠﯩﺪﯗ. ﻳﯧﻤﻪﻛﻠﯩﻜﻨﻰ ﺋﺎﻟﺪﯨﻨﻘﻰ ﺋﻮﺭﯗﻧﻐﺎ ﻗﻮﻳﯘﺵ، ﻳﯧﻤﻪﻛﻠﯩﻚ ﺗﻮﻟﯘﻗﻼﺵ ﺩﻭﺭﯨﺴﻰ (ﻛﯚﭖ ﺧﯩﻞ ﯞﯨﺘﺎﻣﯩﻦ ﻣﯩﻨﯧﺮﺍﻝ ﻣﺎﺩﺩﯨﻼﺭ ﺗﺎﺑﻠﯧﺘﻜﯩﺴﻰ، ﻛﯚﭘﯜﻙ ﺗﺎﺑﻠﯧﺘﻜﯩﺴﻰ) ﺋﯘﻧﯩﯖﺪﯨﻦ ﻗﺎﻟﺴﺎ، ﺩﻭﺭﺍ ﺋﻪﯓ ﺋﺎﺧﯩﺮﯨﺪﺍ ﺑﻮﻟﯘﺷﻰ ﻛﯧﺮﻩﻙ. ﺗﻪﺑﯩﺌﯩﻲ ﻳﯧﻤﻪﻛﻠﯩﻜﻠﻪﺭ ﺋﯩﭽﯩﺪﻩ، ﻳﯧﯖﻰ ﻣﯧﯟﻩ - ﻛﯚﻛﺘﺎﺗﻼﺭ ﺋﻪﯓ ﻳﺎﺧﺸﻰ ﺗﻮﻟﯘﻗﻼﺵ ﻳﻮﻟﻰ ﮪﯧﺴﺎﺑﻠﯩﻨﯩﺪﯗ. ﺋﺎﺩﻩﺗﺘﻪ ﭼﯜﭼﯜﻣﻪﻝ ﺗﻪﻣﺪﯨﻜﻰ ﻣﯧﯟﯨﻠﻪﺭﺩﯨﻜﻰ ﯞﯨﺘﺎﻣﯩﻦ C ﻧﯩﯔ ﻣﯩﻘﺪﺍﺭﻯ ﭼﯜﭼﯜﻣﻪﻝ ﺗﻪﻣﺪﯨﻜﻰ ﻣﯧﯟﯨﻠﻪﺭﺩﯨﻦ ﻳﯘﻗﯩﺮﻯ ﺑﻮﻟﯩﺪﯗ، ﻳﻮﭘﯘﺭﻣﺎﻗﻠﯩﻖ ﻛﯚﻛﺘﺎﺗﻼﺭ ﻳﯩﻠﺘﯩﺰﺳﯩﻤﺎﻥ ﻏﻮﻝ ﺗﯜﺭﯨﺪﯨﻜﯩﻠﻪﺭ، ﻣﯧﯟﻩ - ﭼﯧﯟﻩ ﺗﯜﺭﯨﺪﯨﻜﯩﻠﻪﺭﺩﯨﻦ ﻳﯘﻗﯩﺮﻯ ﺑﻮﻟﯩﺪﯗ، ﻟﯧﻜﯩﻦ ﺑﯘ ﻣﯘﺗﻠﻪﻕ ﺋﻪﻣﻪﺱ، ﻣﻪﺳﯩﻠﻪﻥ، ﺗﺎﺗﻠﯩﻖ ﻣﯘﭼﺘﯩﻜﻰ ﯞﯨﺘﺎﻣﯩﻦ C (130 ﻣﯩﻠﻠﯩﮕﯩﺮﺍﻡ/100 ﮔﯩﺮﺍﻡ)ﻧﯩﯔ ﻣﯩﻘﺪﺍﺭﻯ ﭘﺎﻟﻪﻙ (32 ﻣﯩﻠﻠﯩﮕﯩﺮﺍﻡ/100 ﮔﯩﺮﺍﻡ)ﺩﯨﻦ ﺧﯧﻠﯩﻼ ﻳﯘﻗﯩﺮﻯ. ﻛﯜﻧﺪﻩ ﺑﯩﺮ ﺟﯩﯔ ﻛﯚﻛﺘﺎﺕ ،ﻳﯧﺮﯨﻢ ﺟﯩﯔ ﻣﯧﯟﻩ - ﭼﯧﯟﻩ ﻳﯧﺴﯩﻼ ﯞﯨﺘﺎﻣﯩﻦ C ﻗﻮﺑﯘﻝ ﻗﯩﻠﯩﺶ ﺋﺎﺳﺎﺳﯩﻲ ﺟﻪﮪﻪﺗﺘﯩﻦ ﺋﯚﻟﭽﻪﻣﮕﻪ ﻳﯧﺘﯩﺪﯗ.

ﻛﯚﭖ ﺋﯘﭼﺮﺍﻳﺪﯨﻐﺎﻥ ﻣﯧﯟﻩ-ﭼﯧﯟﯨﻠﻪﺭﻧﯩﯔ ﺗﻪﺭﻛﯩﺒﯩﺪﯨﻜﻰ ﯞﯨﺘﺎﻣﯩﻦ C ﻧﯩﯔ ﻣﯩﻘﺪﺍﺭﻯ

ﺳﯘﺩﺍ ﺋﯧﺮﯨﺸﭽﺎﻥ ﯞﯨﺘﺎﻣﯩﻦ ﺑﻮﻟﯘﺵ ﺳﯜﭘﯩﺘﻰ ﺑﯩﻠﻪﻥ، ﯞﯨﺘﺎﻣﯩﻦ C ﻣﺎﮪﯩﻴﻪﺗﺘﻪ ﻣﯘﻗﯩﻢ ﺑﻮﻟﻤﺎﻳﺪﯗ، ﻧﯘﺭﺩﯨﻦ، ﺋﯩﺴﺴﯩﻘﺘﯩﻦ، ﻛﯩﺴﻼﺗﺎ-ﺋﯩﺸﻘﺎﺭﺩﯨﻦ ﻗﻮﺭﻗﯩﺪﯗ، ﻳﯘﻗﯩﺮﻯ ﺗﯧﻤﭙﯧﺮﺍﺗﯘﺭﯨﺪﺍ ﭘﯩﺸﯘﺭﯗﺵ، ﺋﯘﺯﺍﻕ ﻣﯘﺩﺩﻩﺕ ﺳﺎﻗﻼﺵ ﻗﺎﺗﺎﺭﻟﯩﻘﻼﺭﻧﯩﯔ ﮪﻪﻣﻤﯩﺴﻰ ﺋﯘﻧﻰ ﻛﯚﭖ ﻣﯩﻘﺪﺍﺭﺩﺍ ﻳﻮﻗﯩﺘﯩﭗ ﻗﻮﻳﯩﺪﯗ، ﺷﯘﯕﺎ ﺧﺎﻡ ﻣﯧﯟﻩ-ﭼﯧﯟﯨﻠﻪﺭﻧﻰ ﻳﯧﻴﯩﺸﻨﻰ ﺳﯩﻨﺎﭖ ﺑﯧﻘﯩﺸﻘﺎ ﺑﻮﻟﯩﺪﯗ. ﺋﺎﭘﯧﻠﺴﯩﻦ (33 ﻣﯩﻠﻠﯩﮕﯩﺮﺍﻡ / 100 ﮔﯩﺮﺍﻡ)، ﺑﯚﻟﺠﯜﺭﮔﻪﻥ (47 ﻣﯩﻠﻠﯩﮕﯩﺮﺍﻡ / 100 ﮔﯩﺮﺍﻡ) ﻗﺎﺗﺎﺭﻟﯩﻖ ﻣﯧﯟﯨﻠﻪﺭﮔﻪ ﺳﯧﻠﯩﺸﺘﯘﺭﻏﺎﻧﺪﺍ، ﮪﻪﺭ 100 ﮔﯩﺮﺍﻡ ﺧﯘﺍﯕﺸﯩﻦ ﻣﺎﻳﻤﯘﻥ ﺷﺎﭘﺘﯘﻟﯩﻨﯩﯔ ﯞﯨﺘﺎﻣﯩﻦ C ﻣﯩﻘﺪﺍﺭﻯ 152 ﻣﯩﻠﻠﯩﮕﯩﺮﺍﻣﻐﺎ ﻳﯧﺘﯩﺪﯗ ﻛﯜﻧﻠﯜﻙ ﻗﻮﺑﯘﻝ ﻗﯩﻠﯩﺶ ﻣﯩﻘﺪﺍﺭﻯ 350~200 ﮔﯩﺮﺍﻣﻐﯩﭽﻪ ﺑﻮﻟﺴﺎ ﻣﯘﯞﺍﭘﯩﻖ. ﺋﯩﻨﺴﯘﻟﯩﻨﻐﺎ ﻗﺎﺭﺷﻰ ﺗﯘﺭﯨﺪﯨﻐﺎﻥ، ﺩﯨﻴﺎﺑﯧﺖ ﻛﯧﺴﯩﻠﻰ ﺑﯩﻤﺎﺭﻟﯩﺮﻯ ﯞﻩ ﺋﻮﺭﯗﻗﻠﯩﺘﯩﺪﯨﻐﺎﻥ ﻛﯩﺸﯩﻠﻪﺭﮔﻪ ﻧﯩﺴﺒﻪﺗﻪﻥ، ﻣﯧﯟﻩ-ﭼﯧﯟﯨﻠﻪﺭﻧﯩﯔ ﻗﻮﺑﯘﻝ ﻗﯩﻠﯩﻨﯩﺶ ﻣﯩﻘﺪﺍﺭﯨﻨﻰ ﻛﯜﻧﯩﮕﻪ 120~150 ﮔﯩﺮﺍﻡ ﺋﻪﺗﺮﺍﭘﯩﺪﺍ ﭼﻪﻛﻠﻪﺵ ﺗﻪﯞﺳﯩﻴﻪ ﻗﯩﻠﯩﻨﯩﺪﯗ، ﺋﻪﯓ ﻳﺎﺧﺸﯩﺴﻰ ﺗﯚﯞﻩﻥ ﻗﺎﻥ ﺷﯧﻜﯩﺮﻯ ﻛﯚﺭﺳﻪﺗﻜﯜﭼﻰ ﺑﻮﻟﻐﺎﻥ ﺗﯜﺭﻟﻪﺭﻧﻰ ﺗﺎﻟﻼﺵ ﻛﯧﺮﻩﻙ، ﺑﯩﺮ ﺗﺎﻝ ﻣﺎﻳﻤﯘﻥ ﺷﺎﭘﺘﯘﻟﻰ ﺋﯩﺴﺘﯧﻤﺎﻝ ﻗﯩﻠﺴﺎ ﺑﻮﻟﯩﺪﯗ .

ﯞﯨﺘﺎﻣﯩﻦ C ﮔﻪﺭﭼﻪ ﻳﺎﺧﺸﻰ ﺑﻮﻟﺴﯩﻤﯘ، ﺋﻪﻣﻤﺎ ﻛﯚﭖ ﻳﻪﯞﯦﻠﯩﺸﻘﺎ ﺑﻮﻟﻤﺎﻳﺪﯗ.

ﻧﻮﺭﻣﺎﻝ ﺋﻪﮪﯟﺍﻟﺪﺍ ،ﺟﯘﯕﮕﻮﻟﯘﻗﻼﺭ (18 ﻳﺎﺷﺘﯩﻦ 64 ﻳﺎﺷﻘﯩﭽﻪ) ﯞﯨﺘﺎﻣﯩﻦ C ﮪﻪﺭ ﻛﯜﻧﻰ 100 ﻣﯩﻠﻠﯩﮕﺮﺍﻡ ﻗﻮﺑﯘﻝ ﻗﯩﻠﯩﺸﻨﻰ ﺗﻪﯞﺳﯩﻴﻪ ﻗﯩﻠﯩﺪﯗ ،ﻏﯩﺰﺍﻏﺎ ﻣﯘﻧﺎﺳﯩﯟﻩﺗﻠﯩﻚ ﻳﯘﻗﯘﻣﺴﯩﺰ ﻛﯧﺴﻪﻟﻠﯩﻜﻠﻪﺭﻧﯩﯔ ﺧﻪﺗﯩﺮﯨﻨﻰ ﺗﯚﯞﻩﻧﻠﯩﺘﯩﺶ ﺗﻪﯞﺳﯩﻴﻪ ﻗﯩﻠﯩﻨﻐﺎﻥ ﻗﻮﺑﯘﻝ ﻗﯩﻠﯩﺶ ﻣﯩﻘﺪﺍﺭﻯ ﮪﻪﺭ ﻛﯜﻧﻰ 200 ﻣﯩﻠﻠﯩﮕﺮﺍﻡ، ﺋﻪﯓ ﻳﯘﻗﯩﺮﻯ ﺑﻪﺭﺩﺍﺷﻠﯩﻖ ﺑﯧﺮﯨﺶ ﻣﯩﻘﺪﺍﺭﻯ ﻛﯜﻧﯩﮕﻪ 2000 ﻣﯩﻠﻠﯩﮕﺮﺍﻡ (ﻳﯧﻤﻪﻛﻠﯩﻚ ﯞﻩ ﻗﯘﯞﯞﻩﺕ ﺩﻭﺭﯨﻠﯩﺮﯨﻨﯩﻤﯘ ﺋﯚﺯ ﺋﯩﭽﯩﮕﻪ ﺋﺎﻟﯩﺪﯗ). ﺋﻪﮔﻪﺭ ﺋﯘﺯﺍﻕ ﻣﯘﺩﺩﻩﺕ ﻛﯚﭖ ﻣﯩﻘﺪﺍﺭﺩﺍ (ﻛﯜﻧﯩﮕﻪ ﺋﯩﻜﻜﻰ ﮔﺮﺍﻡ) ﯞﯨﺘﺎﻣﯩﻦ C ﺋﯩﺴﺘﯧﻤﺎﻝ ﻗﯩﻠﯩﻨﺴﺎ ﺋﯩﭽﻰ ﺳﯜﺭﯛﺵ، ﻗﻮﺭﺳﺎﻕ ﻛﯚﭘﯜﺵ، ﺳﯜﻳﺪﯛﻙ ﺋﺎﺟﺮﯨﺘﯩﺶ ﺳﯩﺴﺘﯧﻤﯩﺴﯩﺪﺍ ﺗﺎﺵ ﭘﻪﻳﺪﺍ ﺑﻮﻟﯘﺵ، ﺋﺎﺷﻘﺎﺯﺍﻥ ﺳﯘﻳﯘﻗﻠﯘﻗﻰ ﻳﯧﻨﯩﺶ، ﺋﻪﺳﯟﻩ ﻗﺎﺗﺎﺭﻟﯩﻘﻼﺭﻧﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ، ﻳﻪﻧﻪ ﺋﻮﺭﮔﺎﻧﯩﺰﻣﻨﯩﯔ ﻛﺎﻟﺘﺴﯩﻲ، ﺳﯩﻨﻜﻨﻰ ﺳﯜﻣﯜﺭﯛﺷﯩﮕﻪ ﺗﻮﺳﻘﯘﻧﻠﯘﻕ ﻗﯩﻠﯩﺪﯗ؛ ﺋﯘﺯﺍﻕ ﻣﯘﺩﺩﻩﺕ ﮪﻪﺭ ﻛﯜﻧﻰ ﺑﻪﺵ ﮔﺮﺍﻣﺪﯨﻦ ﺋﺎﺭﺗﯘﻕ ﺋﯩﺴﺘﯧﻤﺎﻝ ﻗﯩﻠﯩﻨﺴﺎ ﻗﺎﻥ ﺋﯧﺮﯨﺶ ﻳﯜﺯ ﺑﯧﺮﯨﺪﯗ، ﺋﯧﻐﯩﺮ ﺑﻮﻟﻐﺎﻧﺪﺍ ﮪﺎﻳﺎﺗﯩﻐﺎ ﺧﻪﯞﭖ ﻳﯧﺘﯩﺪﯗ.