ﻛﯩﺸﯩﻠﯩﻚ ﮪﺎﻳﺎﺕ ﺑﯩﺮ ﻣﻪﻳﺪﺍﻥ ﺋﻮﻳﻐﯩﻨﯩﺶ

ﺗﯧﯖﺸﯜﻥ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

ﮪﺎﻳﺎﺕ ﺳﻪﭘﻪﺭﮔﻪ ﺋﻮﺧﺸﺎﻳﺪﯗ، ﺋﻮﺧﺸﺎﺵ ﺑﻮﻟﻤﯩﻐﺎﻥ ﺑﺎﺳﻘﯘﭼﺘﺎ ﺑﯩﺰ ﺋﻮﺧﺸﺎﺵ ﺑﻮﻟﻤﯩﻐﺎﻥ ﻛﻪﭼﯜﺭﻣﯩﺶ ﯞﻩ ﺗﻪﺳﯩﺮﺍﺗﻘﺎ ﺋﯩﮕﻪ ﺑﻮﻟﯩﻤﯩﺰ. ﺑﯘ ﺳﻪﭘﻪﺭ ﺋﻪﻣﻪﻟﯩﻴﻪﺗﺘﻪ ﺑﯩﺮ ﻣﻪﻳﺪﺍﻥ ﺋﯜﺯﻟﯜﻛﺴﯩﺰ ﺋﻮﻳﻐﯩﻨﯩﺶ ﺟﻪﺭﻳﺎﻧﻰ.

1. ﺋﻮﻳﻐﯩﻨﯩﺶ، ﺋﯚﺯﯨﻨﻰ ﺗﻮﻧﯘﺷﻨﯩﯔ ﺑﺎﺷﻠﯩﻨﯩﺸﻰ

ﺑﯩﺮ ﺋﺎﺩﻩﻡ ﺋﯚﺯﯨﻨﻰ ﺗﻮﻏﺮﺍ ﺗﻮﻧﯘﻣﯩﺴﺎ، ﺗﯘﺭﻣﯘﺷﻨﻰ ﮪﻪﻗﯩﻘﯩﻲ ﭼﯜﺷﯩﻨﻪﻟﻤﻪﻳﺪﯗ، ﻣﯘﯞﻩﭘﭙﻪﻗﯩﻴﻪﺗﻨﯩﯔ ﻳﻪﻧﻪ ﺑﯩﺮ ﺗﻪﺭﯨﭙﯩﮕﻪ ﺗﯧﺨﯩﻤﯘ ﺗﻪﺳﺘﻪ ﺑﺎﺭﯨﺪﯗ. ﺗﯘﺭﻣﯘﺷﺘﺎ، ﺑﯩﺰ ﺩﺍﺋﯩﻢ ﺳﯩﺮﺗﻘﻰ ﺩﯗﻧﻴﺎﻧﯩﯔ ﺋﺎﯞﺍﺯﯨﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﻳﻤﯩﺰ، ﺑﺎﺷﻘﯩﻼﺭﻧﯩﯔ ﺑﺎﮪﺎﺳﯩﻨﯩﯔ ﺗﻪﺳﯩﺮﯨﮕﻪ ﺋﯘﭼﺮﺍﻳﻤﯩﺰ، ﺷﯘﻧﯩﯔ ﺑﯩﻠﻪﻥ ﺋﯚﺯﯨﻤﯩﺰﻧﯩﯔ ﻳﯚﻧﯩﻠﯩﺸﯩﻨﻰ ﻳﻮﻗﯩﺘﯩﭗ ﻗﻮﻳﯩﻤﯩﺰ. ﺑﯩﺰ ﮪﻪﻣﯩﺸﻪ ﺑﺎﺷﻘﯩﻼﺭﻧﯩﯔ ﺋﯩﺰﯨﻨﻰ ﻗﻮﻏﻠﯩﺸﯩﭗ، ﺑﺎﺷﻘﯩﻼﺭﻧﯩﯔ ﻧﻪﺯﯨﺮﯨﺪﯨﻜﻰ ﻣﯘﻛﻪﻣﻤﻪﻝ ﺋﻮﺑﺮﺍﺯﻏﺎ ﺋﺎﻳﻠﯩﻨﯩﺸﻘﺎ ﺋﯘﺭﯗﻧﯩﻤﯩﺰ، ﻟﯧﻜﯩﻦ ﺋﯚﺯﯨﻤﯩﺰﻧﯩﯔ ﺋﯩﭽﻜﻰ ﺳﺎﺩﺍﺳﯩﻐﺎ ﻗﯘﻻﻕ ﺳﯧﻠﯩﺸﻨﻰ ﺋﯘﻧﺘﯘﭖ ﻗﺎﻟﯩﻤﯩﺰ. ﺑﯩﺰ ﺋﺎﻟﺪﯨﺮﺍﺷﭽﯩﻠﯩﻖ ﺋﯩﭽﯩﺪﻩ ﺋﯚﺯﯨﻤﯩﺰﻧﯩﯔ ﺋﻪﺳﻠﻰ ﻣﻪﻗﺴﯩﺘﯩﻤﯩﺰﻧﻰ ﺋﯘﻧﺘﯘﭖ، ﺷﺎﯞﻗﯘﻥ-ﺳﯜﺭﻩﻥ ﺋﯩﭽﯩﺪﻩ ﺋﯚﺯﯨﻤﯩﺰﻧﯩﯔ ﺋﻪﺳﻠﻰ ﮪﺎﻟﯩﺘﯩﻤﯩﺰﻧﻰ ﻳﻮﻗﯩﺘﯩﭗ ﻗﻮﻳﯩﻤﯩﺰ.

ﺑﯩﺰ ﺧﺎﺗﯩﺮﺟﻪﻡ ﺑﻮﻟﯘﭖ، ﺋﯚﺯﯨﻤﯩﺰﮔﻪ ﻧﻪﺯﻩﺭ ﺳﺎﻟﻐﯩﻨﯩﻤﯩﺰﺩﺍ ﺋﺎﻧﺪﯨﻦ ﺋﯚﺯﯨﻤﯩﺰﻧﯩﯔ ﮪﻪﻗﯩﻘﯩﻲ ﺋﺎﺭﺯﯗﺳﻰ ﯞﻩ ﺋﯩﻨﺘﯩﻠﯩﺸﯩﻨﻰ ﺑﺎﻳﻘﺎﻳﻤﯩﺰ، ﺋﯚﺯﯨﻤﯩﺰﻧﯩﯔ ﺋﺎﺭﺗﯘﻗﭽﯩﻠﯩﻘﯩﻨﻰ ﻛﯚﺭﯨﻤﯩﺰ، ﺷﯘﻧﺪﺍﻗﻼ ﺋﯚﺯﯨﻤﯩﺰﺩﯨﻜﻰ ﻛﻪﻣﭽﯩﻠﯩﻜﻠﻪﺭﻧﯩﻤﯘ ﻛﯚﺭﯨﻤﯩﺰ. ﭘﻪﻗﻪﺕ ﺑﯩﺰ ﺋﯚﺯﯨﻤﯩﺰﻧﯩﯔ ﻣﯘﻛﻪﻣﻤﻪﻟﺴﯩﺰﻟﯩﻜﯩﮕﻪ ﻳﯜﺯﻟﯩﻨﯩﺸﻜﻪ ﺟﯜﺭﺋﻪﺕ ﻗﯩﻠﯩﭗ، ﺋﯚﺯﯨﻤﯩﺰﻧﯩﯔ ﺧﺎﺗﺎﻟﯩﻘﻰ ﯞﻩ ﻣﻪﻏﻠﯘﺑﯩﻴﯩﺘﯩﻨﻰ ﺋﯧﺘﯩﺮﺍﭖ ﻗﯩﻠﯩﺸﻘﺎ ﺟﯜﺭﺋﻪﺕ ﻗﯩﻼﻟﯩﻐﺎﻧﺪﯨﻼ ﺋﺎﻧﺪﯨﻦ ﺋﯚﺯﯨﻤﯩﺰﻧﻰ ﮪﻪﻗﯩﻘﯩﻲ ﺗﻮﻧﯘﭖ ﻳﯧﺘﻪﻟﻪﻳﻤﯩﺰ. ﺑﯩﺰ ﭘﻪﻗﻪﺕ ﺋﯜﺯﻟﯜﻛﺴﯩﺰ ﺋﯚﺯﯨﻤﯩﺰ ﺋﯜﺳﺘﯩﺪﻩ ﺋﻮﻳﻠﯩﻨﯩﭗ، ﺋﯚﺯﯨﻤﯩﺰﻧﯩﯔ ﺋﯩﭽﻜﻰ ﺩﯗﻧﻴﺎﺳﻰ ﺋﯜﺳﺘﯩﺪﻩ ﺋﯜﺯﻟﯜﻛﺴﯩﺰ ﺋﯩﺰﺩﻩﻧﮕﻪﻧﺪﯨﻼ، ﺋﺎﻧﺪﯨﻦ ﻛﯩﺸﯩﻠﯩﻚ ﮪﺎﻳﺎﺕ ﻳﻮﻟﯩﺪﺍ ﺋﯚﺯﯨﻤﯩﺰﮔﻪ ﺗﻪﯞﻩ ﻳﯚﻧﯩﻠﯩﺸﻨﻰ ﺗﺎﭘﺎﻻﻳﻤﯩﺰ. ﺑﯘ ﺟﻪﺭﻳﺎﻧﺪﺍ ﺑﯩﺰ ﺋﺎﺯﺍﺏ ﯞﻩ ﻛﯜﺭﻩﺷﻨﻰ ﺑﺎﺷﺘﯩﻦ ﻛﻪﭼﯜﺭﯨﻤﯩﺰ، ﺋﻮﯕﯘﺷﺴﯩﺰﻟﯩﻖ ﯞﻩ ﻣﻪﻏﻠﯘﺑﯩﻴﻪﺗﻜﻪ ﺩﯗﭺ ﻛﯧﻠﯩﻤﯩﺰ، ﻟﯧﻜﯩﻦ ﺑﯘ ﺩﻩﻝ ﺑﯩﺰﻧﯩﯔ ﺋﯚﺳﯜﭖ ﻳﯧﺘﯩﻠﯩﺸﯩﻤﯩﺰﺩﯨﻜﻰ ﭘﯘﺭﺳﻪﺕ، ﺑﯩﺰﻧﯩﯔ ﭘﯩﺸﯩﭗ ﻳﯧﺘﯩﻠﯩﺸﯩﻤﯩﺰﺩﯨﻜﻰ ﻣﯘﻗﻪﺭﺭﻩﺭ ﻳﻮﻝ.

2. ﺋﻮﻳﻐﯩﻨﯩﺶ، ﺑﯩﺮ ﺧﯩﻞ ﯞﺍﺯ ﻛﯧﭽﯩﺸﻨﻰ ﺑﯩﻠﯩﺪﯨﻐﺎﻥ ﺋﻪﻗﯩﻞ-ﭘﺎﺭﺍﺳﻪﺕ

ﺋﺎﺩﻩﻡ ﺩﯗﻧﻴﺎﺩﺍ ﻳﺎﺷﯩﻐﺎﻧﺪﺍ ﮪﻪﻣﯩﺸﻪ ﻧﯘﺭﻏﯘﻥ ﻧﻪﺭﺳﯩﻠﻪﺭﻧﻰ ﻳﯜﺩﯛﯞﺍﻟﯩﺪﯗ، ﻧﺎﻡ-ﺋﺎﺗﺎﻕ ﻗﻮﻏﻠﯩﺸﯩﺪﯗ، ﮪﯧﺴﺴﯩﻴﺎﺗﺘﺎ ﭼﯩﯔ ﺗﯘﺭﯨﺪﯗ، ﺋﯚﺗﻤﯜﺷﻜﻪ ﺑﻮﻟﻐﺎﻥ ﺳﯧﻐﯩﻨﯩﺸﻰ ﺑﻮﻟﯩﺪﯗ. ﺑﯘ ﺋﯧﻐﯩﺮ ﻳﯜﻛﻠﻪﺭ ﺑﯩﺰﻧﻰ ﻛﯩﺸﯩﻠﯩﻚ ﮪﺎﻳﺎﺕ ﻳﻮﻟﯩﺪﺍ ﻗﯩﻴﯩﻦ ﺋﻪﮪﯟﺍﻟﻐﺎ ﭼﯜﺷﯜﺭﯛﭖ ﻗﻮﻳﯘﭖ، ﻗﻪﻟﺒﯩﻤﯩﺰﻧﻰ ﭼﺎﺭﭼﯩﺘﯩﭗ ﻗﻮﻳﯩﺪﯗ.

ﻛﻮﻧﯩﻼﺭﺩﺍ «ﻗﻮﻳﯘﭖ ﺑﻪﺭﺳﻪﯓ، ﺋﯩﮕﻪ ﺑﻮﻟﯩﺴﻪﻥ!» ﺩﻩﻳﺪﯨﻐﺎﻥ ﮔﻪﭖ ﺑﺎﺭ. ﭘﻪﻗﻪﺕ ﺑﯩﺰ ﯞﺍﺯ ﻛﯧﭽﯩﺸﻨﻰ، ﺑﯩﺰﮔﻪ ﺗﻪﯞﻩ ﺑﻮﻟﻤﯩﻐﺎﻥ ﻧﻪﺭﺳﯩﻠﻪﺭﻧﻰ، ﺑﯩﺰﻧﻰ ﺋﺎﺯﺍﺑﻼﻳﺪﯨﻐﺎﻥ ﺋﻪﺳﻠﯩﻤﯩﻠﻪﺭﻧﻰ، ﺑﯩﺰﻧﻰ ﭼﯜﺷﻪﭖ ﻗﻮﻳﯩﺪﯨﻐﺎﻥ ﺟﺎﮪﯩﻠﻠﯩﻘﻨﻰ ﺗﺎﺷﻠﯩﻐﺎﻧﺪﯨﻼ ﺋﺎﻧﺪﯨﻦ ﮪﻪﻗﯩﻘﯩﻲ ﺋﻪﺭﻛﯩﻨﻠﯩﻚ ﯞﻩ ﺧﯘﺷﺎﻟﻠﯩﻘﻘﺎ ﺋﯧﺮﯨﺸﻪﻟﻪﻳﻤﯩﺰ. ﻧﺎﻡ-ﻣﻪﻧﭙﻪﺋﻪﺗﺘﯩﻦ ﯞﺍﺯ ﻛﻪﭼﻜﻪﻧﺪﯨﻼ ﺋﺎﻧﺪﯨﻦ ﻗﻪﻟﺒﯩﻤﯩﺰﺩﯨﻜﻰ ﺧﺎﺗﯩﺮﺟﻪﻣﻠﯩﻜﻜﻪ ﻗﺎﻳﺘﯩﭗ ﻛﯧﻠﻪﻟﻪﻳﻤﯩﺰ.

ﮪﺎﺯﯨﺮﻗﻰ ﺟﻪﻣﺌﯩﻴﻪﺗﺘﻪ ﻛﯩﺸﯩﻠﻪﺭ ﻛﯚﭖ ﮪﺎﻟﻼﺭﺩﺍ ﻧﺎﻡ-ﻣﻪﻧﭙﻪﺋﻪﺕ ﻗﻮﻏﻠﯩﺸﯩﺶ ﺋﯜﭼﯜﻥ ﯞﺍﺳﺘﻪ ﺗﺎﻟﻠﯩﻤﺎﻱ، ﺋﯚﺯﯨﻨﯩﯔ ﺭﻭﮪﯩﻨﻰ ﻳﻮﻗﯩﺘﯩﭗ ﻗﻮﻳﯩﺪﯗ. ﻟﯧﻜﯩﻦ، ﻧﺎﻡ-ﻣﻪﻧﭙﻪﺋﻪﺕ ﮪﺎﻣﺎﻥ ﺗﻪﻥ ﺳﯩﺮﺗﯩﺪﯨﻜﻰ ﻧﻪﺭﺳﻪ، ﺋﯘﻧﻰ ﺗﯘﻏﯘﻟﯘﭘﻼ ﺋﯧﻠﯩﭗ ﻛﻪﻟﮕﯩﻠﻰ ﺑﻮﻟﻤﺎﻳﺪﯗ، ﺋﯚﻟﮕﻪﻧﺪﯨﻤﯘ ﺋﯧﻠﯩﭗ ﻛﻪﺗﻜﯩﻠﻰ ﺑﻮﻟﻤﺎﻳﺪﯗ. ﺑﯩﺰ ﻧﺎﻡ-ﻣﻪﻧﭙﻪﺋﻪﺗﻜﻪ ﺳﻪﻝ ﻗﺎﺭﺍﭖ، ﺭﻭﮪﯩﻲ ﮪﺎﻟﯩﺘﯩﻤﯩﺰﻧﻰ ﺗﻪﯕﺸﯩﮕﻪﻧﺪﻩ ﺗﯘﺭﻣﯘﺷﺘﺎ ﻧﺎﻡ-ﻣﻪﻧﭙﻪﺋﻪﺗﺘﯩﻨﻤﯘ ﻣﯘﮪﯩﻢ ﺑﻮﻟﻐﺎﻥ ﻧﯘﺭﻏﯘﻥ ﻧﻪﺭﺳﯩﻠﻪﺭﻧﯩﯔ ﺑﺎﺭﻟﯩﻘﯩﻨﻰ ﺑﺎﻳﻘﺎﻳﻤﯩﺰ، ﻣﻪﺳﯩﻠﻪﻥ، ﻗﯧﺮﯨﻨﺪﺍﺷﻠﯩﻖ ﻣﯧﮭﺮﻯ، ﺩﻭﺳﺘﻠﯘﻕ، ﻣﯘﮪﻪﺑﺒﻪﺕ.

ﮪﯧﺴﺴﯩﻴﺎﺗﺘﺎ ﭼﯩﯔ ﺗﯘﺭﻏﺎﻧﺪﯨﻼ ﺋﺎﻧﺪﯨﻦ ﺗﯧﺨﯩﻤﯘ ﻛﻪﯓ ﺯﯦﻤﯩﻨﻨﻰ ﻗﯘﭼﺎﻗﻠﯩﻴﺎﻻﻳﻤﯩﺰ. ﻧﯘﺭﻏﯘﻥ ﯞﺍﻗﯩﺘﻼﺭﺩﺍ ﺑﯩﺰ ﺑﯩﺮ ﻣﻪﺯﮔﯩﻠﻠﯩﻚ ﻣﯘﻧﺎﺳﯩﯟﻩﺗﻜﻪ ﮪﻪﺩﺩﯨﺪﯨﻦ ﺯﯨﻴﺎﺩﻩ ﺑﯧﺮﯨﻠﯩﭗ ﻛﯧﺘﯩﭗ، ﯞﺍﺯ ﻛﯧﭽﯩﺸﻜﻪ ﺗﻪﻥ ﺑﻪﺭﻣﻪﻳﻤﯩﺰ، ﻧﻪﺗﯩﺠﯩﺪﻩ ﺋﯚﺯﯨﻤﯩﺰﻧﻰ ﭼﻪﻛﺴﯩﺰ ﺋﺎﺯﺍﺏ ﯞﻩ ﮪﻪﺳﺮﻩﺗﻜﻪ ﺩﯗﭼﺎﺭ ﻗﯩﻠﯩﻤﯩﺰ. ﻟﯧﻜﯩﻦ ﺑﯩﺰ ﺑﺎﺗﯘﺭﻟﯘﻕ ﺑﯩﻠﻪﻥ ﻗﻮﻳﯘﭖ ﺑﯧﺮﯨﭗ، ﺋﯩﻠﮕﯩﺮﯨﻜﻰ ﮪﯧﺴﺴﯩﻴﺎﺕ ﻣﺎﺟﯩﺮﺍﺳﯩﻐﺎ ﺋﺎﺭﯨﻼﺷﻤﯩﺴﺎﻕ ﻳﯧﯖﻰ ﻣﯘﻣﻜﯩﻨﭽﯩﻠﯩﻜﻨﻰ ﺑﺎﻳﻘﺎﻳﻤﯩﺰ، ﻳﯧﯖﻰ ﮔﯜﺯﻩﻟﻠﯩﻚ ﺑﯩﺰﻧﻰ ﻛﯜﺗﯜﭖ ﺗﯘﺭﯨﺪﯗ.

ﺋﯚﺗﻤﯜﺷﺘﯩﻜﻰ ﺋﻪﭘﺴﯘﺳﻠﯩﻨﯩﺶ ﯞﻩ ﺋﺎﺯﺍﺑﻨﻰ ﺗﺎﺷﻠﯩﯟﻩﺗﻜﻪﻧﺪﯨﻼ ﺑﯩﺰ ﮪﺎﺯﯨﺮﻗﻰ ﺯﺍﻣﺎﻧﺪﺍ ﺗﯧﺨﯩﻤﯘ ﻳﺎﺧﺸﻰ ﻳﺎﺷﯩﻴﺎﻻﻳﻤﯩﺰ. ﮪﻪﺭ ﺑﯩﺮ ﺋﺎﺩﻩﻣﺪﻩ ﺋﻪﭘﺴﯘﺳﻠﯩﻨﯩﺶ ﯞﻩ ﺋﺎﺯﺍﺏ ﺑﻮﻟﻐﺎﻥ، ﺋﯘﻻﺭ ﺧﯘﺩﺩﻯ ﻗﻪﻟﺒﯩﻤﯩﺰﮔﻪ ﭼﻮﯕﻘﯘﺭ ﺋﻮﺭﻧﺎﭖ ﻛﻪﺗﻜﻪﻥ ﻳﺎﺭﺍ ﺋﯩﺰﯨﻐﺎ ﺋﻮﺧﺸﺎﻳﺪﯗ. ﻟﯧﻜﯩﻦ ﺋﻪﮔﻪﺭ ﺑﯩﺰ ﺋﯩﻠﮕﯩﺮﯨﻜﻰ ﺋﺎﺯﺍﺏ-ﺋﻮﻗﯘﺑﻪﺗﻠﻪﺭﮔﻪ ﻏﻪﺭﻕ ﺑﻮﻟﯘﭖ، ﺋﯚﺯﯨﻤﯩﺰﻧﻰ ﺗﺎﺭﺗﺎﻟﻤﯩﺴﺎﻕ ﺋﯘﻧﺪﺍﻗﺘﺎ ﺑﯩﺰ ﮪﺎﺯﯨﺮﻗﻰ ﮔﯜﺯﻩﻟﻠﯩﻜﻨﻰ ﻗﻮﻟﺪﯨﻦ ﺑﯧﺮﯨﭗ ﻗﻮﻳﯩﻤﯩﺰ. ﭘﻪﻗﻪﺕ ﺑﯩﺰ ﺋﯚﺯﯨﻤﯩﺰﻧﻰ ﺋﻪﺭﻛﯩﻦ ﻗﻮﻳﯘﭖ ﺑﯧﺮﯨﭗ، ﺋﯚﺗﻤﯜﺵ ﺑﯩﻠﻪﻥ ﻳﺎﺭﯨﺸﯩﭗ ﻗﺎﻟﻐﺎﻧﺪﯨﻼ ﺋﺎﻧﺪﯨﻦ ﮪﻪﺭ ﺑﯩﺮ ﻳﯧﯖﻰ ﻛﯜﻧﻨﻰ ﻳﯧﭙﻴﯧﯖﻰ ﻗﯩﻴﺎﭘﻪﺕ ﺑﯩﻠﻪﻥ ﻛﯜﺗﯜﯞﺍﻻﻻﻳﻤﯩﺰ.

3. ﺋﻮﻳﻐﯩﻨﯩﺶ ﮪﺎﺯﯨﺮﻗﻰ ﺋﺎﯕﻨﻰ ﻗﻪﺩﯨﺮﻟﻪﺷﺘﯘﺭ

ﮪﺎﻳﺎﺕ ﻣﻪﯕﮕﯜﻟﯜﻙ ﺋﻪﻣﻪﺱ، ﺑﯩﺰ ﺋﻪﺗﻪ ﻳﺎﻛﻰ ﺗﺎﺳﺎﺩﺩﯨﭙﯩﻴﻠﯩﻘﻨﯩﯔ ﻗﺎﻳﺴﯩﺴﯩﻨﯩﯔ ﺋﺎﯞﯞﺍﻝ ﻛﯧﻠﯩﺪﯨﻐﺎﻧﻠﯩﻘﯩﻨﻰ ﻣﻪﯕﮕﯜ ﺑﯩﻠﻤﻪﻳﻤﯩﺰ. ﻧﯘﺭﻏﯘﻥ ﯞﺍﻗﯩﺘﻼﺭﺩﺍ ﺑﯩﺰ ﮪﻪﻣﯩﺸﻪ ﻛﻪﻟﮕﯜﺳﯩﺪﯨﻦ ﺋﻪﻧﺪﯨﺸﻪ ﻗﯩﻠﯩﻤﯩﺰ، ﺋﯚﺗﻤﯜﺷﺘﯩﻦ ﭘﯘﺷﺎﻳﻤﺎﻥ ﻗﯩﻠﯩﻤﯩﺰ، ﭘﻪﻗﻪﺕ ﮪﺎﺯﯨﺮﻗﻰ ﮔﯜﺯﻩﻟﻠﯩﻜﻜﻪ ﺳﻪﻝ ﻗﺎﺭﺍﻳﻤﯩﺰ. ﺑﯩﺰ ﺩﺍﺋﯩﻢ ﭘﯘﻝ ﺗﺎﭘﻘﺎﻧﺪﺍ ﻧﯧﻤﻪ ﺋﯩﺶ ﻗﯩﻠﯩﺸﻨﻰ، ﯞﺍﻗﺘﯩﻤﯩﺰ ﭼﯩﻘﻘﺎﻧﺪﺍ ﺋﯚﻳﺪﯨﻜﯩﻠﻪﺭﮔﻪ ﮪﻪﻣﺮﺍﮪ ﺑﻮﻟﯘﺷﻨﻰ، ﭘﯧﻨﺴﯩﻴﻪﮔﻪ ﭼﯩﻘﻘﺎﻧﺪﺍ ﺗﯘﺭﻣﯘﺷﺘﯩﻦ ﮪﯘﺯﯗﺭﻟﯩﻨﯩﺸﻨﻰ ﺋﻮﻳﻼﻳﻤﯩﺰ. ﯞﻩﮪﺎﻟﻪﻧﻜﻰ، ﯞﺍﻗﯩﺖ ﺑﯩﺰﻧﯩﯔ ﻛﯜﺗﯜﺷﻠﯩﺮﯨﻤﯩﺰ ﺋﯩﭽﯩﺪﻩ ﺋﺎﺳﺘﺎ-ﺋﺎﺳﺘﺎ ﺋﯚﺗﯜﭖ ﻛﯧﺘﯩﺪﯗ، ﺑﯩﺰ ﺋﯩﻠﮕﯩﺮﻯ ﻳﻪﻧﻪ ﻧﯘﺭﻏﯘﻥ ﯞﺍﻗﯩﺖ ﺑﺎﺭ ﺩﻩﭖ ﺋﻮﻳﻠﯩﻐﺎﻥ ﺋﯩﺸﻼﺭﻧﻰ ﺑﻪﻟﻜﯩﻢ ﻗﺎﻳﺘﺎ ﺋﻪﻣﻪﻟﮕﻪ ﺋﺎﺷﯘﺭﯗﺵ ﭘﯘﺭﺳﯩﺘﻰ ﺑﻮﻟﻤﺎﺳﻠﯩﻘﻰ ﻣﯘﻣﻜﯩﻦ.

ﮪﻪﻗﯩﻘﯩﻲ ﺋﻮﻳﻐﯩﻨﯩﺶ، ﮪﺎﺯﯨﺮﻗﻰ ﮪﻪﺭ ﺑﯩﺮ ﺩﻩﻗﯩﻘﯩﻨﻰ ﻗﻪﺩﯨﺮﻟﻪﺷﻨﻰ ﺑﯩﻠﯩﺶ. ﺋﺎﺋﯩﻠﯩﯖﯩﺰﺩﯨﻜﯩﻠﻪﺭ ﺑﯩﻠﻪﻥ ﺟﻪﻡ ﺑﻮﻟﻐﺎﻥ ﮪﻪﺭ ﺑﯩﺮ ﯞﺍﻗﯩﺘﻨﻰ ﻗﻪﺩﯨﺮﻟﻪﯓ، ﺩﻭﺳﺘﻠﯩﺮﯨﯖﯩﺰ ﺑﯩﻠﻪﻥ ﺑﯩﻠﻠﻪ ﺑﻮﻟﻐﺎﻥ ﮪﻪﺭ ﺑﯩﺮ ﺩﻩﻗﯩﻘﯩﻨﻰ ﻗﻪﺩﯨﺮﻟﻪﯓ، ﺋﺎﺭﺯﯗﻳﯩﯖﯩﺰﻧﻰ ﺋﻪﻣﻪﻟﮕﻪ ﺋﺎﺷﯘﺭﺍﻻﻳﺪﯨﻐﺎﻥ ﮪﻪﺭ ﺑﯩﺮ ﭘﯘﺭﺳﻪﺗﻨﻰ ﻗﻪﺩﯨﺮﻟﻪﯓ. ﺗﯘﺭﻣﯘﺷﺘﯩﻜﻰ ﺋﯘﺷﺸﺎﻕ-ﭼﯜﺷﺸﻪﻙ ﺋﯩﺸﻼﺭﻧﻰ ﻛﯚﯕﯜﻝ ﻗﻮﻳﯘﭖ ﮪﯧﺲ ﻗﯩﻠﯩﺶ، ﺗﻪﺑﯩﺌﻪﺗﻨﯩﯔ ﮔﯜﺯﻩﻝ ﻣﻪﻧﺰﯨﺮﯨﺴﯩﺪﯨﻦ ﮪﯘﺯﯗﺭﻟﯩﻨﯩﺶ، ﺋﺎﺩﻩﻡ ﺑﯩﻠﻪﻥ ﺋﺎﺩﻩﻡ ﺋﻮﺗﺘﯘﺭﯨﺴﯩﺪﯨﻜﻰ ﺳﻪﻣﯩﻤﯩﻲ ﮪﯧﺴﺴﯩﻴﺎﺗﻨﻰ ﮪﯧﺲ ﻗﯩﻠﯩﺶ.

ﮪﺎﺯﯨﺮﻗﻰ ﯞﺍﻗﯩﺘﺘﺎ ﺑﯩﺰ ﻗﺎﻧﻐﯘﭼﻪ ﺳﯚﻳﯩﻤﯩﺰ، ﺑﻪﺩﻩﻝ ﺗﯚﻟﻪﻳﻤﯩﺰ، ﺗﯩﺮﯨﺸﺎﻻﻳﻤﯩﺰ، ﺋﺎﺭﺯﯗﻳﯩﻤﯩﺰﻧﻰ ﺋﻪﻣﻪﻟﮕﻪ ﺋﺎﺷﯘﺭﺍﻻﻳﻤﯩﺰ. ﺋﯚﺯﯨﯖﯩﺰﮔﻪ ﺋﻪﭘﺴﯘﺳﻠﯩﻨﯩﺶ ﻗﺎﻟﺪﯗﺭﻣﺎﯓ، ﻳﻮﻗﺎﺗﻘﺎﻧﺪﯨﻦ ﻛﯧﻴﯩﻦ ﺋﺎﻧﺪﯨﻦ ﻗﻪﺩﯨﺮﻟﻪﺷﻨﻰ ﺑﯩﻠﻤﻪﯓ. ﭼﯜﻧﻜﻰ ﭘﻪﻗﻪﺕ ﮪﺎﺯﯨﺮﻻ ﺑﯩﺰﻧﯩﯔ ﮪﻪﻗﯩﻘﯩﻲ ﺋﯩﮕﯩﻠﯩﻴﻪﻟﻪﻳﺪﯨﻐﯩﻨﯩﻤﯩﺰ.

ﻛﯩﺸﯩﻠﯩﻚ ﮪﺎﻳﺎﺕ ﺑﯩﺮ ﻣﻪﻳﺪﺍﻥ ﺋﻮﻳﻐﯩﻨﯩﺶ. ﺑﯘ ﺋﻮﻳﻐﯩﻨﯩﺶ ﺟﻪﺭﻳﺎﻧﯩﺪﺍ ﺑﯩﺰ ﺋﯜﺯﻟﯜﻛﺴﯩﺰ ﺋﯚﺯﯨﻤﯩﺰﻧﻰ ﺗﻮﻧﯘﭖ، ﯞﺍﺯ ﻛﯧﭽﯩﺸﻨﻰ، ﮪﺎﺯﯨﺮﻧﻰ ﻗﻪﺩﯨﺮﻟﻪﺷﻨﻰ ﺋﯚﮔﯩﻨﯩﯟﺍﻟﺴﺎﻕ، ﻧﺎﺩﺍﻧﻠﯩﻘﺘﯩﻦ ﭘﯩﺸﯩﭗ ﻳﯧﺘﯩﻠﯩﺶ ﯞﻩ ﺋﻪﻗﯩﻞ-ﭘﺎﺭﺍﺳﻪﺗﻜﻪ، ﮔﺎﯕﮕﯩﺮﺍﺷﺘﯩﻦ ﺑﯩﺮﺩﯨﻨﻼ ﻳﻮﺭﯗﻗﻠﯘﻗﻘﺎ ﻗﺎﺭﺍﭖ ﻳﯜﺯﻟﯩﻨﻪﻟﻪﻳﻤﯩﺰ. ﺑﯩﺰ ﺑﯘ ﺋﻮﻳﻐﯩﻨﯩﺸﻨﻰ ﺋﯧﻠﯩﭗ، ﺑﺎﺗﯘﺭﻟﯘﻕ ﺑﯩﻠﻪﻥ ﺋﺎﻟﻐﺎ ﺋﯩﻠﮕﯩﺮﯨﻠﻪﭖ، ﺋﯚﺯﯨﻤﯩﺰﮔﻪ ﺗﻪﺋﻪﻟﻠﯘﻕ ﺑﻮﻟﻐﺎﻥ ﮔﯜﺯﻩﻝ ﻛﯩﺸﯩﻠﯩﻚ ﮪﺎﻳﺎﺗﻨﻰ ﻳﯧﺰﯨﭗ، ﺋﯜﻣﯩﺪﻛﻪ ﯞﻩ ﮔﯜﺯﻩﻝ ﻛﻪﻟﮕﯜﺳﯩﮕﻪ ﻗﯘﭼﺎﻕ ﺋﺎﭼﺎﻳﻠﻰ.