ﺗﻪﺗﯜﺭ ﺗﻪﭘﻪﻛﻜﯜﺭ ﻳﻮﺷﯘﺭﯗﻧﻐﺎﻥ ﮪﯧﻜﺎﻳﯩﻠﻪﺭ

1. ﺑﯩﺮ ﻳﺎﺵ ﻳﯩﮕﯩﺖ ﺩﯗﻛﺎﻧﻐﺎ ﺑﯧﺮﯨﭗ ﻗﺎﭼﺎ ﺳﯧﺘﯩﯟﺍﻟﻤﺎﻗﭽﻰ ﺑﻮﻟﺪﻯ. ﺋﯘ ﺑﯩﺮ ﻗﺎﭼﯩﻨﻰ ﺋﯧﻠﯩﭗ ﺗﻪﺭﺗﯩﭗ ﺑﻮﻳﯩﭽﻪ ﺑﺎﺷﻘﺎ ﻗﺎﭼﯩﻼﺭﻏﺎ ﻳﯧﻨﯩﻚ ﺗﻪﮔﻜﯜﺯﯛﭖ ﭼﯩﻘﺘﻰ، ﻗﺎﭼﯩﻼﺭﺩﯨﻦ ﻏﯘﯞﺍ ﮪﻪﻡ ﺩﯗﻍ ﺋﺎﯞﺍﺯ ﺋﺎﯕﻼﻧﺪﻯ، ﺋﯘ ﺋﯜﻣﯩﺪﺳﯩﺰﻟﻪﻧﮕﻪﻥ ﮪﺎﻟﺪﺍ ﺑﯧﺸﯩﻨﻰ ﭼﺎﻳﻘﺎﭖ، ﺩﺍﯞﺍﻣﻠﯩﻖ ﺳﯩﻨﺎﭖ ﺑﺎﻗﺘﻰ.

ﺧﻮﺟﺎﻳﯩﻦ ﮔﺎﯕﮕﯩﺮﺍﭖ ﺗﯘﺭﻏﺎﻧﺪﺍ، ﺋﯘ ﻗﺎﭼﺎ ﺗﺎﻟﻼﺷﺘﯩﻜﻰ ﺋﯚﺯﯨﻨﯩﯔ ﭼﺎﺭﯨﺴﯩﻨﻰ ﺋﯧﻴﺘﯩﭗ ﺑﻪﺭﺩﻯ، ﻳﻪﻧﻰ ﺑﯩﺮ ﻗﺎﭼﺎ ﺑﯩﻠﻪﻥ ﻳﻪﻧﻪ ﺑﯩﺮ ﻗﺎﭼﺎ ﻳﯧﻨﯩﻚ ﺗﻪﮔﻜﻪﻧﺪﻩ، ﺳﯜﺯﯛﻙ، ﻳﯧﻘﯩﻤﻠﯩﻖ ﺋﺎﯞﺍﺯ ﭼﯩﻘﺎﺭﻏﯩﻨﻰ ﭼﻮﻗﯘﻡ ﻳﺎﺧﺸﻰ ﻗﺎﭼﺎ ﺑﻮﻟﯩﺪﯗ. ﺧﻮﺟﺎﻳﯩﻦ ﺑﯩﺮﺩﯨﻨﻼ ﺋﯧﺴﯩﻨﻰ ﺗﯧﭙﯩﭗ، ﺑﯩﺮ ﻗﺎﭼﯩﻨﻰ ﺋﯧﻠﯩﭗ ﺋﯘﻧﯩﯖﻐﺎ ﺳﯘﻧﺪﻯ ﯞﻩ: «ﺋﯘﻧﺪﺍﻗﺘﺎ ﺳﯩﺰ ﺑﯘ ﻗﺎﭼﯩﻨﻰ ﺋﯧﻠﯩﭗ ﺳﯩﻨﺎﭖ ﺑﯧﻘﯩﯔ» ﺩﯦﺪﻯ.

ﺋﯘ ﺳﻮﺩﯨﮕﻪﺭﻧﯩﯔ ﺳﯚﺯﻯ ﺑﻮﻳﯩﭽﻪ ﺋﯩﺶ ﻛﯚﺭﯛﭖ، ﺑﯘ ﻗﺎﭼﯩﻨﯩﯔ ﮪﻪﺭ ﺑﯩﺮ ﻗﺎﭼﺎ ﺑﯩﻠﻪﻥ ﺳﻮﻗﯘﻟﻐﺎﻧﺪﺍ ﺟﺎﺭﺍﯕﻠﯩﻖ ﺋﺎﯞﺍﺯ ﭼﯩﻘﯩﺮﯨﺪﯨﻐﺎﻧﻠﯩﻘﯩﻨﻰ ﺑﺎﻳﻘﯩﺪﻯ. ﺋﯘ ﻧﺎﮪﺎﻳﯩﺘﻰ ﮪﻪﻳﺮﺍﻧﻠﯩﻖ ﮪﯧﺲ ﻗﯩﻠﺪﻯ، ﺑﯘ ﭼﺎﻏﺪﺍ ﺧﻮﺟﺎﻳﯩﻦ ﻛﯜﻟﯜﭖ ﺗﯘﺭﯗﭖ: «ﺑﯘﻧﯩﯔ ﺳﻪﯞﻩﺑﻰ ﻧﺎﮪﺎﻳﯩﺘﻰ ﺋﺎﺩﺩﯨﻲ، ﺳﯩﺰ ﺋﯩﻠﮕﯩﺮﻯ ﺋﺎﻟﻐﺎﻥ ﮪﯧﻠﯩﻘﻰ ﭼﯩﻨﯩﻨﯩﯔ ﺋﯚﺯﻯ ﺳﯜﭘﻪﺗﺴﯩﺰ ﻣﻪﮪﺴﯘﻻﺕ، ﺳﯩﺰ ﺋﯘﻧﻰ ﺋﯩﺸﻠﯩﺘﯩﭗ ﭼﯩﻨﯩﻨﻰ ﺳﯩﻨﺎﭖ ﺑﺎﻗﺴﯩﯖﯩﺰ، ﺑﺎﺷﻘﺎ ﻗﺎﭼﯩﻼﺭﻧﯩﯔ ﺋﺎﯞﺍﺯﻯ ﭼﻮﻗﯘﻡ ﺟﺎﺭﺍﯕﻠﯩﻖ ﭼﯩﻘﻤﺎﻳﺪﯗ».

ﻳﺎﺧﺸﻰ ﺑﯩﺮ ﻗﺎﭼﯩﻐﺎ ﺋﯧﺮﯨﺸﻤﻪﻛﭽﻰ ﺑﻮﻟﺴﯩﯖﯩﺰ، ﺋﺎﻟﺪﻯ ﺑﯩﻠﻪﻥ ﺋﯚﺯﯨﯖﯩﺰﻧﯩﯔ ﻳﺎﺧﺸﻰ ﺑﯩﺮ ﻗﺎﭼﯩﻐﺎ ﺋﯧﺮﯨﺸﻜﻪﻧﻠﯩﻜﯩﯖﯩﺰﮔﻪ ﻛﺎﭘﺎﻟﻪﺗﻠﯩﻚ ﻗﯩﻠﯩﺸﯩﯖﯩﺰ ﻛﯧﺮﻩﻙ. ﺑﯩﺰ ﺩﺍﺋﯩﻢ:« ﻧﻪﺭﺳﻪ ﺗﯜﺭ ﺑﻮﻳﯩﭽﻪ ﺗﻮﭘﻠﯩﻨﯩﺪﯗ، ﺋﺎﺩﻩﻡ ﺗﻮﭖ ﺑﻮﻳﯩﭽﻪ ﺋﺎﻳﺮﯨﻠﯩﺪﯗ» ﺩﻩﻳﻤﯩﺰ. ﺋﻪﻻ ﺳﯜﭘﻪﺗﻠﯩﻚ ﻗﺎﭼﺎ ﺋﻮﺧﺸﺎﺵ ﺋﯧﺴﯩﻞ ﻗﺎﭼﺎ ﺑﯩﻠﻪﻥ ﺳﻮﻗﯘﻟﺴﺎ ﺋﺎﻧﺪﯨﻦ ﻳﯧﻘﯩﻤﻠﯩﻖ ﺋﺎﯞﺍﺯ ﭼﯩﻘﯩﺮﯨﺪﯗ، ﻣﯘﻧﻪﯞﯞﻩﺭ ﺋﺎﺩﻩﻡ ﭘﻪﻗﻪﺕ ﺋﻮﺧﺸﺎﺵ ﺋﯧﺴﯩﻞ ﺋﺎﺩﻩﻡ ﺑﯩﻠﻪﻥ ﻣﯜﺭﯨﻨﻰ ﻣﯜﺭﯨﮕﻪ ﺗﯩﺮﻩﭖ ﺋﺎﻟﻐﺎ ﺋﯩﻠﮕﯩﺮﯨﻠﻪﻳﺪﯗ. ﻗﺎﻟﻐﺎﻥ ﺋﯚﻣﺮﯨﯖﯩﺰﺩﻩ ﺋﻪﯓ ﻳﺎﺧﺸﻰ ﺋﯚﺯﯨﯖﯩﺰ ﺑﻮﻟﺴﯩﯖﯩﺰ، ﺋﺎﻧﺪﯨﻦ ﺋﻪﯓ ﻳﺎﺧﺸﻰ ﺑﺎﺷﻘﯩﻼﺭ ﺑﯩﻠﻪﻥ ﺋﯘﭼﺮﯨﺸﺎﻻﻳﺴﯩﺰ.

2. ﺑﯩﺮ ﺑﯧﻠﯩﻖ ﻛﯚﻟﭽﯩﻜﻰ ﻳﯧﯖﯩﺪﯨﻦ ﺗﯩﺠﺎﺭﻩﺕ ﺑﺎﺷﻠﯩﺪﻯ، ﯞﯨﯟﯨﺴﻜﯩﻐﺎ ﻣﯘﻧﺪﺍﻕ ﻳﯧﺰﯨﻠﻐﺎﻧﯩﺪﻯ : «ﺑﯧﻠﯩﻖ ﺗﯘﺗﯘﺵ ﮪﻪﻗﻘﻰ 100 ﻳﯜﻩﻥ، ﺗﯘﺗﺎﻟﻤﯩﻐﺎﻧﻼﺭﻏﺎ ﺑﯩﺮ ﺗﻮﺧﯘ ﺳﻮﯞﻏﺎ ﻗﯩﻠﯩﻨﯩﺪﯗ». ﻧﯘﺭﻏﯘﻥ ﻛﯩﺸﯩﻠﻪﺭ ﺑﯩﺮ ﻗﺎﺭﺍﭘﻼ ﺑﯘ ﺑﺎﮪﺎﻧﻰ ﻗﯘﺑﯘﻝ ﻗﯩﻠﻐﺎﻥ، ﻗﺎﻳﺘﯩﭗ ﻛﻪﻟﮕﻪﻧﺪﻩ ﮪﻪﺭ ﺑﯩﺮ ﺋﺎﺩﻩﻣﻨﯩﯔ ﻗﻮﻟﯩﺪﺍ ﺑﯩﺮﺩﯨﻦ ﺗﻮﺧﯘ ﺑﺎﺭ ﺋﯩﺪﻯ. ﻛﯩﺸﯩﻠﻪﺭ ﮔﻪﺭﭼﻪ ﺑﯧﻠﯩﻖ ﺗﯘﺗﺎﻟﻤﯩﺴﯩﻤﯘ، ﺑﯩﺮ ﺗﻮﺧﯘﻏﺎ ﺋﯩﺮﯨﺸﻜﯩﻨﯩﺪﯨﻦ ﻛﯚﯕﻠﻰ ﺋﯩﻨﺘﺎﻳﯩﻦ ﺧﻮﺷﺎﻝ ﺋﯩﺪﻯ. ﺑﯩﺮ ﻣﻪﺯﮔﯩﻠﺪﯨﻦ ﻛﯧﻴﯩﻦ، ﺑﯧﻠﯩﻖ ﻛﯚﻟﭽﯩﻜﻰ ﺗﺎﻗﺎﻟﺪﻯ، ﺩﻩﺭﯞﺍﺯﯨﯟﻩﻥ ﺑﻮﯞﺍﻱ ﺑﯧﻠﯩﻖ ﺗﯘﺗﻘﯩﻠﻰ ﻛﻪﻟﮕﻪﻧﻠﻪﺭﮔﻪ: «ﺧﻮﺟﺎﻳﯩﻦ ﺋﻪﺳﻠﯩﺪﻩ ﺗﻮﺧﯘ ﺑﺎﻗﻘﯘﭼﻰ ﺋﯩﺪﻯ، ﺑﯘ ﺑﯧﻠﯩﻖ ﻛﯚﻟﭽﯩﻜﯩﺪﻩ ﺑﯧﻠﯩﻘﻤﯘ ﺋﺎﻧﭽﻪ ﻛﯚﭖ ﺋﻪﻣﻪﺱ ﺋﯩﺪﻯ». ﺩﯦﺪﻯ. ﺷﯘﻧﺪﺍﻕ، ﺑﯩﺮ ﺋﯩﺸﻨﻰ ﻣﯘﯞﻩﭘﭙﻪﻗﯩﻴﻪﺗﻠﯩﻚ ﻗﯩﻠﯩﺶ ﺋﯜﭼﯜﻥ، ﭘﻪﻗﻪﺕ ﺑﯩﺮﻻ ﻳﻮﻟﯩﺪﺍ ﻣﺎﯕﻐﯩﻠﻰ ﺑﻮﻟﻤﺎﻳﺪﯗ. ﭼﻮﯓ ﻳﻮﻟﺪﯨﻦ ﺋﯚﺗﻜﯩﻠﻰ ﺑﻮﻟﻤﯩﻐﺎﻧﺪﺍ، ﺑﺎﺷﻘﺎ ﻛﯩﭽﯩﻚ ﻳﻮﻟﻼﺭﺩﯨﻤﯘ ﺋﻮﺧﺸﺎﺷﻼ ﻣﻪﻧﺰﯨﻠﮕﻪ ﻳﯧﺘﯩﭗ ﺑﺎﺭﻏﯩﻠﻰ ﺑﻮﻟﯩﺪﯗ.

3. ﻳﻪﺭ ﺷﻪﻛﻠﻰ ﺧﻪﺗﻪﺭﻟﯩﻚ ﺑﯩﺮ ﺟﯩﻠﻐﺎ ﺑﺎﺭ ﺑﻮﻟﯘﭖ، ﺟﯩﻠﻐﯩﻨﯩﯔ ﺋﺎﺳﺘﻰ ﺷﯩﺪﺩﻩﺗﻠﯩﻚ ﺳﯘ ﺋﯧﻘﯩﻤﻰ ﺑﻮﻟﯘﭖ، ﺑﯘ ﻳﻪﺭﺩﯨﻦ ﺋﯚﺗﯜﺷﺘﻪ ﺗﯩﻚ ﻗﯩﻴﺎﻻﺭﻧﻰ ﺗﻮﻏﺮﯨﺴﯩﻐﺎ ﻛﯧﺴﯩﭗ ﺋﯚﺗﯩﺪﯨﻐﺎﻥ ﺑﯩﺮ ﻧﻪﭼﭽﻪ ﺗﺎﻝ ﺗﯚﻣﯜﺭ ﺯﻩﻧﺠﯩﺮﮔﻪ ﺗﺎﻳﯩﻨﯩﺸﻘﺎ ﺗﻮﻏﺮﺍ ﻛﯧﻠﻪﺗﺘﻰ. ﺑﯩﺮ ﺋﻪﻣﺎ، ﺑﯩﺮ ﮔﺎﺱ ﯞﻩ ﻗﯘﻟﯩﻘﻰ ﺋﯚﺗﻜﯜﺭ، ﻛﯚﺯﻯ ﺋﯚﺗﻜﯜﺭ ﺋﯩﻜﻜﻰ ﻧﻮﺭﻣﺎﻝ ﺋﺎﺩﻩﻣﺪﯨﻦ ﺗﻪﺷﻜﯩﻠﻠﻪﻧﮕﻪﻥ ﺗﯚﺕ ﻛﯩﺸﯩﻠﯩﻚ ﮔﯘﺭﯗﭘﭙﺎ ﺟﯩﻠﻐﯩﻨﯩﯔ ﺋﺎﻟﺪﯨﻐﺎ ﻛﯧﻠﯩﭗ ﻛﯚﯞﺭﯛﻛﺘﯩﻦ ﺋﯚﺗﯜﺷﻜﻪ ﺗﻪﻳﻴﺎﺭﻟﯩﻖ ﻗﯩﻠﺪﻯ. ﺋﯘﻻﺭ ﺗﻪﺭﺗﯩﭗ ﺑﻮﻳﯩﭽﻪ ﺗﯚﻣﯜﺭ ﺋﺎﺭﻏﺎﻣﭽﯩﻨﻰ ﭼﯩﯔ ﺗﯘﺗﯘﭖ، ﺑﻮﺷﻠﯘﻗﺘﺎ ﺋﺎﻟﻐﺎ ﺋﯩﻠﮕﯩﺮﯨﻠﯩﺪﻯ. ﻧﻪﺗﯩﺠﯩﺴﻰ ﻗﺎﻧﺪﺍﻕ ﺑﻮﻟﺪﻯ؟

ﺋﻪﻣﺎﻻﺭ ﺋﯚﺗﯜﭖ ﻛﻪﺗﺘﻰ، ﮔﺎﺳﻼﺭ ﺋﯚﺗﯜﭖ ﻛﻪﺗﺘﻰ، ﻗﯘﻟﯩﻘﻰ ﺋﯚﺗﻜﯜﺭ، ﻛﯚﺯﻯ ﺋﯚﺗﻜﯜﺭ ﺑﯩﺮ ﻧﻮﺭﻣﺎﻝ ﺋﺎﺩﻩﻣﻤﯘ ﺋﯚﺗﯜﭖ ﻛﻪﺗﺘﻰ، ﻳﻪﻧﻪ ﺑﯩﺮﻯ ﺗﯩﻚ ﻳﺎﺭﺩﯨﻦ ﭼﯜﺷﯜﭖ ﻛﯘﻛﯘﻡ-ﺗﺎﻟﻘﺎﻥ ﺑﻮﻟﯘﭖ ﻛﻪﺗﺘﻰ. ﻧﯧﻤﯩﺸﻘﺎ ﺑﯘﻧﺪﺍﻕ ﺑﻮﻟﯩﺪﯗ؟ ﺋﻪﺟﻪﺑﺎ ﺑﯩﺮ ﻧﻮﺭﻣﺎﻝ ﺋﺎﺩﻩﻡ ﺋﻪﻣﺎ ﯞﻩ ﮔﺎﺳﻼﺭﻏﺎ ﻳﻪﺗﻤﻪﻣﺪﯗ؟ ﮔﻪﺭﭼﻪ ﻧﻪﺗﯩﺠﻪ ﺋﻮﻳﻠﯩﻤﯩﻐﺎﻥ ﻳﻪﺭﺩﯨﻦ ﭼﯩﻘﻘﺎﻥ ﺑﻮﻟﺴﯩﻤﯘ، ﻟﯧﻜﯩﻦ ﻳﻪﻧﯩﻼ ﺋﻪﻗﯩﻠﮕﻪ ﺳﯩﻐﯩﺪﯨﻐﺎﻧﺪﻩﻙ ﻗﯩﻠﯩﺪﯗ. ﺋﻪﻣﺎﻻﺭ ﻣﯘﻧﺪﺍﻕ ﺩﯦﺪﻯ: «ﻣﻪﻥ ﺗﯩﻚ ﻳﺎﺭﻧﻰ ﻛﯚﺭﻩﻟﻤﯩﺪﯨﻢ، ﺷﯘﯕﺎ ﻣﻪﻥ ﺋﯧﻐﯩﺮ-ﺑﯧﺴﯩﻘﻠﯩﻖ ﺑﯩﻠﻪﻥ ﻛﯚﯞﺭﯛﻛﺘﯩﻦ ﺋﯚﺗﻪﻟﻪﻳﻤﻪﻥ». ﮔﺎﺳﻤﯘ: «ﻣﻪﻥ ﺋﺎﺳﺘﯩﺪﯨﻜﻰ ﺋﯚﺭﻛﻪﺷﻠﻪﭖ ﺋﯧﻘﯩﯟﺍﺗﻘﺎﻥ ﺳﯘﻧﯩﯔ ﺋﺎﯞﺍﺯﯨﻨﻰ ﺋﺎﯕﻠﯩﻴﺎﻟﻤﯩﺪﯨﻢ، ﺷﯘﯕﺎ ﻣﻪﻥ ﻗﻮﺭﻗﻤﺎﻱ ﻛﯚﯞﺭﯛﻛﺘﯩﻦ ﺋﯚﺗﻪﻟﻪﻳﻤﻪﻥ» ﺩﯦﺪﻯ. ﻧﻮﺭﻣﺎﻝ ﺋﺎﺩﻩﻡ: «ﺗﯩﻚ ﻳﺎﺭﻻﺭ، ﺷﯩﺪﺩﻩﺗﻠﯩﻚ ﺋﯧﻘﯩﻨﻼﺭ، ﻣﻪﻥ ﺑﯩﻠﻪﻥ ﻧﯧﻤﻪ ﺋﺎﻻﻗﯩﺴﻰ؟ ﻣﻪﻥ ﭘﻪﻗﻪﺕ ﭘﯘﺧﺘﺎ ﻗﻪﺩﻩﻡ ﺑﯩﻠﻪﻥ ﺋﺎﻟﻐﺎ ﺋﯩﻠﮕﯩﺮﻟﯩﺴﻪﻣﻼ ﺑﻮﻟﯩﺪﯗ». ﻟﯧﻜﯩﻦ ﺗﯩﻚ ﻳﺎﺭﺩﯨﻦ ﭼﯜﺷﯜﭖ ﻛﻪﺗﻜﻪﻥ ﺋﺎﺩﻩﻡ ﺋﯚﻟﯜﺵ ﺋﺎﻟﺪﯨﺪﺍ: « ﻳﺎﺭ ﺑﻪﻙ ﺗﯩﻚ، ﺳﯘ ﺑﻪﻙ ﺗﯧﺰ ﺋﺎﻗﯩﺪﯨﻜﻪﻥ، ﻣﻪﻥ ﭼﯜﺷﯜﭖ ﻛﻪﺗﺴﻪﻣﻼ ﭼﻮﻗﯘﻡ ﺋﯚﻟﯩﻤﻪﻥ» ﺩﻩﭖ ﺋﻮﻳﻼﯞﺍﺗﺎﺗﺘﻰ. ﺑﻪﺯﯨﺪﻩ، ﺑﯩﺰ ﻗﯩﻴﯩﻨﭽﯩﻠﯩﻘﺘﯩﻦ ﻣﻪﻏﻠﯘﭖ ﺑﻮﻟﻤﺎﻳﻤﯩﺰ، ﺑﻪﻟﻜﻰ ﺋﯚﺯﯨﻤﯩﺰﺩﯨﻦ ﻗﻮﺭﻗﯘﭖ ﺋﯚﻟﯩﻤﯩﺰ. ﻗﯩﻴﯩﻨﭽﯩﻠﯩﻘﻘﺎ ﻳﻮﻟﯘﻗﻘﺎﻧﺪﺍ، ﺋﯘﻧﯩﯔ ﺋﻪﺳﻠﯩﺪﯨﻜﻰ ﻗﯩﻴﯩﻨﭽﯩﻠﯩﻘﯩﻨﻰ ﭼﻪﻛﺴﯩﺰ ﭼﻮﯕﺎﻳﺘﻤﺎﯓ. ﺑﺎﺵ ﭼﯚﻛﯜﺭﯛﭖ ﺋﯚﺗﻜﻪﻟﺪﯨﻦ ﺋﯚﺗﯜﺵ، ﺋﯩﺸﻼﺭﻧﻰ ﺑﯧﺸﯩﻤﯩﺰﺩﯨﻦ ﺋﯚﺗﻜﯜﺯﯛﭖ ﺯﯦﮭﻨﯩﻤﯩﺰﻧﻰ ﭼﯧﻨﯩﻘﺘﯘﺭﯨﺪﯗ، ﺑﯩﺰﻧﻰ ﺗﯧﺨﯩﻤﯘ ﺋﺎﺳﺎﻥ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﻳﻮﻟﯩﻐﺎ ﺋﯜﻧﺪﻩﻳﺪﯗ.

4. ﺩﻩﺭﺱ ﯞﺍﻗﺘﯩﺪﺍ ﻣﯘﺋﻪﻟﻠﯩﻢ: «ﺳﯘ ﻗﺎﻳﻨﺎﺗﻘﺎﻧﺪﺍ، ﺋﻮﺗﯘﻥ ﻳﯧﺘﯩﺸﻤﯩﺴﻪ ﻗﺎﻧﺪﺍﻕ ﻗﯩﻠﯩﺶ ﻛﯧﺮﻩﻙ؟» ﺩﻩﭖ ﺳﻮﺭﯨﺪﻯ. ﺳﺎﯞﺍﻗﺪﺍﺷﻼﺭ ﺑﻪﺱ-ﺑﻪﺳﺘﻪ ﭘﯩﻜﯩﺮ ﺑﺎﻳﺎﻥ ﻗﯩﻠﺪﻯ، ﺑﻪﺯﯨﻠﻪﺭ ﺋﻮﺗﯘﻥ ﺋﺎﺭﯨﻴﻪﺕ ﺋﺎﻟﻐﯩﻠﻰ ﺑﺎﺭﯨﻤﻪﻥ ﺩﯦﺴﻪ، ﺑﻪﺯﯨﻠﻪﺭ ﺳﯧﺘﯩﯟﺍﻟﯩﻤﻪﻥ ﺩﯦﺪﻯ. ﻟﯧﻜﯩﻦ ﺑﯘﻻﺭﻧﯩﯔ ﮪﻪﻣﻤﯩﺴﻰ ﻣﻪﺳﯩﻠﯩﻨﻰ ﺗﯧﺰ ﮪﻪﻝ ﻗﯩﻼﻟﻤﺎﻳﺘﻰ. ﻣﯘﺋﻪﻟﻠﯩﻢ: «ﻧﯧﻤﯩﺸﻘﺎ ﭼﻪﻳﻨﻪﻛﺘﯩﻜﻰ ﺳﯘﻧﯩﯔ ﺑﯩﺮ ﻗﯩﺴﻤﯩﻨﻰ ﺗﯚﻛﯩﯟﻩﺗﻤﻪﻳﺴﯩﻠﻪﺭ؟» ﺩﯦﺪﻯ. ﺳﺎﯞﺍﻗﺪﺍﺷﻼﺭ ﺷﯘﻧﺪﯨﻼ ﮪﻪﻣﻤﯩﻨﻰ ﭼﯜﺷﻪﻧﺪﻯ.

«ﺳﯘﻧﯩﯔ ﺑﯩﺮ ﻗﯩﺴﻤﯩﻨﻰ ﺗﯚﻛﯜﯞﯨﺘﯩﺶ» ﺗﯘﺭﻣﯘﺷﺘﯩﻜﻰ ﺑﯩﺮ ﭼﻮﯓ ﮪﻪﻗﯩﻘﻪﺕ. ﻣﻪﻳﻠﻰ ﺋﺎﺩﻩﻡ ﻳﺎﻛﻰ ﺋﯩﺶ ﺋﯜﺳﺘﯩﺪﻩ ﺑﻮﻟﺴﯘﻥ، ﮪﻪﻣﻤﻪ ﺋﯩﺸﻨﯩﯔ ﺋﻮﯕﯘﺷﻠﯘﻕ ﺑﻮﻟﯘﺷﻰ ﻣﯘﻣﻜﯩﻦ ﺋﻪﻣﻪﺱ، ﮪﺎﻣﺎﻥ ﺳﯩﺰﻧﻰ ﺗﻪﯕﻘﯩﺴﻠﯩﻘﺘﺎ ﻗﻮﻳﯩﺪﯨﻐﺎﻥ ﯞﺍﻗﯩﺘﻼﺭ ﺑﻮﻟﯩﺪﯗ. ﺑﯘﻧﺪﺍﻕ ﯞﺍﻗﯩﺘﺘﺎ، ﺋﺎﺩﻩﻡ ﺋﯩﺮﺍﺩﯨﻠﯩﻚ ﺑﻮﻟﯘﺷﻨﻰ ﺋﯚﮔﯩﻨﯩﺸﻰ ﻛﯧﺮﻩﻙ، ﯞﺍﺯ ﻛﻪﭼﻜﻪﻧﺪﯨﻼ ﺋﺎﻧﺪﯨﻦ ﺋﯧﺮﯨﺸﻜﯩﻠﻰ ﺑﻮﻟﯩﺪﯗ.

ﺩﯗﻧﻴﺎﺩﯨﻜﻰ ﺋﯩﺸﻼﺭﻧﯩﯔ ﺋﻮﻧﺪﯨﻦ ﺗﻮﻗﻘﯘﺯﻯ ﻛﯚﯕﯜﻟﺪﯨﻜﯩﺪﻩﻙ ﺋﻪﻣﻪﺱ. ﻗﯩﻴﯩﻦ ﺋﯩﺸﻘﺎ ﻳﻮﻟﯘﻗﺘﯘﻕ، ﺑﯩﺰﺩﻩ ﺋﺎﺯﺭﺍﻕ ﺗﻪﺗﯜﺭ ﺗﻪﭘﻪﻛﻜﯘﺭ ﺑﻮﻟﯘﺷﻰ ﻛﯧﺮﻩﻙ. ﺷﯘﻧﺪﯨﻼ ﺑﻪﺯﻯ ﻣﯘﺭﻩﻛﻜﻪﭖ ﺋﯩﺸﻼﺭﻧﯩﯔ ﺑﺎﺷﻘﺎ ﻧﯘﻗﺘﯩﺪﯨﻦ ﻗﺎﺭﯨﻐﺎﻧﺪﺍ، ﺋﯘﻧﭽﻪ ﺗﻪﺱ ﺋﻪﻣﻪﺳﻠﯩﻜﯩﻨﻰ ﺗﯘﻳﯘﻗﺴﯩﺰ ﺑﺎﻳﻘﺎﭖ ﻗﺎﻟﯩﺴﯩﺰ.

5. ﻗﻪﺩﯨﻤﻜﻰ ﺯﺍﻣﺎﻧﺪﺍ ﺑﯩﺮ ﻧﺎﻣﺮﺍﺕ ﺯﯨﻴﺎﻟﯩﻲ ﺑﯧﻴﺠﯩﯖﻐﺎ ﺋﯩﻤﺘﯩﮭﺎﻥ ﺑﻪﺭﮔﯩﻠﻰ ﻛﯧﻠﯩﭗ، ﺑﯩﺮ ﺳﺎﺭﺍﻳﺪﺍ ﯞﺍﻗﯩﺘﻠﯩﻖ ﺗﯘﺭﯨﺪﯗ. ﺋﯩﻤﺘﯩﮭﺎﻧﺪﯨﻦ ﺋﯩﻜﻜﻰ ﻛﯜﻥ ﺑﯘﺭﯗﻥ ﺋﯘ ﻣﯘﻧﺪﺍﻕ ﺋﯩﻜﻜﻰ ﭼﯜﺷﻨﻰ ﻛﯚﺭﯨﺪﯗ: ﺑﯩﺮﯨﻨﭽﻰ ﭼﯜﺷﻰ ﺗﺎﻣﻐﺎ ﻳﯧﺴﯩﯟﯦﻠﻪﻙ ﺗﯧﺮﯨﺸﻨﻰ ﺧﯩﻴﺎﻝ ﻗﯩﻠﯩﺶ؛ ﺋﯩﻜﻜﯩﻨﭽﻰ ﭼﯜﺵ ﻳﺎﻣﻐﯘﺭ ﻳﺎﻏﻘﺎﻥ ﻛﯜﻧﻰ، ﺋﯘ ﭼﯩﻎ ﻗﺎﻟﭙﺎﻕ ﻛﯩﻴﯩﭗ ﻗﻮﻟﯩﺪﺍ ﻳﻪﻧﻪ ﻛﯜﻧﻠﯜﻙ ﻛﯚﺗﯜﺭﯨﯟﯨﻠﯩﺶ. ﺑﯘ ﻛﯩﺸﻰ ﺩﻩﺭﮪﺎﻝ ﭘﺎﻟﭽﯩﻨﯩﯔ ﻳﯧﻨﯩﻐﺎ ﺑﯧﺮﯨﭗ ﭼﯜﺷﯩﻨﯩﯔ ﻣﻪﻧﯩﺴﯩﻨﻰ ﺑﯩﻠﻤﻪﻛﭽﻰ ﺑﻮﻟﯩﺪﯗ. ﭘﺎﻟﭽﻰ ﺑﯘﻧﻰ ﺋﺎﯕﻼﭖ ﻳﻮﺗﯩﺴﯩﻐﺎ ﺋﯘﺭﯗﭖ ﺗﯘﺭﯗﭖ: «ﻣﯧﻨﯩﯖﭽﻪ ﺳﯩﺰ ﻳﻪﻧﯩﻼ ﺋﯚﻳﮕﻪ ﻗﺎﻳﺘﯩﯔ. ﺋﻮﻳﻼﭖ ﺑﯧﻘﯩﯔ، ﺋﯧﮕﯩﺰ ﺗﺎﻣﺪﺍ ﻳﯧﺴﯩﯟﯦﻠﻪﻙ ﺗﯧﺮﯨﺴﺎ ﺑﯩﻜﺎﺭﻏﺎ ﻛﻪﺗﻤﻪﻣﺪﯗ؟ ﭼﯩﻎ ﻗﺎﻟﭙﺎﻕ ﻛﯩﻴﯩﭗ ﻳﻪﻧﻪ ﻛﯜﻧﻠﯜﻙ ﺗﯘﺗﯘﺵ ﺑﯩﮭﯘﺩﻩ ﺋﯩﺶ ﺋﻪﻣﻪﺳﻤﯘ؟» ﺩﻩﻳﺪﯗ. ﺯﯨﻴﺎﻟﯩﻲ ﺑﯘﻧﻰ ﺋﺎﯕﻼﭖ ﻛﯚﯕﻠﻰ ﻳﯧﺮﯨﻢ ﺑﻮﻟﯘﭖ، ﺳﺎﺭﺍﻳﻐﺎ ﻗﺎﻳﺘﯩﭗ ﺑﯧﺮﯨﭗ ﻳﯜﻙ-ﺗﺎﻗﻠﯩﺮﯨﻨﻰ ﻳﯩﻐﯩﺸﺘﯘﺭﯗﭖ ﺋﯚﻳﮕﻪ ﻗﺎﻳﺘﯩﺸﻘﺎ ﺗﻪﻳﻴﺎﺭﻟﯩﻖ ﻗﯩﻠﯩﺪﯗ، ﺑﯘ ﭼﺎﻏﺪﺍ ﺳﺎﺭﺍﻱ ﺧﻮﺟﺎﻳﯩﻨﻰ ﻧﺎﮪﺎﻳﯩﺘﻰ ﮪﻪﻳﺮﺍﻥ ﺑﻮﻟﯘﭖ: «ﺋﯩﻤﺘﯩﮭﺎﻧﻨﻰ ﺋﻪﺗﻪ ﺑﻪﺭﻣﻪﻛﭽﻰ ﺋﯩﺪﯨﯖﯩﺰﻏﯘ؟ ﺑﯜﮔﯜﻥ ﻧﯧﻤﯩﺸﻘﺎ ﻳﯘﺭﺗﯩﯖﯩﺰﻏﺎ ﻗﺎﻳﺘﯩﭗ ﻛﻪﺗﻤﻪﻛﭽﻰ ﺑﻮﻟﯩﺴﯩﺰ؟» ﺩﻩﭖ ﺳﻮﺭﺍﻳﺪﯗ. ﺯﯨﻴﺎﻟﯩﻲ ﺳﻪﯞﻩﺑﯩﻨﻰ ﭼﯜﺷﻪﻧﺪﯛﺭﮔﻪﻧﺪﯨﻦ ﻛﯧﻴﯩﻦ، ﺳﺎﺭﺍﻱ ﺧﻮﺟﺎﻳﯩﻨﻰ ﻛﯜﻟﯜﭖ ﻛﯧﺘﯩﯘ ﮪﻪﻣﺪﻩ: «ﯞﻭﻱ، ﻣﻪﻧﻤﯘ ﭼﯜﺷﯜﻣﺶ ﺋﯚﺭﯛﺷﻨﻰ ﺑﯩﻠﯩﻤﻪﻥ، ﻣﯧﻨﯩﯖﭽﻪ، ﺳﯩﺰ ﺑﯘ ﻗﯧﺘﯩﻢ ﭼﻮﻗﯘﻡ ﻗﯧﻠﯩﭗ ﻗﯧﻠﯩﯔ. ﺋﻮﻳﻼﭖ ﺑﯧﻘﯩﯔ، ﺗﺎﻣﻐﺎ ﺗﯧﺮﯨﻠﻐﺎﻥ ﻳﯧﺴﯩﯟﯦﻠﻪﻙ ﺗﯧﺮﯨﺶ ﻳﯧﯖﻰ ﺑﯩﺮ ﺋﯚﻱ-ﭘﯩﻜﯩﺮ ﺋﻪﻣﻪﺳﻤﯘ؟ ﭼﯩﻎ ﻗﺎﻟﭙﺎﻕ ﻛﯩﻴﯩﭗ، ﻛﯜﻧﻠﯜﻙ ﻛﯚﺗﯜﺭﯨﯟﯨﻠﯩﺶ ﺳﯩﺰﻧﯩﯔ ﺑﯘ ﻗﯧﺘﯩﻤﻠﯩﻖ ﺋﯩﻨﺘﯩﮭﺎﻣﻐﺎ ﭘﯘﺧﺘﺎ ﺗﻪﻳﻴﺎﺭﻟﯩﻖ ﻗﯩﻠﻐﺎﻧﻠﯩﻘﯩﯖﯩﺰﻧﻰ ﺑﯩﻠﺪﯛﺭﻣﻪﻣﺪﯗ؟» ﺩﻩﭘﺘﯘ. ﺷﯘﻧﯩﯖﺪﻩﻙ ﺑﯩﺮﻩﺭ ﺋﯩﺸﻘﺎ ﻳﻮﻟﯘﻗﻘﺎﻧﺪﺍ، ﺋﺎﻟﺪﯨﺮﺍﭖ ﮪﯚﻛﯜﻡ ﭼﯩﻘﺎﺭﻣﺎﯓ، ﺑﺎﺷﻘﺎ ﻧﯘﻗﺘﯩﺪﯨﻦ ﻗﺎﺭﯨﻐﺎﻧﺪﺍ، ﻳﻪﻧﻪ ﺑﺎﺷﻘﯩﭽﻪ ﻗﺎﺭﺍﺷﻼﺭ ﭘﻪﻳﺪﺍ ﺑﻮﻟﯩﺪﯗ ﻛﯩﺸﯩﻠﯩﻚ ﮪﺎﻳﺎﺗﻨﯩﯔ ﻳﯜﻛﺴﻪﻛﻠﯩﻜﻰ ﺑﻪﺯﯨﺪﻩ ﺳﯩﺰﻧﯩﯔ ﻣﻪﺳﯩﻠﯩﮕﻪ ﻗﺎﺭﺍﺵ ﻧﯘﻗﺘﯩﯖﯩﺰﻏﺎ ﺑﺎﻏﻠﯩﻖ.

6. ﺑﯩﺮ ﺑﺎﻱ ﻛﯩﺸﻰ ﮪﻪﺭ ﻗﯧﺘﯩﻢ ﺳﯩﺮﺗﻘﺎ ﭼﯩﻘﻘﺎﻧﺪﺍ ﺋﯚﻳﯩﮕﻪ ﺋﻮﻏﺮﻯ ﻛﯩﺮﯨﺸﯩﺪﯨﻦ ﺋﻪﻧﺴﯩﺮﻩﭖ، ﺑﯩﺮ ﺋﯩﺖ ﺳﯧﺘﯩﯟﯦﻠﯩﭗ، ﺋﯩﺸﯩﻚ ﺋﺎﻟﺪﯨﻐﺎ ﺑﺎﻏﻼﭖ ﻗﻮﻳﻤﺎﻗﭽﻰ ﺑﻮﻟﯩﺪﯗ، ﻟﯧﻜﯩﻦ ﻳﻪﻧﻪ ﺑﯩﺮ ﻧﻪﭼﭽﻪ ﻛﯜﻧﺪﯨﻦ ﻛﯧﻴﯩﻦ، ﻳﻪﻧﻪ ﺋﺎﺩﻩﻡ ﻳﺎﻟﻼﭖ ﺋﯩﺘﻨﻰ ﺑﺎﻗﯩﺪﯨﻐﺎﻧﻠﯩﻘﯩﻨﻰ ﮪﯧﺲ ﻗﯩﻠﯩﭗ، ﭘﯘﻝ ﺧﻪﺟﻠﻪﺷﻜﻪ ﭼﯩﺪﯨﻤﺎﻳﺪﯗ. ﺋﯘﺯﺍﻕ ﺋﻮﻳﻼﻧﻐﺎﻧﺪﯨﻦ ﻛﯧﻴﯩﻦ، ﺋﯘ ﺋﺎﺧﯩﺮﻯ ﺑﯩﺮ ﺋﺎﻣﺎﻝ ﺗﺎﭘﯩﺪﯗ: ﺋﯘ ﮪﻪﺭ ﻗﯧﺘﯩﻢ ﺳﯩﺮﺗﻘﺎ ﭼﯩﻘﯩﺸﺘﯩﻦ ﺑﯘﺭﯗﻥ WiFiﻧﻰ ﻣﻪﺧﭙﯩﻲ ﻧﻮﻣﯘﺭﺳﯩﺰ ﻗﯩﻠﯩﭗ ﺋﯚﺯﮔﻪﺭﺗﯩﭗ، ﺋﺎﻧﺪﯨﻦ ﺧﺎﺗﯩﺮﺟﻪﻡ ﮪﺎﻟﺪﺍ ﺳﯩﺮﺗﻘﺎ ﭼﯩﻘﯩﭗ ﻛﯧﺘﯩﺪﯗ. ﺷﯘﻧﯩﯖﺪﯨﻦ ﻛﯧﻴﯩﻦ، ﺋﻮﻥ ﻧﻪﭼﭽﻪ ﺋﺎﺩﻩﻣﻨﯩﯔ ﻳﺎﻥ ﺗﯧﻠﯧﻔﻮﻧﯩﻨﻰ ﻛﯚﺗﯜﺭﯛﭖ ﺋﯘﻧﯩﯔ ﺋﯩﺸﯩﻜﻰ ﺋﺎﻟﺪﯨﺪﺍ ﺯﻭﯕﺰﯨﻴﯩﭗ ﺋﻮﻟﺘﯘﺭﻏﺎﻧﻠﯩﻘﯩﻨﻰ ﻛﯚﺭﮔﯩﻠﻰ ﺑﻮﻟﯩﺪﯗ. ﺷﯘﻧﯩﯖﺪﻩﻙ،ﻣﻪﺳﯩﻠﯩﻨﻰ ﺑﺎﺷﻘﺎ ﻧﯘﻗﺘﯩﺪﯨﻦ ﺋﻮﻳﻠﯩﺴﺎﻕ، ﻧﻪﺗﯩﺠﯩﺴﻰ ﺯﻭﺭ ﺩﻩﺭﯨﺠﯩﺪﻩ ﭘﻪﺭﻗﻠﯩﻨﯩﺪﯗ.

7. ﺑﯩﺮ ﺑﻮﯞﺍﻱ ﻛﯚﻛﺘﺎﺕ ﺑﺎﺯﯨﺮﯨﻐﺎ ﻛﯚﻛﺘﺎﺕ ﺳﯧﺘﯩﯟﺍﻟﻐﯩﻠﻰ ﺑﯧﺮﯨﭗ، ﺋﯜﭺ ﺩﺍﻧﻪ ﭘﻪﻣﯩﺪﯗﺭﻧﻰ ﺗﺎﻟﻼﭖ ﺗﺎﺭﺍﺯﯨﻐﺎ ﻗﻮﻳﯩﺪﯗ، ﻳﺎﻳﻤﺎ ﺋﯩﮕﯩﺴﻰ ﺋﯘﻧﻰ ﺟﯩﯖﻼﭖ: «ﺑﯩﺮ ﻳﯧﺮﯨﻢ ﺟﯩﯔ، ﺋﯜﭺ ﻳﯜﻩﻥ ﻳﻪﺗﺘﻪ ﻣﻮ» ﺩﻳﺪﯗ. ﺑﻮﯞﺍﻱ ﺗﯘﻳﯘﻗﺴﯩﺰ: «ﺷﻮﺭﭘﺎ ﺗﻪﻳﻴﺎﺭﻻﺷﻘﺎ ﺋﯘﻧﭽﻪ ﻛﯚﭖ ﭘﻪﻣﯩﺪﯗﺭ ﻛﻪﺗﻤﻪﻳﺪﯗ » ﺩﻩﻳﺪﯗﺩﻩ ﺋﻪﯓ ﭼﻮﯓ ﭘﻪﻣﯩﺪﯗﺭﻧﻰ ﺋﯧﻠﯩﯟﯨﺘﯩﺪﯗ. ﻳﺎﻳﻤﯩﭽﻰ: «ﺑﯩﺮ ﺟﯩﯖﻰ ﺋﯩﻜﻜﻰ ﺳﻪﺭ، ﺋﯜﭺ ﻳﯜﻩﻥ». ﺋﻪﺗﺮﺍﭘﺘﯩﻜﯩﻠﻪﺭ ﺑﻮﯞﺍﻳﻐﺎ ﺗﺎﺭﺍﺯﯨﻐﺎ ﺩﯨﻘﻘﻪﺕ ﻗﯩﻠﯩﺸﻨﻰ ﺋﻪﺳﻜﻪﺭﺗﻤﻪﻛﭽﻰ ﺑﻮﻟﻐﺎﻧﺪﺍ، ﺑﻮﯞﺍﻱ ﺗﻪﻣﻜﯩﻨﻠﯩﻚ ﺑﯩﻠﻪﻥ 7 ﻣﻮﭼﻪﻧﻨﻰ ﭼﯩﻘﯩﺮﯨﭗ، ﺑﺎﻳﺎ ﺋﯧﻠﯩﯟﻩﺗﻜﻪﻥ ﭼﻮﯓ ﭘﻪﻣﯩﺪﯗﺭﻧﻰ ﺋﯧﻠﯩﭗ، ﺑﯩﻤﺎﻻﻝ ﻛﯧﺘﯩﭗ ﻗﺎﻟﯩﺪﯗ. ﺑﺎﺷﻘﺎ ﺑﯩﺮ ﺧﯩﻞ ﮪﯧﺴﺎﺑﻼﺵ ﺋﯘﺳﯘﻟﯩﻨﻰ ﺋﯚﺯﮔﻪﺭﺗﯩﭗ، ﺋﯚﺯﮔﯩﭽﻪ ﻳﻮﻝ ﺋﺎﭼﺴﯩﯖﯩﺰ، ﻣﻪﺳﯩﻠﯩﻨﻰ ﮪﻪﻝ ﻗﯩﻠﯩﺸﻨﯩﯔ ﻳﻪﻧﻪ ﺑﯩﺮ ﺋﯘﺳﯘﻟﯩﻨﻰ ﺑﺎﻳﻘﺎﻳﺴﯩﺰ.