ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﺋﯜﭼﯜﻥ ﺑﯘ 7 ﻛﻪﻣﭽﯩﻠﯩﻜﯩﯖﯩﺰﻧﻰ ﺋﯚﺯﮔﻪﺭﺗﯩﺸﯩﯖﯩﺰ ﻛﯧﺮﻩﻙ

ﺗﻮﯞﺗﻴﺎﯞ ﺗﻮﺭﻯ ﺧﻪﯞﯨﺮﻯ، ﻧﯘﺭ ﺗﻮﺭﻯ ﺗﻪﺭﺟﯩﻤﯩﺴﻰ:

1. ﮪﯘﺭﯗﻧﻠﯘﻕ

ﮪﯘﺭﯗﻧﻠﯘﻕ ﭘﻪﻗﻪﺕ ﺋﯚﺯﯨﻨﻰ ﻣﻪﻳﻠﯩﮕﻪ ﻗﻮﻳﯘﯞﯦﺘﯩﺸﻜﻪ ﺋﯜﻧﺪﻩﭖ، ﺋﺎﺩﻩﻣﻨﻰ ﭼﯜﺷﻜﯜﻥ ﻗﯩﻠﯩﭗ ﻗﻮﻳﯩﺪﯗ. ﮪﻪﻣﻤﻪ ﺋﺎﺩﻩﻣﺪﻩ ﮪﯘﺭﯗﻧﻠﯘﻕ ﺑﻮﻟﯩﺪﯗ، ﻧﯧﻤﯩﻼ ﺩﯦﮕﻪﻥ ﺑﯩﻠﻪﻥ ﮪﯧﭻ ﺋﯩﺶ ﻗﯩﻠﻤﺎﺳﻠﯩﻖ ﺋﻪﯓ ﺋﺎﺩﺩﯨﻲ ﺋﯩﺶ، ﮪﻪﻣﻤﻪ ﺋﺎﺩﻩﻡ ﮪﯘﺭﯗﻧﻠﯘﻗﻨﻰ ﺗﺎﻟﻠﯩﺴﺎ ﺑﻮﻟﯩﺪﯗ، ﻟﯧﻜﯩﻦ ﺋﺎﺩﻩﻣﻨﯩﯔ ﺋﯚﺳﯜﭖ ﻳﯧﺘﯩﻠﯩﺸﻰ ﮪﯘﺭﯗﻧﻠﯘﻗﺘﯩﻦ ﺋﻪﻣﻪﺱ، ﺑﻪﻟﻜﻰ ﺗﯩﺮﯨﺸﭽﺎﻧﻠﯩﻘﺘﯩﻦ ﻛﯧﻠﯩﺪﯗ. ﺷﯘﯕﺎ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﻤﻪﻥ ﺩﻩﻳﺪﯨﻜﻪﻧﺴﯩﺰ، ﮪﻮﺭﯗﻧﻠﯘﻗﻨﻰ ﻳﯧﯖﯩﭗ، ﺋﯚﺯﯨﯖﯩﺰﻧﻰ ﺗﯧﺨﯩﻤﯘ ﺗﯩﺮﯨﺸﭽﺎﻥ، ﺗﯧﺨﯩﻤﯘ ﺗﻪﻟﻪﭘﭽﺎﻥ، ﺗﯧﺨﯩﻤﯘ ﻛﯚﭖ ﻣﯘﯞﻩﭘﭙﻪﻗﯩﻴﻪﺗﻜﻪ ﺋﯧﺮﯨﺸﺘﯜﺭﯛﺷﯩﯖﯩﺰ ﻛﯧﺮﻩﻙ.

2. ﺷﻪﺧﺴﯩﻴﻪﺗﭽﯩﻠﯩﻚ

ﺷﻪﺧﺴﯩﻴﻪﺗﭽﻰ ﻛﯩﺸﯩﻠﻪﺭﻧﯩﯔ ﻧﻪﺯﯨﺮﯨﺪﻩ ﭘﻪﻗﻪﺕ ﺋﯚﺯﯨﻼ ﺑﺎﺭ، ﺑﯘ ﺧﯩﻞ ﻛﯩﺸﯩﻠﻪﺭ ﺑﺎﺷﻘﯩﻼﺭﻧﻰ ﺋﻪﺳﻼ ﺋﻮﻳﻼﺷﻤﺎﻳﺪﯗ. ﺋﻪﻣﻤﺎ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﻤﻪﻥ ﺩﻩﻳﺪﯨﻜﻪﻧﺴﯩﺰ، ﭼﻮﻗﯘﻡ ﺑﺎﺷﻘﯩﻼﺭﻧﯩﯔ ﻳﺎﺭﺩﯨﻤﯩﮕﻪ ﻣﻮﮪﺘﺎﺝ ﺑﻮﻟﯩﺴﯩﺰ، ﺑﯩﺰ ﭼﻮﻗﯘﻡ ﺋﻪﺗﺮﺍﭘﯩﻤﯩﺰﺩﯨﻜﻰ ﻛﯩﺸﯩﻠﻪﺭ ﺑﯩﻠﻪﻥ ﺋﯩﺘﺘﯩﭙﺎﻗﻠﯩﺸﯩﭗ، ﻛﯩﺸﯩﻠﯩﻚ ﺋﺎﻻﻗﯩﻤﯩﺰﻧﻰ ﻳﺎﺧﺸﻰ ﻗﯩﻠﯩﺸﯩﻤﯩﺰ ﻛﯧﺮﻩﻙ، ﺷﯘﻧﺪﯨﻼ ﺋﻪﮔﺮﻯ-ﺗﻮﻗﺎﻱ ﻳﻮﻟﻼﺭﻧﻰ ﺋﺎﺯ ﻣﯧﯖﯩﭗ، ﻛﯚﭘﺮﻩﻙ ﻳﺎﺭﺩﻩﻣﻠﻪﺭﮔﻪ ﺋﯧﺮﯨﺸﻪﻟﻪﻳﻤﯩﺰ ﮪﻪﻣﺪﻩ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﺎﻻﻳﻤﯩﺰ.

3. ﺋﺎﺭﺍﻡ ﺋﯧﻠﯩﺸﻨﻰ ﺋﯘﻧﺘﯘﻏﺎﻥ ﮪﺎﻟﺪﺍ ﺧﯩﺰﻣﻪﺕ ﻗﯩﻠﯩﺶ

ﻣﻪﻳﻠﻰ ﺳﯩﺰ ﺩﯗﻧﻴﺎﺩﯨﻜﻰ ﺋﻪﯓ ﻣﯘﮪﯩﻢ ﺧﯩﺰﻣﻪﺕ ﻗﯩﻠﯩﺪﯨﻐﺎﻥ ﻣﯘﮪﯩﻢ ﺷﻪﺧﺲ ﺑﻮﻟﺴﯩﯖﯩﺰﻣﯘ، ﺑﻮﻟﻤﯩﺴﯩﯖﯩﺰﻣﯘ، ﺳﯩﺰ ﺧﯩﺰﻣﻪﺗﺘﯩﻦ ﺋﺎﻳﺮﯨﻠﺴﯩﯖﯩﺰﻣﯘ ﺋﯘ ﺧﯩﺰﻣﻪﺕ ﻳﻪﻧﻪ ﺷﯘ ﭘﯧﺘﻰ، ﻧﻮﺭﻣﺎﻝ ﻳﯜﺭﯛﺷﯜﯞﯦﺮﯨﺪﯗ. ﺳﯩﺰ ﮪﻪﺭﮔﯩﺰ ﻛﯚﯕﻠﯩﯖﯩﺰﺩﻩ «ﻣﻪﻥ ﺑﻮﻟﻤﯩﺴﺎﻡ ﺑﯘ ﺧﯩﺰﻣﻪﺕ ﺗﻮﺧﺘﺎﻳﺪﯗ» ﺩﻩﭖ ﺋﻮﻳﻼﭖ ﻗﺎﻟﻤﺎﯓ. ﺷﯘﻧﺪﺍﻕ ﺑﻮﻟﻐﺎﻥ ﺋﯩﻜﻪﻥ، ﺳﯩﺰ ﻧﯧﻤﻪ ﺋﯜﭼﯜﻥ ﻳﻪﻧﻪ ﺋﺎﺭﺍﻡ ﺋﯧﻠﯩﺸﻨﯩﻤﯘ ﺋﯘﻧﺘﯘﻏﺎﻥ ﮪﺎﻟﺪﺍ ﺧﯩﺰﻣﻪﺕ ﻗﯩﻠﯩﺴﯩﺰ؟ ﺋﯧﺴﯩﯖﯩﺰﺩﻩ ﺑﻮﻟﺴﯘﻧﻜﻰ، ﺧﯩﺰﻣﻪﺗﻨﻰ ﺑﺎﺷﻘﯩﻼﺭﻣﯘ ﻗﯩﻼﻻﻳﺪﯗ، ﻟﯧﻜﯩﻦ ﺳﺎﻻﻣﻪﺗﻠﯩﻚ ﭘﻪﻗﻪﺕ ﺋﯚﺯﯨﯖﯩﺰﻧﯩﯖﻼ. ﺋﻪﺳﺘﺎﻳﯩﺪﯨﻞ ﺋﻮﻳﻠﯩﻨﯩﭗ ﺑﯧﻘﯩﯔ: ﮪﺎﻳﺎﺗﯩﯖﯩﺰﻧﯩﯔ ﺋﺎﺧﯩﺮﻗﻰ ﺩﻩﻗﯩﻘﯩﻠﯩﺮﯨﺪﻩ ﺳﯩﺰ ﺗﯧﺨﯩﻤﯘ ﻛﯚﭖ ﺧﯩﺰﻣﻪﺕ ﻗﯩﻠﻤﯩﻐﺎﻧﻠﯩﻘﯩﯖﯩﺰﻏﺎ ﺋﻪﭘﺴﯘﺳﻠﯩﻨﺎﻣﺴﯩﺰ ﻳﺎﻛﻰ ﺗﯧﺨﯩﻤﯘ ﻛﯚﭖ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﺗﯘﺭﻣﯘﺷﺘﯩﻦ ﮪﯘﺯﯗﺭﻻﻧﻤﯩﻐﺎﻧﻠﯩﻘﯩﯖﯩﺰﻏﺎ ﺋﻪﭘﺴﯘﺳﻠﯩﻨﺎﻣﺴﯩﺰ؟

4. ﺋﺎﻏﺮﯨﻨﯩﺶ

ﺋﺎﻏﺮﯨﻨﯩﺶ ﺋﯩﻨﺴﺎﻧﻼﺭﻧﯩﯔ ﺗﻪﺑﯩﺌﯩﺘﻰ ﺧﺎﺭﺍﻛﺘﯧﺮﻯ ﮪﯧﺴﺎﺑﻠﯩﻨﯩﺪﯗ. ﻛﯩﺸﯩﻠﻪﺭ ﺑﯩﻠﯩﭗ-ﺑﯩﻠﻤﻪﻱ ﻧﯘﺭﻏﯘﻥ ﺋﺎﺩﻩﻡ ﯞﻩ ﻧﻪﺭﺳﯩﻠﻪﺭﺩﯨﻦ ﺋﺎﻏﺮﯨﻨﯩﺪﯗ. ﻛﯧﻠﻪﺭ ﻗﯧﺘﯩﻢ ﺋﺎﺩﻩﻡ ﯞﻩ ﺋﯩﺸﻼﺭﺩﯨﻦ ﺋﺎﻏﺮﯨﻨﯩﯟﺍﺗﻘﺎﻧﻠﯩﻘﯩﯖﯩﺰﻧﻰ ﺑﺎﻳﻘﯩﻐﺎﻧﺪﺍ، ﺋﯚﺯﯨﯖﯩﺰﺩﯨﻦ ﺋﺎﻏﺮﯨﻨﯩﺶ ﺳﻪﯞﻩﺑﯩﻨﻰ ﺳﻮﺭﺍﭖ ﺑﯧﻘﯩﯔ. ﺋﻪﻣﻪﻟﯩﻴﻪﺗﺘﻪ ﺋﺎﻏﺮﯨﻨﯩﺶ ﮪﯧﭽﻘﺎﻧﺪﺍﻕ ﺋﯩﺸﻨﻰ ﮪﻪﻝ ﻗﯩﻼﻟﻤﺎﻳﺪﯗ، ﺋﻪﻛﺴﯩﭽﻪ ﺳﯩﺰﻧﻰ ﺗﯧﺨﯩﻤﯘ ﺗﯜﮔﻪﺷﺘﯜﺭﯨﺪﯗ.

5. ﮪﯧﺴﺴﯩﻴﺎﺕ

ﮪﻪﻗﯩﻘﯩﻲ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﺍﻧﻐﯘﭼﻰ ﺋﺎﻟﺪﻯ ﺑﯩﻠﻪﻥ ﺋﯚﺯﯨﻨﯩﯔ ﻛﻪﻳﭙﯩﻴﺎﺗﯩﻨﻰ ﻛﻮﻧﺘﺮﻭﻝ ﻗﯩﻠﯩﺸﻰ، ﺋﻪﺗﺮﺍﭘﯩﺪﯨﻜﻰ ﻣﯘﻧﺎﺳﯩﯟﻩﺗﻜﻪ ﺑﺎﻏﻠﯩﻨﯩﭗ ﻗﺎﻟﻤﺎﺳﻠﯩﻘﻰ ﻛﯧﺮﻩﻙ، ﻳﯘﻗﯩﺮﯨﻐﺎ ﻳﺎﻣﺎﺷﻤﺎﻗﭽﻰ ﺑﻮﻟﻐﺎﻥ ﺋﺎﺩﻩﻣﻨﯩﯔ ﺗﺎﻏﻘﺎ ﭼﯩﻘﯩﺶ ﻳﻮﻟﻰ ﭼﻮﻗﯘﻡ ﺟﺎﭘﺎﻟﯩﻖ ﺑﻮﻟﯩﺪﯗ، ﮪﯩﺴﺴﯩﻴﺎﺕ ﺋﻪﮔﻪﺭ ﺑﻪﻙ ﻛﯚﭖ ﭘﯘﺗﻠﯩﻜﺎﺷﺎﯓ ﺑﻮﻟﺴﺎ، ﭼﻮﻗﯘﻡ ﺳﯩﺰﻧﯩﯔ ﺋﯩﻠﮕﯩﺮﯨﻠﻪﺵ ﻗﻪﺩﯨﻤﯩﯖﯩﺰﮔﻪ ﺗﻮﺳﻘﯘﻧﻠﯘﻕ ﻗﯩﻠﯩﭗ، ﺳﯩﺰﻧﻰ ﺋﯩﻜﻜﯩﻠﯩﻨﯩﭗ، ﻗﻪﺩﻩﻡ ﺋﯧﻠﯩﺸﻘﺎ ﺟﯜﺭﺋﻪﺕ ﻗﯩﻼﻟﻤﺎﻳﺪﯨﻐﺎﻥ ﻗﯩﻠﯩﭗ ﻗﻮﻳﯩﺪﯗ.

6. ﺳﯧﻠﯩﺸﺘﯘﺭﯗﺵ

ﺗﯘﺭﻣﯘﺷﺘﺎ ﻛﯩﺸﯩﻠﻪﺭ ﺑﻪﺧﺘﻠﯩﻚ ﻳﺎﻛﻰ ﺋﻪﻣﻪﺳﻠﯩﻜﯩﻨﻰ، ﺧﯘﺷﺎﻝ ﻳﺎﻛﻰ ﺧﯘﺷﺎﻝ ﺋﻪﻣﻪﺳﻠﯩﻜﯩﻨﻰ ﺑﺎﺷﻘﯩﻼﺭ ﺑﯩﻠﻪﻥ ﺳﯧﻠﯩﺸﺘﯘﺭﻏﺎﻧﺪﺍ ﺋﺎﻧﺪﯨﻦ ﺑﯩﻠﮕﯩﻠﻰ ﺑﻮﻟﯩﺪﯗ ﺩﻩﭖ ﻗﺎﺭﺍﻳﺪﯗ. ﺋﯚﺯﯨﯖﯩﺰﻧﻰ ﺑﺎﺷﻘﯩﻼﺭ ﺑﯩﻠﻪﻥ ﺗﻮﺧﺘﯩﻤﺎﻱ ﺳﯧﻠﯩﺸﺘﯘﺭﯗﺷﻘﺎ ﭘﯧﺘﯩﭗ ﻗﺎﻟﻤﺎﯓ، ﺑﺎﺷﻘﯩﻼﺭﻧﻰ ﺩﻩﭖ ﺋﯚﺯﯨﯖﯩﺰﻧﯩﯔ ﻗﻪﺩﯨﻤﯩﻨﻰ ﻗﺎﻻﻳﻤﯩﻘﺎﻥ ﻗﯩﻠﻤﺎﯓ. ﮪﻪﺭ ﺑﯩﺮ ﺋﺎﺩﻩﻣﻨﯩﯔ ﺋﯚﺯﯨﮕﻪ ﻻﻳﯩﻖ ﭘﯘﺭﺳﯩﺘﻰ ﯞﻩ ﺑﻪﺧﺘﻰ ﺑﻮﻟﯩﺪﯗ، ﻳﻪﻧﻪ ﺋﯚﺯﯨﻨﯩﯔ ﺋﻪﮔﺮﻯ-ﺗﻮﻗﺎﻳﻠﯩﻘﻰ ﯞﻩ ﺷﺎﻧﻠﯩﻖ ﻧﻪﺗﯩﺠﯩﻠﯩﺮﻯ ﺑﻮﻟﯩﺪﯗ، ﺑﺎﺷﻘﯩﻼﺭﻧﯩﯔ ﻣﯘﯞﻩﭘﭙﻪﻗﯩﻴﯩﺘﻰ ﯞﻩ ﺷﺎﻥ-ﺷﻪﺭﯨﭙﻰ ﺑﯩﻠﻪﻥ ﺋﯚﺯﯨﻨﻰ ﺳﯧﻠﯩﺸﺘﯘﺭﻣﺎﺳﻠﯩﻖ ﻛﯧﺮﻩﻙ، ﻗﺎﺭﯨﻐﯘﻻﺭﭼﻪ ﺑﺎﺷﻘﯩﻼﺭﻧﯩﯔ ﺗﯘﺭﻣﯘﺵ ﺋﯘﺳﯘﻟﯩﻨﻰ ﺩﻭﺭﺍﭖ، ﺋﯚﺯﯨﯖﯩﺰﻧﯩﯔ ﺋﻪﺳﻠﻰ ﻣﻪﻗﺴﯩﺘﻰ ﯞﻩ ﺋﯩﻨﺘﯩﻠﯩﺸﯩﻨﻰ ﺋﯘﻧﺘﯘﭖ ﻗﺎﻟﻤﺎﯓ. ﺋﯚﺯﯨﯖﯩﺰﻧﯩﯔ ﻳﯜﺭﻩﻙ ﺳﯚﺯﯨﮕﻪ ﻛﯚﭘﺮﻩﻙ ﻗﯘﻻﻕ ﺳﯧﻠﯩﯔ، ﺋﯧﮭﺘﯩﻴﺎﺟﯩﯖﯩﺰ ﺋﯜﺳﺘﯩﺪﻩ ﻛﯚﭘﺮﻩﻙ ﺋﻮﻳﻠﯩﻨﯩﯔ، ﺋﯚﺯ ﻳﻮﻟﯩﯖﯩﺰﺩﺍ ﻣﯧﯖﯩﯔ، ﺋﯚﺯﯨﯖﯩﺰ ﺑﻮﻟﯘﭖ ﻳﺎﺷﺎﯓ.

7. ﻣﯩﻨﻨﻪﺗﺪﺍﺭ ﺑﻮﻟﯘﺷﻨﻰ ﺑﯩﻠﻤﻪﺳﻠﯩﻚ

ﻣﯩﻨﻨﻪﺗﺪﺍﺭ ﺑﻮﻟﯘﺷﻨﻰ ﺑﯩﻠﻤﻪﺳﻠﯩﻚ ﺋﺎﺳﺎﻧﻼ ﺳﯩﺰﻧﯩﯔ ﺋﻪﺗﺮﺍﻭﯨﯖﯩﺰﺩﯨﻜﻰ ﻛﯩﺸﯩﻠﻪﺭﻧﯩﯔ ﺳﯩﺰﺩﯨﻦ ﺑﯧﺰﺍﺭ ﺑﻮﻟﯘﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ، ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﺋﯜﭼﯜﻥ ﺑﺎﺷﻘﯩﻼﺭﻧﯩﯔ ﻳﺎﺭﺩﯨﻤﯩﮕﻪ ﺋﯧﺮﯨﺸﯩﺶ ﻛﯧﺮﻩﻙ، ﺷﯘﯕﺎ ﻣﯩﻨﻨﻪﺗﺪﺍﺭ ﺑﻮﻟﯘﺷﻨﻰ ﺋﯚﮔﯩﻨﯩﺶ ﻛﯧﺮﻩﻙ. ﮪﻪﺭ ﻛﯜﻧﻰ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺷﻨﻰ ﻣﻪﺷﯩﻖ ﻗﯩﻠﻐﺎﻧﺪﺍ، ﺳﯩﺰﻧﯩﯔ ﺋﻮﻣﯘﻣﯩﻲ ﺋﺎﻛﺘﯩﭙﭽﺎﻧﻠﯩﻘﯩﯖﯩﺰ ﯞﻩ ﭘﯩﺴﺨﯩﻚ ﺳﺎﻏﻼﻣﻠﯩﻘﯩﯖﯩﺰﻧﻰ ﺯﻭﺭ ﺩﻩﺭﯨﺠﯩﺪﻩ ﻳﯘﻗﯩﺮﻯ ﻛﯚﺗﯜﺭﮔﯩﻠﻰ ﺑﻮﻟﯩﺪﯗ، ﻛﯜﻧﺪﯨﻠﯩﻚ ﺧﺎﺗﯩﺮﯨﯖﯩﺰﺩﻩ ﻳﺎﻛﻰ ﻳﺎﻧﻔﻮﻧﯩﯖﯩﺰﺩﺍ ﻳﺎﻛﻰ ﺳﯩﺰ ﻳﺎﺧﺸﻰ ﻛﯚﺭﯨﺪﯨﻐﺎﻥ ﺑﺎﺷﻘﺎ ﺟﺎﻳﻼﺭﺩﺍ، ﻣﯩﻨﻨﻪﺗﺪﺍﺭﻟﯩﻖ ﭘﻪﻳﺘﻠﯩﺮﯨﯖﯩﺰﻧﻰ ﺧﺎﺗﯩﺮﯨﻠﯩﯟﺍﻟﺴﯩﯖﯩﺰ ﺑﻮﻟﯩﺪﯗ. ﻗﯩﻠﯩﺸﻘﺎ ﺗﯧﮕﯩﺸﻠﯩﻚ ﺋﯩﺶ ﭘﻪﻗﻪﺕ ﺳﯩﺰ ﻣﯩﻨﻨﻪﺗﺪﺍﺭ ﺑﻮﻟﻐﺎﻥ ﺑﯩﺮ ﻧﻪﭼﭽﻪ ﺋﯩﺸﻨﻰ ﺋﺎﺩﺩﯨﻲ ﮪﺎﻟﺪﺍ ﻳﯧﺰﯨﺶ، ﺑﻪﻙ ﭼﻮﯓ ﺋﯩﺶ ﺑﻮﻟﯘﭖ ﻛﯧﺘﯩﺸﻨﯩﯔ ﮪﺎﺟﯩﺘﻰ ﻳﻮﻕ، ﺳﯩﺰ ﮪﻪﺗﺘﺎ ﭼﯩﺶ ﭼﻮﺗﻜﯩﯖﯩﺰﻏﺎ ﺭﻩﮪﻤﻪﺕ ﺋﯧﻴﺘﺴﯩﯖﯩﺰﻣﯘ ﺑﻮﻟﯩﺪﯗ، ﻟﯧﻜﯩﻦ ﺳﯩﺰ ﮪﻪﺭ ﻛﯜﻧﻰ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺷﻨﻰ ﻣﻪﺷﯩﻖ ﻗﯩﻠﻐﺎﻧﺪﺍ، ﺋﻪﻣﻪﻟﯩﻴﻪﺗﺘﻪ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺷﻜﻪ ﺗﯧﮕﯩﺸﻠﯩﻚ ﺋﯩﺸﻼﺭﻧﯩﯔ ﺳﯩﺰ ﺩﻩﺳﻠﻪﭘﺘﻪ ﮪﯧﺲ ﻗﯩﻠﻐﺎﻥ ﻧﻪﺭﺳﯩﻠﻪﺭﺩﯨﻦ ﻛﯚﭖ ﺋﯩﻜﻪﻧﻠﯩﻜﯩﻨﻰ ﮪﯧﺲ ﻗﯩﻠﯩﺴﯩﺰ. ﮪﺎﻳﺎﺗﯩﯖﯩﺰﺩﯨﻜﻰ ﺑﺎﺭﻟﯩﻖ ﺋﺎﻛﺘﯩﭗ ﺋﯩﺸﻼﺭﻏﺎ ﻛﯚﯕﯜﻝ ﺑﯚﻟﺴﯩﯖﯩﺰ، ﺗﯘﺭﻣﯘﺷﯩﯖﯩﺰﻏﺎ ﺗﯧﺨﯩﻤﯘ ﻳﺎﺧﺸﻰ ﻗﺎﺭﺍﺷﺘﺎ ﺑﻮﻟﯩﺴﯩﺰ. ﺑﯘﻧﯩﯖﺪﯨﻦ ﺑﺎﺷﻘﺎ، ﻛﻪﻟﮕﯜﺳﯩﺪﻩ ﺑﯘ ﻣﯩﻨﻨﻪﺗﺪﺍﺭﻟﯩﻖ ﺑﯩﻠﺪﯛﺭﯛﺵ ﺋﯩﺸﻠﯩﺮﯨﻨﻰ ﻗﺎﻳﺘﺎ ﺋﻮﻗﯘﺷﻤﯘ ﺳﯩﺰﮔﻪ ﻏﺎﻳﻪﺕ ﺯﻭﺭ ﮪﻪﺭﯨﻜﻪﺗﻠﻪﻧﺪﯛﺭﮔﯜﭺ ﻛﯜﭺ ﺋﯧﻠﯩﭗ ﻛﯧﻠﯩﺪﯗ.

ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﺋﯜﭼﯜﻥ ﺯﻭﺭ ﺗﯩﺮﯨﺸﭽﺎﻧﻠﯩﻖ ﻛﯚﺭﺳﻪﺗﻜﻪﻧﺪﯨﻼ، ﺋﺎﻧﺪﯨﻦ ﺋﺎﺯﺭﺍﻕ ﻧﻪﺗﯩﺠﻪ ﻗﺎﺯﺍﻧﻐﯩﻠﻰ ﺑﻮﻟﯩﺪﯗ. ﺑﯩﺮ ﻣﯘﻧﻪﯞﯞﻩﺭ ﺋﺎﺩﻩﻣﻨﯩﯔ ﻛﻪﻳﻨﯩﺪﻩ ﭼﻮﻗﯘﻡ ﺑﺎﺷﻘﯩﻼﺭ ﻗﯩﻼﻟﻤﺎﻳﺪﯨﻐﺎﻥ ﻗﻪﻳﺴﻪﺭﻟﯩﻚ ﯞﻩ ﺗﯩﺮﯨﺸﭽﺎﻧﻠﯩﻖ ﺑﺎﺭ، ﺑﯩﺰ ﺑﯩﻠﯩﻤﯩﺰ، ﻟﯧﻜﯩﻦ ﻗﯩﻼﻟﻤﺎﻳﻤﯩﺰ، ﭼﯜﻧﻜﻰ ﺑﯩﺰ ﺋﯚﺯﯨﻤﯩﺰﺩﯨﻜﻰ ﺑﯘ ﻛﻪﻣﭽﯩﻠﯩﻜﻠﻪﺭﻧﻰ ﻳﯧﯖﻪﻟﻤﻪﻳﻤﯩﺰ ﻳﺎﻛﻰ ﺑﯩﺮ ﻧﻪﭼﭽﻪ ﻛﯜﻥ ﺑﻪﺭﺩﺍﺷﻠﯩﻖ ﺑﻪﺭﮔﻪﻧﺪﯨﻦ ﻛﯧﻴﯩﻦ ﯞﺍﺯ ﻛﯧﭽﯩﻤﯩﺰ، ﺷﯘﯕﺎ ﻣﯘﯞﻩﭘﭙﻪﻗﯩﻴﻪﺕ ﻗﺎﺯﯨﻨﯩﺶ ﻳﻮﻟﯩﺪﺍ ﻧﺎﮪﺎﻳﯩﺘﻰ ﺟﺎﭘﺎﻟﯩﻖ ﮪﻪﻡ ﺋﯘﺯﺍﻕ ﻣﺎﯕﺴﺎﻗﻤﯘ ﺋﺎﺧﯩﺮﻏﺎ ﻳﯩﺘﻪﻟﻤﻪﻳﻤﯩﺰ. ﻟﯧﻜﯩﻦ ﺑﯩﺰﻧﯩﯔ ﻗﻪﻟﺒﯩﻤﯩﺰﺩﻩ ﺋﻪﺯﻩﻟﺪﯨﻦ ﺑﯩﺮ ﺧﯩﻞ ﻛﯜﭺ ﺑﺎﺭ، ﻳﯧﯖﯩﻠﮕﯩﻨﯩﻤﯩﺰﮔﻪ ﺗﻪﻥ ﺑﻪﺭﻣﻪﻳﻤﯩﺰ، ﺑﺎﺷﻘﯩﻼﺭ ﻗﯩﻼﻟﯩﻐﺎﻧﻨﻰ ﺑﯩﺰﻣﯘ ﻗﯩﻼﻻﻳﻤﯩﺰ، ﺷﯘﯕﺎ، ﺋﯚﺯﯨﯖﯩﺰﮔﻪ ﺑﯩﺮ ﭘﯘﺭﺳﻪﺕ ﺑﯧﺮﯨﯔ. ﺑﯩﺮ ﺩﺍﺩﯨﻞ ﭘﯘﺭﺳﻪﺕ، ﺑﯩﺮ ﺋﯚﺯﯨﻨﻰ ﺋﯚﺯﮔﻪﺭﺗﻪﻟﻪﻳﺪﯨﻐﺎﻥ ﭘﯘﺭﺳﻪﺕ ﺑﻮﻻﻻﻳﺪﯗ.