《金猴圆梦万家欢——
2016广东广播电视台春节晚会》
正式开机录制啦！
圈子妹剧透你地知有咩搞作！
现场红当当一片
好喜庆好有气氛啊~
粤港两地明星亲临现场，
大家有无稳到自己嘅男神女神呀？
歌唱类节目王牌驾到
2016广东春晚嘅舞台阵容唔系一般强大！有杨千嬅、张卫健、汪明荃、潘美辰等等大牌明星唱歌听到你耳油都出啊！
◆ ◆ ◆
杨千嬅
大笑姑婆杨千嬅第一次参加广东春晚，偷偷地爆料俾你地知，到时有《小城大事》听啊，仲有其他就唔讲啦，等你心思思~
睇下班粉丝几开心~
◆ ◆ ◆
“阿姐”汪明荃
讲起阿姐，第一时间就霖起《万水千山总是情》同埋《欢乐年华》，无错啦，今个春晚，阿姐就俾你地过足瘾，用经典引爆全城！！！
◆ ◆ ◆
张卫健
“韦小宝”张卫健准备系春晚嘅舞台上迷倒万千少女，听讲要深情献唱国语金曲《你爱我像谁》啊，记得跟住唱啊！亦有可能唱网友大声呼唤嘅《真真假假》，点都好啦，一样咁冧咁正啊！
◆ ◆ ◆
《麦王争霸》、《音为爱情》
除佐各位大牌明星，我地嘅名牌节目《麦王争霸》《音为爱情》出黎嘅歌手唱功都系一级棒嘅！歌手冯博、叶枫华、梁子媛准备佐歌曲串烧添，够过瘾！
米住！仲有名嘴郑达、马志海要参与啊，要用自家方言来演绎金曲，哈哈哈，净系想象已经觉得好幽默，等住笑爆肚啦你~
语言类节目各出奇招
除佐听歌，点少得睇表演呢？广东春晚联手本土著名栏目，共同炮制“金猴圆梦”粤味“年夜全家桶”。阵容一样劲把炮劲强大啊！所有压箱底拿手好戏一次过攞出黎！
◆ ◆ ◆
卢海潮、何笃忠
好紧张！第一个出场嘅语言类表演系咩？卢海潮、何笃忠等著名笑星第一个上台同观众拜年，猴年肯定要讲关于猴嘅故仔啦，粤语小品好盏鬼嘅，笑到你飚尿啊！猴赛雷啊！
◆ ◆ ◆
《外来媳妇本地郎》
康家已经系春晚嘅常客啦，每次都唔会令大家失望。2016一样会送上最正嘅小品节目，坐定定唔好行开啊。
◆ ◆ ◆
《七十二家房客》
《七十二家房客》可以话系“屏霸”！刷爆观众嘅电视机屏幕。今年观众终于可以见到佢地系春晚嘅舞台上表演啦。除佐笑力大餐之外，仲会参加大联唱啊。
◆ ◆ ◆
《高第街》
没有什么容易打动人，除了真实和情怀。《高第街》剧组将带来精彩节目，浓缩八十年代嘅情怀，展示一代人嘅心路。静落心来睇岁月流变，一齐回望广州高第街老百姓嘅小故事！
◆ ◆ ◆
《同居男女》
有一大班后生忠实粉丝嘅《同居男女》踏上广东春晚舞台，佢地要打造一场充满娱乐感嘅舞台音乐剧。作为80、90后嘅代表，为广东春晚增加更多嘅新鲜感。
◆ ◆ ◆
《谁语争锋》
《谁语争锋》都系第一次走上春晚舞台，栏目组花佐好多功夫。会送上《唐僧师徒的朋友圈》，用西游嘅设计结合方言，两个字！期待！！！
◆ ◆ ◆
胡向真
一到佐咁上下年龄，好多人就会成日俾屋企人“逼婚”！胡向真会带来一个“应对逼婚”嘅小品剧。将自黑进行到底，剩男剩女，唔可以错过啊！
新
春
快
乐
唔可以留系屋企睇春晚嘅朋友都唔需要伤心，行紧街嘅你都有可能成为直播对象，参与到春晚播出添。TVS4嘅《幸运快的》、羊城交通台嘅《大吉利车队》等节目，变身“特攻队”，直击花街、年夜饭、天字码头珠江夜游庆祝现场，送大礼俾观众！
准备好花生瓜子，
以下时段守住部电视啦！