يېقىندىن بۇيان ماي باھاسىنىڭ «ئۇدا ئۆسۈشى» نۇرغۇن كىشىلەرنىڭ پورتمالىنى قۇرۇقداپ قويدى. دائىم ماي قاچىلايدىغانلارنىڭ ھەممىسى تەييار ماينىڭ سۈپىتىنىڭ ياخشىمۇ-يامانمۇ بولىدىغانلىقىنى بىلىدۇ. باھاسى قانچە يۇقىرى بولغان ماي، كۆيۈشكە تېخىمۇ چىداملىقراق كېلىدۇ. باھاسى ئەرزانراق تەييار ماي ئاسان خوراپ تۈگەيدۇ.
نۇرغۇن ماشىنا ئىگىلىرى قاقشاپ، ماي باكىنى لىق توشقۇزساق، ماي سائىتىدە كۆرسىتىلگەن ئالدىنقى يېرىم باك ماينى خېلى ئۇزۇن ھەيدىگىلى بولىدۇ، لېكىن يېرىم سىزىقتىن ئۆتۈپ كەتسىلا، قالغان يېرىم باك ماي خۇددى سۇغا ئوخشاش ناھايىتى تېزلا پارلىنىپ تۈگەيدۇ دېيىشىدۇ.
جۇڭگونىڭ «ئۈچ چوڭ نېفىت شىركىتى» نى كۆپچىلىكنىڭ ھەممىسى بىلىدۇ، يەنى جۇڭگو نېفىت-خىمىيە سانائىتى گۇرۇھى چەكلىك شىركىتى (中石化)، جۇڭگو نېفىت-تەبىئىي گاز گۇرۇھى چەكلىك شىركىتى (中石油)، جۇڭگو دېڭىز-ئوكيان نېفىت گۇرۇھى چەكلىك شىركىتى (中海油). 2019-يىلى «ئۈچ چوڭ نېفىت شىركىتى» نىڭ ساپ پايدىسى 60 مىليارد يۈەندىن ئاشقان. لېكىن بۇ ئۈچ كارخانا ئوتتۇرىسىدا خېلى چوڭ پەرق بار.
«ئۈچ چوڭ نېفىت شىركىتى» توغرىسىدىكى مىش-مىش پاراڭلار ئىزچىل توختاپ قالغىنى يوق، ئۇلار دۆلەت ئىچىدىكى ئەڭ ياخشى نېفىت كارخانىلىرى بولغانىكەن، تەبىئىيلا «بىرىنچى، ئىككىنچى، ئۈچىنچى» دەپ ئايرىلىدۇ. بولۇپمۇ جۇڭگو نېفىت-خىمىيە سانائىتى گۇرۇھى چەكلىك شىركىتى بىلەن جۇڭگو نېفىت-تەبىئىي گاز گۇرۇھى چەكلىك شىركىتى ئوتتۇرىسىدىكى رىقابەت ئىزچىل يوقىلىپ باقمىدى.
كىشىلەر ئارىسىدا جۇڭگو نېفىت-تەبىئىي گاز گۇرۇھى چەكلىك شىركىتى دۆلىتىمىزدە ئىشلەنگەن ماينى ساتىدۇ، جۇڭگو نېفىت-خىمىيە سانائىتى گۇرۇھى چەكلىك شىركىتى ئىمپورت قىلغان ماينى ساتىدۇ دەيدىغان مىش-مىش خەۋەرلەر بار. بۇنداق «خەۋەر» نى نۇرغۇن كىشىلەر ئاڭلىغان بولۇشى مۇمكىن. لېكىن يېقىندا ھۆكۈمەت تەرەپ بۇ پىتنە-ئىغۋاغا رەددىيە بەردى. مەيلى جۇڭگو نېفىت-خىمىيە سانائىتى گۇرۇھى چەكلىك شىركىتى بولسۇن ياكى جۇڭگو نېفىت-تەبىئىي گاز گۇرۇھى چەكلىك شىركىتى بولسۇن، ئىككىلىسىنىڭ دۆلەت ئىچىدە قىدىرىپ تەكشۈرۈلگەن نېفىتلىكى ئاز ئەمەس.
2020-يىلى، جۇڭگو نېفىت-تەبىئىي گاز گۇرۇھى چەكلىك شىركىتىنىڭ دۆلەت ئىچىدىكى نېفىت-گاز ئېكۋىۋالېنتى 200 مىليون توننىغا يەتكەن، چەتئەلدىكى نېفىت-گاز مەھسۇلات مىقدارىمۇ 100 مىليون توننىدىن ئاشقان. جۇڭگو نېفىت-خىمىيە سانائىتى گۇرۇھى چەكلىك شىركىتىنىڭ مەھسۇلات مىقدارى جۇڭگو نېفىت-تەبىئىي گاز گۇرۇھى چەكلىك شىركىتىنىڭكىگە يەتمىسىمۇ، لېكىن مەملىكەت بويىچە ئىككىنچى ئورۇندا تۇرىدۇ، قول ئاستىدىكى نېفىتلىك تەكشۈرۈش، ئېچىش كارخانىسى 18 دىن ئاشىدۇ.
«ئۈچ چوڭ نېفىت شىركىتى» دۆلەت ئىچىدىكى تەييار ماي بازىرىنى ئاساسەن مونوپول قىلىۋالغان بولغاچقا، كۆپچىلىك بۇ ئۈچ كارخانىنىڭ ماي سۈپىتىگە تەبىئىيلا ناھايىتى كۆڭۈل بۆلىدۇ. ئىمپورت قىلىنغان ماي ۋە دۆلىتىمىزدە ئىشلەنگەن ماي توغرىسىدىكى «پىتنە-ئىغۋا» ئاللىقاچان بەربات بولدى. ئۇنداقتا، «ئۈچ چوڭ نېفىت شىركىتى»نىڭ ماي سۈپىتى ئوخشاشلىمۇ؟
ئەمەلىيەتتە، دۆلىتىمىزدە ئىشلەنگەن ماينىڭ سۈپىتى ئىمپورت قىلىنغان ماينىڭ سۈپىتىگە ھەقىقەتەن ئوخشىمايدۇ. خام ماتېرىيالدىن قارىغاندا، ئىمپورت قىلىنغان خام نېفىتنىڭ خۇرۇچى تېخىمۇ ياخشى. ماي مەھسۇلاتلىرى دۆلىتىمىزدە ئىشلەنگەنلىرىدىن ياخشىراق.
جۇڭگو نېفىت-خىمىيە سانائىتى گۇرۇھى چەكلىك شىركىتى بىلەن جۇڭگو نېفىت-تەبىئىي گاز گۇرۇھى چەكلىك شىركىتى ئوتتۇرىسىدىكى ئاساسلىق پەرق ئىككى شىركەتنىڭ نېفىت ئايرىش تېخنىكىسىدا. جۇڭگو نېفىت-خىمىيە سانائىتى گۇرۇھى چەكلىك شىركىتىنىڭ نېفىت ئايرىش تېخنىكىسى دۇنيا بويىچە ئالدىنقى ئورۇندا تۇرىدۇ، شۇڭا ئۇلار ئىشلەپچىقارغان بېنزىننىڭ زىچلىقى جۇڭگو نېفىت-تەبىئىي گاز گۇرۇھى چەكلىك شىركىتى ئىشلەپچىقارغان بېنزىننىڭ زىچلىقىدىن يۇقىرى. ئادەتتە زىچلىقى قانچە يۇقىرى بولسا، ئاپتوموبىلنىڭ ھەرىكەتلەندۈرگۈچ كۈچىمۇ شۇنچە كۈچلۈك بولىدۇ، تەبىئىي ھالدا تېخىمۇ چىداملىقراق بولىدۇ.
لېكىن، جۇڭگو نېفىت-تەبىئىي گاز گۇرۇھى چەكلىك شىركىتى بىلەن جۇڭگو نېفىت-خىمىيە سانائىتى گۇرۇھى چەكلىك شىركىتى 2018-يىلىلا بىر پارچە نېفىت بىلەن ئۆز-ئارا تەمىنلەش كېلىشىمى ئىمزالىغان. ئاددىي قىلىپ ئېيتقاندا، جۇڭگو نېفىت-تەبىئىي گاز گۇرۇھى چەكلىك شىركىتىنىڭ نېفىت ئايرىش زاۋۇتى جۇڭگو نېفىت-خىمىيە سانائىتى گۇرۇھى چەكلىك شىركىتىنىڭ ماي قاچىلاش پونكىتىنى مال بىلەن تەمىنلىسە بولىدۇ، جۇڭگو نېفىت-خىمىيە سانائىتى گۇرۇھى چەكلىك شىركىتىنىڭ نېفىت ئايرىش زاۋۇتىمۇ جۇڭگو نېفىت-تەبىئىي گاز گۇرۇھى چەكلىك شىركىتىگە مال بىلەن تەمىنلىيەلەيدۇ. ئاددىي قىلىپ ئېيتقاندا، ئىككى نېفىت ئايرىش زاۋۇتىنىڭ تەييار مېيى ئەمەلىيەتتە ئۆزئارا كىرىشتۈرۈپ ئىشلىتىلىدۇ، شۇڭا ماي قاچىلىغۇچىلارمۇ سىز قاچىلىغان ماينىڭ زادى قايسى زاۋۇتنىڭ ئىكەنلىكىنى ئېيتىپ بېرەلمەيدۇ