22-سېنتەبىر خەۋەر قىلىنىشىچە، تېڭشۈن بۇ ھەپتە سوۋگوۋنى قوشۇۋالىدىغانلىقىنى رەسمىي ئېلان قىلىدىكەن. پىلان بويىچە، تېڭشۈن مۇتلەق كۆپ قىسىم سوۋگوۋ كەسپى ۋە خىزمەتچىلەرنى قوبۇل قىلىدۇ.
خەۋەرلەرگە قارىغاندا، نۆۋەتتە تېڭشۈننىڭ كۆرۈش نۇقتىسىدىكى خادىم قوبۇل قىلىش خىزمىتى ۋاقتىنچە توختىتىلغان بولۇپ، گۇرۇھ بىلەن سوۋگوۋ بىرلىشىپ ئۇقتۇرۇش چىقارغاندىن كېيىن، ئاندىن خىزمەتچىلەر سانىنى تەڭشەيدىكەن، ئالاھىدە مۇھىم بولغان خادىم قوبۇل قىلىشنى ئالاھىدە تەستىقلاشقا ئىلتىماس قىلسا بولىدىكەن.
9 ـ ئاينىڭ 22 ـ كۈنى چۈشتىن كېيىن، تېڭشۈن قىزىل يۇلتۇز كاپىتال ئىدارىسىغا ئىنكاس قايتۇرۇپ مۇنداق دېدى: « تېڭشۈننىڭ خىزمەتچى قوبۇل قىلىشى ۋە سوۋگوۋ ئەترىتى بىلەن بىرلىشىش ھەممىسى نورمال ئېلىپ بېرىلىۋاتىدۇ».
بۇلتۇر 9- ئايدا، سوۋگوۋ ئەڭ ئاخىرقى خۇسۇسىيلاشتۇرۇش كېلىشىمى ئىمزالىغانلىقىنى جاكارلاپ، بىرلەشتۈرۈش تاماملانغاندىن كېيىن، سوۋگوۋ تېڭشۈننىڭ ۋاسىتىلىك تولۇق مەبلەغلىك تارماق شىركىتى بولۇپ قالىدۇ، سوۋگوۋ ئامېرىكا پاي چېكى نيۇيورك ئاكسىيە بېرژىسىدا بازاردىن چېكىنىدۇ، دېگەن.
بۇ يىل 7 ـ ئاينىڭ 13 ـ كۈنى، بازار نازارەت قىلىش ـ باشقۇرۇش باش ئىدارىسى ھۆججەت تارقىتىپ، تېڭشۈننىڭ سوۋگوۋ پاي ھوقۇقىنى سېتىۋېلىشىنى شەرتسىز تەستىقلايدىغانلىقىنى ئېيتتى.
