مۇخبىرنىڭ 25-چېسلا بانكا-سۇغۇرتا نازارەتچىلىكى كومىتېتىدىن ئىگىلىشىچە، بانكا-سۇغۇرتا نازارەتچىلىكى كومىتېتى خەلق بانكىسى بىلەن بىرلىكتە كەسپىي جەمئىيەتلەرنىڭ ATM(ئاپتوماتىك پۇل ئېلىش ماشىنىسى) دىن بانكا ھالقىپ نەق پۇل ئېلىش رەسمىيەت ھەققىنى تۆۋەنلىتىش تەدبىرىنى يولغا قويۇشىغا يېتەكچىلىك قىلغان.
جۇڭگو بانكا كەسپى جەمئىيىتى، جۇڭگو چىقىم راسچوت جەمئىيىتى بىرلىشىپ ئېلان قىلغان تەشەببۇسنامىگە ئاساسەن، بىر شەھەردە ATMدە بانكا ئاتلاپ نەق پۇل ئېلىش رەسمىيەت ھەققى ئۆلچىمى ھەر قېتىمدا 3.5 يۈەندىن ئېشىپ كەتمەسلىك، باشقا جايدا بانكا ئاتلاپ نەق پۇل ئېلىش رەسمىيەت ھەققى ئېلىشنى ئەمەلدىن قالدۇرۇپ، ئالغان پۇلنىڭ مەلۇم نىسبىتى بويىچە ئېلىنىدىغان ئۆزگەرتىش خىراجىتى، مۇقىم خىراجەت بىلەن بىر شەھەردىكى كەسىپ ئۆلچىمى بىردەك بولۇش كېرەك.
تەشەببۇسنامە يولغا قويۇلغاندىن كېيىن، ATMدە بانكا ھالقىپ نەق پۇل ئېلىش رەسمىيەت ھەققى كۆرۈنەرلىك تۆۋەنلىدى، بىر شەھەردىكى كەسىپنىڭ تۆۋەنلەش نىسبىتى% 10تىن يۇقىرى بولدى، كۆپ سوممىلىق جايلار ئارا كەسىپنىڭ تۆۋەنلەش نىسبىتى% 80تىن يۇقىرى بولدى. دەسلەپكى مۆلچەرگە ئاساسلانغاندا، ھەقنى تۆۋەنلىتىش، پايدىنى ئۆتۈنۈپ بېرىش كۆلىمى يىلىغا تەخمىنەن 4 مىليارد يۈەن بولىدىكەن. تەشەببۇسنامە تەكلىپىنى يولغا قويۇش ئۆتكۈنچى مەزگىلى بىر ئاي بولىدۇ.
