تۇرمۇشتا، خۇشالمۇ ياكى خۇشال ئەمەسمۇ،ھاياتلىقتىن رازىمۇ ياكى ئەمەسمۇ، بەختلىكمۇ ياكى ئەمەسمۇ بۇنى پەقەت ئۆزىڭىز ھېس قىلالالىسىڭىزلا بولدى!
ھاياتلىقنى ئىسراپ قىلىدىغان بۇ4 ئىشنى نۇرغۇن كىشىلەر ھازىرغىچە قىلىۋاتىدۇ:
1. ئەنسىرەش
ئەخمەق كىشىلەر ئۆزىنى تەڭقىسلىقتا قويۇپ، ھەر كۈنى ئۆزىنى جىددىيلەشتۈرۈپ ، غەم - ئەندىشىگە سېلىپ ، ئۆزىنى ھاردۇرۇپ قويىدۇ .
تۇرمۇشتا ھامان ئۆزگىرىش بولىدۇ ، بوران - چاپقۇن بولىدۇ ، بۇنى ھېچكىممۇ ئالدىن پەرەز قىلالمايدۇ .
شۇڭا ، كۈندە غەم-ئەندىشىدە قالغاندىن كۆرە ، ھەر بىر كۈننى ئەركىن - ئازادە، تەبىئىي ، تەمكىن ھالدا ئۆتكۈزۈپ، ھەممە ئىشقا دادىللىق بىلەن يۈزلەنگەن ياخشى ، غەم بىلەن ئۆزىڭىزنى، قەلبىڭىزنى چۈشەپ قويماڭ .
2. ئاغرىنىش
قاخشاپلا ئۆتىدىغانلار خۇشاللىقتىن بارغانسېرى يىراقلىشىپ كېتىدۇ.
مۇھىتقا نارازى بولۇش ، باشقىلارغا نارازى بولۇش ، تەقدىرگە نارازى بولۇش ، رېئاللىققا نارازى بولۇش، ئاخىرىدا ئۆزىنىڭ تاللىشى ۋە قارارىغا نارازى بولۇش...
ئاغرىنىش سىزنىڭ كۈرەش كۈچىڭىزنى ئاجىزلاشتۇرىدۇ، ئالغا ئىلگىرىلەش قەدىمىڭىزگە توسقۇنلۇق قىلىدۇ ، سىزنى پاسسىپ كەيپىياتقا چۈشۈرۈپ قويىدۇ .
بارلىق بوران - چاپقۇنغا باتۇرلۇق بىلەن يۈزلىنىپ ، ھەربىر قارارنى قوبۇل قىلىشقا ئۇرۇنۇپ بېقىڭ. گەرچە بۇ جەريان جاپالىق بولسىمۇ ، يېنىكلىك بىلەن ۋاز كەچمەڭ.
3. قاقشاش
بىرەر ئىشقا يولۇققاندا، ئاۋۋال باشقىلارنى ئەيىبلەش؛ ئوڭۇشسىزلىققا ئۇچرىغاندا، ئالدى بىلەن شارائىتىدىن ئاغرىنىش، بۇ بىر خىل پاسسىپ كىشىلەرنىڭ تۇرمۇش پوزىتسىيەسى، مەسئۇلىيەتچانلىقنىڭ كەمچىل بولغانلىقىنىڭ ئىپادىسى .
قاخشىغاننىڭ ھېچقانداق پايدىسى يوق، ئۆزىڭىزنىڭ مەسىلىسىنى ئېنىق كۆرەلمەيسىز ، خاتالىقىڭىزنى ھېس قىلالمايسىز.
ئەقىللىق كىشىلەر ئاۋۋال ئۆزىدىن جاۋاب ئىزدەشنى بىلىدۇ .
مۇشۇنداق ئاكتىپ پوزىتسىيە بىلەن تۇرمۇشتا يولۇققان مەسىلىلەرگە يۈزلەنگەندىلا، ئاندىن ساۋاقلارنى قوبۇل قىلىپ ، تەجرىبىلەرنى ئاشۇرۇپ، بۇنىڭدىن كېيىنكى تۇرمۇشتا بارغانسېرى مۇۋەپپەقىيەت قازانغىلى بولىدۇ.
4. سېلىشتۇرۇش
تۇرمۇشتا خۇشال بولۇش - بولماسلىق ، قانائەتلىنىش - قانائەتلەنمەسلىك ، بەختلىك بولۇش - بولماسلىقنى پەقەت ئۆزىڭىز ھېس قىلسىڭىزلا بولدى.
باشقىلار بىلەن توختىماي سېلىشتۇرۇشقا پېتىپ قالماڭ، باشقىلارنى دەپ ئۆز قەدىمىڭىزنى قالايمىقانلاشتۇرماڭ .
ھەر بىر ئادەمنىڭ ئۆزىگە خاس پۇرسىتى ۋە بەختى بولىدۇ ، شۇنداقلا ئوڭۇشسىزلىققا ئۇچرايدىغان ۋاقتى بولىدۇ، باشقىلارنىڭ مۇۋەپپەقىيىتى بىلەن ئۆزىنى سېلىشتۇرماسلىق كېرەك .
باشقىلارنىڭ تۇرمۇش ئۇسۇلىغا قارىغۇلارچە ئەگىشىش ، تەقلىد قىلىش ئارقىلىق ئۆزىڭىزنىڭ مەقسىتى ۋە ئىنتىلىشىنى ئۇنتۇپ قالماڭ.
ئۆزىڭىزنىڭ ئىچكى دۇنياسىنى كۆپرەك ئاڭلاپ، ئۆزىڭىزنىڭ ئېھتىياجىنى كۆپرەك ئويلاڭ
