ﮪﻪﺭ ﻛﯜﻧﻰ ﺋﯜﭺ ﯞﺍﻕ ﺗﺎﻣﺎﻗﻨﻰ ﯞﺍﻗﺘﯩﺪﺍ ﻳﻪﯓ.
ﺋﻮﺧﺸﯩﻤﯩﻐﺎﻥ ﻳﺎﺷﺘﯩﻜﻰ ﺩﻭﺳﺘﻼﺭﻧﯩﯔ ﮪﻪﺭﯨﻜﻪﺕ ﻣﯩﻘﺪﺍﺭﻯ، ﻣﯧﺘﺎﺑﻮﻟﯩﺰﻡ ﻣﯩﻘﺪﺍﺭﻯ ﭘﻪﺭﻗﻠﯩﻖ ﺑﻮﻟﯩﺪﯗ، ﻛﯜﭼﻪﻳﺘﯩﺸﻜﻪ ﺗﯧﮕﯩﺸﻠﯩﻚ ﺋﻮﺯﯗﻗﻠﯘﻕ ﻧﯘﻗﺘﯩﺴﯩﻤﯘ ﺷﯘﻧﯩﯖﻐﺎ ﻣﺎﺱ ﭘﻪﺭﻗﻠﯩﻨﯩﺪﯗ، ﻳﯧﻤﻪﻙ-ﺋﯩﭽﻤﻪﻛﺘﻪ ﺗﻪﺑﯩﺌﯩﻲ ﮪﺎﻟﺪﺍ ﭘﻪﺭﻕ ﺑﻮﻟﯩﺪﯗ. ﻟﯧﻜﯩﻦ،ﺋﺎﺳﺎﺳﯩﻲ ﭘﺮﯨﻨﺴﯩﭗ: ﻣﻪﻳﻠﻰ ﻗﺎﻳﺴﻰ ﻳﺎﺵ ﺑﺎﺳﻘﯘﭼﯩﺪﺍ ﺑﻮﻟﺴﯘﻥ، ﻗﺎﻧﯘﻧﯩﻴﻪﺗﻠﯩﻚ ﻳﯧﻤﻪﻙ-ﺋﯩﭽﻤﻪﻙ ﺋﺎﺩﯨﺘﻰ، ﺗﻪﯕﭙﯘﯓ ﺑﻮﻟﻐﺎﻥ ﺋﻮﺯﯗﻗﻠﯘﻕ ﺋﻪﯓ ﻣﯘﮪﯩﻢ.
ﺳﺎﻏﻼﻡ ﺑﻪﺩﻩﻥ، ﺋﯜﭺ ﯞﺍﺥ ﺗﺎﻣﺎﻗﻨﯩﯔ ﻗﺎﻧﯘﻧﯩﻴﻪﺗﻠﯩﻚ ﺑﻮﻟﯘﺷﯩﺪﯨﻦ ﺑﺎﺷﻠﯩﻨﯩﺪﯗ.
ﺑﯩﺮ ﻛﯜﻧﺪﻩ ﺋﯜﭺ ﯞﺍﺥ ﺗﺎﻣﺎﻗﻨﻰ ﯞﺍﻗﺘﯩﺪﺍ ﻳﯧﻴﯩﺶ ﻛﯧﺮﻩﻙ، ﻟﯧﻜﯩﻦ ﻧﯘﺭﻏﯘﻥ ﻛﯩﺸﯩﻠﻪﺭ ﺑﯩﺮ ﻛﯜﻧﺪﻩ ﭘﻪﻗﻪﺕ ﺋﯩﻜﻜﻰ ﯞﺍﺧﻼ ﺗﺎﻣﺎﻕ ﻳﻪﻳﺪﯗ، ﻛﯚﭖ ﮪﺎﻟﻼﺭﺩﺍ ﻗﯩﺴﻘﺎﺭﺗﯩﯟﯦﺘﯩﻠﯩﺪﯨﻐﯩﻨﻰ ﺩﻩﻝ ﺑﯩﺮ ﻛﯜﻧﻠﯜﻙ ﺋﯧﻨﯧﺮﮔﯩﻴﻪ ﻣﻪﻧﺒﻪﺳﻰ ﺑﻮﻟﻐﺎﻥ ﺋﯩﻨﺘﺎﻳﯩﻦ ﻣﯘﮪﯩﻢ ﺑﻮﻟﻐﺎﻥ ﻧﺎﺷﺘﯩﻠﯩﻖ. ﻧﺎﺷﺘﺎ ﻗﯩﻠﻤﺎﺳﻠﯩﻖ ﺳﺎﻏﻼﻣﻠﯩﻘﯩﻤﯩﺰﻏﺎ ﺗﻪﮪﺪﯨﺖ ﺳﺎﻟﯩﺪﯗ، ﻧﺎﺷﺘﯩﻠﯩﻘﻘﺎ ﺳﻪﻝ ﻗﺎﺭﺍﺷﻨﯩﯔ ﺗﯚﯞﻩﻧﺪﯨﻜﯩﺪﻩﻙ ﺯﯨﻴﯩﻨﻰ ﺑﺎﺭ.
1. ﺋﺎﺳﺎﻧﻼ ﺋﯚﺕ ﻛﯧﺴﯩﻠﻰ ﭘﻪﻳﺪﺍ ﻗﯩﻠﯩﺪﯗ.
ﺋﯚﺕ ﻳﺎﻟﻠﯘﻏﯩﻨﯩﯔ ﺷﻪﻛﯩﻠﻠﯩﻨﯩﺸﯩﺪﻩ ﺗﯜﺭﻟﯜﻙ ﺳﻪﯞﻩﺑﻠﻪﺭ ﺑﻮﻟﺴﯩﻤﯘ، ﻟﯧﻜﯩﻦ ﻧﺎﺷﺘﺎ ﻗﯩﻠﻤﺎﺳﻠﯩﻖ ﺑﯘﻧﯩﯔ ﺋﯩﭽﯩﺪﯨﻜﻰ ﺋﻪﯓ ﻳﺎﺩﺭﻭﻟﯘﻕ ﺋﺎﻣﯩﻞ. ﺋﯚﺕ ﺋﺎﺟﺮﯨﺘﯩﭗ ﭼﯩﻘﺎﺭﻏﺎﻥ ﺋﯚﺕ ﺳﯘﻳﯘﻗﻠﯘﻗﻰ ﺑﯩﻴﻮﻟﻮﮔﯩﻴﻪﻟﯩﻚ ﺳﺎﺋﻪﺗﻜﻪ ﺋﻮﺧﺸﺎﺵ ﺗﻮﻏﺮﺍ ﻗﺎﻧﯘﻧﯩﻴﻪﺗﻜﻪ ﺋﯩﮕﻪ.
ﻣﻪﻳﻠﻰ ﺋﺎﺩﻩﻡ ﻧﺎﺷﺘﺎ ﻗﯩﻠﺴﯘﻥ ﻳﺎﻛﻰ ﻗﯩﻠﻤﯩﺴﯘﻥ، ﺋﯚﺕ ﺳﯘﻳﯘﻗﻠﯘﻗﻰ ﺋﻪﺗﯩﮕﻪﻧﺪﻩ ﺋﻮﺧﺸﺎﺷﻼ ﺋﺎﺟﺮﯨﻠﯩﭗ ﭼﯩﻘﯩﺪﯗ.
ﺋﻪﮔﻪﺭ ﺋﺎﺩﻩﻡ ﻧﺎﺷﺘﺎ ﻗﯩﻠﻤﯩﺴﺎ، ﺋﯚﺕ ﺋﺎﺟﺮﯨﺘﯩﭗ ﭼﯩﻘﺎﺭﻏﺎﻥ ﺋﯚﺕ ﺳﯘﻳﯘﻗﻠﯘﻗﻰ ﭘﻪﻗﻪﺕ ﺋﯚﺕ ﺧﺎﻟﺘﯩﺴﯩﺪﯨﻼ ﺳﺎﻗﻠﯩﻨﯩﭗ ﻗﺎﻟﯩﺪﯗ، ﻣﯘﺷﯘﻧﺪﺍﻕ ﺩﺍﯞﺍﻣﻠﯩﺸﯩﯟﻩﺭﺳﻪ، ﺋﯚﺕ ﺳﯘﻳﯘﻗﻠﯘﻗﻰ ﻳﯩﻐﯩﻠﯩﭗ ﻗﯧﻠﯩﭗ، ﺋﯚﺗﻜﻪ ﺗﺎﺵ ﭼﯜﺷﯜﺵ ﯞﻩ ﺋﯚﺕ ﻳﺎﻟﻠﯘﻏﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ، ﺑﻪﺯﯨﻠﯩﺮﻯ ﺗﻪﺭﻩﻗﻘﯩﻲ ﻗﯩﻠﯩﭗ ﺋﻪﯓ ﺋﺎﺧﯩﺮﯨﺪﺍ ﺋﯚﺗﻨﻰ ﻛﯧﺴﯩﭗ ﺋﯧﻠﯩﯟﯦﺘﯩﺸﻜﻪ ﺗﻮﻏﺮﺍ ﻛﯧﻠﯩﺪﯗ.
2. ﺳﯧﻤﯩﺰﻟﯩﻚ
ﻧﺎﺷﺘﺎ ﻗﯩﻠﻤﺎﻱ، ﭼﯜﺷﻠﯜﻙ ﺗﺎﻣﺎﻗﻨﻰ ﺋﺎﭺ ﻗﻮﺭﺳﺎﻕ ﮪﺎﻟﻪﺗﺘﻪ ﻳﯧﮕﻪﻧﺪﻩ، ﻳﯧﻤﻪﻛﻠﯩﻚ ﺗﯧﺨﯩﻤﯘ ﺋﺎﺳﺎﻥ ﺳﯜﻣﯜﺭﯛﻟﯜﭖ، ﺋﯧﻨﯧﺮﮔﯩﻴﻪ ﻣﯩﻘﺪﺍﺭﻯ ﺋﯚﻟﭽﻪﻣﺪﯨﻦ ﺋﯧﺸﯩﭗ ﻛﯧﺘﯩﭗ، ﺋﺎﺳﺎﻧﻼ ﺳﻪﻣﺮﯨﭗ ﻛﯧﺘﯩﺸﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.
ﭼﻪﺗﺌﻪﻝ ﺗﻪﺗﻘﯩﻘﺎﺗﻠﯩﺮﯨﺪﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﺎﺷﺘﺎ ﻗﯩﻠﯩﺪﯨﻐﺎﻧﻼﺭﻧﻰ ﺩﺍﺋﯩﻢ ﻧﺎﺷﺘﺎ ﻗﯩﻠﻤﺎﻳﺪﯨﻐﺎﻧﻼﺭﻏﺎ ﺳﯧﻠﯩﺸﺘﯘﺭﻏﺎﻧﺪﺍ،ﻧﺎﺷﺘﺎ ﻗﯩﻠﻤﺎﻳﺪﯨﻐﺎﻧﻼﺭﻧﯩﯔ ﺳﯧﻤﯩﺰﻟﯩﻚ ﻛﯧﺴﯩﻠﯩﮕﻪ ﮔﯩﺮﯨﭙﺘﺎﺭ ﺑﻮﻟﯘﺵ ﺧﻪﯞﭘﻰ %31ﺗﯩﻦ ﺋﺎﺷﯩﺪﯨﻜﻪﻥ.
3. ﺯﯦﮭﻨﯩﻨﻰ ﻳﯩﻐﺎﻟﻤﺎﺳﻠﯩﻖ
ﻧﺎﺷﺘﺎ ﻗﯩﻠﻤﯩﻐﺎﻧﺪﺍ، ﻗﺎﻥ ﺷﯧﻜﯩﺮﻯ ﺗﯚﯞﻩﻥ ﮪﺎﻟﻪﺗﺘﻪ ﺗﯘﺭﯨﺪﯗ. ﭼﻮﯓ ﻣﯧﯖﯩﻨﯩﯔ ﺑﯩﺮﺩﯨﻨﺒﯩﺮ ﺋﯧﻨﯧﺮﮔﯩﻴﻪ ﻣﻪﻧﺒﻪﺳﻰ ﻗﺎﻧﺪﯨﻜﻰ ﮔﻠﯘﻛﻮﺯﺍ (ﻳﻪﻧﻰ ﻗﺎﻥ ﺷﯧﻜﯩﺮﻯ) ﺑﻮﻟﯘﭖ، ﻗﺎﻥ ﺷﯧﻜﯩﺮﻯ ﺗﯚﯞﻩﻥ ﺑﻮﻟﺴﺎ، ﺋﺎﺩﻩﻣﻨﯩﯔ ﺯﯦﮭﻨﯩﻲ ﻛﯜﭼﻰ ﻣﻪﺭﻛﻪﺯﻟﻪﺷﻤﻪﻳﺪﯗ،ﺋﯩﻨﻜﺎﺳﻰ ﺋﺎﺳﺘﯩﻼﻳﺪﯗ، ﺭﻭﮪﻰ ﭼﯜﺷﻜﯜﻧﻠﯩﺸﯩﺪﯗ، ﺧﯩﺰﻣﻪﺕ ﺋﯜﻧﯜﻣﯩﻤﯘ ﺗﻪﺑﯩﺌﯩﻴﻼ ﺯﻭﺭ ﺩﻩﺭﯨﺠﯩﺪﻩ ﺗﯚﯞﻩﻧﻠﻪﻳﺪﯗ.
4. ﺋﺎﺳﺎﻥ ﻗﯧﺮﯨﭗ ﻛﯧﺘﯩﺶ
ﻧﺎﺷﺘﺎ ﻗﯩﻠﻤﯩﻐﺎﻧﺪﺍ ﺑﻪﺩﻩﻧﻨﻰ ﺋﯧﻨﯧﺮﮔﯩﻴﻪ ﺑﯩﻠﻪﻥ ﺗﻪﻣﯩﻨﻠﯩﮕﯩﻠﻰ ﺑﻮﻟﻤﺎﻳﺪﯗ ، ﺋﺎﻗﺴﯩﻞ ﻛﻪﻣﭽﯩﻞ ﺑﻮﻟﺴﺎ، ﺗﯧﺮﻩ ﻗﯘﺭﻏﺎﻗﻠﯩﺸﯩﭗ،ﻗﯧﺮﯨﺶ ﺳﯜﺭﺋﯩﺘﻰ ﺗﯧﺰﻟﯩﺸﯩﺪﯗ.
5. ﺋﺎﺳﺎﻧﻼ ﻗﺎﻥ ﺷﯧﻜﯩﺮﻯ ﺗﯚﯞﻩﻧﻠﻪﭖ، ﺟﯩﮕﻪﺭﻧﯩﯔ ﺋﯩﻘﺘﯩﺪﺍﺭﯨﻐﺎ ﺑﯘﺯﻏﯘﻧﭽﯩﻠﯩﻖ ﻗﯩﻠﯩﺪﯗ.
ﻗﺎﻥ ﺷﯧﻜﯩﺮﻯ ﺗﯚﯞﻩﻥ ﺑﻮﻟﯘﺷﻨﯩﯔ ﺧﻪﺗﯩﺮﻯ ﻗﺎﻥ ﺷﯧﻜﯩﺮﻯ ﻳﯘﻗﯩﺮﻯ ﺑﻮﻟﯘﺷﺘﯩﻦ ﺋﻮﻥ ﮪﻪﺳﺴﻪ ﭼﻮﯓ ﺑﻮﻟﯩﺪﯗ، ﭼﯜﻧﻜﻰ ﻗﺎﻥ ﺷﯧﻜﯩﺮﻯ ﺗﯚﯞﻩﻥ ﺑﻮﻟﯘﺵ ﺑﯩﺮ ﻣﻪﺯﮔﯩﻞ ﺩﺍﯞﺍﻣﻼﺷﻘﺎﻧﺪﯨﻦ ﻛﯧﻴﯩﻦ، ﭼﻮﯓ ﻣﯧﯖﻪ ﮪﯜﺟﻪﻳﺮﯨﻠﯩﺮﯨﻨﯩﯔ ﺋﯚﻟﯜﺷﯩﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﺪﯗ.
6. ﺋﯩﻤﻤﯘﻧﯩﺘﯧﺖ ﻛﯜﭼﻰ ﺗﯚﯞﻩﻧﻠﻪﺵ
ﺧﻪﻟﻘﺌﺎﺭﺍ ﺋﯩﻠﯩﻢ-ﭘﻪﻥ ﺗﻪﺗﻘﯩﻘﺎﺗﯩﺪﯨﻦ ﺑﺎﻳﻘﯩﻠﯩﺸﯩﭽﻪ، ﺋﯘﺯﺍﻕ ﻣﯘﺩﺩﻩﺕ ﻧﺎﺷﺘﺎ ﻗﯩﻠﻤﺎﻳﺪﯨﻐﺎﻧﻼﺭﺩﺍ ﺋﺎﺳﺎﻧﻼ ﺋﺎﻗﺴﯩﻞ-ﺋﯧﻨﯧﺮﮔﯩﻴﻪ ﻳﯧﺘﯩﺸﻤﻪﺳﻠﯩﻚ ﺋﻪﮪﯟﺍﻟﻰ ﻳﯜﺯ ﺑﯧﺮﯨﺪﯨﻜﻪﻥ، ﮪﻪﺗﺘﺎ ﺑﻪﺯﯨﻠﯩﺮﻯ ﻗﺎﻥ ﺋﺎﺯﻟﯩﻘﻨﻰ ﻛﻪﻟﺘﯜﺭﯛﭖ ﭼﯩﻘﯩﺮﯨﭗ، ﺑﻪﺩﻩﻧﻨﯩﯔ ﺋﯩﻤﻤﯘﻧﯩﺘﯧﺖ ﻛﯜﭼﻰ ﺗﯚﯞﻩﻧﻠﻪﭖ، ﺗﯧﻨﻰ ﺋﺎﺟﯩﺰﻻﭖ، ﺋﺎﺳﺎﻧﻼ ﺯﯗﻛﺎﻡ ﻗﺎﺗﺎﺭﻟﯩﻖ ﻛﯧﺴﻪﻟﻠﯩﻜﻠﻪﺭﮔﻪ ﮔﯩﺮﯨﭙﺘﺎﺭ ﺑﻮﻟﯩﺪﯨﻜﻪﻥ.
7. ﺋﺎﺷﻘﺎﺯﺍﻥ ﺋﯜﭼﻪﻱ ﻳﻮﻟﻰ ﺋﯩﻘﺘﯩﺪﺍﺭﻯ ﻗﺎﻻﻳﻤﯩﻘﺎﻧﻠﯩﺸﯩﺶ.
ﺗﻪﻛﺮﺍﺭ ﻧﺎﺷﺘﺎ ﻗﯩﻠﻤﯩﻐﺎﻧﺪﺍ، ﺋﺎﺷﻘﺎﺯﺍﻥ-ﺋﯜﭼﻪﻱ ﻳﻮﻟﯩﻨﯩﯔ ﺋﯩﻘﺘﯩﺪﺍﺭﯨﺪﺍ ﻣﻪﺳﯩﻠﻪ ﻛﯚﺭﯛﻟﯜﺷﺘﯩﻦ ﺳﺎﻗﻼﻧﻐﯩﻠﻰ ﺑﻮﻟﻤﺎﻳﺪﯗ.
8. ﻗﺎﻧﺪﯨﻜﻰ ﻣﺎﻱ ﻣﯩﻘﺪﺍﺭﯨﻨﯩﯔ ﺋﯧﺸﯩﭗ ﻛﯧﺘﯩﺸﻰ
ﺗﻪﺗﻘﯩﻘﺎﺗﻼﺭﺩﺍ ﻛﯚﺭﺳﯩﺘﯩﻠﯩﺸﯩﭽﻪ، ﻧﺎﺷﺘﺎ ﻗﯩﻠﻤﺎﻳﺪﯨﻐﺎﻧﻼﺭﻧﯩﯔ ﻗﯧﻨﯩﺪﯨﻜﻰ ﺧﻮﻟﯧﺴﺘﯧﺮﯨﻦ ﻣﯩﻘﺪﺍﺭﻯ ﮪﻪﺭ ﻛﯜﻧﻰ ﻧﺎﺷﺘﺎ ﻗﯩﻠﯩﺪﯨﻐﺎﻧﻼﺭﻧﯩﯖﻜﯩﺪﯨﻦ %10 ﻳﯘﻗﯩﺮﻯ ﺑﻮﻟﯩﺪﯨﻜﻪﻥ، ﺑﯘ ﺑﻪﻟﻜﯩﻢ ﻧﺎﺷﺘﺎ ﻗﯩﻠﻤﯩﻐﺎﻧﻠﯩﻘﺘﯩﻦ ﺑﻪﺩﻩﻧﺪﯨﻜﻰ ﻳﺎﻍ ﯞﻩ ﺧﻮﻟﯧﺴﺘﯧﺮﻭﻝ ﻣﯧﺘﺎﺑﻮﻟﯩﺰﻣﯩﻨﯩﯔ ﻧﻮﺭﻣﺎﻟﺴﯩﺰﻟﯩﻘﯩﺪﯨﻦ ﻛﯧﻠﯩﭗ ﭼﯩﻘﻘﺎﻥ ﺑﻮﻟﯘﺷﻰ ﻣﯘﻣﻜﯩﻦ ﺋﯩﻜﻪﻥ.
ﭼﯜﺷﻠﯜﻙ ﺗﺎﻣﺎﻕ ﺑﯩﺮ ﻛﯜﻥ ﺋﯩﭽﯩﺪﯨﻜﻰ ﻣﯘﮪﯩﻢ ﺑﯩﺮ ﯞﺍﺥ ﺗﺎﻣﺎﻕ ﺑﻮﻟﯘﭖ، ﺋﯘ ﺗﻪﻣﯩﻨﻠﯩﮕﻪﻥ ﺋﯧﻨﯧﺮﮔﯩﻴﻪ ﺑﯩﺮ ﺋﺎﺩﻩﻣﻨﯩﯔ ﭘﯜﺗﯜﻥ ﻛﯜﻧﻠﯜﻙ ﺋﯧﻨﯧﺮﮔﯩﻴﻪ ﺳﻪﺭﭘﯩﻴﺎﺗﯩﻨﯩﯔ %40ﯨﻨﻰ ﺋﯩﮕﯩﻠﻪﻳﺪﯗ. ﻛﯚﭘﯩﻨﭽﻪ ﻛﯩﺸﯩﻠﻪﺭ ﻧﺎﺷﺘﺎ ﻗﯩﻠﯩﺸﻘﺎ ﻳﯧﺘﯩﺸﻪﻟﻤﻪﺳﻠﯩﻜﻰ ﻳﺎﻛﻰ ﺋﯘﻧﺘﯘﭖ ﻗﯧﻠﯩﺸﻰ ﻣﯘﻣﻜﯩﻦ، ﺋﻪﻣﻤﺎ ﺋﺎﺩﻩﺗﺘﻪ ﭼﯜﺷﻠﯜﻙ ﺗﺎﻣﺎﻕ ﻳﯧﻤﻪﺳﻠﯩﻜﻰ ﻣﯘﻣﻜﯩﻦ ﺋﻪﻣﻪﺱ.
ﭼﯜﺷﻠﯜﻙ ﺗﺎﻣﺎﻗﻘﺎ ﻧﯩﺴﺒﻪﺗﻪﻥ ﺋﯧﻴﺘﻘﺎﻧﺪﺍ، ﺋﻪﯓ ﻣﯘﮪﯩﻤﻰ ﻛﻪﻳﭙﯩﻴﺎﺗﻨﻰ ﺗﻪﯕﺸﻪﭖ ﺋﺎﻧﺪﯨﻦ ﻳﯧﻴﯩﺶ ﻛﯧﺮﻩﻙ.
ﺗﻪﻛﺸﯜﺭﯛﺷﻠﻪﺭﺩﻩ ﻛﯚﺭﺳﯩﺘﯩﻠﯩﺸﯩﭽﻪ، ﺋﺎﭼﭽﯩﻘﻼﻧﻐﺎﻥ ﯞﺍﻗﯩﺘﺘﺎ ﺗﺎﻣﺎﻕ ﻳﯧﮕﻪﻧﺪﻩ ﺋﺎﺷﻘﺎﺯﺍﻥ، ﺋﯜﭼﻪﻱ ﺋﯩﻘﺘﯩﺪﺍﺭﻯ ﻗﺎﻻﻳﻤﯩﻘﺎﻧﻠﯩﺸﯩﺶ، ﮪﻪﺯﯨﻢ ﻗﯩﻠﯩﺶ ﻧﺎﭼﺎﺭﻟﯩﺸﯩﺶ ﭘﻪﻳﺪﺍ ﺑﻮﻟﯘﺵ ﺧﻪﯞﭘﻰ ﻧﻮﺭﻣﺎﻝ ﮪﺎﻟﻪﺗﺘﯩﻜﯩﺪﯨﻦ 1.5 ﮪﻪﺳﺴﻪ ﻳﯘﻗﯩﺮﻯ ﺑﻮﻟﯩﺪﯨﻜﻪﻥ. ﺷﯘﯕﺎ، ﭼﯜﺷﻠﯜﻙ ﺗﺎﻣﺎﻕ ﯞﺍﻗﺘﯩﺪﺍ ﻛﯩﺸﯩﻠﻪﺭ ﭼﻮﻗﯘﻡ ﺋﯚﺯﯨﻨﯩﯔ ﻛﻪﻳﭙﯩﻴﺎﺗﯩﻨﻰ ﺗﻪﯕﺸﻪﭖ، ﭼﯜﺷﺘﯩﻦ ﺑﯘﺭﯗﻥ ﻳﯜﺯ ﺑﻪﺭﮔﻪﻥ ﺋﯩﺸﻼﺭﻧﻰ ﯞﺍﻗﺘﯩﻨﭽﻪ ﺋﯘﻧﺘﯘﺷﻰ، ﭼﯜﺷﺘﯩﻦ ﻛﯧﻴﯩﻦ ﻳﯜﺯ ﺑﯧﺮﯨﺪﯨﻐﺎﻥ ﺋﯩﺸﻼﺭﻧﯩﻤﯘ ﺋﻮﻳﻠﯩﻤﺎﺳﻠﯩﻘﻰ، ﭼﯜﺷﻠﯜﻙ ﺗﺎﻣﺎﻕ ﯞﺍﻗﺘﯩﻨﻰ ﺋﯚﺯﯨﮕﻪ ﺟﯩﻤﺠﯩﺖ ﻗﺎﻟﺪﯗﺭﯗﺷﻰ، ﭼﯜﺷﻠﯜﻙ ﺗﺎﻣﺎﻕ ﯞﺍﻗﺘﯩﻨﻰ ﺟﯩﺴﻤﺎﻧﯩﻲ ﯞﻩ ﺭﻭﮪﯩﻲ ﺟﻪﮪﻪﺗﺘﯩﻦ ﺋﺎﺭﺍﻡ ﺋﺎﻟﯩﺪﯨﻐﺎﻥ ﭘﻪﻳﺖ ﺩﻩﭖ ﻗﺎﺭﯨﺸﻰ ﻛﯧﺮﻩﻙ.
ﺋﯘﻧﯩﯖﺪﯨﻦ ﺑﺎﺷﻘﺎ، ﺧﯩﺰﻣﻪﺗﭽﯩﻠﻪﺭﻧﯩﯔ ﭼﯜﺷﻠﯜﻙ ﺩﻩﻡ ﺋﯧﻠﯩﺶ ﯞﺍﻗﺘﻰ ﺋﺎﺩﻩﺗﺘﻪ ﺑﯩﺮ ﺳﺎﺋﻪﺕ ﺑﻮﻟﯘﭖ، ﻧﯘﺭﻏﯘﻥ ﻛﯩﺸﯩﻠﻪﺭ ﺋﻪﯓ ﻛﯚﭖ ﺑﻮﻟﻐﺎﻧﺪﺍ 20 ﻣﯩﻨﯘﺕ ﯞﺍﻗﯩﺖ ﺳﻪﺭﭖ ﻗﯩﻠﯩﭗ ﭼﯜﺷﻠﯜﻙ ﺗﺎﻣﺎﻕ ﻳﻪﻳﺪﯗ، ﺋﺎﺭﯨﻠﯩﻘﺘﺎ ﻳﻪﻧﻪ ﺗﯧﻠﯧﻔﻮﻥ ﻗﻮﺑﯘﻝ ﻗﯩﻠﯩﺪﯗ،ﺋﯘﭼﯘﺭ ﻳﻮﻟﻼﻳﺪﯗ، ﻣﯩﻜﺮﻭ ﺑﯩﻠﻮﮒ ﺋﻮﻳﻨﺎﻳﺪﯗ، ﺩﻭﺳﺘﻼﺭ ﭼﻪﻣﺒﯩﺮﯨﻜﯩﻨﻰ ﻛﯚﺭﯨﺪﯗ، ﺗﺎﻣﺎﻕ ﻳﻪﭖ ﺑﻮﻟﻐﺎﻧﺪﯨﻦ ﻛﯧﻴﯩﻦ ﮪﯧﭽﻨﯧﻤﻪ ﻳﯧﻤﻪﻳﺪﯗ.
ﺷﯘﯕﺎ، ﺑﯩﺰ ﭼﯜﺷﻠﯜﻙ ﺗﺎﻣﺎﻗﻨﻰ ﺗﻮﻳﻐﯘﭼﻪ ﻳﯧﻴﯩﺶ، ﻳﺎﺧﺸﻰ ﻳﯧﻴﯩﺸﻨﻰ ﺗﻪﺷﻪﺑﺒﯘﺱ ﻗﯩﻠﯩﻤﯩﺰ.
ﻛﻪﭼﻠﯩﻚ ﺗﺎﻣﺎﻕ ﯞﺍﻗﺘﻰ ﻗﺎﻧﯘﻧﯩﻴﻪﺗﻠﯩﻚ ﺑﻮﻟﯘﺷﻰ، ﻛﯚﭖ ﻳﯧﻤﻪﺳﻠﯩﻜﻰ ﻛﯧﺮﻩﻙ.
ﺋﺎﺷﻘﺎﺯﺍﻥ-ﺋﯜﭼﻪﻱ ﺑﻪﻟﮕﯩﻠﯩﻚ ﻗﺎﻧﯘﻧﯩﻴﻪﺗﻜﻪ ﻣﻮﮪﺘﺎﺝ. ﺋﻪﮔﻪﺭ ﮪﻪﺭ ﻛﯜﻧﻰ ﻛﻪﭺ ﺳﺎﺋﻪﺕ 6～7 ﮔﯩﭽﻪ ﺑﻮﻟﻐﺎﻥ ﺋﺎﺭﯨﻠﯩﻘﺘﺎ ﻛﻪﭼﻠﯩﻚ ﺗﺎﻣﺎﻕ ﻳﯧﺴﻪ، ﺑﯘ ﯞﺍﻗﯩﺘﺘﺎ ﺑﻪﺩﻩﻥ ﺋﺎﺷﻘﺎﺯﺍﻥ ﻛﯩﺴﻼﺗﺎﺳﻰ ﺋﺎﺟﺮﯨﺘﯩﭗ ﭼﯩﻘﯩﺮﯨﭗ، ﻳﯧﻤﻪﻛﻠﯩﻚ ﻛﯩﺮﮔﻪﻧﺪﯨﻦ ﻛﯧﻴﯩﻦ ﺋﺎﺭﯨﻠﯩﺸﯩﭗ ﮪﻪﺯﯨﻢ ﻗﯩﻠﯩﺪﯗ. ﺋﻪﮔﻪﺭ ﻛﻪﭼﻠﯩﻚ ﺗﺎﻣﺎﻕ ﯞﺍﻗﺘﻰ ﺳﺎﺋﻪﺕ 8 ～ 9ﻏﯩﭽﻪ ﺑﻮﻟﻐﺎﻥ ﯞﺍﻗﯩﺘﻘﺎ ﺋﯚﺯﮔﻪﺭﺳﻪ، ﺋﺎﺷﻘﺎﺯﺍﻥ ﯞﻩ ﺋﯜﭼﻪﻳﺪﻩ ﻗﺎﻳﺘﯩﺪﯨﻦ ﻗﺎﻧﯘﻧﯩﻴﻪﺗﻠﯩﻚ ﯞﺍﻗﯩﺖ ﺟﻪﺩﯞﯨﻠﻰ ﺗﯘﺭﻏﯘﺯﯗﻟﻐﺎﻧﺪﯨﻦ ﻛﯧﻴﯩﻦ، ﮪﻪﺯﯨﻢ ﻗﯩﻠﯩﺶ ﺟﻪﺭﻳﺎﻧﯩﻤﯘ ﺋﻮﺧﺸﺎﺷﻼ ﻳﺎﺧﺸﻰ ﺋﯧﻠﯩﭗ ﺑﯧﺮﯨﻠﯩﺪﯗ.
ﺋﺎﺷﻘﺎﺯﺍﻥ ﯞﻩ ﺋﯜﭼﻪﻳﻨﻰ ﺋﺎﺳﺮﺍﺷﺘﺎ ﺑﯩﺮ ﻗﯩﺴﯩﻢ ﻳﯘﻗﯩﺮﻯ ﻗﺎﻥ ﺷﯧﻜﯩﺮﻯ، ﻳﯘﻗﯩﺮﻯ ﻗﺎﻥ ﺑﯧﺴﯩﻢ ﻛﯧﺴﯩﻠﻰ ﺑﺎﺭ ﺩﻭﺳﺘﻼﺭﻣﯘ ﮪﻪﺭﮔﯩﺰ ﮪﻪﺩﺩﯨﺪﯨﻦ ﺋﯧﺸﯩﭗ ﻛﻪﺗﻜﻪﻥ ﺋﯘﺳﯘﻝ ﺑﯩﻠﻪﻥ ﻳﯧﻤﻪﻙ-ﺋﯩﭽﻤﻪﻛﻨﻰ ﻛﻮﻧﺘﺮﻭﻝ ﻗﯩﻠﻤﺎﺳﻠﯩﻘﻰ، ﻛﻪﭼﻠﯩﻚ ﺗﺎﻣﺎﻕ ﻳﯧﻤﻪﺳﻠﯩﻜﺘﯩﻦ ﻛﯧﻠﯩﭗ ﭼﯩﻘﯩﺪﯨﻐﺎﻥ ﺑﯩﺮ ﻗﺎﺗﺎﺭ ﺋﺎﻗﯩﯟﻩﺗﻠﻪﺭﺩﯨﻦ ﺳﺎﻗﻠﯩﻨﯩﺸﻰ ﻛﯧﺮﻩﻙ
