ﮪﻮﻟﻠﯩﯟﻭﺩﺗﯩﻜﻰ ﺩﺍﯕﻠﯩﻖ ﻛﯧﻠﯩﺸﻜﻪﻥ ﺋﺎﺭﺗﯩﺴﻼﺭ ﺗﯩﻠﻐﺎ ﺋﯧﻠﯩﻨﺴﺎ ﺑﻪﻟﻜﯩﻢ ﻧﯘﺭﻏﯘﻥ ﻛﯩﺸﯩﻠﻪﺭﻧﯩﯔ ﻛﯚﺯ ﺋﺎﻟﺪﯨﻐﺎ ﺗﺎﻡ ﻛﺮﯗﺱ، ﺟﻮﻧﻨﻰ ﺩﻩﭖ، ﻟﯧﺌﻮﻧﺎﺭﺩﻭ ﺩﯨﻜﺎﭘﺮﯨﺌﻮ، ﺋﻮﺭﻻﻧﺪﻭ ﺑﻠﯘﻡ، ﺑﯩﺮﺍﺩ ﭘﯩﺖ ﻗﺎﺗﺎﺭﻟﯩﻘﻼﺭ ﻛﯧﻠﯩﺸﻰ ﻣﯘﻣﻜﯩﻦ.
ﺋﯘﻻﺭﺩﯨﻦ ﺳﯩﺮﺕ ﻳﻪﻧﻪ ﺑﯩﺮ ﺋﺎﺭﺗﯩﺲ ﻧﯘﺭﻏﯘﻥ ﮪﻮﻟﻠﯩﯟﻭﺩ ﻛﯩﻨﻮﻟﯩﺮﯨﺪﺍ ﺭﻭﻝ ﺋﯧﻠﯩﭗ، ﺋﯚﺯﯨﻨﯩﯔ ﻗﺎﺑﯩﻞ ﺭﻭﻝ ﺋﯧﻠﯩﺶ ﻣﺎﮪﺎﺭﯨﺘﻰ ﺑﯩﻠﻪﻥ ﻧﯘﺭﻏﯘﻥ ﻛﯚﺭﯛﺭﻣﻪﻧﻠﻪﺭﻧﯩﯔ ﻗﯩﺰﻏﯩﻦ ﻳﺎﻗﺘﯘﺭﯨﺸﯩﻐﺎ ﺋﯧﺮﯨﺸﻜﻪﻥ. ﺑﯜﮔﯜﻥ ﺩﺍﺋﯩﻢ ﻧﯘﺭﻏﯘﻥ ﻛﯩﻨﻮﻻﺭﺩﺍ ﺗﻮﻧﯘﺵ ﺳﯩﻤﺎﺳﯩﻨﻰ ﻛﯚﺭﯛﭖ ﺗﯘﺭﯨﺪﯨﻐﺎﻥ،ﻟﯧﻜﯩﻦ ﺩﻩﻣﺎﻟﻠﯩﻘﻘﺎ ﻧﯘﺭﻏﯘﻧﻠﯩﺮﯨﻤﯩﺰ ﺋﯩﺴﻤﯩﻨﻰ ﺋﻪﺳﻠﯩﻴﻪﻟﻤﻪﻳﺪﯨﻐﺎﻥ ﮪﻮﻟﻠﯩﯟﻭﺩﺗﯩﻜﻰ ﻳﻪﻧﻪ ﺑﯩﺮ ﻛﯧﻠﯩﺸﻜﻪﻥ ﺋﺎﺭﺗﯩﺲ ﺟﯘﺩ ﻟﻮ(jude law) ﺋﯜﺳﺘﯩﺪﻩ ﺗﻮﺧﺘﯩﻠﯩﭗ ﺋﯚﺗﯩﻤﯩﺰ.
ﺋﯘ ﺳﻪﻧﺌﻪﺕ ﺳﺎﮪﻪﺳﯩﮕﻪ ﻗﻪﺩﻩﻡ ﻗﻮﻳﻐﺎﻥ 30 ﻧﻪﭼﭽﻪ ﻳﯩﻠﺪﯨﻦ ﺑﯘﻳﺎﻥ ﻧﯘﺭﻏﯘﻥ ﻛﯩﻨﻮ-ﺗﯩﻴﺎﺗﯩﺮﻻﺭﺩﺍ ﮪﻪﺭﺧﯩﻞ ﺭﻭﻟﻼﺭﻧﻰ ﺋﺎﻟﺪﻯ، ﺑﻪﺯﻯ ﻛﯩﻨﻮﻻﺭﺩﺍ ﺋﺎﻟﻐﺎﻥ ﺭﻭﻟﯩﻐﺎ ﻗﺎﺭﺍﭖ ﺋﯘﻧﯩﯔ ﻛﯧﻠﯩﺸﻜﻪﻥ ﭼﯩﺮﺍﻳﻰ، ﻗﺎﻣﻼﺷﻘﺎﻥ ﻗﻪﺩﺩﻯ- ﻗﺎﻣﯩﺘﯩﻐﺎ ﻣﻪﭘﺘﯘﻥ ﺑﻮﻟﺴﯩﯖﯩﺰ، ﻳﻪﻧﻪ ﺑﻪﺯﻯ ﻛﯩﻨﻮﻻﺭﺩﯨﻜﻰ ﺋﺎﻟﻐﺎﻥ ﺭﻭﻟﯩﻐﺎ ﻗﺎﺭﺍﭖ ﺋﯩﻠﮕﯩﺮﻯ ﺑﺎﺷﻘﺎ ﻛﯩﻨﻮﻻﺭﺩﺍ ﻛﯚﺭﮔﻪﻥ ﺋﺎﺷﯘ ﻛﯧﻠﯩﺸﻜﻪﻥ ﻳﯩﮕﯩﺖ ﻣﯘﺷﯘ ﺷﯘﻣﯩﺪﯗ؟ ﺩﻩﭖ ﭘﻪﺭﻗﻠﻪﻧﺪﯛﺭﻩﻟﻤﻪﻱ ﻗﺎﻟﺴﯩﯩﺰ.
ﺋﯘ 2018-ﻳﯩﻠﻰ «ﺋﺎﺟﺎﻳﯩﭗ ﮪﺎﻳﯟﺍﻧﻼﺭ ﻗﻪﻳﻪﺭﺩﻩ 2» (神奇动物在哪里2)ﺩﻩ ﺩﺍﻣﺒﯘﻟﺪﻭﺭﻧﯩﯔ ﻳﺎﺵ ﯞﺍﻗﺘﯩﻨﯩﯔ ﺭﻭﻟﯩﻨﻰ ﺋﯧﻠﯩﭗ ﻧﯘﺭﻏﯘﻥ ﺋﺎﻳﺎﻝ ﻛﯚﺭﯛﺭﻣﻪﻧﻠﻪﺭﻧﻰ ﺋﯚﺯﯨﮕﻪ ﻣﻪﭘﺘﯘﻥ ﻗﯩﻠﯩﯟﺍﻟﺪﻯ. ﻧﯘﺭﻏﯘﻥ ﺋﺎﻳﺎﻝ ﻛﯚﺭﯛﺭﻣﻪﻧﻠﻪﺭ ﺑﻪﺱ-ﺑﻪﺳﺘﻪ ﺋﯘﻧﯩﯔ ﺋﯩﻠﮕﯩﺮﻯ ﺭﻭﻝ ﺋﺎﻟﻐﺎﻥ ﻛﯩﻨﻮﻻﺭﺩﺍ ﻗﺎﻧﭽﯩﻠﯩﻚ ﻛﯧﻠﯩﺸﻜﻪﻥ ﺋﯩﻜﻪﻧﻠﯩﻜﯩﻨﻰ ﺋﯧﻴﺘﯩﺸﺘﻰ. ﺑﻪﺯﻯ ﻛﯚﺭﯛﺭﻣﻪﻧﻠﻪﺭ ﺋﯘﻧﯩﯔ ﮪﯧﻠﯩﮭﻪﻡ ﺷﯘﻧﺪﺍﻕ ﻛﯧﻠﯩﺸﻜﻪﻥ ﺗﯘﺭﻏﺎﻧﻠﯩﻘﻰ، ﮪﺎﺯﯨﺮﻣﯘ ﺋﯘﻧﻰ ﺑﻪﻛﻤﯘ ﻳﺎﻗﺘﯘﺭﯨﺪﯨﻐﺎﻧﻠﯩﻘﯩﻨﻰ ﺋﯧﻴﺘﯩﺸﺘﻰ.
ﻳﯘﻗﯩﺮﯨﻘﻰ ﻛﯩﻨﻮﺩﯨﻜﻰ ﭼﺎﭼﻠﯩﺮﻯ ﭼﺎﺭﻻﺷﻘﺎﻥ ﺋﻮﺗﺘﯘﺭﺍ ﻳﺎﺷﻠﯩﻖ ﺑﯘ ﺋﻪﺭﮔﻪ ﻗﺎﺭﺍﭖ ﺑﻪﻟﻜﯩﻢ ﺋﯘﻧﻰ «ﻛﯧﻠﯩﺸﻜﻪﻥ» ﺩﯦﮕﻪﻥ ﺑﯘ ﺳﯜﭘﻪﺗﻜﻪ ﻳﯧﻘﯩﻨﻤﯘ ﻛﻪﻟﻤﻪﻳﺪﯨﻐﯘ؟ ﺩﻩﭖ ﺋﻮﻳﻼﭖ ﻗﯧﻠﯩﺸﯩﯖﯩﺰ ﻣﯘﻣﻜﯩﻦ. ﺋﯘﻧﯩﯔ ﻳﯧﯖﻰ ﺳﻪﻧﺌﻪﺕ ﺳﺎﮪﻪﺳﯩﮕﻪ ﻗﻪﺩﻩﻡ ﻗﻮﻳﻐﺎﻥ ﭼﺎﻏﺪﯨﻜﻰ ﻳﺎﻛﻰ ﺑﯘﻧﯩﯖﺪﯨﻦ ﺋﻮﻥ ﻧﻪﭼﭽﻪ ﻳﯩﻞ ﺑﯘﺭﯗﻧﻘﻰ ﺋﯩﺸﻠﯩﮕﻪﻥ ﻛﯩﻨﻮﻟﯩﺮﯨﻐﺎ ﻧﻪﺯﻩﺭ ﺳﺎﻟﯩﺪﯨﻐﺎﻥ ﺑﻮﻟﺴﯩﯖﯩﺰ ﺋﯘﻧﯩﯔ ﮪﯚﺳﯩﻦ –ﺟﺎﻣﺎﻟﯩﻐﺎ ﮪﻪﻗﯩﻘﻪﺕ ﻗﺎﻳﯩﻞ ﺑﻮﻟﻤﺎﻱ ﺗﯘﺭﺍﻟﻤﺎﻳﺴﯩﺰ.
ﺋﯘ ﻛﯩﻨﻮ «ﮔﺎﺗﺎﻛﺎ» (千钧一发)ﺩﺍ ﻣﯧﻴﯩﭗ ﺳﯘ ﺋﯜﺯﯛﺵ ﻣﺎﮪﯩﺮﯨﻨﯩﯔ ﺭﻭﻟﯩﻨﻰ ﺋﺎﻟﻐﺎﻥ ﺑﻮﻟﯘﭖ، ﻛﯩﻨﻮﺩﺍ ﭼﺎﻗﻠﯩﻖ ﺋﻮﺭﯗﻧﺪﯗﻗﺘﺎ ﺋﻮﻟﺘﯘﺭﻏﺎﻥ ﮪﺎﻟﯩﺘﯩﻤﯘ ﺋﯘﻧﯩﯔ ﺋﺎﺷﯘ ﻛﯧﻠﯩﺸﻜﻪﻥ ﻗﯩﻴﺎﭘﯩﺘﯩﻐﺎ ﻗﯩﻠﭽﯩﻠﯩﻚ ﻧﯘﻗﺴﺎﻥ ﻳﻪﺗﻜﯜﺯﻩﻟﻤﯩﮕﻪﻧﯩﺪﻯ. ﺋﯘ ﻳﻪﻧﻪ ﻛﯩﻨﻮ «ﺗﺎﻻﻧﺘﻠﯩﻖ ﻳﯩﮕﯩﺖ ﺭﯨﭙﻠﯧﻲ» (The Talented Mr. Ripley)ﺩﯨﻜﻰ ﮪﻪﺭﺑﯩﺮ ﮪﻪﺭﯨﻜﻪﺗﻠﯩﺮﯨﺪﯨﻦ ﺑﯩﺮ ﺧﯩﻞ ﺟﻪﻟﯩﭙﻜﺎﺭﻟﯩﻖ ﭼﯩﻘﯩﭗ ﺗﯘﺭﯨﺪﯨﻐﺎﻥ ﺑﺎﻳﯟﻩﺗﭽﻰ ﻳﯩﮕﯩﺘﻨﯩﯔ ﺭﻭﻟﯩﻨﯩﻤﯘ ﻧﺎﮪﺎﻳﯩﺘﻰ ﯞﺍﻳﯩﻐﺎ ﻳﻪﺗﻜﯜﺯﯛﭖ ﺋﻮﺭﯗﻧﻠﯩﻐﺎﻧﯩﺪﻯ.
ﺑﯘ ﻛﯩﭽﯩﻚ ﯞﺍﻗﺘﯩﻤﯩﺰﺩﺍ ﺯﯦﺮﯨﻜﻤﻪﻱ ﺋﻮﻟﺘﯘﺭﯗﭖ ﻧﻪﭼﭽﻪ ﺭﻩﺕ ﻛﯚﺭﮔﻪﻥ ﻛﯩﻨﻮ «ﺳﯜﻧﺌﯩﻲ ﺋﯩﺪﺭﺍﻙ» (人工智能)ﺗﯩﻜﻰ ﻣﺎﺷﯩﻨﺎ ﺋﺎﺩﻩﻡ ﺋﻮﺑﺮﺍﺯﻯ. ﺋﯘ ﻣﻪﺯﻛﯘﺭ ﻛﯩﻨﻮﺩﯨﻜﻰ ﺋﻮﺑﺮﺍﺯﻯ ﺑﯩﻠﻪﻥ 59-ﻧﯚﯞﻩﺗﻠﯩﻚ ﺋﺎﻟﺘﯘﻥ ﺷﺎﺭ ﻣﯘﻛﺎﭘﺎﺗﯩﻨﯩﯔ ﺋﻪﯓ ﻳﺎﺧﺸﻰ ﻳﺎﻧﺪﺍﺵ ﭘﯧﺮﺳﻮﻧﺎﮊ ﻧﺎﻣﺰﺍﺗﻠﯩﻘﯩﻐﺎ ﻛﯚﺭﺳﯩﺘﯩﻠﮕﻪﻥ.
ﺟﯘﺩ ﻟﻮ 1987-ﻳﯩﻠﻰ 15 ﻳﺎﺵ ﯞﺍﻗﺘﯩﺪﺍ ﺋﻪﻧﮕﻠﯩﻴﻪ ﺩﯙﻟﻪﺗﻠﯩﻚ ﻳﺎﺷﻼﺭ ﻣﯘﺯﯨﻜﺎ-ﺗﯩﻴﺎﺗﯩﺮﺧﺎﻧﯩﺴﯩﺪﺍ ﺋﯚﺯﯨﻨﯩﯔ ﺋﺎﺭﺗﯩﺴﻠﯩﻖ ﮪﺎﻳﺎﺗﯩﻨﻰ ﺑﺎﺷﻠﯩﻐﺎﻥ. ﺋﯘ ﺳﻪﻧﺌﻪﺕ ﺳﺎﮪﻪﺳﯩﮕﻪ ﺗﯘﻧﺠﻰ ﻗﻪﺩﻩﻡ ﻗﻮﻳﻐﺎﻧﺪﺍ ﻛﯩﻨﻮ-ﺗﯧﻠﯧﯟﯨﺰﯨﻴﻪﺩﻩ ﺭﻭﻝ ﺋﯧﻠﯩﺸﻘﺎ ﺋﺎﻟﺪﯨﺮﯨﻤﯩﻐﺎﻥ. ﺋﯚﺯﯨﻨﯩﯔ ﺑﺎﺭﻟﯩﻖ ﺩﯨﻘﻘﻪﺕ-ﻧﻪﺯﯨﺮﯨﻨﻰ ﺳﻪﮪﻨﻪ ﺗﯩﻴﺎﺗﯩﺮﻏﺎ ﻗﺎﺭﺍﺗﻘﺎﻥ ﮪﻪﻣﺪﻩ ﻗﯧﺘﯩﺮﻗﯩﻨﯩﭗ ﺋﺎﯞﺍﺯ ﻣﻪﺷﯩﻘﻰ ﻗﯩﻠﻐﺎﻥ، ﺑﯩﺮ ﻗﻪﺩﻩﺭ ﻳﺎﺧﺸﻰ ﺑﻮﻟﻐﺎﻥ ﺭﻭﻝ ﺋﯧﻠﯩﺶ ﻣﺎﮪﺎﺭﯨﺘﯩﻨﻰ ﻳﯧﺘﯩﻠﺪﯛﺭﮔﻪﻥ. 1994-ﻳﯩﻠﻰ 22 ﻳﺎﺷﻠﯩﻖ ﺟﯘﺩ ﻻ ﻛﻮﻣﯧﺪﯨﻴﻪ «Les Parents terribles»ﺩﺍ ﺭﻭﻟﻨﻰ ﯞﺍﻳﯩﻐﺎ ﻳﻪﺗﻜﯜﺯﯛﭖ ﺋﻮﺭﯗﻧﺪﯨﻐﺎﻧﻠﯩﻘﻰ ﮪﻪﻣﺪﻩ ﺋﯚﺯﯨﻨﯩﯔ ﺋﺎﺟﺎﻳﯩﭗ ﮔﯜﺯﻩﻝ ﺗﻪﻗﻰ-ﺗﯘﺭﻗﻰ ﺑﯩﻠﻪﻥ ﺗﯩﻴﺎﺗﯩﺮﺧﺎﻧﯩﺪﯨﻜﻰ ﺑﺎﺭﻟﯩﻖ ﺗﺎﻣﺎﺷﯩﺒﯩﻨﻼﺭﻧﯩﯔ ﻛﯚﯕﻠﯩﻨﻰ ﺋﯚﺯﯨﮕﻪ ﺭﺍﻡ ﻗﯩﻠﯩﯟﺍﻟﻐﺎﻥ. ﺷﯘﻧﯩﯖﺪﯨﻦ ﻛﯧﻴﯩﻦ ﺋﯘ ﻧﯘﺭﻏﯘﻥ ﻧﺎﺩﯨﺮ ﻛﯩﻨﻮﻻﺭﺩﺍ ﺭﻭﻝ ﺋﯧﻠﯩﺶ ﭘﯘﺭﺳﯩﺘﯩﮕﻪ ﺋﯧﺮﯨﺸﻜﻪﻥ.
1997-ﻳﯩﻠﻰ ﺟﯘﺩ ﻟﻮ ﻛﯩﻨﻮ «ﯞﺍﻳﻠﺪ» (王尔德)ﺩﺍ ﺩﺍﯕﻠﯩﻖ ﺷﺎﺋﯩﺮ ﺋﻮﺳﻜﺎﺭ ﯞﺍﻳﻠﺪﻧﯩﯔ ﮪﻪﻣﺠﯩﻨﯩﺲ ﻣﻪﺷﯘﻗﻰ ﺋﺎﻟﻔﯧﺮﺩ ﮔﺮﺍﻓﻨﯩﯔ ﺭﻭﻟﯩﻨﻰ ﺋﯧﻠﯩﭗ ﻛﯩﻨﻮ-ﺗﯩﻴﺎﺗﯩﺮ ﻛﯚﺭﯛﺭﻣﻪﻧﻠﯩﺮﯨﻨﯩﯔ ﺩﯨﻘﻘﯩﺘﯩﻨﻰ ﻗﻮﺭﻏﯩﻐﺎﻥ. ﻣﻪﺯﻛﯘﺭ ﻛﯩﻨﻮﺩﯨﻜﻰ ﻣﯘﻧﻪﯞﯞﻩﺭ ﺭﻭﻝ ﺋﯧﻠﯩﺶ ﻣﺎﮪﺎﺭﯨﺘﯩﮕﻪ ﺗﺎﻳﯩﻨﯩﭗ ﺋﻪﯓ ﻣﯘﻧﻪﯞﯞﻩﺭ ﻳﯧﯖﻰ ﭼﻮﻟﭙﺎﻥ ﻣﯘﻛﺎﭘﺎﺗﯩﻐﺎ ﺋﯧﺮﯨﺸﻜﻪﻥ.
ﻛﯩﻨﻮ «ﮔﺎﺗﺎﻛﺎ»ﺩﺍ ﺋﯘ ﺑﯩﺮ ﻣﺎﺷﯩﻨﺎ ﯞﻩﻗﻪﺳﻰ ﺳﻪﯞﻩﺑﯩﺪﯨﻦ ﻣﯧﻴﯩﭗ ﺑﻮﻟﯘﭖ ﻗﺎﻟﻐﺎﻥ ﺳﯘ ﺋﯜﺯﯛﺵ ﭼﯧﻤﭙﯩﻴﻮﻧﯩﻨﯩﯔ ﺭﻭﻟﯩﻨﻰ ﺋﺎﻟﻐﺎﻥ ﺑﻮﻟﯘﭖ، ﺋﯘﺯﯗﻥ ﻳﯩﻠﻠﯩﻖ ﺳﻪﮪﻨﻪ ﺗﯩﻴﺎﺗﯩﺮ ﺗﻪﺟﯩﺮﺳﯩﮕﻪ ﺗﺎﻳﯩﻨﯩﭗ ﻛﯚﭘﯩﻨﭽﻪ ﭼﯩﺮﺍﻱ ﺋﯩﭙﺎﺩﯨﺴﯩﮕﻪ ﺗﺎﻳﯩﻨﯩﭙﻼ ﮪﯧﺴﺴﯩﻴﺎﺗﻨﻰ ﺋﯩﭙﺎﺩﯨﻠﻪﻳﺪﯨﻐﺎﻥ ﻗﯩﻴﯩﻦ ﺭﻭﻟﻨﯩﻤﯘ ﯞﺍﻳﯩﻐﺎ ﻳﻪﺗﻜﯜﺯﯛﭖ ﺋﻮﺭﯗﻧﺪﺍﭖ، ﻧﯘﺭﻏﯘﻥ ﻛﯚﺭﯛﺭﻣﻪﻧﻠﻪﺭﻧﯩﯔ ﺋﯧﺘﺮﺍﭖ ﻗﯩﻠﯩﺸﯩﻐﺎ ﺋﯧﺮﯨﺸﻜﻪﻥ. ﺋﯘ ﯞﺍﻗﯩﺘﺘﺎ ﻛﯚﺭﯛﺭﻣﻪﻧﻠﻪﺭ ﺋﯘﻧﯩﯔ ﺭﻭﻝ ﺋﯧﻠﯩﺶ ﻣﺎﮪﺎﺭﯨﺘﻰ، ﺋﯧﻨﯩﻘﺮﺍﻗﻰ ﺋﯘﻧﯩﯔ ﺋﺎﺷﯘ ﻛﯧﻠﯩﺸﻜﻪﻥ ﭼﯩﺮﺍﻳﯩﻨﻰ ﺋﯧﺴﯩﺪﻩ ﺗﯘﺗﯘﺷﻘﺎﻧﯩﺪﻯ.
ﺑﯘ ﻣﻪﺯﮔﯩﻠﺪﯨﻜﻰ ﺟﯘﺩ ﻟﻮ ﻧﯘﺭﻏﯘﻥ ﺋﺎﻳﺎﻟﻼﺭﻧﯩﯔ ﻧﻪﺯﯨﺮﯨﺪﯨﻜﻰ ﺋﺎﻕ ﺋﺎﺗﻠﯩﻖ ﺷﺎﮪﺰﺍﺩﻩ ﺋﯩﺪﻯ. ﻧﯘﺭﻏﯘﻥ ﻛﯩﺸﯩﻠﻪﺭ ﻛﯩﻨﻮﻻﺭﺩﺍ ﭘﻪﻗﻪﺕ ﺋﯘﻧﯩﯔ ﺋﺎﺷﯘ ﻛﻪﻡ-ﻛﯜﺗﺴﯩﯩﺰ ﮔﯜﺯﻩﻝ ﭼﯩﺮﺍﻳﯩﺪﯨﻦ ﻣﯧﮭﺮﯨﻨﻰ ﺋﯜﺯﻩﻟﻤﯩﮕﻪﭼﻜﻪ ﺋﯘ ﺑﻪﺯﯨﺪﻩ ﺋﯚﺯﯨﻤﯘ ﭼﺎﻗﭽﺎﻕ ﻗﯩﻠﯩﭗ:«ﻧﯘﺭﻏﯘﻥ ﻛﯩﺸﯩﻠﻪﺭ ﺋﺎﺩﻩﻡ ﻛﯧﻠﯩﺸﻜﻪﻥ ﺑﻮﻟﺴﯩﻼ ﮪﻪﻣﻤﻪ ﺋﯩﺸﻼﺭ ﺋﺎﺳﺎﻥ ﺑﻮﻟﯩﺪﯗ ﺩﻩﭖ ﻗﺎﺭﺍﻳﺪﯗ. ﺭﺍﺳﺖ، ﮪﻪﻗﯩﻘﻪﺗﻪﻥ ﺋﺎﺳﺎﻥ ﺑﻮﻟﯩﺪﯗ. ﻗﺎﻧﺪﺍﻕ ﺭﻭﻝ ﺋﯧﻠﯩﺸﻨﻰ ﺑﯩﻠﯩﺸﯩﻤﻨﯩﯔ ﮪﺎﺟﯩﺘﻰ ﻳﻮﻕ، ﺑﺎﺷﻘﯩﻼﺭﻏﺎ ﻛﻪﯓ ﻗﻮﺭﺳﺎﻕ ﺑﻮﻟﻤﯩﺴﺎﻣﻤﯘ ﺑﻮﻟﯩﺪﯗ، ﺋﻪﻗﯩﻠﻠﯩﻖ، ﺋﺎﻗﻜﯚﯕﯜﻝ ﺑﻮﻟﯘﭖ ﻛﯧﺘﯩﺸﯩﻤﻨﯩﯖﻤﯘ ﮪﺎﺟﯩﺘﻰ ﻳﻮﻕ» ﺩﻩﭖ ﻗﻮﻳﺎﺗﺘﻰ. 25 ﻳﺎﺷﻠﯩﻖ ﺟﯘﺩ ﻻ ﺋﯚﺯﯨﻨﯩﯔ ﻣﯘﺷﯘ ﮪﯚﺳﻨﻰ ﯞﻩ ﻗﻪﺩﺩﻯ-ﻗﺎﻣﯩﺘﻰ ﺑﯩﻠﻪﻥ ﺋﻪﺳﻠﯩﺪﻩ ﺋﯚﺯﯨﮕﻪ ﺋﺎﻧﭽﻪ ﻗﺎﺗﺘﯩﻖ ﺗﻪﻟﻪﭖ ﻗﻮﻳﯘﭖ ﻛﻪﺗﻤﯩﺴﯩﻤﯘ ﺑﻮﻻﺗﺘﻰ.
2004-ﻳﯩﻠﻰ ﺋﺎﻣﯧﺮﯨﻜﺎ «ﺷﻪﺧﺲ» ﮪﻪﭘﺘﯩﻠﯩﻚ ﮊﯗﺭﻧﯩﻠﯩﺪﺍ ﺋﯘ «ﺩﯗﻧﻴﺎﺩﯨﻜﻰ ﺋﻪﯓ ﺗﻪﻧﻨﺎﺯ ﺋﻪﺭ» ﺩﻩﭖ ﺑﺎﮪﺎﻻﻧﺪﻯ.
2001-ﻳﯩﻠﻰ ﺋﻪﻧﮕﯩﻠﯩﻴﻪ «ﺗﻪﻧﻨﺎﺯ» ﮊﯗﺭﻧﯩﻠﯩﺪﺍ ﺋﯘ«ﺩﯗﻧﻴﺎﺩﯨﻜﻰ ﺋﻪﯓ ﺗﻪﻧﻨﺎﺯ 10 ﺋﻪﺭ»ﻧﯩﯔ ﺑﯩﺮﻯ ﺩﻩﭖ ﺑﺎﮪﺎﻻﻧﺪﻯ.
2000-ﻳﯩﻠﻰ «ﺷﻪﺧﺲ» ﮪﻪﭘﺘﯩﻠﯩﻚ ﮊﯗﺭﻧﯩﻠﯩﺪﺍ ﺋﯘ «ﺩﯗﻧﻴﺎﺩﯨﻜﻰ ﺋﻪﯓ ﻛﯧﻠﯩﺸﻜﻪﻥ50 ﺋﻪﺭ»ﻧﯩﯔ ﺑﯩﺮﻯ ﺩﻩﭖ ﺑﺎﮪﺎﻻﻧﺪﻯ.
ﺑﯩﺮﺍﻕ ﺋﯘ ﺑﯘﻧﯩﯖﻠﯩﻖ ﺑﯩﻠﻪﻧﻼ ﻗﺎﻧﺎﺋﻪﺗﻠﯩﻨﯩﭗ ﻗﺎﻟﻤﯩﺪﻯ. ﺋﯘ ﺑﺎﺷﻘﯩﻼﺭﻧﯩﯔ ﺋﯚﺯﯨﻨﯩﯔ ﭼﯩﺮﺍﻳﻰ ﺗﻮﻏﺮﯨﺴﯩﺪﯨﻜﻰ ﺑﺎﮪﺎﻟﯩﺮﯨﻨﻰ ﺋﯘﻧﺘﯘﭖ، ﺑﺎﺭ ﻛﯜﭼﻰ ﺑﯩﻠﻪﻥ ﺭﻭﻝ ﺋﯧﻠﯩﺶ ﻣﺎﮪﺎﺭﯨﺘﯩﻨﻰ ﺋﯚﺳﺘﯜﺭﯛﺷﻜﻪ ﺗﯩﺮﯨﺸﺘﻰ.
ﺟﯘﺩ ﻟﻮ ﻛﯩﻨﻮﻻﺭﺩﺍ ﺋﯚﺯﯨﻨﯩﯔ ﭼﯩﺮﺍﻳﻰ ﺑﯩﻠﻪﻥ ﺋﻪﻣﻪﺱ ﺑﻪﻟﻜﻰ ﻗﺎﺑﯩﻞ ﺭﻭﻝ ﺋﯧﻠﯩﺶ ﻣﺎﮪﺎﺭﯨﺘﻰ ﺑﯩﻠﻪﻥ ﻛﯩﺸﯩﻠﻪﺭ ﻗﻪﻟﺒﯩﺪﯨﻦ ﺋﻮﺭﯗﻥ ﺋﯧﻠﯩﺸﻨﻰ ﺑﻪﻛﺮﻩﻙ ﺧﺎﻻﻳﺘﺘﻰ، ﺷﯘﯕﺎ ﺋﯘ «ﺗﺎﻻﻧﺘﻠﯩﻖ ﻳﯩﮕﯩﺖ ﺭﯨﭙﻠﯧﻲ»ﻧﻰ ﺳﯜﺭﻩﺗﻜﻪ ﺋﯧﻠﯩﯟﺍﺗﻘﺎﻧﺪﺍ ﺑﻪﻛﻼ ﻣﯘﻛﻪﻣﻤﻪﻟﻠﯩﻜﻨﻰ ﻗﻮﻏﻠﯩﺸﯩﭗ، ﻛﯩﻨﻮ ﯞﻩﻗﻪﻟﯩﻜﯩﮕﻪ ﺑﻪﻛﻼ ﻛﯩﺮﯨﺸﯩﭗ ﻛﻪﺗﻜﻪﻧﻠﯩﻜﺘﯩﻦ ﺋﯚﺯﯨﻨﻰ ﻗﺎﺗﺘﯩﻖ ﻳﺎﺭﯨﻼﻧﺪﯗﺭﯨﯟﺍﻟﺪﻯ.
2003-ﻳﯩﻠﻰ ﻛﯩﻨﻮ «ﺯﯦﻤﯩﺴﺘﺎﻧﺪﯨﻜﻰ ﻣﯘﮪﻪﺑﺒﻪﺕ» (冷山) ﺑﯩﻠﻪﻥ 61-ﻧﯚﯞﻩﺗﻠﯩﻚ ﺋﺎﻟﺘﯘﻥ ﺷﺎﺭ ﻣﯘﻛﺎﭘﺎﺗﯩﻨﯩﯔ ﺋﻪﯓ ﻳﺎﺧﺸﻰ ﺋﻪﺭ ﺑﺎﺵ ﺭﻭﻟﭽﻰ ﻧﺎﻣﺰﺍﺗﻠﯩﻘﯩﻐﺎ ﻛﯚﺭﺳﯩﺘﯩﻠﺪﻯ، ﺷﯘﻧﺪﺍﻗﻼ 67-ﻧﯚﯞﻩﺗﻠﯩﻚ ﺋﻮﺳﻜﺎﺭ ﺋﺎﻟﺘﯘﻥ ﮪﻪﻳﻜﻪﻝ ﻣﯘﻛﺎﭘﺎﺗﯩﻨﯩﯔ ﺋﻪﯓ ﻳﺎﺧﺸﻰ ﺋﻪﺭ ﺑﺎﺵ ﺭﻭﻟﭽﻰ ﻧﺎﻣﺰﺍﺗﻠﯩﻘﯩﻐﺎ ﻛﯚﺭﺳﯩﺘﯩﻠﺪﻯ. ﮔﻪﺭﭼﻪ ﺋﺎﺷﯘ ﻗﯧﺘﯩﻤﺪﺍ ﭘﻪﻗﻪﺕ ﺋﯩﺴﻤﻰ ﺋﺎﺗﯩﻠﯩﭗ ﻧﺎﻣﺰﺍﺗﻠﯩﻘﻘﺎ ﻛﯚﺭﺳﯩﺘﯩﻠﮕﻪﻥ ﺑﻮﻟﺴﯩﻤﯘ، ﺑﯩﺮﺍﻕ ﺑﯘ ﺋﯘﻧﯩﯔ ﺭﻭﻝ ﺋﯧﻠﯩﺶ ﻣﺎﮪﺎﺭﯨﺘﯩﮕﻪ ﺑﯧﺮﯨﻠﮕﻪﻥ ﺋﻪﯓ ﻳﯘﻗﯩﺮﻯ ﻣﯘﺋﻪﻳﻴﻪﻧﻠﻪﺷﺘﯜﺭﯛﺵ ﺋﯩﺪﻯ.
2009-ﻳﯩﻠﻰ 37 ﻳﺎﺷﻠﯩﻖ ﺟﯘﺩ ﻟﻮ «ﭘﻮﻻﺕ ﭘﺎﻟﯟﺍﻥ» ﺭﻭﺑﯧﺮﺕ ﺩﻭﯞﻧﯧﻲ ﺑﯩﻠﻪﻥ ﻛﯩﻨﻮ «ﻛﺎﺗﺘﺎ ﺭﺍﺯﯞﯦﺪﭼﯩﻚ ﮪﻮﻟﻤﯧﺲ» (大侦探福尔摩斯)ﺗﺎ ﮪﻪﻣﻜﺎﺭﻻﺷﺘﻰ ﯞﻩ ﯞﺍﺗﺴﻮﻧﻨﯩﯔ ﺭﻭﻟﯩﻨﻰ ﺋﺎﻟﺪﻯ. 2011-ﻳﯩﻠﻰ ﻛﺎﻧﻨﯧﺲ ﻛﯩﻨﻮ ﺑﺎﻳﺮﯨﻤﯩﺪﺍ ﺑﺎﮪﺎﻟﯩﻐﯘﭼﯩﻠﯩﻚ ﯞﻩﺯﯨﭙﯩﺴﯩﻨﻰ ﺋﯜﺳﺘﯩﮕﻪ ﺋﺎﻟﺪﻯ.
2019-ﻳﯩﻠﻰ ﻗﻮﻳﯘﻟﻐﺎﻥ «ﻣﺎﺭﯞﯦﻞ ﻛﺎﭘﯩﺘﺎﻧﻰ» (惊奇队长)ﺩﺍ ﺋﯘ ﺳﻪﻟﺒﯩﻲ ﭘﯧﺮﺳﻮﻧﺎﮊ ﮪﻪﺭﺑﯩﻲ ﻗﻮﻣﺎﻧﺪﺍﻥ ﺭﻭﻥ ﻳﻮﮔﻨﯩﯔ ﺭﻭﻟﯩﻨﻰ ﺋﺎﻟﺪﻯ.
ﺑﯘ ﻛﯧﻠﯩﺸﻜﻪﻥ ﭼﻮﻟﭙﺎﻧﻨﯩﯔ ﻛﯩﻨﻮ ﺳﺎﮪﻪﺳﯩﺪﯨﻜﻰ ﺋﯘﺗﯘﻗﻠﯩﺮﯨﺪﯨﻦ ﺑﺎﺷﻘﺎ ﻳﻪﻧﻪ ﺋﯘﻧﯩﯔ ﺷﻪﺧﺴﯩﻲ ﺗﯘﺭﻣﯘﺷﯩﻐﯩﻤﯘ ﻗﯩﺰﯨﻘﯩﯟﺍﺗﯩﺴﯩﻠﻪﺭﻏﯘ ﺩﻩﻳﻤﻪﻥ.
ﺑﯘ ﻛﯧﻠﯩﺸﻜﻪﻥ ﭼﻮﻟﭙﺎﻥ ﻛﯩﻨﻮ-ﺗﯩﻴﺎﺗﯩﺮﭼﯩﻠﯩﻖ ﺳﺎﮪﻪﺳﯩﺪﻩ ﺋﻪﻣﺪﯨﻼ ﻛﯚﺯﮔﻪ ﻛﯚﺭﯛﻧﯜﭖ ﺗﯘﺭﻏﺎﻥ ﺋﺎﺷﯘ ﻣﻪﺯﮔﯩﻠﯩﺪﻩ 24 ﻳﺎﺷﻘﺎ ﻛﯩﺮﻣﻪﻳﻼ ﺩﺍﺩﺍ ﺑﻮﻟﻐﺎﻧﯩﺪﻯ. ﻧﯘﺭﻏﯘﻥ ﺋﺎﺭﺗﯩﺴﻼﺭ ﻛﻪﺳﭙﯩﻲ ﮪﺎﻳﺎﺗﯩﺪﺍ ﺋﯘﺗﯘﻕ ﻗﺎﺯﯨﻨﯩﺸﻘﺎ ﺑﺎﺷﻠﯩﻐﺎﻥ ﺑﯘﻧﺪﺍﻕ ﻣﻪﺯﮔﯩﻠﺪﻩ ﺑﻪﻟﻜﯩﻢ ﭘﯜﺗﯜﻥ ﺋﻪﺳﻴﺎﺩﯨﻨﻰ ﺧﯩﺰﻣﻪﺗﻜﻪ ﻗﺎﺭﯨﺘﯩﺸﻰ ﻣﯘﻣﻜﯩﻦ، ﻟﯧﻜﯩﻦ ﺟﯘﺩ ﻟﻮ ﺑﺎﻟﯩﺴﻰ ﺗﯘﻏﯘﻟﻐﺎﻧﺪﯨﻦ ﻛﯧﻴﯩﻦ ﻛﯚﭘﯩﻨﭽﻪ ﯞﺍﻗﺘﯩﻨﻰ ﺑﺎﻟﯩﺴﻐﺎ ﺑﻪﺭﺩﻯ. ﺋﯘ ﯞﺍﻗﯩﺘﺘﺎ ﺋﯘ ﺑﯩﺮ ﻳﯩﻠﺪﺍ ﭘﻪﻗﻪﺕ ﺑﯩﺮﻻ ﻛﯩﻨﻮﺩﺍ ﺭﻭﻝ ﺋﺎﻻﺗﺘﻰ. ﺟﯘﺩ ﻟﻮ ﺋﺎﻳﺎﻟﻰ ﺑﯩﻠﻪﻥ ﻛﯩﻨﻮ ﺳﯜﺭﻩﺗﻜﻪ ﺋﯧﻠﯩﺶ ﻣﻪﻳﺪﺍﻧﯩﺪﺍ ﺗﻮﻧﯘﺷﻘﺎﻥ ﺑﻮﻟﯘﭖ، ﺋﯚﺯﯨﺪﯨﻦ ﻳﻪﺗﺘﻪ ﻳﺎﺵ ﭼﻮﯓ ﺋﯩﺪﻯ. ﺋﯩﻜﻜﯩﻴﻠﻪﻥ ﻣﯘﮪﻪﺑﺒﻪﺗﻠﯩﺸﯩﯟﺍﺗﻘﺎﻥ ﻣﻪﺯﮔﯩﻠﺪﻩ ﻣﯘﻧﺎﺳﯩﯟﯨﺘﯩﻨﻰ ﺑﺎﺷﻘﯩﻼﺭﺩﯨﻦ ﻳﻮﺷﯘﺭﯗﭖ ﺋﻮﻟﺘﯘﺭﻣﯩﺪﻯ. 1996-ﻳﯩﻠﻰ ﺋﯘﻻﺭﻧﯩﯔ ﭼﻮﯓ ﺋﻮﻏﻠﻰ ﺭﺍﻓﯩﺮﺗﻰ ﺗﯘﻏﯘﻟﺪﻯ. 2000-ﻳﯩﻠﻰ ﯞﻩ 2002-ﻳﯩﻠﻰ ﺋﯘﻻﺭﻧﯩﯔ ﻗﯩﺰﻯ ﺋﺎﻳﺮﯨﺲ ﯞﻩ ﻛﯩﭽﯩﻚ ﺋﻮﻏﻠﻰ ﺭﯗﺩﯨﻲ ﺗﯘﻏﯘﻟﺪﻯ.
ﺋﯘﻧﯩﯔ ﺑﺎﻟﯩﻠﯩﺮﻯ ﺗﯘﻏﯘﻟﻐﺎﻥ ﯞﺍﻗﯩﺖ ﺩﻩﻝ ﺋﯘﻧﯩﯔ ﺳﻪﻧﺌﻪﺕ ﺳﺎﮪﻪﺳﯩﺪﻩ ﺗﺎﺯﺍ ﺗﻮﻧﯘﻟﯘﯞﺍﺗﻘﺎﻥ ﻣﻪﺯﮔﯩﻠﻰ ﺋﯩﺪﻯ، ﻟﯧﻜﯩﻦ ﻛﯩﺸﯩﻠﻪﺭ ﺩﺍﺋﯩﻢ ﺋﯘﻧﯩﯔ ﺑﺎﻟﯩﻠﯩﺮﻯ ﺑﯩﻠﻪﻥ ﺳﺎﻗﺎﻟﻠﯩﺮﻯ ﺋﯚﺳﯜﻙ، ﻛﯩﻴﯩﻤﻠﯩﺮﻯ ﺭﻩﺗﺴﯩﺰ ﮪﺎﻟﻪﺗﺘﻪ ﺋﺎﻳﻠﯩﻨﯩﭗ ﻳﯜﺭﮔﻪﻥ ﮪﺎﻟﯩﺘﯩﻨﻰ ﺳﯜﺭﻩﺗﻜﻪ ﺗﺎﺭﺗﯩﯟﺍﻻﺗﺘﻰ.
ﺋﯘ ﻛﯚﭘﯩﻨﭽﻪ ﯞﺍﻗﺘﯩﻨﻰ ﺑﺎﻟﯩﻠﯩﺮﯨﻨﻰ ﺑﯧﻘﯩﺸﻘﺎ ﻗﺎﺭﯨﺘﯩﭗ، ﻳﯩﻠﺪﺍ ﭘﻪﻗﻪﺕ ﺑﯩﺮ ﻛﯩﻨﻮ ﺋﯩﺸﻠﯩﺴﯩﻤﯘ ﺋﯘﻧﯩﯔ ﺋﯩﺸﻠﯩﮕﻪﻥ ﮪﻪﺭﺑﯩﺮ ﻛﯩﻨﻮﺳﯩﻨﯩﯔ ﺑﯧﻠﻪﺕ ﻛﯩﺮﯨﻤﻰ ﺷﯘﻧﭽﯩﻠﯩﻚ ﻳﺎﺧﺸﻰ ﺑﻮﻻﺗﺘﻰ، ﺷﯘﯕﺎ ﺋﯘﻧﯩﯔ ﮪﻪﺭﺑﯩﺮ ﻛﯩﻨﻮﺩﯨﻦ ﺋﯧﺮﯨﺸﯩﺪﯨﻐﺎﻥ ﮪﻪﻗﻘﻰ ﻧﻪﭼﭽﻪ ﺋﻮﻥ ﻣﯩﻠﻴﻮﻥ ﺩﻭﻟﻼﺭﻏﺎ ﻳﯧﺘﻪﺗﺘﻰ. ﻳﯧﺘﯩﭗ ﺧﻪﺟﻠﯩﺴﯩﻤﯘ ﻳﻪﺗﻜﯜﺩﻩﻙ ﭘﯘﻟﻰ ﺑﻮﻟﻐﺎﭼﻘﺎ ﺋﯘ ﻛﯚﭖ ﯞﺍﻗﺘﯩﻨﻰ ﺑﺎﻟﯩﻠﯩﺮﯨﻐﺎ ﺋﺎﺗﯩﺪﻯ. ﻟﯧﻜﯩﻦ ﻛﯩﭽﯩﻚ ﺋﻮﻏﻠﻰ ﺗﯘﻏﯘﻟﯘﭖ ﺋﯘﺯﯗﻥ ﺋﯚﺗﻤﻪﻱ ﺋﺎﻳﺎﻟﻰ ﺑﯩﻠﻪﻥ ﺋﻮﺗﺘﯘﺭﺳﯩﺪﺍ ﺋﯩﺨﺘﯩﻼﭖ ﻛﯚﺭﯛﻟﯜﭖ ﺋﺎﺟﺮﯨﺸﯩﭗ ﻛﻪﺗﺘﻰ.
ﺑﻮﻳﺘﺎﻗﻠﯩﻘﻘﺎ ﻗﺎﻳﺘﻘﺎﻥ ﺟﯘﺩ ﻟﻮ ﻛﯧﻴﯩﻦ ﻳﯧﯖﻰ ﻛﯩﻨﻮﻧﻰ ﺳﯜﺭﻩﺗﻜﻪ ﺋﯧﻠﯩﺶ ﺟﻪﺭﻳﺎﻧﯩﺪﺍ ﺳﯧﻨﻨﺎ ﻣﯩﻠﻠﯧﺮ ﺑﯩﻠﻪﻥ ﻳﺎﺧﺸﻰ ﻛﯚﺭﯛﺷﯜﭖ ﻗﺎﻟﺪﻯ ﮪﻪﻣﺪﻩ 2004-ﻳﯩﻠﻰ ﺗﻮﻱ ﻗﯩﻠﯩﺸﻘﺎ ﭘﯜﺗﯜﺷﺘﻰ. ﻟﯧﻜﯩﻦ ﺋﯩﻜﻜﯩﻨﭽﻰ ﻳﯩﻠﻰ ﺟﯘﺩ ﻟﻮ ﺋﯚﻳﯩﺪﯨﻜﻰ ﺑﺎﻻ ﺑﺎﻗﻘﯘﭼﻰ ﺑﯩﻠﻪﻥ ﺋﺎﺷﻨﯩﺪﺍﺭﭼﯩﻠﯩﻖ ﻗﯩﻠﻐﺎﻧﻠﯩﻘﻰ ﺗﯜﭘﻪﻳﻠﻰ ﺑﯘ ﺗﻮﻱ ﺳﯘﻏﺎ ﭼﯩﻼﺷﺘﻰ. ﺋﺎﺟﺮﯨﺸﯩﺶ، ﺗﻮﻳﻐﺎ ﭘﯜﺗﯜﺷﯜﺵ، ﺗﻮﻳﻨﻰ ﺑﯩﻜﺎﺭ ﻗﯩﻠﯩﺶ ﻗﺎﺗﺎﺭﻟﯩﻖ ﺑﯩﺮ ﻗﺎﺗﺎﺭ ﺗﯧﻠﯧﯟﯨﺰﯨﻴﻪ ﺗﯩﻴﺎﺗﯩﺮﻟﯩﺮﯨﺪﯨﻼ ﻛﯚﭖ ﺋﯘﭼﺮﺍﻳﺪﯨﻐﺎﻥ ﺋﺎﺟﺎﻳﯩﭗ ﺳﻪﺭﮔﯜﺯﻩﺷﺘﯩﻠﻪﺭﻧﻰ ﺑﺎﺷﺘﯩﻦ ﻛﻪﭼﯜﺭﮔﻪﻧﺪﯨﻦ ﻛﯧﻴﯩﻦ ﺋﯘ ﺋﯚﺯﯨﻨﻰ ﺑﯩﺮﺍﻗﻼ ﻗﻮﻳﯘﯞﻩﺗﺘﻰ، ﺷﯘﻧﯩﯖﺪﯨﻦ ﻛﯧﻴﯩﻦ ﺋﯘ ﮪﻪﺭﺳﺎﮪﻪ، ﮪﻪﺭ ﻛﻪﺳﯩﭙﺘﯩﻜﻰ ﺋﺎﻳﺎﻟﻼﺭ ﺑﯩﻠﻪﻥ ﻳﯜﺭﯛﭖ ﺑﺎﻗﺘﻰ.
2009-ﻳﯩﻠﻰ ﺟﯘﺩ ﻟﻮ ﻣﻮﺩﯦﻞ ﺳﺎﻣﺎﻧﺴﺎ ﺑﺮﯗﻙ ﺑﯩﻠﻪﻥ ﻳﯜﺭﯛﯞﺍﺗﻘﺎﻥ ﻣﻪﺯﮔﯩﻠﺪﻩ ﻣﯘﺷﯘ ﻣﻮﺩﯦﻠﺪﯨﻦ ﻗﯩﺰﻯ ﺳﻮﻓﯩﻴﺎ ﺗﯘﻏﯘﻟﺪﻯ، ﺑﻪﺵ ﻳﯩﻠﺪﯨﻦ ﻛﯧﻴﯩﻦ ﻳﻪﻧﻪ ﺑﯩﺮ ﻗﯩﺰ ﺩﻭﺳﺘﯩﺪﯨﻦ ﺋﻪﯓ ﻛﯩﭽﯩﻚ ﻗﯩﺰﻯ ﺋﻪﺩﺍ ﺗﯘﻏﯘﻟﺪﻯ.
ﺟﯘﺩ ﻟﻮ ﺧﻮﺷﺎﻟﻠﯩﻖ ﺑﯩﻠﻪﻥ ﮪﻪﺭﺑﯩﺮ ﺑﺎﻟﯩﺴﯩﻨﯩﯔ ﮪﺎﻟﯩﺪﯨﻦ ﺋﻮﺑﺪﺍﻥ ﺧﻪﯞﻩﺭ ﺋﺎﻟﺪﻯ، ﺋﺎﻟﺪﯨﻨﻘﻰ ﺋﺎﻳﺎﻟﯩﺪﯨﻦ ﺑﻮﻟﻐﺎﻥ ﺋﯜﭺ ﺑﺎﻟﯩﺴﯩﻨﯩﯔ ﺩﺍﺩﯨﺴﻰ ﯞﻩ ﺋﯩﻜﻜﻰ ﺋﯚﮔﻪﻱ ﺳﯩﯖﻠﯩﺴﻰ ﺑﯩﻠﻪﻥ ﺑﻮﻟﻐﺎﻥ ﻣﯘﻧﺎﺳﯩﯟﯨﺘﯩﻤﯘ ﺋﯩﻨﺘﺎﻳﯩﻦ ﻳﺎﺧﺸﻰ ﺋﯩﺪﻯ.
ﺟﯘﺩ ﻟﻮﻧﯩﯔ ﭼﻮﯓ ﺋﻮﻏﻠﻰ ﯞﻩ ﭼﻮﯓ ﻗﯩﺰﻯ
ﺋﯚﺗﻜﻪﻥ ﮪﻪﭘﺘﻪ ﺟﯘﺩ ﻟﻮﻧﯩﯔ ﻗﯩﺰﻯ ﺩﺍﺩﯨﺴﯩﻨﯩﯔ 48 ﻳﺎﺷﻠﯩﻖ ﺗﯘﻏﯘﻟﻐﺎﻥ ﻛﯜﻧﯩﻨﻰ ﺗﻪﺑﺮﯨﻜﻠﯩﺪﻯ. ﮪﺎﺯﯨﺮ ﺟﯘﺩ ﻟﻮﻧﯩﯔ ﭼﻮﯓ ﺋﻮﻏﻠﯩﻤﯘ ﺳﻪﻧﺌﻪﺕ ﺳﺎﮪﻪﺳﯩﮕﻪ ﻛﯩﺮﮔﻪﻥ ﺑﻮﻟﯘﭖ، ﺋﯘ ﻛﯧﻴﯩﻦ ﺳﻪﻧﺌﻪﺕ ﺳﺎﮪﻪﺳﯩﺪﻩ ﺋﯘﺗﯘﻕ ﻗﺎﺯﯨﻨﯩﭗ، ﺩﺍﺩﯨﺴﯩﺪﻩﻙ ﻣﯘﻧﻪﯞﯞﻩﺭ ﺋﺎﺭﺗﯩﺲ ﺑﻮﻻﻻﻣﺪﯗ-ﻳﻮﻕ؟ ﺑﯘﻧﯩﯖﻐﺎ ﯞﺍﻗﯩﺖ ﺟﺎﯞﺍﺏ ﺑﯧﺮﯨﺪﯗ.
