ئاشنا مەڭگۈ چىن ئاشىق ئەمەس
ھاجىرە قاسىم
ئاشنا پەرەس بولمىغىن دوستۇم،
سۈرىتىدۇر ئاشنا شەيتاننىڭ.
ئۇنىڭ بىلەن دوست - ئاداش بولۇپ،
بەختى كۈلگەن قايسى ئىنساننىڭ.
ئاشنا دېگەن خەقتىن ئاشقان ئاش،
بىلىپ تۇرۇپ ھەرگىز ئىچمىگىن.
ھارامدۇر ئۇ تاتلىق بولسىمۇ،
ھالاللىقتىن مەڭگۈ كەچمىگىن.
ئاشنا مەڭگۈ چىن ئاشىق ئەمەس،
چىن دېگەنگە چىنپۈتۈپ يۈرمە.
ئۇ ئەسلىدە بىردەملىك ھەۋەس،
مەپتۇن بولۇپ خىياللار سۈرمە.
