سىزنى ياراتمايدىغانلار بۇ ئۈچ خىل سۆزنى كۆپ قىلىدۇ

ھەربىر ئادەمنىڭ ئازدۇر-كۆپتۇر ياراتمايدىغان ئادەملىرى بار، لېكىن كۆپ قىسىم ۋاقىتلاردا، قارشى تەرەپنى ھەرقانچە تۆۋەن كۆرسىمۇ، بۇنى سىرتقا ئىپادىلەپ چىقارمايدۇ.

شۇنىڭ ئۈچۈن، بەزىدە بىز ئۆزىمىزچە "مۇناسىۋىتىمىز ياخشى" دەپ قارايدىغان دوستلىرىمىز، بەلكىم كۆڭۈل قېتىدىن بىزنى ياراتماسلىقى مۇمكىن؛ ئەگەر سىز بۇ خىل كىشىلەرنى داۋاملىق دوست قاتارىدا كۆرسىڭىز، ئۇنداقتا ھامان بىر كۈنى كۆڭلىڭىز ئازار يەپ قېلىشى مۇمكىن.

پىسخولوگىيە نۇقتىسىدىن ئېلىپ ئېيتقاندا، ئەگەر بىر ئادەم سىزگە بۇ گەپلەرنى قىلسا، بۇ ئۇلارنىڭ سىزنى بەك يارىتىپ كەتمەيدىغانلىقىنى بىلدۈرىدۇ.

خۇشياقمىغان ھالدا "خالىغىنىڭىزچە بولسۇن" دېسە

پىسخولوگىيەدە، "ئەرزىمەس ئۈنۈمى" دەپ ئاتىلىدىغان بىر نەزەرىيە بار، يەنى سىز مەلۇم بىر ئىشنى ئەرزىمەيدىغان ھېس قىلغان ۋاقتىڭىزدا، سىزنىڭ يوشۇرۇن ئېڭىڭىز زېھنىنى سەرپ قىلىپ بۇ ئىشنى بىتەرەپ قىلمايدۇ، بۇنىڭدا تەبىئىيلا، بۇ ئىشنى ياخشى قىلغىلى بولمايدۇ.

ئەگەر بىر ئادەم سىزنى ياراتمايدىغان بولۇپ قالسا، ئۇ يوشۇرۇن ئېڭىدا سىز بىلەن ئالاقە قىلىشنى ۋاقىت ۋە زېھنىنى ئىسراپ قىلغانلىق دەپ قارايدۇ. شۇڭا ئۇلار سىرتقى كۆرۈنۈشتە ھەرقانچە يوشۇرغان بىلەنمۇ، ناھايىتى كۆرۈنەرلىك بىر خىل خوشياقماسلىق تۇيغۇسى ئىپادىلىنىپ چىقىدۇ.

دائىم "ئۆزىڭىز خالىغانچە بولسۇن"، "سىز بىر نېمە دەڭ" دېگەنلەرگە ئوخشاش سۆز-ئىبارىلەرنى ئىشلىتىپ، سىزنىڭ قارىشىڭىزغا ئىپادە بىلدۈرۈش خوشياقماسلىق، سىزنىڭ قىزىقىش ھەۋەسلىرىڭىزنى كۆزگە ئىلماسلىق قاتارلىقلارنىڭ ھەممىسى بۇنىڭ كۆرۈنەرلىك ئىپادىسىدۇر.

ئۆزىنى قاچۇرغان ئاساستا "ھازىر ۋاقتىم يوق" دېيىش

ئەگەر سىز بىرەرسىنىڭ ھەمىشە بۇ گەپنى قىلغانلىقىنى بايقىسىڭىز، بۇ ئۇنىڭ راستتىنلا ئالدىراش ئىكەنلىكىنى ئەمەس، بەلكى سىزگە پەرۋا قىلغۇسى كەلمىگەنلىكىنى بىلدۈرىدۇ.

بىز ئۆزىمىز ياقتۇرمايدىغان ئادەمگە يۈزلەنگەن ۋاقتىمىزدا، تەبىئىيلا ئۇنىڭدىن ئۆزىمىزنى قاچۇرىمىز، يېراق تۇرىمىز. "ھازىر ۋاقتىم يوق" دېيىش بولسا، بۇنداق ئەھۋالدىكى ئىنتايىن ياخشى بىر باھانە بولۇپ، ئادەتتىكى كىشىلىك مۇناسىۋەت جەريانىدا ئىنتايىن كۆپ ئۇچرايدۇ.

ئەگەر سىز بىرسىنىڭ ھەمىشە سىزگە "مەن ئالدىراش" دېگەنلىكىنى بايقىسىڭىز، بۇ ئۇنىڭ راستتىنلا ۋاقتى يوقلۇقىدىن ئەمەس، بەلكى سىزنى ياقتۇرمىغانلىقىدىن بولۇشى مۇمكىن."ھازىر نېمە دېدىڭىز" دەپ قايتۇرۇپ سوراش

ئىجتىمائىي ئالاقە جەريانىدا، بۇنداق دېيىش ئىنتايىن ھۆرمەتسىزلىك بولۇپ، سىزنىڭ بايام باشقىلارنىڭ گېپىنى ئەستايىدىل ئاڭلىمىغانلىقىڭىزنى بىلدۈرىدۇ.

ئەگەر بىرەرسى ھەمىشە سىزگە بۇ گەپنى قىلسا، ئۇنداقتا ئۇ ئادەم سىز بىلەن پاراڭلىشىش جەريانىدا، سىزنىڭ سۆزلىگەنلىرىڭىزنى نەزەرگە ئىلىپ قويمىغان بولىدۇ، شۇڭا ئۇ سىزنىڭ گەپلىرىڭىزنى ئەستايىدىل ئاڭلىماي، سىزدىن ئالدىدا نېمە دېگەنلىكىڭىزنى قايتا سورايدۇ.