「中國銀行（香港）百年華誕紀念鈔票慈善珍藏版」由10月20日至11月8日接受競投啦！慈善珍藏版紀念鈔只有388套，全部號碼都經過精心挑選，包括無英文冠字和冠字AA、BC及HK。今次嘅包裝好有特色，每套包裝都配上999足金金頁一張，淨重2克，金頁嘅設計同尺寸與紀念鈔單鈔一樣，不含號碼。靚冧把加埋金頁，絕對值得珍藏！
<< 滑動查看背面 >>
競投收益喺扣除相關成本後，將全部捐贈作本地公益慈善用途。大家除咗有機會投到心水號碼嘅紀念鈔，仲可以做慈善，一舉兩得，唔好錯過機會！
各款慈善珍藏版有不同的底價，任君選擇：
單鈔：
金鑽珍藏版共45套，每套底價港幣10,000元
銀鑽珍藏版共90套，每套底價港幣8,000元
銅鑽珍藏版共114套，每套底價港幣5,000元
三連張：
白金珍藏版共25套，每套底價港幣30,000元
珍珠珍藏版共75套，每套底價港幣20,000元
整版三十連張：
鑽石珍藏版共19套，每套底價港幣60,000元
翡翠珍藏版共20套，每套底價港幣50,000元
有咩靚冧把？
您喺紀念鈔網頁下載或喺中銀香港任何一家分行索取競投表格，就可以睇到啦。競投係價高者得，中銀香港已委託安永會計師事務所（「安永」）作為獨立第三方處理慈善珍藏版紀念鈔競投事宜。
競投小貼士：
1. 您必須喺2017年內滿18歲並持有效香港身份證才可以參加競投。
2. 您想認購多套慈善珍藏版紀念鈔？冇問題！競投唔設數量限制，每張表格可競投多款 (合共七款)慈善珍藏版紀念鈔，但每款只限一套。如果您想喺同一款紀念鈔中競投超過一套，就需要再填寫競投表格啦。
3. 每競投一套慈善珍藏版紀念鈔都要分別附上一張劃線支票/本票，抬頭寫上「中銀香港百年華誕紀念鈔票慈善競投」。仲有要留意支票/本票必須由本地持牌銀行發出，同埋支票必須係投標者本人名下，期票係唔接受嘅。
4. 喺劃線支票/本票嘅背面，您需要寫上您喺香港身份證嘅姓名、身份證號碼、香港聯絡電話號碼、競投嘅紀念鈔款式及號碼。
5. 記住喺11月8日或之前，將填妥及簽署嘅競投表格、劃線支票/本票，以及回郵信封，寄回香港郵政信箱10372號，信封上註明：「中銀香港百年華誕紀念鈔票慈善競投」。投標截止日期係2017年11月8日，如果喺本地投寄競投表格，以香港郵政局郵戳為準；請留意，如果喺外地郵遞，則以我地實際收到嘅日期為準。
安永會喺11月30日或之前，個別通知幸運兒中標結果。您都可以喺11月23日起透過紀念鈔網頁 www.bochk100.com 或查詢熱線（852）3988 2100查詢競投結果。
如果您想知更多，歡迎瀏覽紀念鈔網頁www.bochk100.com或致電查詢（852）3988 2100。